H3N2 or new COVID variant: ಜ್ವರ ಮತ್ತು ಕೆಮ್ಮು ಇದೆಯಾ? ಇದು H3N2 ಅಥವಾ ಕೋವಿಡ್‌ನ ಹೊಸ ಮಾದರಿಯಾ ಎಂದು ತಿಳಿಯವುದು ಹೇಗೆ? ಇಲ್ಲಿದೆ ವಿವರ

ಜ್ವರ, ಶೀತ, ದೇಹ ನೋವು ಅನುಭವಿಸುತ್ತಿರುವಿರಾ? ಸೆಲ್ಫ್‌ ಮಡಿಕೇಶನ್‌ ಮಾಡಿಕೊಳ್ಳುವ ಮೊದಲು ಎಚ್ಚರದಿಂದಿರಿ. ಪ್ರಸ್ತುತ, ಎರಡು ರೀತಿಯ ವೈರಸ್‌ಗಳು ವಾತಾವರಣದಲ್ಲಿವೆ. ಆತಂಕಕಾರಿ ಅಂಶವೆಂದರೆ ಅವುಗಳು ಅಪಾಯಕಾರಿ ರೋಗಲಕ್ಷಣಗಳನ್ನು ಹರಡುತ್ತಿವೆ.

ಮೊದಲನೆಯ ವೈರಸ್‌ ಇನ್ಫ್ಲುಯೆನ್ಸ H3N2 ಮತ್ತು ಎರಡನೆಯದು ಹೊಸ COVID ರೂಪಾಂತರ XBB 1.16.

ವರದಿಗಳ ಪ್ರಕಾರ, ಹೊಸ ರೂಪಾಂತರವು ಮುಂದಿನ ಕರೋನವೈರಸ್ ತರಂಗವನ್ನು ಉಂಟುಮಾಡುವ ಸಾಧ್ಯತೆಯಿದೆ. ಈಗ, ನಮಗೆ ಯಾವ ಸೋಂಕು ಇದೆ ಎಂದು ಖಚಿತಪಡಿಸಿಕೊಳ್ಳದೆ ನಾವು ತಪ್ಪಾದ ಔಷಧವನ್ನು ಸೇವಿಸಿದರೆ ಅದು ಮಾರಣಾಂತಿಕವಾಗಬಹುದು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

H3N2 ಮತ್ತು ಹೊಸ COVID ರೂಪಾಂತರ XBB 1.16 ಕುರಿತು ನೀವು ತಿಳಿದುಕೊಳ್ಳಬೇಕಾದ ಮಾಹಿತಿ ಇಲ್ಲಿದೆ. ಇದು ರೋಗಲಕ್ಷಣಗಳು ಮತ್ತು ನೀವು ಯಾವ ರೋಗವನ್ನು ಹೊಂದಿದ್ದೀರಿ ಎಂಬುದನ್ನು ಗುರುತಿಸಲು ಉತ್ತಮ ಮಾರ್ಗವಾಗಿದೆ.

H3N2 ನ ಪ್ರಮುಖ ಲಕ್ಷಣಗಳೇನು?

H3N2 ಸಬ್‌ಟೈಪ್‌ನ ಲಕ್ಷಣಗಳಲ್ಲಿ ಜ್ವರ, ಕೆಮ್ಮು, ಉಸಿರಾಟದ ತೊಂದರೆ, ಉಬ್ಬಸ ಮತ್ತು ನ್ಯುಮೋನಿಯಾದ ವೈದ್ಯಕೀಯ ಲಕ್ಷಣಗಳನ್ನು ಕಾಣಬಹುದು. H3N2 ನೊಂದಿಗೆ ಆಸ್ಪತ್ರೆಗೆ ದಾಖಲಾದ SARI ರೋಗಿಗಳ ಪೈಕಿ 92% ಜನ ಜ್ವರದಿಂದ ಬಳಲುತ್ತಿದ್ದಾರೆ, 86% ಜನ ಕೆಮ್ಮಿನಿಂದ ಮತ್ತು 27% ಜನ ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದಾರೆ ಎಂದು ಐಸಿಎಂಆರ್‌ ವರದಿ ಮಾಡಿದೆ. ಕೆಲವು ಸಂದರ್ಭಗಳಲ್ಲಿ, ರೋಗಿಗಳಿಗೆ ಆಮ್ಲಜನಕ ಅಥವಾ ಐಸಿಯು ಆರೈಕೆಯ ಅಗತ್ಯವಿರುತ್ತದೆ..

• ಜ್ವರ
• ಪಟ್ಟುಬಿಡದ ಕೆಮ್ಮು
• ಉಸಿರಾಟದ ತೊಂದರೆ
• ಉಬ್ಬಸ
• ನ್ಯುಮೋನಿಯಾದ ಕ್ಲಿನಿಕಲ್ ಗುಣಲಕ್ಷಣಗಳು

ಇದು ಸಾಮಾನ್ಯ ವೈದ್ಯಕೀಯ ಪರಿಸ್ಥಿತಿಗಳೊಂದಿಗೆ ಇರುವ ಜನರ ಮೇಲೆ ಪರಿಣಾಮ ಬೀರುತ್ತದೆ ಎಂದು ತಜ್ಞರು ಎಚ್ಚರಿಸಿದ್ದಾರೆ. ಇಲ್ಲಿಯವರೆಗೆ, ಭಾರತದಲ್ಲಿ ಎರಡು ಸಾವುಗಳು ವರದಿಯಾಗಿವೆ, ಇಬ್ಬರೂ ರೋಗಿಗಳು ಮಧುಮೇಹ, ಅಧಿಕ ರಕ್ತದೊತ್ತಡ ಮತ್ತು ಶ್ವಾಸಕೋಶದ ಕ್ಯಾನ್ಸರ್‌ನಂತಹ ಕೊಮೊರ್ಬಿಡಿಟಿಗಳನ್ನು ಹೊಂದಿದ್ದರು.

ಕೋವಿಡ್ XBB 1.16 ನ ಸಾಮಾನ್ಯ ಲಕ್ಷಣಗಳೇನು?

ಸದ್ಯಕ್ಕೆ, ಕೋವಿಡ್ XBB 1.16 ಮತ್ತು XBB 1.15 ರೋಗಲಕ್ಷಣಗಳ ನಡುವೆ ಯಾವುದೇ ವ್ಯತ್ಯಾಸವಿಲ್ಲ. ಈ ರೂಪಾಂತರದ ಲಕ್ಷಣಗಳು ಜ್ವರ, ನೋಯುತ್ತಿರುವ ಗಂಟಲು, ಶೀತ, ತಲೆನೋವು, ದೇಹದ ನೋವು ಮತ್ತು ಆಯಾಸವನ್ನು ಒಳಗೊಂಡಿರುತ್ತದೆ. ಇದು ನಿಮ್ಮ ಜೀರ್ಣಾಂಗ ವ್ಯವಸ್ಥೆ ಮತ್ತು ಉಸಿರಾಟದ ವ್ಯವಸ್ಥೆಯ ಮೇಲೂ ಪರಿಣಾಮ ಬೀರಬಹುದು.‌

• ಜ್ವರ
• ಗಂಟಲು ಕೆರತ
• ಶೀತ (ನೆಗಡಿ)
• ತಲೆನೋವು
• ಮೈ ಕೈ ನೋವು
• ಆಯಾಸ

ಕೋವಿಡ್ ಮತ್ತು ಫ್ಲೂ ನಡುವೆ ವ್ಯತ್ಯಾಸ ತಿಳಿಯವುದು ಹೇಗೆ?

ನಿಮಗೆ ಕೋವಿಡ್ ಅಥವಾ ಡೆಂಗ್ಯೂ ಇದೆಯೇ ಎಂಬುದನ್ನು ದೃಢೀಕರಿಸಲು ಉತ್ತಮ ಮಾರ್ಗವೆಂದರೆ ಅವುಗಳನ್ನು ಪರೀಕ್ಷಿಸುವುದು. ಎರಡೂ ಕಾಯಿಲೆಗಳಿಗೆ, ನೀವು ಸರಿಯಾದ ರೀತಿಯ ಚಿಕಿತ್ಸೆಯನ್ನು ಪಡೆಯುವುನ್ನು ಖಚಿತಪಡಿಸುವುದು ಅತ್ಯಗತ್ಯ.

ಅಲ್ಲದೆ, ನಿಯತವಾಗಿ ಕೈಗಳನ್ನು ತೊಳೆಯುವುದು ಮತ್ತು ಕೆಮ್ಮುವಾಗ ಅಥವಾ ಸೀನುವಾಗ ಬಾಯಿಯನ್ನು ಮುಚ್ಚುವಂತಹ ಉತ್ತಮ ನೈರ್ಮಲ್ಯವನ್ನು ಅಭ್ಯಾಸ ರೂಢಿಮಾಡಬೇಕು. ಇದು ಸೋಂಕು ಮತ್ತು ವೈರಸ್‌ಗಳ ಹರಡುವಿಕೆಯನ್ನು ತಡೆಗಟ್ಟುವಲ್ಲಿ ಮುಖ್ಯವಾಗಿದೆ.

ಗಮನಿಸಬಹುದಾದ ಸುದ್ದಿ

ತಮಿಳುನಾಡಿನಲ್ಲಿ ಆರ್‌ಎಸ್‌ಎಸ್‌ ಪಥಸಂಚಲನ; ಸುಪ್ರೀಂ ಕೋರ್ಟಲ್ಲಿ ಹೊಸ ಅರ್ಜಿ ಸಲ್ಲಿಸಿದ ರಾಜ್ಯ ಸರ್ಕಾರ

ರಾಜ್ಯದಲ್ಲಿ ರಾಷ್ಟ್ರೀಯ ಸ್ವಯಂಸೇವಕ ಸಂಘ (ಆರ್‌ಎಸ್‌ಎಸ್) ಪಥಸಂಚಲನ (RSS route march)ಕ್ಕೆ ಸಂಬಂಧಿಸಿದ ಮದ್ರಾಸ್ ಹೈಕೋರ್ಟ್ ಆದೇಶದ ವಿರುದ್ಧ ಹೊಸ ಅರ್ಜಿ ಸಲ್ಲಿಸಿರುವುದಾಗಿ ತಮಿಳುನಾಡು ಸರ್ಕಾರ ಶುಕ್ರವಾರ ಸುಪ್ರೀಂ ಕೋರ್ಟ್‌ಗೆ ತಿಳಿಸಿದೆ. ವಿವರ ಓದಿಗೆ ಇಲ್ಲಿ ಕ್ಲಿಕ್‌ ಮಾಡಿ