ಐಪಿಎಲ್ ಹರಾಜಿನಲ್ಲಿ ಶ್ರೇಯಸ್ ಅಯ್ಯರ್ ಹೊಸ ದಾಖಲೆ; 2 ಕೋಟಿ ಮೂಲ ಬೆಲೆಯಿಂದ 26.75 ಕೋಟಿ ರೂಪಾಯಿಗೆ ಪಂಜಾಬ್ ಕಿಂಗ್ಸ್ ಪಾಲು

ಟೀಂ ಇಂಡಿಯಾದ ಆಟಗಾರ ಶ್ರೇಯಸ್ ಅಯ್ಯರ್ ಅವರ ಅದೃಷ್ಟ ಬದಲಾಗಿದೆ. ಐಪಿಎಲ್ ಹರಾಜಿನಲ್ಲಿ ಶ್ರೇಯಸ್ ಬರೋಬ್ಬರಿ 26.75 ಕೋಟಿ ರೂಪಾಯಿಗೆ ಪಂಜಾಬ್ ಕಿಂಗ್ಸ್ ಪಾಲಾಗಿದ್ದಾರೆ. ಈ ಮೂಲಕ ಭಾರತೀಯ ಆಟಗಾರನೊಬ್ಬ ಹರಾಜಿನಲ್ಲಿ ಅತಿ ಹೆಚ್ಚು ಮೊತ್ತಕ್ಕೆ ಬಿಕರಿಯಾದ ಮೊದಲ ಆಟಗಾರ ಎನಿಸಿದ್ದಾರೆ.

2022ರ ಐಪಿಎಲ್​ನಲ್ಲಿ 12.50 ಕೋಟಿಗೆ ಕೆಕೆಆರ್​ ತಂಡವನ್ನು ಸೇರಿಕೊಂಡಿದ್ದ ಅಯ್ಯರ್, 2023ರಲ್ಲಿ ಗಾಯದ ಕಾರಣ ಟೂರ್ನಿಯನ್ನು ತಪ್ಪಿಸಿಕೊಂಡಿದ್ದರು. ಆದರೆ 2024ರ ಐಪಿಎಲ್​ಗೆ ಮರಳಿದ ಶ್ರೇಯಸ್ ಕೆಕೆಆರ್ ತಂಡವನ್ನು ಗೌತಮ್ ಗಂಭೀರ್​ ಬಳಿಕ ಮೂರನೇ ಬಾರಿಗೆ ಚಾಂಪಿಯನ್ ಮಾಡಿದರು. ಅದಕ್ಕೂ ಮುನ್ನ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಮುನ್ನಡೆಸಿದ್ದರು. 2019ರಲ್ಲಿ ಆ ತಂಡವನ್ನು ಫೈನಲ್​ಗೇರಿಸುವಲ್ಲಿ ಯಶಸ್ವಿಯಾಗಿದ್ದರು. ಐಪಿಎಲ್ ಹರಾಜಿನಲ್ಲಿ ಶ್ರೇಯಸ್ ಅಯ್ಯರ್ ಅವರನ್ನು ಖರೀದಿಸಲು ಪಂಜಾಬ್ ಕಿಂಗ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವೆ ತೀವ್ರ ಪೈಪೋಟಿ ನಡೆದಿತ್ತು. ಡೆಲ್ಲಿ ಕ್ಯಾಪಿಟಲ್ಸ್ 26.50 ಕೋಟಿಯವರಿಗೆ ಬಿಡ್ ಮಾಡಿತು. ಆದರೆ ಅಂತಿಮವಾಗಿ 26.75 ಕೋಟಿ ರೂಪಾಯಿಗೆ ಪಂಜಾಬ್ ಕಿಂಗ್ಸ್ ಪಾಲಾದರು.

ಐಪಿಎಲ್​ನಲ್ಲಿ ಶ್ರೇಯಸ್ ಅಯ್ಯರ್ ಪ್ರದರ್ಶನ

ಪಂದ್ಯ - 115

ರನ್ - 3127

ಬೆಸ್ಟ್ - 96

ಸರಾಸರಿ - 32.24

ಸ್ಟ್ರೈಕ್​ರೇಟ್ 127.48

4/6 - 271/113

ನಾಟೌಟ್ - 18

ಶ್ರೇಯಸ್ ಅಯ್ಯರ್ ನಾಯಕತ್ವ ದಾಖಲೆ

ಪಂದ್ಯಗಳು - 55

ಗೆಲುವು - 27

ಸೋಲು - 26

ಟೈ - 2

ಗೆಲುವಿನ ಶೇಕಡಾವಾರು - 50.90%

2024ರ ಐಪಿಎಲ್​ನಲ್ಲಿ ಅಯ್ಯರ್​ ಪ್ರದರ್ಶನ

ಪಂದ್ಯ - 14

ರನ್ - 351

ಬೆಸ್ಟ್ - 58*

ಸರಾಸರಿ - 39.00

ಸ್ಟ್ರೈಕ್​ರೇಟ್ - 146.86

4/6 - 34/14

ನಾಟೌಟ್ - 5

ಪಂಜಾಬ್ ತಂಡದ ಪಾಲಾಗಿರುವ ಶ್ರೇಯಸ್ ಅಯ್ಯರ್ ಸದ್ಯ ಫುಲ್ ಖುಷ್ ಆಗಿದು, ಪಂಜಾಬ್ ತಂಡದ ಪರ ಆಡಲು ತುಂಬಾ ಉತ್ಸಕನಾಗಿದ್ದೇನೆ ಎಂದು ಹೇಳಿದ್ದಾರೆ.