ವೀರೇಂದ್ರ ಸೆಹ್ವಾಗ್ ಯಾರೋ ಗೊತ್ತಿಲ್ಲ; ವೀರೂಗೆ ಕೌಂಟರ್ ಕೊಡಲು ಯತ್ನಿಸಿ ಟೀಕೆಗೆ ಗುರಿಯಾದ ಶಕೀಬ್ ಅಲ್ ಹಸನ್

ನಿಮ್ಮ ಆಟ ನೋಡಿ ನಿಮಗೆ ನಾಚಿಕೆಯಾಗಬೇಕು ಎಂದು ಟೀಕಿಸಿದ್ದ ಟೀಮ್ ಇಂಡಿಯಾ ಮಾಜಿ ಓಪನರ್​ ವೀರೇಂದ್ರ ಸೆಹ್ವಾಗ್ (Virender Sehwag) ಅವರಿಗೆ ತಿರುಗೇಟು ನೀಡುವ ಭರದಲ್ಲಿ ಬಾಂಗ್ಲಾದೇಶ ತಂಡದ ಆಲ್​ರೌಂಡರ್ ಶಕೀಬ್ ಅಲ್ ಹಸಲ್ (Shakib Al Hasan) ವಿವಾದ ಮೈಮೇಲೆ ಎಳೆದುಕೊಂಡಿದ್ದಾರೆ. ಸದಾ ವಿವಾದಗಳಿಂದಲೇ ಸುದ್ದಿಯಾಗಿರುವ ಶಕೀಬ್, ವಿಶ್ವಶ್ರೇಷ್ಠ ಆರಂಭಿಕರ ಪೈಕಿ ಒಬ್ಬರಾದ ಸೆಹ್ವಾಗ್ ಅವರನ್ನು ಯಾರು ಎಂದು ಪ್ರಶ್ನಿಸಿದ್ದಾರೆ.

ಪ್ರಸ್ತುತ ನಡೆಯುತ್ತಿರುವ ಟಿ20 ವಿಶ್ವಕಪ್​​ನಲ್ಲಿ ಬಾಂಗ್ಲಾದೇಶ ತಂಡದ ಭಾಗವಾಗಿರುವ ಶಕೀಬ್, ಹಲವು ಬಾರಿ ತಮ್ಮ ಹೇಳಿಕೆಗಳಿಂದಲೇ ಸದಾ ಚರ್ಚೆಯಲ್ಲಿರುತ್ತಾರೆ. ಅವರ ಸುತ್ತಲೂ ಒಂದಿಲ್ಲೊಂದು ವಿವಾದ ತಳುಕು ಹಾಕಿಕೊಳ್ಳುತ್ತಲೇ ಇರುತ್ತದೆ. ಅಂಪೈರ್​ ವಿರುದ್ಧ ರೇಗಾಡಿದ್ದು, ವಿಕೆಟ್​ಗೆ ಒದ್ದದ್ದು, ಫ್ಯಾನ್ಸ್​ಗೆ ಹೊಡೆದಿರುವುದು ಸೇರಿದಂತೆ ಹಲವು ವಿವಾದಗಳು ಅವರ ಹೆಸರಿಗೆ ಸೇರಿವೆ. ಅವರ ನಡೆಗೆ ಅಭಿಮಾನಿಗಳಿಂದ ಆಕ್ರೋಶಕ್ಕೆ ವ್ಯಕ್ತವಾಗಿವೆ.

ರಾಜಕೀಯಕ್ಕೆ ಸೇರಿ ಸಂಸದನಾದ ನಂತರ ವಿವಾದ-ಹೇಳಿಕೆಗಳಿಂದ ದೂರವಿದ್ದ ಶಕೀಬ್, ಸೆಹ್ವಾಗ್ ಕುರಿತು ಅಚ್ಚರಿಯ ಹೇಳಿಕೆ ನೀಡುವ ಮೂಲಕ ಉದ್ಧಟತನ ತೋರಿದ್ದಾರೆ. ಜೂನ್ 13ರಂದು ನೆದರ್ಲೆಂಡ್ಸ್​ ವಿರುದ್ಧ ನಡೆದ ಪಂದ್ಯದಲ್ಲಿ ಬಾಂಗ್ಲಾ ಜಯ ಸಾಧಿಸಿತ್ತು. ಈ ಪಂದ್ಯದಲ್ಲಿ ಅರ್ಧಶತಕದ ಇನ್ನಿಂಗ್ಸ್ ಕಟ್ಟಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದ ಶಕೀಬ್​, ಪಂದ್ಯದ ನಂತರ ಪತ್ರಿಕಾಗೋಷ್ಠಿಯಲ್ಲಿ ಸೆಹ್ವಾಗ್ ಬಗ್ಗೆ ಅಚ್ಚರಿ ಹೇಳಿಕೆಯೊಂದನ್ನು ನೀಡಿದ್ದಾರೆ.

ಇದನ್ನೂ ಓದಿ : ವಿರಾಟ್​ ಕೊಹ್ಲಿ ವೈಫಲ್ಯ; ವಿಶ್ವಕಪ್ ಸೂಪರ್​-8 ಪಂದ್ಯಗಳಿಗೂ ಮುನ್ನ ಮಹತ್ವದ ಸಲಹೆ ನೀಡಿದ ಮೊಹಮ್ಮದ್ ಕೈಫ್

ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಬಾಂಗ್ಲಾದೇಶ 114 ರನ್‌ಗಳ ಸಾಧಾರಣ ಗುರಿ ಬೆನ್ನಟ್ಟುವ ಸಂದರ್ಭದಲ್ಲಿ 4 ರನ್​ಗಳಿಂದ ಸೋತಿದೆ. ಅನುಭವಕ್ಕೆ ತಕ್ಕಂತೆ ಶಕೀಬ್ ಅಲ್ ಹಸನ್ ಆಡದ ಕಾರಣ ವೀರು ಕೋಪಗೊಂಡು ಅವರನ್ನು ಟಿ20 ಸ್ವರೂಪಕ್ಕೆ ಆಯ್ಕೆ ಮಾಡಲ್ಲ ಎಂದು ಭಾವಿಸಿದ್ದೆ. ನಿಮ್ಮ ಇತ್ತೀಚಿನ ಪ್ರದರ್ಶನ ನೋಡಿ ನಿಮಗೆ ನಿಜಕ್ಕೂ ನಾಚಿಕೆಯಾಗಬೇಕು. ನೀವಾಗಿಯೇ ಮುಂದೆ ಬಂದು ಈ ಸ್ವರೂಪದಿಂದ ನಿವೃತ್ತಿ ಘೋಷಿಸಬೇಕು ಎಂದು ಸೆಹ್ವಾಗ್ ಕ್ರಿಕ್​ಬಜ್‌ನಲ್ಲಿ ಹೇಳಿದ್ದರು.

ಹೀಗಾಗಿ ಪತ್ರಿಕಾಗೋಷ್ಠಿಯಲ್ಲಿ ವರದಿಗಾರರೊಬ್ಬರು ವೀರೂ ಟೀಕಿಸಿದ್ದ ಕುರಿತು ಪ್ರಶ್ನೆ ಕೇಳಿದ್ದಾರೆ. ಆದರೆ, ಇದಕ್ಕೆ ಉದ್ದಟತನದ ಉತ್ತರ ನೀಡಿದ ಶಕೀಬ್, ವೀರೇಂದ್ರ ಸೆಹ್ವಾಗ್ ಯಾರು? ಎಂದು ಉತ್ತರಿಸಿದ್ದಾರೆ. ಸೆಹ್ವಾಗ್​ಗೆ ತಿರುಗೇಟು ನೀಡುವ ಭರದಲ್ಲಿ ಯಾರು ಎಂದು ಹೇಳುವ ಮೂಲಕ ಟೀಕೆಗೆ ಗುರಿಯಾಗಿದ್ದಾರೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ವೀರೂ ಅಭಿಮಾನಿಗಳು ಮನಬಂದಂತೆ ಟೀಕಿಸುತ್ತಿದ್ದಾರೆ.

ನೆದರ್ಲೆಂಡ್ಸ್ ವಿರುದ್ಧ ಭರ್ಜರಿ ಬ್ಯಾಟಿಂಗ್

ನೆದರ್ಲೆಂಡ್ಸ್ ವಿರುದ್ಧದ ಪಂದ್ಯದಲ್ಲಿ ಬಾಂಗ್ಲಾದೇಶ 25 ರನ್​ಗಳಿಂದ ಭರ್ಜರಿ ಗೆಲುವು ಸಾಧಿಸಿತು. ಮೊದಲು ಬ್ಯಾಟಿಂಗ್​ ಮಾಡಿದ ಬಾಂಗ್ಲಾ 5 ವಿಕೆಟ್ ನಷ್ಟಕ್ಕೆ 159 ರನ್ ಪೇರಿಸಿತು. ಮಾಜಿ ನಾಯಕ ಶಕೀಬ್​ ಅಲ್ ಹಸನ್ ಅತ್ಯುತ್ತಮ ಪ್ರದರ್ಶನ ನೀಡಿದರು. 46 ಎಸೆತಗಳಲ್ಲಿ 9 ಫೋರ್​​​ಗಳ ಸಹಿತ 159 ರನ್​ ಗಳಿಸಿತು. ಈ ಗುರಿ ಬೆನ್ನಟ್ಟಿದ ಡಚ್ಚರು 20 ಓವರ್​​​ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 134 ರನ್ ಗಳಿಸಿತು.

ಸೂಪರ್-8 ಸನಿಹಕ್ಕೆ ಬಂದ ಬಾಂಗ್ಲಾ

ಡಿ ಗುಂಪಿನಲ್ಲಿ ಅವಕಾಶ ಪಡೆದಿರುವ ಬಾಂಗ್ಲಾದೇಶ ಸೂಪರ್​​-8 ಸನಿಹಕ್ಕೆ ಬಂದಿದೆ. ಈಗಾಗಲೇ ಈ ಗುಂಪಿನಲ್ಲಿ ಸೌತ್ ಆಫ್ರಿಕಾ ತಂಡ ಸೂಪರ್-8 ಸುತ್ತಿಗೆ ಲಗ್ಗೆ ಇಟ್ಟಿದೆ. ಇದೀಗ ಎರಡನೇ ಸ್ಥಾನದಲ್ಲಿರುವ ಬಾಂಗ್ಲಾ, ಇನ್ನೊಂದು ಪಂದ್ಯ ಗೆದ್ದರೆ ಮುಂದಿನ ಹಂತಕ್ಕೆ ಎಂಟ್ರಿ ಕೊಡಲಿದೆ. ಬಾಂಗ್ಲಾ 4 ಅಂಕ ಪಡೆದಿದ್ದು, ಜೂನ್ 16ರಂದು ನೇಪಾಳ ವಿರುದ್ಧ ಸೆಣಸಾಟ ನಡೆಸಲಿದೆ.

ಇನ್ನಷ್ಟು ಟಿ20 ವಿಶ್ವಕಪ್ 2024 ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಇದನ್ನೂ ಓದಿ : ಕುಲ್ದೀಪ್ ಯಾದವ್, ಸಂಜು ಸ್ಯಾಮ್ಸನ್ ಇನ್; ಕೆನಡಾ ವಿರುದ್ಧದ ಪಂದ್ಯಕ್ಕೆ ಟೀಮ್ ಇಂಡಿಯಾ ಪ್ಲೇಯಿಂಗ್ XI