Rashmika Mandanna: ಟಾಲಿವುಡ್‌ ನಟ ವಿಜಯ್‌ ದೇವರಕೊಂಡ ಕುಟುಂಬದ ಜತೆಗೆ ರಶ್ಮಿಕಾ ಮಂದಣ್ಣ ದೀಪಾವಳಿ

Rashmika Mandanna: ಕನ್ನಡದಿಂದ ಪರಭಾಷೆ ಚಿತ್ರೋದ್ಯಮಕ್ಕೆ ಹಾರಿದ ಬಳಿಕ ರಶ್ಮಿಕಾ ಮಂದಣ್ಣ ಹಬ್ಬ ಹರಿದಿನಗಳನ್ನೂ ಕರ್ನಾಟಕ ಬಿಟ್ಟು ಹೊರಗಡೆ ಆಚರಣೆ ಮಾಡಿದ್ದೇ ಹೆಚ್ಚು. ಅದರಲ್ಲೂ ಹೈದರಾಬಾದ್‌ನಲ್ಲಿಯೇ ಅವರ ಬಹುತೇಕ ಹಬ್ಬಗಳ ಆಚರಣೆ ನಡೆಯುತ್ತದೆ. ಇದೀಗ ದೀಪಾವಳಿ ಪ್ರಯುಕ್ತ ಒಂದಷ್ಟು ಫೋಟೋಗಳನ್ನು ಹಂಚಿಕೊಂಡಿರುವ ರಶ್ಮಿಕಾ ಮಂದಣ್ಣ, ಈ ಸಲದ ಹಬ್ಬವನ್ನೂ ಅದ್ದೂರಿಯಾಗಿ ಆಚರಿಸಿದ್ದಾರೆ. ಅದೂ ಮತ್ತದೇ ಹೈದರಾಬಾದ್‌ನ ವಿಜಯ್‌ ದೇವರಕೊಂಡ ಮನೆಯಲ್ಲಿ.

ವಿಜಯ್ ದೇವರಕೊಂಡ ಮನೆಯಲ್ಲಿ ದೀಪಾವಳಿ ಸಂಭ್ರಮ ತುಸು ಅದ್ಧೂರಿಯಾಗಿಯೇ ನಡೆಯುತ್ತದೆ. ಅಪ್ಪ, ಅಮ್ಮ ಮತ್ತು ತಮ್ಮನ ಜೊತೆಗೆ ಗ್ರ್ಯಾಂಡ್‌ ಆಗಿಯೇ ದೀಪಾವಳಿ ಆಚರಿಸುತ್ತಾರೆ. ಅದರಲ್ಲೂ ಕಳೆದ ಎರಡು ವರ್ಷಗಳಿಂದ ದೇವರಕೊಂಡ ಫ್ಯಾಮಿಲಿಯ ದೀಪಾವಳಿಗೆ ರಶ್ಮಿಕಾ ಮಂದಣ್ಣ ಸಹ ಹಾಜರಾಗುತ್ತಿದ್ದಾರೆ. ಈ ವಿಚಾರವೂ ನೆಟ್ಟಿಗರ ವಲಯದಲ್ಲಿ ಚರ್ಚೆಯ ಮುನ್ನೆಲೆಗೆ ಬರುತ್ತಲೇ ಇರುತ್ತದೆ. ಅದರಂತೆ ಈ ಸಲವೂ ವಿಜಯ್‌ ದೇವರಕೊಂಡ ಮನೆಯಲ್ಲಿಯೇ ದೀಪಗಳ ಹಬ್ಬವನ್ನು ಆಚರಿಸುತ್ತಿದ್ದಾರೆ.

ಇದನ್ನೂ ಓದಿ: ಬಿಗ್‌ ಬಾಸ್‌ ವೇದಿಕೆ ಮೇಲೆ ಕಿಚ್ಚ ಭಾವುಕ; ಸುದೀಪ್ ಸರ್ ನಿಮ್ಮನ್ನು ಈ ರೀತಿ ನೋಡಲು ಆಗ್ತಿಲ್ಲ ಎಂದ ಫ್ಯಾನ್ಸ್‌

ಅದಕ್ಕೆ ಸಾಕ್ಷ್ಯ ಎಂಬಂತೆ, ಒಂದಷ್ಟು ಸೋಲೋ ಫೋಟೋಗಳನ್ನು ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಶೇರ್‌ ಮಾಡಿದ್ದಾರೆ. ಫೋಟೋ ಕ್ಲಿಕ್ಕಿಸಿದ ವಿಜಯ್‌ ದೇವರಕೊಂಡ ಅವರ ಸಹೋದರ ಆನಂದ್‌ ದೇವರಕೊಂಡ ಅವರಿಗೂ ಕ್ರೆಡಿಟ್‌ ಕೊಟ್ಟಿದ್ದಾರೆ ರಶ್ಮಿಕಾ. ಅಲ್ಲಿಗೆ ಈ ಸಲವೂ ದೇವರಕೊಂಡ ಫ್ಯಾಮಿಲಿ ಜತೆಗೆ ರಶ್ಮಿಕಾ ದೀಪಾವಳಿ ಆಚರಿಸುತ್ತಿದ್ದಾರೆ ಎಂಬುದು ಗೊತ್ತಾಗಿದೆ. ಇತ್ತ ನಟಿಯ ಈ ಫೋಟೋಗಳಿಗೆ ನೆಟ್ಟಿಗರು ಬಗೆಬಗೆ ಕಾಮೆಂಟ್‌ ಮಾಡುತ್ತಿದ್ದಾರೆ.

ಕಳೆದ ಎರಡ್ಮೂರು ವರ್ಷಗಳಿಂದ ವಿಜಯ್ ಮತ್ತು ರಶ್ಮಿಕಾ ಮಂದಣ್ಣ ಇಬ್ಬರೂ ಡೇಟಿಂಗ್‌ನಲ್ಲಿದ್ದಾರೆ. ಪ್ರೀತಿಯಲ್ಲಿ ಬಿದ್ದಿದ್ದಾರೆ ಎಂಬ ಸುದ್ದಿಗಳು ಹರಿದಾಡುತ್ತಲೇ ಇವೆ. ಅಷ್ಟೇ ಅಲ್ಲ ಇನ್ನೇನು ಶೀಘ್ರದಲ್ಲಿ ಈ ಜೋಡಿ ಮದುವೆ ಆಗಲಿದೆ ಎಂಬ ಸುದ್ದಿಯೂ ಈ ಹಿಂದೆ ಸದ್ದು ಮಾಡಿತ್ತು. ಮಾಧ್ಯಮದ ಮುಂದೆ ಮಾತಿಗೆ ಸಿಕ್ಕಾಗ, ನಾವಿಬ್ಬರೂ ಸ್ನೇಹಿತರು ಎಂದು ಕಲರ್‌ ಕಲರ್‌ ಕಾಗೆಯನ್ನೂ ಹಾರಿಸಿದ್ದರು ರಶ್ಮಿಕಾ.

ಇದನ್ನೂ ಓದಿ: ಅಲ್ಲು ಅರ್ಜುನ್‌ ಪುಷ್ಪ 2 ಚಿತ್ರದ ಸ್ಪೆಷಲ್‌ ಹಾಡಿನಲ್ಲಿ ಶ್ರೀಲೀಲಾ; ಸಮಂತಾ ರೀತಿ ಮ್ಯಾಜಿಕ್‌ ಮಾಡ್ತಾರಾ ಕಿಸ್‌ ಬ್ಯೂಟಿ?

ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ಸದ್ಯ ವಿಜಯ್ ದೇವರಕೊಂಡ ಗೌತಮ್ ತಿನ್ನನೂರಿ ಪ್ರಾಜೆಕ್ಟ್ ಮೇಲೆ ಗಮನಹರಿಸಿದ್ದಾರೆ. ಇತ್ತ ಡಿಸೆಂಬರ್ 5ರಂದು ಪುಷ್ಪ 2 ಚಿತ್ರದ ಮೂಲಕ ರಶ್ಮಿಕಾ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ. ಬಾಲಿವುಡ್‌ನಲ್ಲಿ ಚಾವಾ, ತೆಲುಗಿನ ರೇನ್‌ಬೋ, ದಿ ಗರ್ಲ್‌ಫ್ರೆಂಡ್‌, ಸಲ್ಮಾನ್‌ ಖಾನ್‌ ಜತೆಗೆ ಸಿಖಂದರ್‌, ತಮಿಳನಲ್ಲಿ ಕುಬೇರ, ಮೊನ್ನೆಯಷ್ಟೇ ಘೋಷಣೆಯಾದ ಥಾಮ ಸಿನಿಮಾದಲ್ಲಿಯೂ ರಶ್ಮಿಕಾ ನಟಿಸುತ್ತಿದ್ದಾರೆ.

ಥಾಮ ಸಿನಿಮಾ ಘೋಷಣೆ

ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಭಯಾನಕ ಜಗತ್ತಿಗೆ ಕಾಲಿಡುತ್ತಿದ್ದಾರೆ. ಸ್ತ್ರೀ, ಸ್ತ್ರೀ 2, ಮುಂಜ್ಯಾ ಮತ್ತು ಭೇಡಿಯಾದಂತಹ ಹಾರರ್‌ ಕಾಮಿಡಿ ಸಿನಿಮಾಗಳನ್ನು ನೀಡಿದ ಮ್ಯಾಡಾಕ್ ಫಿಲ್ಮ್ಸ್ ಸಂಸ್ಥೆ ಜತೆಗೆ ಕೈ ಜೋಡಿಸಿದ್ದಾರೆ. ಇತ್ತೀಚೆಗಷ್ಟೇ ಥಾಮ ಹೆಸರಿನ ಸಿನಿಮಾ ಘೋಷಣೆ ಆಗಿದ್ದು,  ಈ ಸಿನಿಮಾದಲ್ಲಿ ಆಯುಷ್ಮಾನ್‌ ಖುರಾನಾಗೆ ರಶ್ಮಿಕಾ ಜೋಡಿಯಾಗಿದ್ದಾರೆ. 

ಇವರ ಜತೆಗೆ ಪರೇಶ್ ರಾವಲ್ ಮತ್ತು ನವಾಜುದ್ದೀನ್ ಸಿದ್ದಿಕಿ ಕೂಡ ನಟಿಸಲಿದ್ದಾರೆ. ದಿನೇಶ್ ವಿಜನ್ ಮತ್ತು ಅಮರ್ ಕೌಶಿಕ್ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಮುಂಜ್ಯಾ ಚಿತ್ರದ ಡೈರೆಕ್ಟರ್‌ ಆದಿತ್ಯ ಸರ್ಪೋತದಾರ್ ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರ 2025ರ ದೀಪಾವಳಿಗೆ ಬಿಡುಗಡೆಯಾಗಲಿದೆ. ಥಾಮಾ ಶೀರ್ಷಿಕೆಗೂ ಮೊದಲೇ ಈ ಚಿತ್ರಕ್ಕೆ “ವೆಂಪಾಯರ್‌ ಆಫ್‌ ವಿಜಯನಗರ” ಎಂಬ ಟೈಟಲ್‌ ಇಡಲಾಗಿತ್ತು.