Horror OTT: ನಿದ್ದೆಯಲ್ಲೂ ಬೆಚ್ಚಿ ಬೀಳಿಸುತ್ತೆ ಈ ಸಿನಿಮಾ; ಡಿಸ್ನಿ ಹಾಟ್‌ಸ್ಟಾರ್‌ನಲ್ಲಿ ನೋಡಿ 'ಏಲಿಯನ್ ರೊಮುಲಸ್' ಹಾಲಿವುಡ್ ಹಾರರ್ ಮೂವಿ
Nov 23, 2024 05:23 PM IST
Share
ನಿದ್ದೆಯಲ್ಲೂ ಬೆಚ್ಚಿ ಬೀಳಿಸುತ್ತೆ ಈ ಸಿನಿಮಾ
- ಏಲಿಯನ್ ರೊಮುಲಸ್: ಹಾಲಿವುಡ್ ಹಾರರ್ ಮೂವಿ ನೋಡಬೇಕು ಎಂದುಕೊಂಡಿದ್ದರೆ ನೀವು ಏಲಿಯನ್ ರೊಮುಲಸ್ ಸಿನಿಮಾ ನೋಡಬಹುದು. ಈಗ ಒಟಿಟಿಯಲ್ಲೂ ಈ ಸಿನಿಮಾ ಬಿಡುಗಡೆಯಾಗಿದೆ.
ವೈಜ್ಞಾನಿಕ ಮತ್ತು ಭಯಾನಕ ಥ್ರಿಲ್ಲರ್ ಚಲನಚಿತ್ರ ‘ಏಲಿಯನ್ ರೊಮುಲಸ್’ ಒಟಿಟಿಯಲ್ಲಿ ಬಿಡುಗಡೆಯಾಗಿದೆ. ಈ ಸಿನಿಮಾ ಬಿಡುಗಡೆಯಾದ ದಿನದಿಂದಲೇ ಪಾಸಿಟಿಟವ್ ಟಾಕ್ ಪಡೆದುಕೊಂಡಿತ್ತು. ಹಾರರ್ ಸಿನಿಮಾಗಳ ಕ್ರೇಜ್ ಹೆಚ್ಚಿರುವ ಈ ಸಂದರ್ಭದಲ್ಲಿ ಸಾಕಷ್ಟು ಜನ ಈ ಚಿತ್ರವನ್ನು ನೋಡಲು ಕಾಯುತ್ತಿದ್ದರು. ಒಟಿಟಿ ಬಿಡುಗಡೆ ದಿನಾಂಕಕ್ಕಾಗಿ ಕಾದು ಕುಳಿತಿದ್ದರು. ಈಗ ಅವರಿಗೆಲ್ಲ ಗುಡ್‌ ನ್ಯೂಸ್‌ ಸಿಕ್ಕಂತಾಗಿದೆ. ಇತ್ತೀಚೆಗಷ್ಟೇ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಿ ಸಾವಿರಾರು ಕೋಟಿ ಗಳಿಸಿದ ಹಾಲಿವುಡ್ ವೈಜ್ಞಾನಿಕ ಹಾರರ್ ಥ್ರಿಲ್ಲರ್ ಸಿನಿಮಾ ಸಿನಿಮಾ ಇದು.
ಏಲಿಯನ್ಸ್ ಎಂಬ ಶೀರ್ಷಿಕೆ ಅಡಿಯಲ್ಲಿ ಸಾಕಷ್ಟು ಚಿತ್ರಗಳು ಸಿರೀಸ್ ರೀತಿ ಒಂದರ ಹಿಂದೆ ಒಂದು ಬಿಡುಗಡೆಯಾಗಿದೆ. ಅದೇ ರೂಪದಲ್ಲಿ ಏಲಿಯನ್ ರೊಮುಲಸ್ ಕೂಡ ಈಗ ಸಿನಿಕರ ಮುಂದಿದೆ. 1979 ರಲ್ಲಿ ಮೊದಲ ಬಾರಿಗೆ ಏಲಿಯನ್ ಚಿತ್ರ ಬಿಡುಗಡೆಯಾಗಿತ್ತು. 1986 ರಲ್ಲಿ ಮತ್ತೊಂದು ಚಲನಚಿತ್ರ ಏಲಿಯನ್ಸ್ ರೂಪದಲ್ಲೇ ಮೂಡಿಬಂತು. ಲಿಯನ್ 3 1992ರಲ್ಲಿ ಬಿಡುಗಡೆಯಾಯಿತು. 2017ರವರೆಗೂ ಈ ರೀತಿಯ ಹಲವು ಸಿನಿಮಾಗಳು ಬಂದವು.
ಆಗಸ್ಟ್ 16 ರಂದು ಅಮೆರಿಕದ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಏಲಿಯನ್ ರೊಮುಲಸ್ ಸುಮಾರು ರೂ. 3 ಸಾವಿರ ಕೋಟಿ ಕಲೆಕ್ಷನ್ ಮಾಡಿ ಬ್ಲಾಕ್ ಬಸ್ಟರ್ ಹಿಟ್ ಆಯಿತು. ಏಲಿಯನ್ ರೊಮುಲಸ್ ಅನ್ನು ಫೆಡೆ ಅಲ್ವಾರೆಜ್ ನಿರ್ದೇಶಿಸಿದ್ದಾರೆ. . ಅವರು ಈವಿಲ್ ಡೆಡ್ ಮತ್ತು ಡೋಂಟ್ ಬ್ರೀಥ್‌ನಂತಹ ಬ್ಲಾಕ್‌ಬಸ್ಟರ್ ಭಯಾನಕ ಚಲನಚಿತ್ರಗಳನ್ನು ಸಹ ಈ ಹಿಂದೆ ನಿರ್ದೇಶಿಸಿದ್ದರು.
ನವೆಂಬರ್ 21ರಂದೇ ಬಿಡುಗಡೆ
ಸೂಪರ್ ಹಿಟ್ ಏಲಿಯನ್ ರೊಮುಲಸ್ OTT ನಲ್ಲಿ ಟ್ರೆಂಡಿಂಗ್ ಆಗಿದೆ. ಏಲಿಯನ್ ರೊಮುಲಸ್ OTT ನವೆಂಬರ್ 21 ರಂದು ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆಯಾಗಿದೆ. ಬಿಡುಗಡೆಯಾಗಿ ಈಗಾಗಲೇ ಎರಡು ದಿನಗಳು ಕಳೆದಿದೆ. ಇಂಗ್ಲಿಷ್ ಜೊತೆಗೆ ತೆಲುಗು, ಹಿಂದಿ ಮತ್ತು ತಮಿಳು ಭಾಷೆಗಳಲ್ಲಿ ಡಿಜಿಟಲ್ ಸ್ಟ್ರೀಮ್ ಆಗುತ್ತಿದೆ. OTT ಬಿಡುಗಡೆಯಾದ ಒಂದು ದಿನದೊಳಗೆ ಟ್ರೆಂಡಿಂಗ್ ಆರಂಭಿಸಿತು.
ನವೆಂಬರ್ 22 ರಿಂದ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ OTT ನಲ್ಲಿ ಏಲಿಯನ್ ರೊಮುಲಸ್ ಟಾಪ್ 2 ಟ್ರೆಂಡಿಂಗ್ ಚಲನಚಿತ್ರವಾಗಿದೆ. ಇನ್ವೆಸ್ಟಿಗೇಟಿವ್ ಥ್ರಿಲ್ಲರ್ ಕಿಷ್ಕಿಂದಾ ಕಾಂಡಾಂ ಮೊದಲ ಸ್ಥಾನವನ್ನು ಪಡೆದುಕೊಂಡಿದೆ.
ಇದಲ್ಲದೆ, ಏಲಿಯನ್ ರೊಮುಲಸ್ ಚಲನಚಿತ್ರವು IMDB ಯಿಂದ 7.2 ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಚಿತ್ರದ ಕಂಟೆಂಟ್ ಎಷ್ಟು ಫ್ರೆಶ್ ಆಗಿದೆ ಎಂಬುದನ್ನು ಹೇಳುವ ರಾಟನ್ ಟೊಮ್ಯಾಟೋಸ್ ಶೇ.80ರಷ್ಟು ರೇಟಿಂಗ್ ನೀಡಿದೆ. ಹಾಲಿವುಡ್‌ನಲ್ಲಿ ಅನೇಕ ಅನ್ಯಲೋಕದ ಪರಿಕಲ್ಪನೆಯ ಚಲನಚಿತ್ರಗಳು ಬಂದಿವೆ. ಇವೆಲ್ಲವನ್ನೂ ಹೋಲಿಕೆ ಮಾಡದೆ ಏಲಿಯನ್ ರೊಮುಲಸ್ ಸಿನಿಮಾವನ್ನು ನೋಡಿದರೆ ಖಂಡಿತ ಇಷ್ಟವಾಗುತ್ತದೆ ಎನ್ನುತ್ತಾರೆ ವಿಮರ್ಶಕರು.
ಈ ರೀತಿಯ ಏಲಿಯನ್ಸ್ ಸಿನಿಮಾವು ಇನ್ನೂ ಹಲವಾರಿದೆ. ನಿಮಗೆ ಈ ಸಿನಿಮಾ ಇಷ್ಟವಾದರೆ ನೀವೂ ಇನ್ನು ಹೆಚ್ಚಿನ ಚಿತ್ರವನ್ನು ವೀಕ್ಷಿಸಬಹುದು. ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ಒಟಿಟಿಯಲ್ಲಿ ಲಭ್ಯವಿದೆ.