Annayya Serial: ವೀರಭದ್ರನ ನಾಟಕ ನೋಡಿ ಆತಂಕಪಟ್ಟ ಶಿವು; ಇದೆಲ್ಲ ಕಪಟ ಎಂದು ಅರ್ಥ ಆಗೋದು ಯಾವಾಗ?

ಅಣ್ಣಯ್ಯ ಧಾರಾವಾಹಿಯಲ್ಲಿ ವೀರಭದ್ರ ಬೇಕು ಎಂದೇ ನಾಟಕ ಮಾಡಿ ಮಂಚದ ಮೇಲೆ ಮಲಗಿದ್ದಾನೆ. ಆದರೆ ಶಿವು ಮಾವಯ್ಯನಿಗೆ ನಿಜವಾಗಿಯೂ ಹುಷಾರಿಲ್ಲ ಎಂದುಕೊಂಡು ನೋವು ಪಡುತ್ತಿದ್ದಾನೆ. ಅವನಿಗೆ ಯಾಕೆ ವೀರಭದ್ರ ಈ ರೀತಿ ಮಾಡುತ್ತಿದ್ದಾನೆ ಎಂಬುದರ ಅರಿವೂ ಇಲ್ಲ. ಅವನು ತುಂಬಾ ಮುಗ್ಧ. ಪಾರು ಇರುವುದಕ್ಕಾಗಿ ಇಂದು ಇಷ್ಟಾದರೂ ಶಿವು ಆಸ್ತಿ ಉಳಿದುಕೊಂಡಿದೆ. ಇಲ್ಲ ಎಂದಾದರೆ ಇಂದು ಶಿವು ಬೀದಿಗೆ ಬೀಳಬೇಕಿತ್ತು. ಅವನ ಅಮ್ಮನ ಹೆಸರಿನಲ್ಲಿದ್ದ ಎಷ್ಟೋ ಆಸ್ತಿಯನ್ನು ಲಪಟಾಯಿಸುವ ಉಪಾಯ ವೀರಭದ್ರನದಲು.

ಶಿವು ವೀರಭದ್ರನಿಗೆ ಹುಷಾರಿಲ್ಲ ಎಂಬ ವಿಷಯ ತಿಳಿದ ನಂತರದಲ್ಲಿ ಅತಿ ವೇಗವಾಗಿ ಮಾವಯ್ಯನ ಮನೆಗೆ ಬರುತ್ತಾನೆ. ಬಂದು ನೋಡುವಷ್ಟರಲ್ಲಿ ಮಾವಯ್ಯ ಹಾಸಿಗೆ ಹಿಡಿದು ಮಲಗಿರುತ್ತಾನೆ. ಆ ಸ್ಥಿತಿಯಲ್ಲಿ ಮಾವನನ್ನು ನೋಡಿ ಶಿವುಗೆ ಅಳು ಬರುತ್ತದೆ. ನಿನ್ನ ದೇವರು ಎಂದು ಅಂದುಕೊಂಡಿದ್ದೀನಿ. ಆದರೆ ಇಂದು ಆ ದೇವರೇ ನಡುಗುತ್ತಿದ್ದಾನೆ, ಇಂತಾ ಸಂದರ್ಭದಲ್ಲಿ ನಾನು ಏನೂ ಮಾಡೋಕೆ ಆಗ್ತಾ ಇಲ್ವಲ್ಲ ಎಂದು ಅವನು ಹೇಳುತ್ತಿದ್ದಾನೆ.

ಶಿವು ಮುಂದೆ ನಾಟಕ

ಆದರೆ ವೀರಭದ್ರ ಮಾತ್ರ ತನ್ನ ನಾಟಕವನ್ನು ಚೆನ್ನಾಗಿ ಮುಂದುವರೆಸುತ್ತಿದ್ದಾನೆ. ಶಿವು ನನಗೆ ಏನೂ ಆಗಿಲ್ಲ ಎಂದು ಮೆಲು ಧ್ವನಿಯಲ್ಲಿ ಹೇಳುತ್ತಿದ್ದಾನೆ. ಆ ನಂತರ ಎಷ್ಟೇ ಹೇಳಿದರೂ ಶಿವು ತನ್ನ ಅಳು ನಿಲ್ಲಿಸದೇ ಇರುವಾಗ ಪರಶುರಾಮನನ್ನು ಕರೆದಿದ್ದಾನೆ. “ಪರಶುರಾಮ ಶಿವು ತುಂಬಾ ನೊಂದುಕೊಂಡಿದ್ದಾನೆ. ಅವನನ್ನು ಹೊರಗಡೆ ಕರೆದುಕೊಂಡು ಹೋಗಿ ಸಮಾಧಾನ ಮಾಡು” ಎಂದು ಹೇಳಿದ್ದಾನೆ.

ಇದನ್ನೂ ಓದಿ: ದಿ ಸ್ಕಾಟ್‌ಲ್ಯಾಂಡ್‌ ಆಫ್‌ ಇಂಡಿಯಾದಲ್ಲಿ ಮಧು ಗೌಡ- ನಿಖಿಲ್‌ ಜೋಡಿಯ ಸುತ್ತಾಟ; ಇಲ್ಲಿವೆ ಫೋಟೋಗಳು

ಅಣ್ಣಯ್ಯ ಧಾರಾವಾಹಿ

ಜೀ ಕನ್ನಡ ವಾಹಿನಿಯಲ್ಲಿ ಅಣ್ಯಯ್ಯ ಎಂಬ ಅಣ್ಣ ತಂಗಿಯರ ಬಾಂಧವ್ಯದ ಸೀರಿಯಲ್‌ ಮೂಡಿ ಬರುತ್ತಿದ್ದು ಹೆಚ್ಚಿನ ಜನರು ಇದನ್ನು ವೀಕ್ಷಿಸುತ್ತಿದ್ದಾರೆ. ಮಾರಿಗುಡಿ ಶಿವಣ್ಣ ಮತ್ತು ಆತನ ಸಹೋದರಿಯರ ಕಥೆ ಹೊಂದಿರುವ ಈ ಸೀರಿಯಲ್‌ ಪ್ರೇಕ್ಷಕರ ಗಮನ ಸೆಳೆದಿದೆ. ತನ್ನ ತಂಗಿಯರಿಗಾಗಿ ಇಡೀ ಜೀವನವನ್ನೇ ಮುಡಿಪಿಟ್ಟ ಅಣ್ಣಯ್ಯ ಕೊನೆಗೂ ಪ್ರೀತಿಯಲ್ಲಿ ಬಿದ್ದಿದ್ದಾನೆ. ಪಾರು ಮೇಲೆ ಅವನಿಗೆ ಮನಸಾಗಿದೆ.

ಅಣ್ಣಯ್ಯ ಸೀರಿಯಲ್‌ ಪಾತ್ರವರ್ಗ

ಅಣ್ಣ ಮತ್ತು ತಂಗಿಯರ ಬಾಂಧವ್ಯದ ಕಥೆ ಹೊಂದಿರುವ ಅಣ್ಣಯ್ಯ ಧಾರಾವಾಹಿ ಜೀ ಕನ್ನಡದಲ್ಲಿ ರಾತ್ರಿ 7.30 ಗಂಟೆಗೆ ಪ್ರಸಾರವಾಗುತ್ತಿದೆ. ಝೀ 5 ಒಟಿಟಿಯಲ್ಲೂ ಈ ಸೀರಿಯಲ್‌ ನೋಡಬಹುದು.ಅಣ್ಣಯ್ಯ ಸೀರಿಯಲ್‌ನಲ್ಲಿ ವಿಕಾಸ್‌ ಉತ್ತಯ್ಯ ನಾಯಕನಾಗಿ ನಟಿಸಿದ್ದಾರೆ.

ವಿಕಾಸ್‌ ಉತ್ತಯ್ಯ - ಶಿವು

ಗಟ್ಟಿಮೇಳ ಖ್ಯಾತಿಯ ನಿಶಾ ರವಿಕೃಷ್ಣನ್‌ ನಾಯಕಿಯಾಗಿದ್ದಾರೆ.

ನಿಶಾ ರವಿಕೃಷ್ಣನ್‌ - ಪಾರು

ಅಂಕಿತಾ ಗೌಡ, ನಾಗಶ್ರೀ ಬೇಗಾರ್‌, ಪ್ರತೀಕ್ಷಾ ಶರೀನಾಥ್‌ ಮತ್ತು ರಾಘವಿ ಅಣ್ಣಯ್ಯನ ತಂಗಿಯರಾಗಿ ಅಭಿನಯಸಿದ್ದಾರೆ. ಅಣ್ಣಯ್ಯ ಸೀರಿಯಲ್‌ನ ಎಲ್ಲಾ ಎಪಿಸೋಡ್‌ಗಳ ಕಥೆ ಇಲ್ಲಿ ಓದಬಹುದು.

ಇದನ್ನೂ ಓದಿ: Annayya Serial: ವೀರಭದ್ರನ ನಾಟಕದ ಬಗ್ಗೆ ಸತ್ಯ ತಿಳಿದ ಪಾರು; ಶಿವು ಆಸ್ತಿ ಕೊಳ್ಳೆ ಹೊಡೆಯುವ ಸಂಚಿಗೆ ಬಿತ್ತು ಬೀಗ