Annayya Serial: ವೀರಭದ್ರನ ನಾಟಕದ ಬಗ್ಗೆ ಸತ್ಯ ತಿಳಿದ ಪಾರು; ಶಿವು ಆಸ್ತಿ ಕೊಳ್ಳೆ ಹೊಡೆಯುವ ಸಂಚಿಗೆ ಬಿತ್ತು ಬೀಗ

ಅಣ್ಣಯ್ಯ ಧಾರಾವಾಹಿಯಲ್ಲಿ ಶಿವುಗೆ ಮೋಸ ಮಾಡಬೇಕು ಎಂದು ವೀರಭದ್ರ ಮಾಡಿದ ಪ್ರಯತ್ನಗಳೆಲ್ಲ ವ್ಯರ್ಥವಾಗುತ್ತಿದೆ. ಆದರೆ ವೀರಭದ್ರ ಮಾತ್ರ ಏನೇ ನಾಟಕ ಮಾಡಿಯಾದರೂ ಸರಿ ತಾನು ಮಾತ್ರ ಆ ಆಸ್ತಿಯನ್ನು ಪಡೆದೇ ತೀರಬೇಕು ಎಂದು ನಿರ್ಧಾರ ಮಾಡಿದ್ದಾನೆ. ಆ ನಿರ್ಧಾರಕ್ಕೆ ತಕ್ಕಂತೆ ಅವನು ಈಗ ಹೊಸ ನಾಟಕವೊಂದನ್ನು ಮಾಡುತ್ತಿದ್ದಾನೆ. ಅವನ ನಾಟಕ ನೋಡಿ ಎಲ್ಲರಿಗೂ ಗಾಬರಿ ಆಗಿದೆ. ಡಾಕ್ಟರ್ ಹತ್ತಿರವೂ ಅವನು ಸುಳ್ಳು ಹೇಳಿಸಿದ್ದಾನೆ. ಆ ಸುಳ್ಳಿನ ಪ್ರಕಾರ ವೀರಭದ್ರನಿಗೆ ಹಾರ್ಟ್‌ ಅಟ್ಯಾಕ್ ಆಗಿದೆ. ಅವನು ಈಗ ಸಾವು ಬದುಕಿನ ನಡುವೆ ಹೋರಾಡುತ್ತಿದ್ದಾನೆ.

ಆ ಕಾರಣ ಶಿವು ಮನೆಗೂ ಈ ವಿಷಯವನ್ನು ತಿಳಿಸಲಾಗುತ್ತದೆ. ವಿಷಯ ತಿಳಿಸಿದ ಕಾರಣ ಶಿವು ಓಡೋಡಿ ಬರುತ್ತಾನೆ. ಪಕ್ಕದ ಮನೆಯ ಸೀನ ಸ್ಕೂಟರ್ ಓಡಿಸಿಕೊಂಡು ಬಂದಿರುತ್ತಾನೆ. ಇವನು ಸ್ಕೂಟರ್ ನಿಲ್ಲಿಸುವವರೆಗೂ ತಾಳ್ಮೆ ಇಟ್ಟುಕೊಳ್ಳದೇ ಬೇಗನೇ ಎದ್ದು ಓಡುತ್ತಾನೆ. ಇನ್ನು ಪಾರು ಕೂಡ ಅವನ ಜೊತೆಯಲ್ಲೇ ಬಂದಿರುತ್ತಾಳೆ. ಬಂದವಳೇ ಸೀದಾ ಹೊರಗಡೆ ನಿಂತು ಡಾಕ್ಟರ್ ಹತ್ತಿರ ಮಾಹಿತಿ ಪಡೆಯುತ್ತಾಳೆ. ಯಾಕೆಂದರೆ ಅವಳೂ ಕೂಡ ಡಾಕ್ಟರ್.

ಆಮೇಲೆ ಅವಳಿಗೆ ಗೊತ್ತಾಗುತ್ತದೆ. ಶಿವು ಹೆಸರನ್ನು ವೀರಭದ್ರ ಕನವರಿಸುತ್ತಾ ಇದ್ದು ಹೇಳುತ್ತಾರೆ. ಆಗ ಇದು ನಾಟಕ ಬೇಕು ಎಂದೇ ಈ ರೀತಿ ಮಾಡ್ತಾ ಇದ್ದಾನೆ ತನ್ನ ತಂದೆ ಎಂದು ಅವಳಿಗೆ ಅರ್ಥ ಆಗುತ್ತದೆ. ಅವಳು ನೇರವಾಗಿ ಹೋಗಿ ವೀರಭದ್ರನ ಹತ್ತಿರ ನಂಗೊತ್ತು ನೀನು ನಾಟಕ ಮಾಡ್ತಾ ಇದೀಯ ಎಂದು ಹೇಳಿಯೇ ಬಿಡುತ್ತಾಳೆ. ಆಗ ವೀರಭದ್ರನಿಗೆ ಶಾಕ್ ಆಗುತ್ತದೆ. ಅವಳ ನಡವಳಿಗೆ ನೋಡಿ ಕೊಂಚ ಭಯವೂ ಆಗುತ್ತದೆ. ಪಾರು ಅಲ್ಲ ನಾನು ಪಾರು ಶಿವು ಎಂದು ಹೆದರಿಸುತ್ತಾಳೆ.

ಇದನ್ನೂ ಓದಿ: ಯಾರಾದ್ರೂ ನನ್ನ ಜತೆ ಫೋಟೋ ತಗೊಂಡ್ರೆ, 1 ಲೀಟರ್ ಪೆಟ್ರೋಲ್‌ ಫ್ರೀ ಸಿಗುತ್ತಾ? ಭಾಗ್ಯಲಕ್ಷ್ಮೀ ಧಾರಾವಾಹಿ ನಟ ಸುದರ್ಶನ್‌ ರಂಗಪ್ರಸಾದ್‌ ಸಂದರ್ಶನ

ಅಣ್ಣಯ್ಯ ಧಾರಾವಾಹಿ

ಜೀ ಕನ್ನಡ ವಾಹಿನಿಯಲ್ಲಿ ಅಣ್ಯಯ್ಯ ಎಂಬ ಅಣ್ಣ ತಂಗಿಯರ ಬಾಂಧವ್ಯದ ಸೀರಿಯಲ್‌ ಮೂಡಿ ಬರುತ್ತಿದ್ದು ಹೆಚ್ಚಿನ ಜನರು ಇದನ್ನು ವೀಕ್ಷಿಸುತ್ತಿದ್ದಾರೆ. ಮಾರಿಗುಡಿ ಶಿವಣ್ಣ ಮತ್ತು ಆತನ ಸಹೋದರಿಯರ ಕಥೆ ಹೊಂದಿರುವ ಈ ಸೀರಿಯಲ್‌ ಪ್ರೇಕ್ಷಕರ ಗಮನ ಸೆಳೆದಿದೆ. ತನ್ನ ತಂಗಿಯರಿಗಾಗಿ ಇಡೀ ಜೀವನವನ್ನೇ ಮುಡಿಪಿಟ್ಟ ಅಣ್ಣಯ್ಯ ಕೊನೆಗೂ ಪ್ರೀತಿಯಲ್ಲಿ ಬಿದ್ದಿದ್ದಾನೆ. ಪಾರು ಮೇಲೆ ಅವನಿಗೆ ಮನಸಾಗಿದೆ.

ಅಣ್ಣಯ್ಯ ಸೀರಿಯಲ್‌ ಪಾತ್ರವರ್ಗ

ಅಣ್ಣ ಮತ್ತು ತಂಗಿಯರ ಬಾಂಧವ್ಯದ ಕಥೆ ಹೊಂದಿರುವ ಅಣ್ಣಯ್ಯ ಧಾರಾವಾಹಿ ಜೀ ಕನ್ನಡದಲ್ಲಿ ರಾತ್ರಿ 7.30 ಗಂಟೆಗೆ ಪ್ರಸಾರವಾಗುತ್ತಿದೆ. ಝೀ 5 ಒಟಿಟಿಯಲ್ಲೂ ಈ ಸೀರಿಯಲ್‌ ನೋಡಬಹುದು.ಅಣ್ಣಯ್ಯ ಸೀರಿಯಲ್‌ನಲ್ಲಿ ವಿಕಾಸ್‌ ಉತ್ತಯ್ಯ ನಾಯಕನಾಗಿ ನಟಿಸಿದ್ದಾರೆ.

ವಿಕಾಸ್‌ ಉತ್ತಯ್ಯ - ಶಿವು

ಗಟ್ಟಿಮೇಳ ಖ್ಯಾತಿಯ ನಿಶಾ ರವಿಕೃಷ್ಣನ್‌ ನಾಯಕಿಯಾಗಿದ್ದಾರೆ.

ನಿಶಾ ರವಿಕೃಷ್ಣನ್‌ - ಪಾರು

ಅಂಕಿತಾ ಗೌಡ, ನಾಗಶ್ರೀ ಬೇಗಾರ್‌, ಪ್ರತೀಕ್ಷಾ ಶರೀನಾಥ್‌ ಮತ್ತು ರಾಘವಿ ಅಣ್ಣಯ್ಯನ ತಂಗಿಯರಾಗಿ ಅಭಿನಯಸಿದ್ದಾರೆ. ಅಣ್ಣಯ್ಯ ಸೀರಿಯಲ್‌ನ ಎಲ್ಲಾ ಎಪಿಸೋಡ್‌ಗಳ ಕಥೆ ಇಲ್ಲಿ ಓದಬಹುದು.

ಇದನ್ನೂ ಓದಿ: Annayya Serial: ಶಿವು ಬದುಕಲ್ಲಿ ತಂಗಾಳಿ ಬೀಸುವ ಹೊತ್ತಲ್ಲಿ, ಪಾರು ಬದುಕಿನಲ್ಲಿ ಬಿರುಗಾಳಿ; ನಿಜ ಹೇಳ್ತಾನಾ ಅಣ್ಣಯ್ಯ?