ಬಾಕ್ಸ್‌ ಆಫೀಸ್‌ನಲ್ಲಿ 420 ಕೋಟಿ ಗಳಿಕೆ ಕಂಡು ಸೂಪರ್‌ ಹಿಟ್‌ ಆದ ಚಿತ್ರ ಶೀಘ್ರದಲ್ಲಿ ಒಟಿಟಿಗೆ ಎಂಟ್ರಿ
Dec 09, 2024 02:37 PM IST
Share
ಬಾಕ್ಸ್‌ ಆಫೀಸ್‌ನಲ್ಲಿ 400 ಕೋಟಿ ಗಳಿಕೆ ಕಂಡು ಸೂಪರ್‌ ಹಿಟ್‌ ಆದ ಚಿತ್ರ ಶೀಘ್ರದಲ್ಲಿ ಒಟಿಟಿಗೆ ಎಂಟ್ರಿ
- Bhool Bhulaiyaa 3 OTT Release: ಇತ್ತೀಚೆಗಷ್ಟೇ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಿ, ಕಲೆಕ್ಷನ್‌ ವಿಚಾರದಲ್ಲಿ ಮೋಡಿ ಮಾಡಿದ್ದ ಬಾಲಿವುಡ್‌ನ ಭೂಲ್ ಭುಲ್ಲಯ್ಯ 3 ಸಿನಿಮಾ ಇದೀಗ ಒಟಿಟಿಗೆ ಆಗಮಿಸುವ ಸನಿಹದಲ್ಲಿದೆ. ಅನೀಸ್ ಬಾಜ್ಮಿ ನಿರ್ದೇಶನದ ಈ ಚಿತ್ರದಲ್ಲಿ ಕಾರ್ತಿಕ್ ಆರ್ಯನ್ ನಾಯಕನಾಗಿ ನಟಿಸಿದ್ದಾರೆ.
Bhool Bhulaiyaa 3 OTT Release: ದೀಪಾವಳಿ ಹಬ್ಬದ ಪ್ರಯುಕ್ತ ಬಾಲಿವುಡ್‌ನಲ್ಲಿ ಈ ವರ್ಷದ ಬಿಗ್ಗೆಸ್ಟ್‌ ಕ್ಲಾಷ್‌ ಘಟಿಸಿತ್ತು. ಬಿಗ್‌ ಬಜೆಟ್‌ನ ಎರಡು ಬಹುನಿರೀಕ್ಷಿತ ಸಿನಿಮಾಗಳಾದ ಭೂಲ್ ಭುಲ್ಲಯ್ಯ 3 ಮತ್ತು ಸಿಂಗಂ ಅಗೇನ್‌ ಸಿನಿಮಾಗಳು ನವೆಂಬರ್‌ 1ರಂದು ಬಿಡುಗಡೆ ಆಗಿದ್ದವು. ಭೂಲ್ ಭುಲ್ಲಯ್ಯ 3 ಸಿನಿಮಾ ಈ ಹಿಂದಿನ ಭೂಲ್ ಭುಲ್ಲಯ್ಯ ಚಿತ್ರದ ಮುಂದುವರಿದ ಭಾಗವಾದರೆ, ಅದೇ ರೀತಿ ಸಿಂಗಮ್ ಅಗೇನ್‌ ಸಿನಿಮಾ ಸಹ ಈ ಹಿಂದಿನ ಸಿಂಗಮ್ ಚಿತ್ರದ ಮುಂದುವರಿದ ಭಾಗವಾಗಿತ್ತು.
ಬಹುತಾರಾಗಣದ ಈ ಎರಡು ಸಿನಿಮಾಗಳು ಬಾಕ್ಸ್‌ ಆಫೀಸ್‌ನಲ್ಲೂ ಮೋಡಿ ಮಾಡಿದ್ದವು. ಆ ಪೈಕಿ ಭೂಲ್ ಭುಲ್ಲಯ್ಯ ಸಿನಿಮಾ, ಸಿಂಗಂ ಚಿತ್ರಕ್ಕಿಂತ ಒಂದು ಕೈ ಮೇಲಿತ್ತು. ಈಗ ಈ ಎರಡು ಸಿನಿಮಾಗಳ ಪೈಕಿ ಭೂಲ್ ಭುಲ್ಲಯ್ಯ ಸಿನಿಮಾ ಒಟಿಟಿಗೆ ಅಂಗಳಕ್ಕೆ ಆಗಮಿಸಲು ಸಜ್ಜಾಗಿದೆ. ಇನ್ನೇನು ಶೀಘ್ರದಲ್ಲಿಯೇ ನೆಟ್‌ಫ್ಲಿಕ್ಸ್‌ ಒಟಿಟಿ ಅಂಗಳಕ್ಕೆ ಎಂಟ್ರಿ ಕೊಡಲಿದೆ.
ಭೂಲ್ ಭುಲ್ಲಯ್ಯ 3 ಸಿನಿಮಾ ಈ ವರ್ಷದ ನಾಲ್ಕನೇ ಅತಿ ಹೆಚ್ಚು ಗಳಿಕೆ ಕಂಡ ಹಾರರ್ ಕಾಮಿಡಿ ಸಿನಿಮಾವಾಗಿದೆ. ಗಲ್ಲಾಪೆಟ್ಟಿಗೆಯಲ್ಲಿ 420 ಕೋಟಿ ರೂ. ಗಳಿಸಿರುವ ಈ ಸಿನಿಮಾದಲ್ಲಿ ಕಾರ್ತಿಕ್ ಆರ್ಯನ್, ವಿದ್ಯಾ ಬಾಲನ್, ತೃಪ್ತಿ ಡಿಮ್ರಿ ಮತ್ತು ಮಾಧುರಿ ದೀಕ್ಷಿತ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದಾರೆ. ಆದಾಗ್ಯೂ, ಈ ಚಿತ್ರವು ಇದೇ ಡಿಸೆಂಬರ್‌ನಲ್ಲಿಯೇ ಒಟಿಟಿಗೆ ಪದಾರ್ಪಣೆ ಮಾಡಲು ಸಜ್ಜಾಗಿದೆ ಎನ್ನಲಾಗುತ್ತಿದೆ.
ನೆಟ್‌ಫ್ಲಿಕ್ಸ್‌ ಒಟಿಟಿಗೆ ಭೂಲ್ ಭುಲ್ಲಯ್ಯ
ನವೆಂಬರ್‌ 1ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಈ ಸಿನಿಮಾ ಎಲ್ಲ ಅಂದುಕೊಂಡಂತೆ ಆಗಿದ್ದರೆ, 2025ರಲ್ಲಿ ರಿಲೀಸ್‌ ಆಗಲಿದೆ ಎಂದೇ ಹೇಳಲಾಗಿತ್ತು. ಆದರೆ, ಇದೀಗ ಲೇಟೆಸ್ಟ್‌ ಮಾಹಿತಿ ಪ್ರಕಾರ ಈ ಸಿನಿಮಾ ಇದೇ ತಿಂಗಳಲ್ಲಿ ಒಟಿಟಿಗೆ ಆಗಮಿಸಲಿದೆ ಎನ್ನಲಾಗುತ್ತಿದೆ. ಡಿಸೆಂಬರ್‌ 27ರಂದು ಈ ಸಿನಿಮಾ ನೆಟ್‌ಫ್ಲಿಕ್ಸ್‌ಗೆ ಬರುವ ಸಾಧ್ಯತೆಗಳಿವೆ.
ಈ ವರ್ಷ ಹಾರರ್ ಕಾಮಿಡಿ ಶೈಲಿಯ ಚಿತ್ರಗಳು ಬಾಕ್ಸ್‌ ಆಫೀಸ್‌ನಲ್ಲಿ ಯಶಸ್ಸು ಗಳಿಸಿವೆ. ಸ್ತ್ರೀ 2 ಮತ್ತು ಮುಂಜ್ಯ ಚಿತ್ರಗಳು ಕಮರ್ಷಿಯಲ್‌ ಆಗಿ ಹಿಟ್‌ ಆಗಿವೆ. ಭೂಲ್ ಭುಲ್ಲಯ್ಯ 3 ಸಹ ಬ್ಲಾಕ್ ಬಸ್ಟರ್ ಆಗಿದೆ. ಅನೀಸ್ ಬಾಜ್ಮಿ ಅಭಿನಯದ ಈ ಚಿತ್ರದಲ್ಲಿ ಕಾರ್ತಿಕ್ ಆರ್ಯನ್, ವಿದ್ಯಾ ಬಾಲನ್, ತೃಪ್ತಿ ಡಿಮ್ರಿ ಮತ್ತು ಮಾಧುರಿ ದೀಕ್ಷಿತ್ ನಟಿಸಿದ್ದಾರೆ.