ಬಿಗ್‌ಬಾಸ್‌ನಲ್ಲಿ ಕೆಲವರು ತೊಟ್ಟಿಲು ತೂಗುತ್ತಾರೆ, ಕೆಲವರು ಮಗುನಾ ಚಿವುಟುತ್ತಾರೆ, ಆದ್ರೆ ನೀವು... ಸುದೀಪ್‌ ಹೇಳಿಕೆಗೆ ಕಣ್ಣೀರಿಟ್ಟ ಭವ್ಯಾ
Nov 10, 2024 11:23 AM IST
Share
ಸುದೀಪ್‌ ಹೇಳಿಕೆಗೆ ಕಣ್ಣೀರಿಟ್ಟ ಭವ್ಯಾ
- Bigg Boss Kannada 11: ಬಿಗ್ಬಾಸ್ ಕನ್ನಡ ಸೀಸನ್‌ 11ರ ಇಂದಿನ ಎಪಿಸೋಡ್‌ನಲ್ಲಿ ಏನೆಲ್ಲ ಇರಲಿದೆ ಎಂದು ಕಲರ್ಸ್‌ ಕನ್ನಡ ಪ್ರಮೋದಲ್ಲಿ ಸೂಚ್ಯವಾಗಿ ಮಾಹಿತಿ ನೀಡಿದೆ. ಹನುಮಂತು ಮುಗ್ಧನಾ ಎಂಬ ಪ್ರಶ್ನೆಯನ್ನೂ ಇವತ್ತೂ ಕೇಳಲಾಗಿದೆ. ಇದೇ ಸಮಯದಲ್ಲಿ ಎಲ್ಲರಿಗೂ ಅವಾರ್ಡ್‌ ಕೂಡ ದೊರಕಿದೆ.
Bigg Boss Kannada 11: ಸೂಪರ್ ಸಂಡೇ ವಿತ್ ಬಾದ್ಷಾ ಸುದೀಪ- ಬಿಗ್ಬಾಸ್ ಕನ್ನಡ ಸೀಸನ್‌ 11ರ ಇಂದಿನ ಭಾನುವಾರದ ಸಂಚಿಕೆಯ ಕುರಿತೂ ಆಸಕ್ತಿದಾಯಕ ಪ್ರಮೋಗಳನ್ನು ಕಲರ್ಸ್‌ ಕನ್ನಡ ಬಿಡುಗಡೆ ಮಾಡಿದೆ. ಈ ದಿನ ವಾದ ಕತೆ ಕಿಚ್ಚನ ಜೊತೆಯಲ್ಲಿ ಸಾಕಷ್ಟು ಸ್ಪರ್ಧಿಗಳಿಗೆ ಕಿಚ್ಚನ ಕ್ಲಾಸ್‌ ಇರಲಿದೆ. ಹನುಮಂತು ಮುಗ್ದನಾ ಎಂಬ ಪ್ರಶ್ನೆಯನ್ನೂ ಸುದೀಪ್‌ ಕೇಳಿದ್ದಾರೆ. ಇದಕ್ಕೆ ಸ್ಪರ್ಧಿಗಳು ಥರೇವಾರಿ ಉತ್ತರ ನೀಡಿದ್ದಾರೆ. ಭವ್ಯ ಅವರಿಗೆ ಸುದೀಪ್‌ ನಿನ್ನೆಯ ಎಪಿಸೋಡ್‌ನಲ್ಲಿ "ಬಿಗ್‌ಬಾಸ್‌ನಲ್ಲಿ ಕೆಲವರು ತೊಟ್ಟಿಲು ತೂಗುತ್ತಾರೆ, ಕೆಲವರು ಮಗುನಾ ಚಿವುಟುತ್ತಾರೆ, ಆದ್ರೆ ನೀವು..." ಎಂದು ಹೇಳಿದ ಘಟನೆ ನೆನಪಿಸಿಕೊಳ್ಳುವ ಮುನ್ನ ಇಂದಿನ ಬಿಗ್ಬಾಸ್ ಸಂಚಿಕೆಯಲ್ಲಿ ಏನಿರಲಿದೆ ಎಂದು ತಿಳಿದುಕೊಳ್ಳೋಣ.
ಇಂದಿನ ಎಪಿಸೋಡ್‌ನಲ್ಲಿ ಏನಿರಲಿದೆ?
ಸೂಪರ್ ಸಂಡೇ ವಿತ್ ಬಾದ್ಷಾ ಸುದೀಪ ಎಪಿಸೋಡ್‌ ಇಂದು ರಾತ್ರಿ 9 ಗಂಟೆಗೆ ಇರಲಿದೆ. ಇಂದು ಬಿಗ್‌ಬಾಸ್‌ನಲ್ಲಿ ವಿವಿಧ ಸ್ಪರ್ಧಿಗಳಿಗೆ ಬಹುಮಾನ ಇರಲಿದೆ. "ಮನೆ ಮೆಚ್ಚಿದ ಫೇಕ್‌ ಕಂಟೆಂಟ್‌ ಯಾರು?" ಎಂದು ಸುದೀಪ್‌ ಕೇಳಿದಾಗ ಸಾಕಷ್ಟು ಸ್ಪರ್ಧಿಗಳು "ಚೈತ್ರಾ, ಚೈತ್ರಕ್ಕ" ಎಂದಿದ್ದಾರೆ. "ಬಿಗ್ಬಾಸ್ ಮನೆಯ ಊಸರವಳ್ಳಿ ಕಂಟೆಸ್ಟೆಂಟ್‌ ಯಾರು? ಎಂಬ ಪ್ರಶ್ನೆಗೆ "ಸುರೇಶಣ್ಣ, ಗೋಲ್ಡ್‌ ಸುರೇಶ್‌" ಎಂದು ಕೆಲವರು ಉತ್ತರಿಸಿದ್ದಾರೆ. "ಹೂ ನಮ್ಮ ಮಾವ" ಎಂದು ಹನುಮಂತ ಕೂಡ ಗೋಲ್ಡ್‌ ಸುರೇಶ ಅವರನ್ನು ಊಸರವಳ್ಳಿ ಎಂದಿದ್ದಾರೆ. "ಅಲ್ಲಿಂದ ಇಲ್ಲಿ ಹೇಳುವುದು, ಇಲ್ಲಿಂದ ಹೇಳುವುದು ನನ್ನ ಕ್ಯಾರೆಕ್ಟರ್‌ ಅಲ್ಲ. ಹನುಮಂತ ಬಗ್ಗ ನಾನು ಮಾತನಾಡುವುದಿಲ್ಲ ಸರ್‌, ಆದರೆ, ಅವರು ತಿಳಿದುಕೊಂಡಿರುವುದು ತಪ್ಪು, ನಾನು ಊಸರವಳ್ಳಿ ಅಲ್ಲ" ಎಂದು ಗೋಲ್ಡ್‌ ಸುರೇಶ್‌ ಬಲವಾಗಿ ತಮಗೆ ಬಂದ ಬಹುಮಾನವನ್ನು ನಿರಾಕರಿಸಿದ್ದಾರೆ.
ಸುದೀಪ್‌ ಹೇಳಿಕೆಗೆ ಕಣ್ಣೀರಿಟ್ಟ ಭವ್ಯಾ
ನಿನ್ನೆಯ ಎಪಿಸೋಡ್‌ನಲ್ಲಿ ಸ್ಪರ್ಧಿ ಭವ್ಯಾರನ್ನು ಸುದೀಪ್‌ ಎಚ್ಚರಿಸಿದ್ದಾರೆ. ಸುದೀಪ್‌ ಮಾತಿಗೆ ಭವ್ಯಾಳ ಕಣ್ಣಲ್ಲಿ ಕಣ್ಣೀರು ಬಂದಿದೆ. "ಭವ್ಯಾ ಅವರೇ ಈ ಮನೆಯಲ್ಲಿ ಏನು ನಡೆಯುತ್ತಿದೆ ಎಂದು ಹೇಳುತ್ತೇನೆ, ಇಲ್ಲಿ ಕೆಲವರು ತೊಟ್ಟಿಲು ತೂಗುತ್ತಾರೆ. ಇನ್ನು ಕೆಲವರು ತೊಟ್ಟಿಲಲ್ಲಿ ಇರುವ ಮಗುನಾ ಚಿವುಟುತ್ತಾರೆ. ಆದರೆ, ನೀವು ಇಲ್ಲಿ ಮಗು ಆಗಿದ್ದೀರಿ" ಎಂದು ಎಚ್ಚರಿಸಿದ್ದಾರೆ. ಈ ಮೂಲಕ ನೀವು ಈ ಮನೆಯಲ್ಲಿ ಆಡುತ್ತಿಲ್ಲ, ಉಳಿದವರ ಪಾಲಿಗೆ ತೊಟ್ಟಿಲಲ್ಲಿ ಇರುವ ಮಗು ಆಗಿದ್ದೀರಿ ಎಂದು ಸೂಚ್ಯವಾಗಿ ತಿಳಿಸಿದ್ದಾರೆ.
ಬಿಗ್‌ಬಾಸ್‌ನ ನಿನ್ನೆಯ ಸಂಚಿಕೆಯಲ್ಲಿ ಭವ್ಯಾ ಗೌಡ ಕಿಚ್ಚನ ಚಪ್ಪಾಳೆ ಮಾಡಿಕೊಂಡಿದ್ದಾರೆ. "ಸ್ಪರ್ಧಿಗಳನ್ನು ನಾಮಿನೇಟ್‌ ಮಾಡುವಾಗಲೂ ನಿಮ್ಮ ಧ್ವನಿ ಎಲ್ಲೂ ಕೇಳಿ ಬಂದಿಲ್ಲ. ಮೊದಲಿಗೆ ಬಿಗ್ಬಾಸ್ ಆಟವನ್ನು ಸರಿಯಾಗಿ ಮಾಡಿಕೊಳ್ಳಿ. ಯಾವಾಗ ಧ್ವನಿ ಎತ್ತಬೇಕು ಎಂದು ತಿಳಿದುಕೊಳ್ಳಿ. ಉಗ್ರಂ ಮಂಜು ಅವರ ಮಾತನ್ನು ಈಗಾಗಲೇ ನೀವು ಕೇಳಿದ್ರಿ. ಅವರು ನಿಮಗೆ ಮಾತು ಕೊಟ್ಟಾಗ ಅದನ್ನು ಉಳಿಸಿಲ್ಲ ಅಂದ್ರು. ಭವ್ಯ ಅವರೇ ನೀವು ಇದನ್ನು ಪ್ರಶ್ನೆ ಮಾಡಬೇಕಿತ್ತು. ಇದೇ ಕಾರಣಕ್ಕೆ ನೀವು ಕಿಚ್ಚನ ಚಪ್ಪಾಳೆಯನ್ನು ಈ ವಾರ ಕಳೆದುಕೊಂಡಿರುವಿರಿ. ಪ್ರಶ್ನೆ ಮಾಡುವ ಸಮಯದಲ್ಲಿ ನೀವು ಪ್ರಶ್ನೆ ಮಾಡಬೇಕಿತ್ತು. ಧಾರಾವಾಹಿ ನೆರವಿನಿಂದ, ವ್ಯಕ್ತಿತ್ವದಿಂದ ಈ ಮನೆಯಲ್ಲಿ ಸುರಕ್ಷಿತವಾಗಿರಬಹುದು ಎನ್ನುವ ಭ್ರಮೆ ಬೇಡ. ಇಲ್ಲಿ ಸಾಕಷ್ಟು ದೊಡ್ಡ ದೊಡ್ಡ ಸೆಲೆಬ್ರಿಟಿಗಳು ಬಂದು ಹೋಗಿದ್ದಾರೆ" ಎಂದು ಸುದೀಪ್‌ ಭವ್ಯಾ ಗೌಡರಿಗೆ ಎಚ್ಚರಿಕೆಯ ಮಾತುಗಳನ್ನು ನೀಡಿದ್ದಾರೆ.