ಗುಡ್‌ ರೋಸ್ಟ್‌ ಹೆಸರಲ್ಲಿ ನಟಿಯನ್ನು ಕೆಟ್ಟದಾಗಿ ರೋಸ್ಟ್‌ ಮಾಡಿದ ಯೂಟ್ಯೂಬ್‌ ಚಾನೆಲ್‌; ಆಘಾತಕಾರಿ, ನಿರ್ದಯ ಎಂದ ಕುಶಾ ಕಪಿಲಾ

Pretty Good Roast Show on YouTube: ನಟಿ ಮತ್ತು ಕಂಟೆಂಟ್‌ ಕ್ರಿಯೆಟರ್‌ ಕುಶಾ ಕಪಿಲಾ ಅವರು ಇತ್ತೀಚಿಗೆ ಭಾಗವಹಿಸಿದ ಯೂಟ್ಯೂಬ್‌ ಶೋ ಕುರಿತು ಇಂಟರ್‌ನೆಟ್‌ನಲ್ಲಿ ಬಿಸಿಬಿಸಿ ಚರ್ಚೆಯಾಗುತ್ತಿದೆ. ಇವರು ಆಶಿಶ್‌ ಸೊಲಂಕಿ ಯೂಟ್ಯೂಬ್‌ನಲ್ಲಿ ನಡೆಸಿಕೊಡುವ "ಪ್ರಿಟಿ ಗುಡ್‌ ರೋಸ್ಟ್‌ ಶೋ"ನಲ್ಲಿ ಭಾಗವಹಿಸಿದ್ದಾರೆ. ಈ ಶೋನಲ್ಲಿ ಸಮಯ ರೈನಾ, ಆದಿತ್ಯ ಕುಲಶ್ರೇಷ್ಠ್, ಶ್ರೇಯಾ ಪ್ರಿಯಂ ರಾಯ್ ಮತ್ತು ಗುರ್ಲೀನ್ ಪನ್ನು ಮುಂತಾದ ಸ್ಟ್ಯಾಂಡ್-ಅಪ್ ಕಾಮಿಡಿಯನ್‌ಗಳು ಭಾಗವಹಿಸಿದ್ದರು. ಇವರೆಲ್ಲರು ಕುಶಾರ ವೈಯಕ್ತಿಕ ವಿಚಾರದ ಕುರಿತು ಹಾಸ್ಯ ಚಟಾಕಿ ಹಾರಿಸಿದ್ದಾರೆ. ಜೋಕ್‌ರಾವರ್ ಸಿಂಗ್ ಅಹ್ಲುವಾಲಿಯಾ ಜತೆಗಿನ ಡಿವೋರ್ಸ್‌ ವಿಚಾರವನ್ನು ಕಾಮಿಡಿಯಾಗಿ ತಿಳಿಸಿ ಕುಶಾ ಕಪಿಲಾಗೆ ಮುಜುಗರ ಉಂಟುಮಾಡಿದ್ದಾರೆ.

ಈ ಶೋನಲ್ಲಿ ಭಾಗವಹಿಸಿದ ಔಚಿತ್ಯವನ್ನು ಅಭಿಮಾನಿಗಳು ಪ್ರಶ್ನಿಸಿದ ಬಳಿಕ ಇದೀಗ ಕುಶಾ ತನ್ನ ಹೇಳಿಕೆಯನ್ನು ಬಿಡುಗಡೆ ಮಾಡಿದ್ದಾರೆ. ಈ ಸಂದರ್ಭದಲ್ಲಿ ಇವರು ತನ್ನ ನಿಲುವನ್ನು ಸ್ಪಷ್ಟಪಡಿಸಿದ್ದಾರೆ.

ಸ್ನೇಹದಿಂದ ಭಾಗವಹಿಸಿದೆ

"ಇದು ಉತ್ತಮ ನಂಬಿಕೆಯಿಂದ ಮತ್ತು ಫೆಂಡ್ಸ್‌ಗಾಗಿ ಭಾಗವಹಿಸಿದ ಶೋ. ಇದರಲ್ಲಿ ಭಾಗವಹಿಸಲು ಯಾರಿಗೂ ಹಣ ನೀಡಿಲ್ಲ. ಈ ರೀತಿಯ ಅವಮಾನಕ್ಕೆ ಈಡಾಗಲೂ ಸಾಕಷ್ಟು ಹಣ ಪಡೆದಿದ್ದಾರೆ ಎನ್ನುವ ವಾದವು ಆಧಾರರಹಿತವಾಗಿದೆ" ಎಂದು ಅವರು ಹೇಳಿದ್ದಾರೆ.

ಮೊದಲೇ ಜೋಕ್ಸ್‌ ಹಂಚಿಕೊಂಡಿರಲಿಲ್ಲ

"ನನ್ನ ಕಡೆಗೆ ಯಾವ ಜೋಕ್ಸ್‌ ಬಿಸಾಕಲಾಗುತ್ತದೆ ಎಂದು ನನಗೆ ಮೊದಲೇ ತಿಳಿದಿರಲಿಲ್ಲ. ನನಗೆ ಯಾವುದೇ ಸ್ಕ್ರಿಪ್ಟ್‌ ನೀಡಲಾಗಿರಲಿಲ್ಲ. ಇದರಲ್ಲಿ ನನ್ನ ಸ್ನೇಹಿತರೇ ಭಾಗವಹಿಸಿದ್ದರಿಂದ ನಾನು ಸ್ಕ್ರಿಪ್ಟ್‌ ಕೇಳಲೂ ಇಲ್ಲ. ಇದು ದೊಡ್ಡ ತಪ್ಪು" ಎಂದು ಕುಶಾ ಹೇಳಿದ್ದಾರೆ.

ಅಮಾನವೀಯವಾಗಿ ನಡೆಸಿಕೊಂಡ್ರು

"ಲೈವ್‌ ಪ್ರೇಕ್ಷಕರು ಮತ್ತು ತಂತ್ರಜ್ಞರ ಮುಂದೆ ಕೆಲವೊಂದು ಅಸಹ್ಯಕರವಾದ ಹಾಸ್ಯವನ್ನು ಸಹಿಸಿಕೊಂಡಿರುವೆ. ಆದರೆ, ಕೆಲವು ಜೋಕ್ಸ್‌ಗಳು ಅಮಾನವೀಯವಾಗಿದ್ದವು. ಲಕ್ಷಾಂತರ ಜನರ ಮುಂದೆ ಇಂತಹ ಕೆಟ್ಟ ಜೋಕ್ಸ್‌ ಮಾಡುವುದು ತರವಲ್ಲ. ಇದು ಆಘಾತಕಾರಿ, ನಿರ್ದಯ ಸಂಗತಿ" ಎಂದು ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಸಹಾಯ ಮಾಡಿ ಎಂದು ಬೀದಿಬೀದಿ ಅಲೆದಾಡುತ್ತಿದ್ದಾನೆ ಪಾರ್ಥ; ವಿಷಯ ತಿಳಿದುಕೊಂಡ ಗೌತಮ್‌ ಅಭಿಪ್ರಾಯ ಹೀಗಿತ್ತು- ಅಮೃತಧಾರೆ ಸೀರಿಯಲ್‌ ಸ್ಟೋರಿ

ಹೇಡಿ ಎಂದು ಕರೆಯುತ್ತಿದ್ದರು

ಎಲ್ಲಾದರೂ ಈ ಎಪಿಸೋಡ್‌ ಅನ್ನು ನಾನು ಲೈವ್‌ ಮಾಡಲು ಬಿಡಿದೆ ಇದ್ದರೆ ನನ್ನನ್ನು ಹೇಡಿ, ಅಂಜುಬುರಕಿ ಅನ್ನುತ್ತಿದ್ದರು. ನನ್ನನ್ನು ಟ್ರೋಲ್‌ ಮಾಡುತ್ತಿದ್ದರು ಎಂದು ಕುಶಾ ಸ್ಪಷ್ಟಪಡಿಸಿದ್ದಾರೆ.

ಕಳೆದ ಆರು ತಿಂಗಳ ಸಮಯದಲ್ಲಿ ನನಗೆ ಇದೆಲ್ಲ ಆಗುತ್ತದೆ ಎಂದು ತಿಳಿದಿತ್ತು. ಇಂತಹ ಹಾಸ್ಯಗಳನ್ನು ಮಾಡಲಿದ್ದಾರೆ ಎಂದು ತಿಳಿದಿತ್ತು. ವಿಚ್ಛೇದಿತ ಮಹಿಳೆಯನ್ನು ಈ ಸಮಾಜ ನೋಡುವುದು ಹೀಗೆ. ತಾಂತ್ರಿಕವಾಗಿ ಇದು ನನ್ನ ವೃತ್ತಿಜೀವನದ ಮೂರನೇ ರೋಸ್ಟ್‌ ಶೋ. ನನಗೆ ಏನಾಗಬಹುದು ಎಂದು ತಿಳಿಯದೆ ಮತ್ತೊಮ್ಮೆ ಈ ರೋಸ್ಟ್‌ ಸೀಟ್‌ನಲ್ಲಿ ಕುಳಿತುಕೊಳ್ಳುವುದಿಲ್ಲ. ಹಿಂದಿನ ಎರಡು ರೋಸ್ಟ್‌ಗಳು ಅದ್ಭುತ ಅನುಭವ ನೀಡಿತ್ತು. ಆದರೆ, ಈ ಬಾರಿಯ ರೋಸ್ಟ್‌ ಶೋ ನನ್ನ ವೈಯಕ್ತಿಕ ಬದುಕಿಗೆ ಹಾನಿ ಮಾಡಿತು ಎಂದು ಅವರು ಹೇಳಿದ್ದಾರೆ.

ಕುಶಾ ನಟನೆಯ ಲೈಫ್‌ ಹಿಲ್‌ ಗಯಿ ಸಿನಿಮಾ ಸದ್ಯದಲ್ಲಿಯೇ ಬಿಡುಗಡೆಯಾಗಲಿದೆ. ಲೈಪ್‌ ಹಿಲ್‌ ಗಯಿ ಟ್ರೇಲರ್‌ ರಿಲೀಸ್‌ ಆಗಿದೆ.