Kanguva OTT: ಒಟಿಟಿ ದೈತ್ಯನ ತೆಕ್ಕೆಗೆ ಸೂರ್ಯ ನಟನೆಯ ಕಂಗುವಾ!; ಯಾವಾಗ, ಯಾವ ಒಟಿಟಿಗೆ ಬರಲಿದೆ ಈ ಸಿನಿಮಾ
Nov 16, 2024 06:23 PM IST
Share
ನಟ ಸೂರ್ಯ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ‘ಕಂಗುವಾ’ ಯಾವ ಒಟಿಟಿಯಲ್ಲಿ ಬಿಡುಗಡೆ ಆಗಲಿದೆ? ಇಲ್ಲಿದೆ ಮಾಹಿತಿ
- ನವೆಂಬರ್‌ 14ರಂದು ಸೂರ್ಯ ನಟನೆಯ ಕಂಗುವ ಸಿನಿಮಾ ಹಲವು ಭಾಷೆಗಳಲ್ಲಿ ಬಿಡುಗಡೆ ಆಗಿದೆ. ಯಾವಾಗ ಈ ಸಿನಿಮಾವನ್ನು ಓಟಿಟಿಯಲ್ಲಿ ನೋಡಬಹುದು ಎಂದು ಜನರು ಕಾತರದಿಂದ ಕಾಯುತ್ತಿದ್ದಾರೆ. ಅದಕ್ಕೆ ಇಲ್ಲೇ ಇದೆ ನೋಡಿ ಉತ್ತರ.
Kanguva OTT: ಸೂರ್ಯ ನಟನೆಯ ಬಹು ನಿರೀಕ್ಷಿತ ಕಂಗುವ ಸಿನಿಮಾ ನವೆಂಬರ್‌ 14ರಂದು ತೆರೆಕಂಡಿದೆ. ತಮಿಳಿನ ಜತೆಗೆ ಹಲವು ಭಾಷೆಗಳಲ್ಲಿ ಈ ಸಿನಿಮಾ ರಿಲೀಸ್‌ ಆಗಿದೆ. ಆರಂಭದಿಂದಲೂ ದೊಡ್ಡ ಮಟ್ಟದ ಹೈಪ್‌ ಕ್ರಿಯೇಟ್‌ ಮಾಡಿದ್ದ ಈ ಸಿನಿಮಾ, ಸಾವಿರಾರು ಸ್ಕ್ರೀನ್‌ಗಳ ಮೇಲೆ ಅಬ್ಬರಿಸುತ್ತಿದೆ. ಹೀಗಿರುವಾಗಲೇ, ಇದೇ ಸಿನಿಮಾದ ಒಟಿಟಿ ವಿಚಾರ ಇದೀಗ ಸದ್ದು ಮಾಡುತ್ತಿದೆ. ಹಾಗಾದರೆ ಯಾವ ಒಟಿಟಿ ಈ ಸಿನಿಮಾದ ಹಕ್ಕುಗಳನ್ನು ಖರೀದಿಸಿದೆ? ಯಾವಾಗಿನಿಂದ ಸ್ಟ್ರೀಮಿಂಗ್ ಆರಂಭಿಸಬಹುದು? ಇಲ್ಲಿದೆ ಮಾಹಿತಿ.
ವಿಶ್ವಾದ್ಯಂತ 40 ಕೋಟಿ ರೂ ಗಳಿಸಿದ ಕಂಗುವಾ
ರಜನಿಕಾಂತ್‌ ಅಭಿನಯದ ವೇಟ್ಟೈಯನ್‌ ಸಿನಿಮಾ ಮೊದಲ ದಿನ ವಿಶ್ವಾದ್ಯಂತ 70 ಕೋಟಿ ರೂ ಕಲೆಕ್ಷನ್ ಮಾಡಿತ್ತು. ಕಂಗುವಾ ಸಿನಿಮಾ ಅದಕ್ಕಿಂತ ಹೆಚ್ಚು ಕಲೆಕ್ಷನ್ ಮಾಡಿ ರಜನಿಕಾಂತ್‌ ಸಿನಿಮಾವನ್ನು ಹಿಂದಿಕ್ಕಬಹುದು ಎಂದು ಅಂದಾಜಿಸಲಾಗಿತ್ತು. ಆದರೆ ಸಿನಿಮಾ ಮೊದಲ ದಿನ ವೇಟ್ಟೈಯನ್‌ಗೂ ಕಡಿಮೆ ಸಂಗ್ರಹಿಸಿದೆ. ಕಂಗುವಾ ಮೊದಲ ದಿನ ದೇಶಾದ್ಯಂತ 28.50 ಕೋಟಿ ರೂ. ಗ್ರಾಸ್‌ ಕಲೆಕ್ಷನ್ ಹಾಗೂ ಓವರ್‌ಸೀಸ್‌ 11.50 ಕೋಟಿ ರೂ. ಸೇರಿ ಒಟ್ಟು ವರ್ಲ್ಡ್‌ ವೈಡ್‌ 40 ಕೋಟಿ ರೂ ಗಳಿಸಿರುವುದಾಗಿ Sacnilk ವರದಿ ಮಾಡಿದೆ. ಅದರಲ್ಲಿ ತಮಿಳುನಾಡಿನ ಪಾಲು ಹೆಚ್ಚಾಗಿದೆ. ಅಂದುಕೊಂಡಿದ್ದಕ್ಕಿಂದ ಕಡಿಮೆ ಕಲೆಕ್ಷನ್ ಮಾಡಿರುವುದು ಸೂರ್ಯ ಅಭಿಮಾನಿಗಳಿಗೆ ನಿರಾಸೆ ಉಂಟು ಮಾಡಿದೆ. ಆದರೆ ಚಿತ್ರತಂಡ ಮೊದಲ ದಿನ 58 ಕೋಟಿ ರೂ ಗಳಿಸಿರುವುದಾಗಿ ಹೇಳಿಕೊಂಡಿದೆ.
ಒಟಿಟಿಗೆ ಯಾವಾಗ?
ಡಿಸೆಂಬರ್ ಮಧ್ಯಂತರದಲ್ಲಿ ಈ ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆಯಾಗಬಹುದು ಎಂದು ಹೇಳಲಾಗುತ್ತಿದೆ. ನಿರೀಕ್ಷೆಗೆ ತಕ್ಕಷ್ಟು ಈ ಸಿನಿಮಾ ಕಲೆಕ್ಷನ್ ಕೂಡ ಆಗಿಲ್ಲ ಎಂದು ಹೇಳಲಾಗುತ್ತಿದೆ. ಅಮೆಜಾನ್‌ ಪ್ರೈಂನಲ್ಲಿ ಈ ಸಿನಿಮಾ ಬಿಡುಗಡೆಯಾಗಲಿದೆ ಈ ಕುರಿತು ಎಕ್ಸ್‌ನಲ್ಲಿ ಮಾಹಿತಿ ಲಭ್ಯವಾಗಿದೆ.
ಕಂಗುವಾ ಸಿನಿಮಾ 2D, 3D and IMAX ಫಾರ್ಮಾಟ್‌ಗಳಲ್ಲಿ ಸುಮಾರು 8 ಭಾಷೆಗಳಲ್ಲಿ ತೆರೆ ಕಂಡಿದೆ. ಚಿತ್ರಕ್ಕೆ 350 ಕೋಟಿ ರೂ. ಖರ್ಚು ಮಾಡಲಾಗಿದ್ದು ಇದು ಈ ವರ್ಷ ತೆರೆ ಕಂಡ ಬಹು ನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾಗಿದೆ. ಕಳೆದ ವರ್ಷ ಜುಲೈ 23 ರಂದು ಚಿತ್ರದ ಮೊದಲ ಟೀಸರ್‌ ರಿಲೀಸ್‌ ಮಾಡಲಾಗಿತ್ತು. ಟೀಸರ್‌ ರಿಲೀಸ್‌ ಆಗಿ 24 ಗಂಟೆಗಳ ಅವಧಿಯಲ್ಲಿ 30 ಮಿಲಿಯನ್‌ ವೀಕ್ಷಣೆ ಕಂಡು ದಾಖಲೆ ಬರೆದಿತ್ತು. ಇದೇ ವರ್ಷ ಆಗಸ್ಟ್ 12 ರಂದು ಬಿಡುಗಡೆಯಾಗಿದ್ದ ಥಿಯೇಟ್ರಿಕಲ್ ಟ್ರೈಲರ್ ಕೂಡಾ ಉತ್ತಮ ಪ್ರಶಂಸೆ ಗಳಿಸಿತ್ತು ಎಂದು ಈ ಹಿಂದೆ ಸುದ್ದಿಯಾಗಿದೆ.
8 ಭಾಷೆಗಳಲ್ಲಿ ಬಿಡುಗಡೆಯಾಗಿದೆ ಸಿನಿಮಾ
ಚಲನಚಿತ್ರವು ಪ್ರಪಂಚದಾದ್ಯಂತ 11,000 ಕ್ಕೂ ಹೆಚ್ಚು ಪರದೆಗಳಲ್ಲಿ ಪ್ರದರ್ಶನಗೊಂಡಿದೆ. ತಮಿಳು, ಮಲಯಾಳಂ, ತೆಲುಗು, ಕನ್ನಡ, ಹಿಂದಿ, ಇಂಗ್ಲಿಷ್, ಫ್ರೆಂಚ್ ಮತ್ತು ಸ್ಪ್ಯಾನಿಷ್ ಸೇರಿದಂತೆ ಎಂಟು ಭಾಷೆಗಳಲ್ಲಿ ಬಿಡುಗಡೆಯಾಗಿದೆ.
ಕನ್ನಡದಲ್ಲಿ ಕಂಗುವಾ
ಕನ್ನಡದಲ್ಲಿ ಕಂಗುವಾ ಸಿನಿಮಾ ಹಕ್ಕುಗಳನ್ನು ಕೆವಿಎನ್‌ ಪ್ರೊಡಕ್ಷನ್ಸ್‌ ಖರೀದಿಸಿದೆ. ಚಿತ್ರದ ಡಿಜಿಟಲ್ ಸ್ಟ್ರೀಮಿಂಗ್ ಹಕ್ಕುಗಳನ್ನು ದಕ್ಷಿಣದಲ್ಲಿ ಅಮೆಜಾನ್‌ ಪ್ರೈಂ ಪಡೆದುಕೊಂಡಿದೆ. ಕಂಗುವಾ ಕೂಡಾ 2 ಭಾಗಗಳಲ್ಲಿ ತಯಾರಾಗುತ್ತಿದ್ದು ಎರಡನೇ ಭಾಗವು 2027ರ ಅಂದಾಜು ಮೇ ತಿಂಗಳಿನಲ್ಲಿ ತೆರೆ ಕಾಣಲಿದೆ. ಇದನ್ನು ಹೊರತುಪಡಿಸಿ ನಟ ಸೂರ್ಯ, ಕಾರ್ತಿಕ್‌ ಸುಬ್ಬರಾಜು ನಿರ್ದೇಶನದ ಮತ್ತೊಂದು ಸಿನಿಮಾದಲ್ಲಿ ನಟಿಸಿದ್ದಾರೆ.
ಕಂಗುವಾ ಫ್ಯಾಂಟಸಿ ಆಕ್ಷನ್‌ ಸಿನಿಮಾವಾಗಿದ್ದು ಚಿತ್ರವನ್ನು ಸ್ಟುಡಿಯೋ ಗ್ರೀನ್‌, ಯುವಿ ಕ್ರಿಯೇಷನ್ಸ್‌ ಬ್ಯಾನರ್‌ ಅಡಿ ನಿರ್ಮಾಣವಾಗಿದೆ. ಈ ಚಿತ್ರಕ್ಕೆ ಸಿರುತೈ ಶಿವ ಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. ಚಿತ್ರದ ಹಾಡುಗಳಿಗೆ ದೇವಿ ಶ್ರೀ ಪ್ರಸಾದ್‌ ಸಂಗೀತ ನೀಡಿದ್ದಾರೆ. ಚಿತ್ರದಲ್ಲಿ ಸೂರ್ಯ, ಬಾಬಿ ಡಿಯೋಲ್‌, ದಿಶಾ ಪಟಾನಿ, ಕಿಚ್ಚ ಸುದೀಪ್‌, ಜಗಪತಿ ಬಾಬು, ಯೋಗಿ ಬಾಬು ಹಾಗೂ ಇನ್ನಿತರರು ನಟಿಸಿದ್ದಾರೆ.