ಬಿಗ್‌ಬಾಸ್‌ ಕನ್ನಡ 11: ಚುಟು ಚುಟು ಅಂತೈತಿ, ಮಲ್ನಾಡ್‌ ಅಡಿಕೆ ಮೈಸೂರ್‌ ವೀಳ್ಯದೆಲೆ; ಸ್ಪರ್ಧಿಗಳಿಂದ ಅತಿಥಿಗಳಿಗೆ ಮಸ್ತ್‌ ಮನರಂಜನೆ
Nov 15, 2024 02:56 PM IST
Share
ಬಿಗ್‌ಬಾಸ್‌ ಕನ್ನಡ 11: ಸ್ಪರ್ಧಿಗಳಿಂದ ಮನೆಗೆ ಬಂದ ಅತಿಥಿಗಳಿಗೆ ಡ್ಯಾನ್ಸ್‌ ಮೂಲಕ ಮಸ್ತ್‌ ಮನರಂಜನೆ
Bigg Boss Kannada 11: ಈ ವಾರ ರಾಮಾಚಾರಿ ಧಾರಾವಾಹಿ ಜೋಡಿಗಳಾದ ರಾಮಾಚಾರಿ ಹಾಗೂ ಚಾರು ದೊಡ್ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ. ಮನೆಗೆ ಬಂದ ಅತಿಥಿಗಳಿಗೆ ಸ್ಪರ್ಧಿಗಳು ಜೋಡಿಯಾಗಿ ಡ್ಯಾನ್ಸ್‌ ಮಾಡಿ ಒಳ್ಳೆ ಮನರಂಜನೆ ನೀಡಿದ್ದಾರೆ.
ಬಿಗ್‌ಬಾಸ್‌ ಕನ್ನಡ ಸೀಸನ್‌ 11 ಆರನೇ ವಾರಕ್ಕೆ ಕಾಲಿಟ್ಟಿದೆ. ಈ ವಾರ ತ್ರಿವಿಕ್ರಮ್‌ ಮನೆಯ ಚುಕ್ಕಾಣಿ ಹಿಡಿದಿದ್ದಾರೆ. ಹೊಸ ಹೊಸ ಟಾಸ್ಕ್‌ಗಳು ಹೆಚ್ಚುತ್ತಿದೆ. ಧಾರಾವಾಹಿ ತಂಡಗಳು ಮನೆಗೆ ಭೇಟಿ ನೀಡುತ್ತಿವೆ. ಈ ವಾರ ರಾಮಾಚಾರಿ ಧಾರಾವಾಹಿಯ ರಾಮಾಚಾರಿ ಹಾಗೂ ಚಾರು ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ. ಇಬ್ಬರೂ ಸೊಂಟದ ಪಟ್ಟಿ ಕಟ್ಟಿಕೊಂಡು ಜೊತೆಯಾಗಿದ್ದಾರೆ.
ಡ್ಯಾನ್ಸಿಂಗ್‌ ಜೋಡಿ ಟಾಸ್ಕ್‌
ಈ ವಾರ ಬಿಗ್‌ಬಾಸ್‌ ಇಬ್ಬಿಬ್ಬರು ಸ್ಪರ್ಧಿಗಳನ್ನು ಜೋಡಿಗಳನ್ನಾಗಿ ಮಾಡಿ ಸೊಂಟದ ಪಟ್ಟಿ ಕಟ್ಟಿಕೊಂಡು ಯಾವಾಗಲೂ ಜೊತೆಯಾಗಿರುವಂತೆ ಸೂಚನೆ ನೀಡಿದ್ದಾರೆ. ಅದರಂತೆ ಸ್ಪರ್ಧಿಗಳು ನಡೆದುಕೊಳ್ಳುತ್ತಿದ್ದಾರೆ. ಈಗ ಸ್ಪರ್ಧಿಗಳಿಗೆ ಡ್ಯಾನ್ಸಿಂಗ್‌ ಜೋಡಿ ಎಂಬ ಹೊಸ ಟಾಸ್ಕ್‌ ನೀಡಿದ್ದಾರೆ. ಚಾರು ಹಾಗೂ ರಾಮಾಚಾರಿ ಇಬ್ಬರಿಗೆ ಈ ಟಾಸ್ಕ್‌ನ ತೀರ್ಪುಗಾರಿಕೆ ಹೊಣೆ ಕೂಡಾ ನೀಡಲಾಗಿದೆ. ಮೋಕ್ಷಿತಾ-ಧನರಾಜ್‌ ಆಚಾರ್‌, ಹನುಮಂತ-ಗೌತಮಿ ಜಾದವ್‌, ಚೈತ್ರಾ ಕುಂದಾಪುರ-ಶಿಶಿರ್‌ ಶಾಸ್ತ್ರಿ, ಐಶ್ವರ್ಯ ಶಿಂಧೋಗಿ-ಧರ್ಮ ಕೀರ್ತಿರಾಜ್‌, ತ್ರಿವಿಕ್ರಮ್‌-ಭವ್ಯಾಗೌಡ ಹೀಗೆ ಜೋಡಿಯನ್ನಾಗಿ ಮಾಡಲಾಗಿದೆ.
ಡ್ಯಾನ್ಸ್‌ ಮಾಡಿ ಅತಿಥಿಗಳನ್ನು ರಂಜಿಸಿದ ಸ್ಪರ್ಧಿಗಳು
ಗುರುವಾರದ ಎಪಿಸೋಡ್‌ನಲ್ಲಿ ಐಶ್ಚರ್ಯ-ಧರ್ಮ ಇಬ್ಬರೂ ವಿಕ್ರಾಂತ್‌ ರೋಣ ಚಿತ್ರದ ರಾ ರಾ ರಕ್ಕಮ್ಮ ಹಾಡಿಗೆ ಡ್ಯಾನ್ಸ್‌ ಮಾಡಿದರೆ, ಚೈತ್ರಾ ಕುಂದಾಪುರ ಹಾಗೂ ಶಿಶಿರ್‌ ಇಬ್ಬರೂ ಮುತ್ತಣ್ಣ ಚಿತ್ರದ ಮುತ್ತಣ್ಣ ಪೀಪಿ ಊದುವ ಹಾಡಿಗೆ ಡ್ಯಾನ್ಸ್‌ ಮಾಡುತ್ತಾರೆ. ಇವರ ಡ್ಯಾನ್ಸ್‌ಗೆ ರಾಮಾಚಾರಿ ಹಾಗೂ ಚಾರು ಇಬ್ಬರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇಂದಿನ ಎಪಿಸೋಡ್‌ನಲ್ಲಿ ವಾಹಿನಿ ಹಂಚಿಕೊಂಡಿರುವ ಪ್ರೋಮೋದಲ್ಲಿ ಅನುಷಾ-ಗೋಲ್ಡ್‌ ಸುರೇಶ್‌ ಸಿಂಹಾದ್ರಿಯ ಸಿಂಹ ಸಿನಿಮಾದ ಮಲ್ನಾಡ್‌ ಅಡಿಕೆ ಮೈಸೂರ್‌ ವೀಳ್ಯದೆಲೆ ಹಾಡಿಗೆ ಡ್ಯಾನ್ಸ್‌ ಮಾಡಿದರೆ, ಗೌತಮಿ ಹಾಗೂ ಹನುಮಂತ ಇಬ್ಬರೂ ರಾಂಬೋ ಸಿನಿಮಾದ ಚುಟು ಚುಟು ಅಂತೈತಿ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ.
ಸ್ಪರ್ಧಿಗಳ ಡ್ಯಾನ್ಸ್‌ಗೆ ವೀಕ್ಷಕರ ಮೆಚ್ಚುಗೆ
ವೀಕ್ಷಕರು ಈ ಪ್ರೋಮೋಗೆ ಕಾಮೆಂಟ್‌ ಮಾಡಿ ಗುರುವಾರದ ಎಪಿಸೋಡ್‌ನಲ್ಲಿ ಶಿಶಿರ್‌ ಶಾಸ್ತ್ರಿ ಹಾಗೂ ಚೈತ್ರಾ ಕುಂದಾಪುರ ಪರ್ಫಾಮೆನ್ಸ್‌ ಚೆನ್ನಾಗಿತ್ತು ಎಂದಿದ್ದಾರೆ. ಇನ್ನೂ ಕೆಲವರು ಸುರೇಶ್‌-ಅನುಷಾ ಡ್ಯಾನ್ಸ್‌ ಚೆನ್ನಾಗಿತ್ತು ಎಂದಿದ್ದಾರೆ. ಕೆಲವರು ತ್ರಿವಿಕ್ರಮ್‌ ಡ್ಯಾನ್ಸ್‌ ನೋಡಲು ಕಾಯುತ್ತಿದ್ದಾರೆ. ಒಟ್ಟಿನಲ್ಲಿ ಬಿಗ್‌ಬಾಸ್‌ ಮನೆಯ ಕಲರ್‌ಫುಲ್‌ ಆಗಿದ್ದು ಇಂದಿನ ಎಪಿಸೋಡ್‌ ನೋಡಲು ವೀಕ್ಷಕರು ಕಾಯುತ್ತಿದ್ದಾರೆ.
ಮನೆಯಲ್ಲಿ ಬಾಲ್ಯದ ನೆನಪು
ನವೆಂಬರ್‌ 14, ಗುರುವಾರ ಮಕ್ಕಳ ದಿನಾಚರಣೆ ಆಗಿದ್ದು ಬಿಗ್‌ಬಾಸ್‌ನಲ್ಲಿ ಕೂಡಾ ಸ್ಪರ್ಧಿಗಳು ತಮ್ಮ ಬಾಲ್ಯದ ನೆನಪು ಮಾಡಿಕೊಂಡಿದ್ದಾರೆ. ಮನೆಯಲ್ಲಿ ಎಲ್ಲಾ ಸ್ಪರ್ಧಿಗಳ ಬಾಲ್ಯದ ಫೋಟೋ ತೋರಿಸಲಾಯ್ತು. ಹಳೆಯ ನೆನಪುಗಳನ್ನು ಮೆಲುಕು ಹಾಕಿದ ಸ್ಪರ್ಧಿಗಳು ಒಂದು ಕ್ಷಣ ಭಾವುಕರಾದರು.