ಬಿಗ್‌ಬಾಸ್‌ ಕನ್ನಡ 11: ಶೃಂಗಾರದ ಹೊಂಗೆಮರ ಹೂ ಬಿಟ್ಟಿದೆ; ತ್ರಿವಿಕ್ರಮ್‌-ಭವ್ಯಾಗೌಡ ರೊಮಾಂಟಿಕ್‌ ಡ್ಯಾನ್ಸ್‌ಗೆ ನಾಚಿದ ಸಹ ಸ್ಪರ್ಧಿಗಳು
Nov 16, 2024 01:47 PM IST
Share
Bigg Boss Kannada 11 ಪಂಚತಂತ್ರ ಸಿನಿಮಾದ ಶೃಂಗಾರದ ಹೊಂಗೆಮರ ಹಾಡಿಗೆ ತ್ರಿವಿಕ್ರಮ್‌-ಭವ್ಯಾಗೌಡ ರೊಮಾಂಟಿಕ್‌ ಡ್ಯಾನ್ಸ್
Bigg Boss Kannada 11: ಗುರುವಾರ, ಶುಕ್ರವಾರ ಏರ್ಪಡಿಸಿದ್ದ ಡ್ಯಾನ್ಸಿಂಗ್‌ ರೌಂಡ್‌ನಲ್ಲಿ ಭವ್ಯಾ ಗೌಡ -ತ್ರಿವಿಕ್ರಮ್‌ ಪಂಚತಂತ್ರ ಸಿನಿಮಾದ ಶೃಂಗಾರದ ಹೊಂಗೆಮರ ಹೂ ಬಿಟ್ಟಿದೆ ಹಾಡಿಗೆ ರೊಮ್ಯಾಂಟಿಕ್‌ ಡ್ಯಾನ್ಸ್ ಮಾಡಿದ್ದಾರೆ. ಇವರ ಡ್ಯಾನ್ಸ್ ನೋಡಿ ಸಹಸ್ಪರ್ಧಿಗಳು ನಾಚಿದ್ದಾರೆ.
Bigg Boss Kannada 11: ಗುರುವಾರ ಹಾಗೂ ಶುಕ್ರವಾರ ಬಿಗ್‌ಬಾಸ್‌ ನೀಡಿದ್ದ ಡ್ಯಾನ್ಸ್ ರೌಂಡ್‌ ಮುಗಿದಿದೆ. ವಾರದ ಆರಂಭದಲ್ಲಿ ಬಿಗ್‌ಬಾಸ್‌, ಜೋಡಿಗಳನ್ನಾಗಿ ಮಾಡಿದ್ದ ಸ್ಪರ್ಧಿಗಳು ಸೊಂಟದ ಪಟ್ಟಿ ಕಟ್ಟಿಕೊಂಡೇ ಜೊತೆಯಾಗಿದ್ದರು. ಗುರುವಾರ ಟಾಸ್ಕ್‌ ಆಗಿ ಬಿಗ್‌ಬಾಸ್‌ ಸ್ಪರ್ಧಿಗಳಿಗೆ ಡ್ಯಾನ್ಸ್ ಮಾಡಲು ಸೂಚಿಸಿದ್ದರು. ಮನೆಗೆ ರಾಮಾಚಾರಿ ಧಾರಾವಾಹಿಯ ಚಾರು ಹಾಗೂ ರಾಮಾಚಾರಿ ಅತಿಥಿಗಳಾಗಿ ಬಂದಿದ್ದರು.
ಡ್ಯಾನ್ಸ್ ರೌಂಡ್‌ಗೆ ಜಡ್ಜ್‌ಗಳಾಗಿದ್ದ ಚಾರು-ರಾಮಾಚಾರಿ
ರಾಮಾಚಾರಿ ಹಾಗೂ ಚಾರುಗೆ ಕೂಡಾ ಬಿಗ್‌ಬಾಸ್‌ ಸೊಂಟದ ಪಟ್ಟಿ ಹಾಕಿ ಮನೆಯಲ್ಲಿರುವಂತೆ ಸೂಚಿಸಿದ್ದರು. ಡ್ಯಾನ್ಸ್ ರೌಂಡ್‌ ಸ್ಪರ್ಧೆಯಲ್ಲಿ ಚಾರು ಹಾಗೂ ರಾಮಾಚಾರಿ ಜಡ್ಜ್‌ಗಳಾಗಿದ್ದರು. ಗುರುವಾರದ ಎಪಿಸೋಡ್‌ನಲ್ಲಿ ಐಶ್ಚರ್ಯ-ಧರ್ಮ ಜೋಡಿ ವಿಕ್ರಾಂತ್‌ ರೋಣ ಚಿತ್ರದ ರಾ ರಾ ರಕ್ಕಮ್ಮ ಹಾಡಿಗೆ ಡ್ಯಾನ್ಸ್ ಮಾಡಿದರೆ, ಚೈತ್ರಾ ಕುಂದಾಪುರ ಹಾಗೂ ಶಿಶಿರ್‌ ಮುತ್ತಣ್ಣ ಚಿತ್ರದ ಮುತ್ತಣ್ಣ ಪೀಪಿ ಊದುವ ಹಾಡಿಗೆ ಡ್ಯಾನ್ಸ್ ಮಾಡಿದ್ದಾರೆ. ಶುಕ್ರವಾರದ ಎಪಿಸೋಡ್‌ನಲ್ಲಿ ಅನುಷಾ-ಗೋಲ್ಡ್‌ ಸುರೇಶ್‌ ಸಿಂಹಾದ್ರಿಯ ಸಿಂಹ ಸಿನಿಮಾದ ಮಲ್ನಾಡ್‌ ಅಡಿಕೆ ಮೈಸೂರ್‌ ವೀಳ್ಯದೆಲೆ ಹಾಡಿಗೆ ಡ್ಯಾನ್ಸ್ ಮಾಡಿದರೆ, ಗೌತಮಿ ಹಾಗೂ ಹನುಮಂತ ಇಬ್ಬರೂ ರಾಂಬೋ ಸಿನಿಮಾದ ಚುಟು ಚುಟು ಅಂತೈತಿ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ.
ಭವ್ಯಾಗೌಡ-ತ್ರಿವಿಕ್ರಮ್‌ ರೊಮ್ಯಾಂಟಿಕ್‌ ಡ್ಯಾನ್ಸ್
ತ್ರಿವಿಕ್ರಮ್‌ ಹಾಗೂ ಭವ್ಯಾಗೌಡ ಪಂಚತಂತ್ರ ಚಿತ್ರದ ಶೃಂಗಾರದ ಹೊಂಗೆಮರ ಹೂ ಬಿಟ್ಟಿದೆ ರೊಮ್ಯಾಂಟಿಕ್‌ ಹಾಡಿಗೆ ಡ್ಯಾನ್ಸ್ ಮಾಡಿದ್ದಾರೆ. ಈ ಡ್ಯಾನ್ಸ್ ನೋಡಿ ಸಹ ಸ್ಪರ್ಧಿಗಳು ಚಪ್ಪಾಳೆ ತಟ್ಟಿದ್ಧಾರೆ. ಸಹಸ್ಪರ್ಧಿಗಳು ಮಾತ್ರವಲ್ಲ, ನೋಡುಗರು ಕೂಡಾ ಇವರ ಡ್ಯಾನ್ಸ್ ನೋಡಿ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ನಿಜಕ್ಕೂ ಇಬ್ಬರೂ ಕ್ಯೂಟ್‌ ಕಪಲ್‌, ಮತ್ತೊಮ್ಮೆ ಪಂಚತಂತ್ರ ಹಾಡನ್ನೇ ನೋಡಿದ ಹಾಗೆ ಆಯ್ತು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ರಾಮಾಚಾರಿ ಹಾಗೂ ಚಾರು ಕೂಡಾ ಈ ಜೋಡಿಯ ಡ್ಯಾನ್ಸ್ ನೋಡಿ ಥ್ರಿಲ್‌ ಆಗಿದ್ದಾರೆ. ಕೆಲವರಂತೂ ಭವ್ಯಾ-ತ್ರಿವಿಕ್ರಮ್‌ ಕೆಮಿಸ್ಟ್ರಿ ನೋಡಿ ನಾಚಿದ್ದಾರೆ.
ಕ್ಯಾಪ್ಟನ್‌ ಆಗಿ ಆಯ್ಕೆಯಾದ ಭವ್ಯಾ ಗೌಡ
ಡ್ಯಾನ್ಸಿಂಗ್‌ ಜೋಡಿ ಟಾಸ್ಕ್‌ನಲ್ಲಿ 600 ಅಂಕಗಳನ್ನು ಪಡೆದು ಮೊದಲ ಸ್ಥಾನದಲ್ಲಿದ್ದ ಗೌತಮಿ-ಹನುಮಂತ, 500 ಅಂಕಗಳನ್ನು ಪಡೆದು ದ್ವೀತಿಯ ಸ್ಥಾನ ಪಡೆದ ಭವ್ಯಾಗೌಡ-ತ್ರಿವಿಕ್ರಮ್‌ ಇಬ್ಬರೂ ಕ್ಯಾಪ್ಟನ್ಸಿ ಓಟಕ್ಕೆ ಆಯ್ಕೆಯಾದರು. ಉಳಿದ ಸ್ಪರ್ಧಿಗಳು ಸೊಂಟದ ಪಟ್ಟಿ ತೆಗೆದು ಸ್ವತಂತ್ರ್ಯರಾದರು. ನಂತರ ಬಿಗ್‌ಬಾಸ್‌ ಕ್ಯಾಪ್ಟನ್ಸಿ ಟಾಸ್ಕ್‌ನ ಕಂಡಿಷನ್‌ಗಳನ್ನು ಸ್ಪರ್ಧಿಗಳಿಗೆ ತಿಳಿಸಿದರು. ತ್ರಿವಿಕ್ರಮ್‌ ಸಹಾಯದಿಂದ ಭವ್ಯಾಗೌಡ ಕ್ಯಾಪ್ಟನ್ಸಿ ಸ್ಪರ್ಧೆಯಲ್ಲಿ ಗೆದ್ದು ಈ ವಾರದ ಕ್ಯಾಪ್ಟನ್‌ ಆಗಿ ಆಯ್ಕೆ ಆಗಿದ್ದಾರೆ.