Lal Salaam OTT: ಲಾಲ್‌ ಸಲಾಮ್‌ಗೆ ಕೊನೆಗೂ ಸಿಗ್ತು ಒಟಿಟಿ ಡೇಟ್‌; ಮನೆಯಲ್ಲೇ ನೋಡಿ ರಜನಿಕಾಂತ್ ಸಿನಿಮಾ
Aug 27, 2024 01:01 PM IST
Share
ರಜನಿಕಾಂತ್ ಲಾಲ್‌ ಸಲಾಮ್‌ ಒಟಿಟಿ ಬಿಡುಗಡೆ ದಿನಾಂಕ
- Lal Salaam OTT Release Date: ರಜನಿಕಾಂತ್ ನಟನೆಯ ಲಾಲ್‌ ಸಲಾಮ್‌ ಸಿನಿಮಾ ಕೊನೆಗೂ ಒಟಿಟಿಯಲ್ಲಿ ಬಿಡುಗಡೆಯಾಗುತ್ತಿದೆ. ರಜನಿಕಾಂತ್, ವಿಷ್ಣು ವಿಶಾಲ್‌ ಮತ್ತು ವಿಕ್ರಾಂತ್‌ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಲಾಲ್‌ ಸಲಾಮ್‌ ಸೆಪ್ಟೆಂಬರ್‌ 20ರಂದು ಸನ್‌ನೆಕ್ಸ್ಟ್‌ನಲ್ಲಿ ರಿಲೀಸ್‌ ಆಗುವ ಸೂಚನೆ ದೊರಕಿದೆ.
Lal Salaam OTT Release Date: ರಜನಿಕಾಂತ್ ನಟನೆಯ ಲಾಲ್‌ ಸಲಾಮ್‌ ಸಿನಿಮಾ ಕೊನೆಗೂ ಒಟಿಟಿಯಲ್ಲಿ ಬಿಡುಗಡೆಯಾಗುತ್ತಿದೆ. ರಜನಿಕಾಂತ್, ವಿಷ್ಣು ವಿಶಾಲ್‌ ಮತ್ತು ವಿಕ್ರಾಂತ್‌ ಪ್ರಮುಖ ಪಾತ್ರದಲ್ಲಿ ನಟಿಸಿರುವ, ಸೌಂದರ್ಯ ರಜನಿಕಾಂತ್ ನಿರ್ದೇಶನವಿರುವ ಈ ಸಿನಿಮಾ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ ಸಾಕಷ್ಟು ಸಮಯವಾಗಿತ್ತು. ಈ ಸಿನಿಮಾದ ಒಟಿಟಿ ಅಪ್‌ಡೇಟ್‌ ದೊರಕಿರಲಿಲ್ಲ. ಇದೀಗ ಲಾಲ್‌ ಸಲಾಮ್‌ ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆಗೆ ಮುಹೂರ್ತ ನಿಗದಿಯಾಗಿದೆ.
ಲಾಲ್‌ ಸಲಾಮ್‌ ಒಟಿಟಿ ಬಿಡುಗಡೆ ದಿನಾಂಕ
ಐಶ್ವರ್ಯ ರಜನಿಕಾಂತ್ ರಚನೆ ಮತ್ತು ನಿರ್ದೇಶನದ ಲಾಲ್‌ ಸಲಾಮ್‌ ಸಿನಿಮಾವು ಸೆಪ್ಟೆಂಬರ್‌ 20ರಂದು ಸನ್‌ನೆಕ್ಸ್ಟ್‌ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆಗಲಿದೆ. ಈ ಚಿತ್ರವು ಫೆಬ್ರವರಿ ತಿಂಗಳಲ್ಲಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಸುಮಾರು ಆರು ತಿಂಗಳ ಬಳಿಕ ಒಟಿಟಿಯತ್ತ ಮುಖ ಮಾಡುತ್ತಿದೆ. ಈ ಸಿನಿಮಾದಲ್ಲಿ ರಜನಿಕಾಂತ್ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ.
ಸೆಪ್ಟೆಂಬರ್‌ 20ರಂದು ಸನ್‌ನೆಕ್ಸ್ಟ್‌ಲ್ಲಿ ಲಾಲ್‌ ಸಲಾಮ್‌ ಸ್ಟ್ರೀಮಿಂಗ್‌ ಆಗಲಿದೆ. ಆದರೆ, ಈ ಕುರಿತು ಇನ್ನೂ ಅಧಿಕೃತವಾಗಿ ಹೇಳಿಕೆ ಹೊರಬಿದ್ದಿಲ್ಲ. ಸಾಮಾನ್ಯವಾಗಿ ಬಹುತೇಕ ಒಟಿಟಿಗಳು ಸಿನಿಮಾವೊಂದು ಬಿಡುಗಡೆಯಾದ ನಾಲ್ಕು ವಾರದ ಬಳಿಕ ಆನ್‌ಲೈನ್‌ನಲ್ಲಿ ಹೊಸ ಸಿನಿಮಾಗಳನ್ನು ಪ್ರಸಾರ ಮಾಡಲು ಯತ್ನಿಸುತ್ತಿವೆ. ಲಾಲ್‌ ಸಲಾಮ್‌ ಒಟಿಟಿ ಬಿಡುಗಡೆ ಕುರಿತು ಅಸ್ಪಷ್ಟತೆ ಬಹುಸಮಯದಿಂದ ಮುಂದುವರೆದಿತ್ತು. ಇದೀಗ ಮೂಲಗಳ ಪ್ರಕಾರ ಈ ಸಿನಿಮಾ ಸೆಪ್ಟೆಂಬರ್‌ 20ಕ್ಕೆ ರಿಲೀಸ್‌ ಆಗಲಿದೆ.
ಲಾಲ್‌ ಸಲಾಮ್‌ ಯಾಕೆ ಒಟಿಟಿಗೆ ಬಂದಿಲ್ಲ ಎನ್ನುವುದಕ್ಕೆ ಹಲವು ಬಗೆಯ ಉತ್ತರಗಳು ದೊರಕಿದ್ದವು. ಕೆಲವರ ಪ್ರಕಾರ ಈ ಸಿನಿಮಾ ಚಿತ್ರಮಂದಿರಗಳಲ್ಲಿ ಉತ್ತಮವಾಗಿ ಗಳಿಕೆ ಮಾಡಿಲ್ಲ. ಹೀಗಾಗಿ ಒಟಿಟಿಗಳು ಖರೀದಿಗೆ ಆಸಕ್ತಿ ತೋರಿಲ್ಲ ಎನ್ನಲಾಗುತ್ತಿದೆ. ಇದೇ ಸಮಯದಲ್ಲಿ ಐಶ್ವರ್ಯಾ ರಜನಿಕಾಂತ್ ಅವರು "ಸಿನಿಮಾದ ಫೂಟೇಜ್‌ ಇರುವ ಹಾರ್ಡ್‌ ಡಿಸ್ಕ್‌ ಕಳೆದುಹೋಗಿದೆ" ಎಂದು ಹೇಳಿದ್ದರು.
ಲಾಲ್‌ ಸಲಾಮ್‌ ಸಿನಿಮಾದಲ್ಲಿ ಐಶ್ವರ್ಯಾ ರಜನಿಕಾಂತ್ ತನ್ನ ತಂದೆ ರಜನಿಕಾಂತ್‌ಗೆ ನಿರ್ದೇಶನ ಮಾಡಿದ್ದರು. ಲೈಕಾ ಪ್ರೊಡಕ್ಷನ್‌ ನಿರ್ಮಾಣದ ಮತ್ತು ರಜನಿಕಾಂತ್ ನಟನೆಯ ಲಾಲ್‌ ಸಲಾಮ್‌ ಸಿನಿಮಾ ಫೆಬ್ರವರಿ 9ರಂದು ರಿಲೀಸ್‌ ಆಗಿತ್ತು.. ಲಾಲ್‌ ಸಲಾಮ್‌ನಲ್ಲಿ ರಜನಿಕಾಂತ್ ಅವರು ಮೊಯ್ದೀನ್‌ ಬಾವಾ ಆಗಿ ಕಾಣಿಸಿಕೊಂಡಿದ್ದಾರೆ. ಲಾಲ್‌ ಸಲಾಮ್‌ ಸಿನಿಮಾದಲ್ಲಿ ವಿಷ್ಣು ವಿಶಾಲ್‌ ಮತ್ತು ವಿಕ್ರಾಂತ್‌ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
ಲಾಲ್‌ ಸಲಾಮ್‌ ವಿಮರ್ಶೆ
ಹಿಂದೂಸ್ತಾನ್ ಟೈಮ್ಸ್ ಕನ್ನಡದಲ್ಲಿ ಈಗಾಗಲೇ ಲಾಲ್‌ ಸಲಾಮ್‌ ಸಿನಿಮಾದ ವಿಮರ್ಶೆ ಪ್ರಕಟವಾಗಿದೆ. "ರಜನಿಕಾಂತ್ ಅವರು ಮೊಯಿದ್ದೀನ್ ಭಾಯ್ ಎಂಬ ಮುಸ್ಲಿಂ ನಾಯಕನ ಪಾತ್ರದಲ್ಲಿ ಜೀವಿಸಿದ್ದಾರೆ. ಈ ಪಾತ್ರದಲ್ಲಿ ಇವರನ್ನು ನೋಡಲು ನಿಜಕ್ಕೂ ಖುಷಿಯಾಗುತ್ತದೆ. ಅವರಿಗೆ ನೀಡಲಾದ ಕೆಲವೊಂದು ಸಂಭಾಷಣೆಗಳಲ್ಲಿ ಅವರ ವೈಯಕ್ತಿಕ ನಂಬಿಕೆಗಳನ್ನೂ ಸ್ಪಷ್ಟವಾಗಿ ಹೇಳಿಸಿದಂತೆ ಇದೆ. ಈ ಸಂಭಾಷಣೆಗಳು ಈಗಿನ ಕಾಲಕ್ಕೂ ಅರ್ಥಪೂರ್ಣವಾಗಿ ಕಾಣಿಸಿದೆ. ಇವು ಗೂಸ್ ಬಂಪ್ ಅಥವಾ ರೋಮಾಂಚನ ಉಂಟು ಮಾಡುವ ಕ್ಷಣವೂ ಹೌದು" ಎಂದು ವಿಮರ್ಶೆ ತಿಳಿಸಿದೆ. ಲಾಲ್‌ ಸಲಾಮ್‌ ಸಂಪೂರ್ಣ ವಿಮರ್ಶೆ ಇಲ್ಲಿದೆ ಓದಿ.