Top Malayalam OTT Movies: ಒಟಿಟಿಗಳಲ್ಲಿ ಹಿಟ್‌ ಆದ ಟಾಪ್‌ 10 ಮಲಯಾಳಂ ಸಿನಿಮಾಗಳಿವು; ಅಪರಾಧ, ಸಾಹಸ, ಹಾಸ್ಯ ರಸದೂಟ

Top Malayalam OTT Movies: ಮಲಯಾಳಂ ಸಿನಿಮಾಗಳಿಗೆ ಈಗ ದೇಶ-ವಿದೇಶಗಳಲ್ಲಿ ಉತ್ತಮ ಬೇಡಿಕೆಯಿದೆ. ವಿಶೇಷವೆಂದರೆ, ಒಟಿಟಿಯಲ್ಲಿರುವ ಮಲಯಾಳಂ ಸಿನಿಮಾಗಳು ಕನ್ನಡ ಭಾಷೆಗಳಲ್ಲಿಯೂ ಸ್ಟ್ರೀಮಿಂಗ್‌ ಆಗುತ್ತಿದೆ. ಮಲಯಾಳ ಅರ್ಥವಾಗುತ್ತಿಲ್ಲ ಎನ್ನುವವರಿಗೆ ಇದರಿಂದ ಪ್ರಯೋಜನ ಉಂಟಾಗುತ್ತದೆ. ಕನ್ನಡ ಭಾಷೆಯಲ್ಲಿಯೇ ಮಲಯಾಳಂ ಸಿನಿಮಾವನ್ನು ಸರಿಯಾಗಿ ಅರ್ಥಮಾಡಿಕೊಂಡು ವೀಕ್ಷಿಸಬಹುದು. ಕೆಲವೊಂದು ಮಲಯಾಳಂ ಸಿನಿಮಾಗಳು ಕನ್ನಡಕ್ಕೆ ಡಬ್‌ ಆಗಿರುವುದಿಲ್ಲ. ಮೂಲ ಮಲಯಾಳಂ ಸೊಗಡಿನಲ್ಲಿಯೇ ಇಂತಹ ಸಿನಿಮಾ ನೋಡಬಹುದು. ಇತ್ತೀಚೆಗೆ ಬಿಡುಗಡೆಯಾದ ಪ್ರಮುಖ ಮಲಯಾಳಂ ಸಿನಿಮಾಗಳನ್ನು ನೋಡೋಣ. ಇವುಗಳಲ್ಲಿ ಹೆಚ್ಚಿನವು ಹಾಸ್ಯ ಮತ್ತು ಅಪರಾಧ ಸಾಹಸ ಚಲನಚಿತ್ರಗಳಾಗಿವೆ.

ಒಟಿಟಿಯಲ್ಲಿರುವ ಟಾಪ್‌ 10 ಮಲಯಾಳಂ ಚಲನಚಿತ್ರಗಳು

ನುನಕ್ಕುಳಿ - ಜಿ5 ಒಟಿಟಿ

ದೃಶ್ಯಂ ನಿರ್ದೇಶಕ ಜೀತು ಜೋಸೆಫ್‌ ನಿರ್ದೇಶನದ ನುನಕ್ಕುಳಿ ಸಿನಿಮಾವು ಒಟಿಟಿಯಲ್ಲಿ ಬಿಡುಗಡೆಯಾಗಿದ್ದು, ಪ್ರೇಕ್ಷಕರ ಮೆಚ್ಚುಗೆ ಪಡೆದಿದ್ದಾರೆ. ಇದು ಅನಿರೀಕ್ಷಿತ ತಿರುವುಗಳ ಮೂಲಕ ಪ್ರೇಕ್ಷಕರನ್ನು ಅಚ್ಚರಿಗೊಳಿಸಿದೆ. ಬಾಸಿಲ್ ಜೋಸೆಫ್ ಅಭಿನಯದ ಈ ಚಿತ್ರದ ಕನ್ನಡ ಡಬ್ಬಿಂಗ್‌ ಕೂಡ ಉತ್ತಮವಿದೆ.

ತಲವನ್ - ಸೋನಿಲಿವ್

ತಲವನ್ ಮಲಯಾಳಂ ತನಿಖಾ ಥ್ರಿಲ್ಲರ್ ಸಿನಿಮಾ. ಪ್ರಸ್ತುತ ಸೋನಿಲಿವ್‌ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆಗುತ್ತಿದೆ. ಕೊಲೆಯೊಂದು ಇಬ್ಬರು ಪೊಲೀಸ್ ಅಧಿಕಾರಿಗಳ ವೃತ್ತಿಜೀವನವನ್ನು ಅಪಾಯಕ್ಕೆ ಸಿಲುಕಿಸಿದೆ. ಈ ಅಪಾದನೆಯಿಂದ ಅವರಿಬ್ಬರು ಹೇಗೆ ಹೊರಬಂದ್ರು ಎನ್ನುವ ಕಥೆಯನ್ನು ಈ ಚಿತ್ರ ಸೊಗಸಾಗಿ ಕಟ್ಟಿಕೊಟ್ಟಿದೆ. ಉತ್ತಮ ತಿರುವುಗಳೊಂದಿಗೆ ಕ್ರೈಮ್ ಇನ್ವೆಸ್ಟಿಗೇಷನ್ ಥ್ರಿಲ್ಲರ್ ಆಗಿ ಇದು ಗಮನ ಸೆಳೆದಿದೆ.

ವಾಜಾ - ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್

ವಾಜಾ ಮಲಯಾಳಂ ಹಾಸ್ಯ ನಾಟಕ. ಇದು ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್‌ನಲ್ಲಿ ಸೋಮವಾರದಿಂದ (ಸೆಪ್ಟೆಂಬರ್ 23) ಕನ್ನಡದಲ್ಲೂ ಸ್ಟ್ರೀಮ್ ಆಗುತ್ತಿದೆ. ಇದು ಜೀವನದಲ್ಲಿ ಗುರಿಯಿಲ್ಲದೆ ಅಲೆದಾಡುವ ಸೋತವರಾಗಿ ಉಳಿದಿರುವ ಐದು ಸ್ನೇಹಿತರ ಸುತ್ತ ಸುತ್ತುತ್ತದೆ. ಮಲಯಾಳಂನಲ್ಲಿ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ.

ಸ್ವಕಾರ್ಯಂ ಭವಭಾಹುಲಂ - ಮನೋರಮಾ ಮ್ಯಾಕ್ಸ್

ಇದು ಸಾಕಷ್ಟು ತಿರುವುಗಳು ಇರುವ ಕೌಟುಂಬಿಕ ನಾಟಕ. ಸ್ವಕಾರ್ಯಂ ಸಂಭವಹುಲಂ ಚಲನಚಿತ್ರ ಕೂಡ ಇತ್ತೀಚೆಗೆ ಬಿಡುಗಡೆಗೊಂಡ ಟಾಪ್‌ 10 ಒಟಿಟಿ ಸಿನಿಮಾವಾಗಿದೆ. ಈ ಚಿತ್ರ ಮನೋರಮಾ ಮ್ಯಾಕ್ಸ್ ಒಟಿಟಿಯಲ್ಲಿ ಸ್ಟ್ರೀಮ್ ಆಗುತ್ತಿದೆ. ನಜೀರ್ ಬಹರುದ್ದೀನ್ ನಿರ್ದೇಶನದ ಈ ಚಿತ್ರವು ಒಂದು ಕುಟುಂಬದ ಸುತ್ತ ಸುತ್ತುತ್ತದೆ ಮತ್ತು ಅನಿರೀಕ್ಷಿತ ತಿರುವುಗಳೊಂದಿಗೆ ಕೊನೆಯವರೆಗೂ ಉತ್ತಮ ಥ್ರಿಲ್ ನೀಡುತ್ತದೆ.

ಜಲಧರ ಪಂಪ್ಸೆಟ್ ಸಿನ್ಸ್ 1962 - ಜಿಯೋ ಸಿನಿಮಾ

ಮತ್ತೊಂದು ಮಲಯಾಳಂ ಹಾಸ್ಯ ನಾಟಕವಾಗಿ ಜಲಧರ ಪಂಪ್ ಸೆಟ್ ಸಿನ್ಸ್ 1962 ಗಮನ ಸೆಳೆಯುತ್ತದೆ. ತನ್ನ ಮನೆಯಿಂದ ಪಂಪ್ ಸೆಟ್ ಕದ್ದ ಪತಿಯನ್ನು ನ್ಯಾಯಾಲಯಕ್ಕೆ ಕರೆದುಕೊಂಡು ಹೋದ ಮಹಿಳೆಯ ಕಥೆ ಹೊಂದಿದೆ. ಕಾಮಿಡಿಯ ಜತೆಗೆ ಸಮಾಜದ ಹಲವು ಸಮಸ್ಯೆಗಳ ಬಗ್ಗೆಯೂ ಚಿತ್ರ ಮಾತನಾಡುತ್ತದೆ.

ಸಿಐಡಿ ರಾಮಚಂದ್ರನ್ ರಿಟೈರ್ಸ್‌ ಎಸ್‌ಐ - ಮನೋರಮಾ ಮ್ಯಾಕ್ಸ್

ಇದೊಂದು ಇನ್ವೆಸ್ಟಿಗೇಟಿವ್ ಥ್ರಿಲ್ಲರ್ ಸಿನಿಮಾ. ತಮಗೂ ಸಂಬಂಧವೇ ಇಲ್ಲದ ಪ್ರಕರಣದಲ್ಲಿ ಸಿಲುಕಿರುವವರಿಗೆ ನ್ಯಾಯ ದೊರಕಿಸಿಕೊಡಲು ನಿವೃತ್ತ ಎಸ್‌ಐ ಮಾಡುವ ಹೋರಾಟವೇ ಈ ಸಿನಿಮಾ. ಮಲಯಾಳಂ ಚಿತ್ರರಂಗದಿಂದ ಈಗಾಗಲೇ ಹಲವು ತನಿಖಾ ಥ್ರಿಲ್ಲರ್‌ಗಳು ಬಂದಿವೆ.. ಅದರಲ್ಲಿ ಇದೂ ಒಂದು.

ಅಡಿಯೋಸ್ ಅಮಿಗೋ - ನೆಟ್‌ಫ್ಲಿಕ್ಸ್

ಅಡಿಯೋಸ್ ಅಮಿಗೋ ಮಲಯಾಳಂ ಹಾಸ್ಯಮಯ ಚಿತ್ರವಾಗಿದೆ. ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮಿಂಗ್‌ ಆಗುತ್ತಿದೆ. ಆಸಿಫ್ ಅಲಿ ಮತ್ತು ಸೂರಜ್ ವೆಂಜರಮ್ಮೂಡ್ ನಟಿಸಿದ್ದಾರೆ. ಬಸ್ ನಿಲ್ದಾಣದಲ್ಲಿ ಆಕಸ್ಮಿಕವಾಗಿ ಭೇಟಿಯಾಗುವ ಇಬ್ಬರು ಸ್ನೇಹಿತರ ಸುತ್ತ ಸುತ್ತುವ ಮೋಜಿನ ಕಥೆ ಇದು. ಈ ಸಿನಿಮಾದ ವಿಮರ್ಶೆಯನ್ನು ಹಿಂದೂಸ್ತಾನ್‌ ಟೈಮ್ಸ್‌ ಪ್ರಕಟಿಸಿದೆ.

ಇದನ್ನೂ ಓದಿ: ಅಡಿಯೋಸ್‌ ಅಮಿಗೋಸ್‌ ಒಟಿಟಿ ಸಿನಿಮಾ ವಿಮರ್ಶೆ: ಶ್ರೀಮಂತ ಕುಡುಕ- ಅಸಹಾಯಕ ಬಡವನ ನಶೆಯ ಪ್ರಯಾಣ; ಕಾಮಿಡಿ ಕಿಕ್‌ ನೀಡುವ ಫೀಲ್‌ ಗುಡ್‌ ಮೂವಿ

ವಿಶೇಷಂ (ಅಮೆಜಾನ್‌ ಪ್ರೈಮ್‌ ವಿಡಿಯೋ)

ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ವಿಶೇಷಂ ಸಿನಿಮಾ ಸ್ಟ್ರೀಮಿಂಗ್‌ ಆಗುತ್ತಿದೆ. ಇದೊಂದು ಕೌಟುಂಬಿಕ ಕಾಮಿಡಿ ಡ್ರಾಮಾ. ಪೊಲೀಸ್ ಅಧಿಕಾರಿಯನ್ನು ಮದುವೆಯಾಗುವ ಮಧ್ಯವಯಸ್ಕ ಮಹಿಳೆ ಎದುರಿಸುವ ಸವಾಲುಗಳ ಸುತ್ತ ಈ ಸಿನಿಮಾದ ಕತೆ ಸುತ್ತುತ್ತದೆ.

ಪವಿ ಕೇರ್‌ಟೇಕರ್ - ಮನೋರಮಾ ಮ್ಯಾಕ್ಸ್

ಪವಿ ಕೇರ್‌ಟೇಕರ್ ಚಿತ್ರ ಮನೋರಮಾ ಮ್ಯಾಕ್ಸ್ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆಗುತ್ತಿದೆ. ದಿಲೀಪ್ ಅಭಿನಯದ ಈ ಕಾಮಿಡಿ ಸಿನಿಮಾ ಕೂಡ ಈ ವರ್ಷ ಚಿತ್ರರಂಗದ ಹಿಟ್ ಸಿನಿಮಾಗಳಲ್ಲಿ ಒಂದಾಗಿದೆ.

ಆನಂದಪರಮ್ ಡೈರೀಸ್ - ಮನೋರಮಾ ಮ್ಯಾಕ್ಸ್

ತೆಲುಗು ನಟಿ ಮೀನಾ ಅಭಿನಯದ ಆನಂದಪುರಂ ಡೈರೀಸ್ ಕ್ಯಾಂಪಸ್ ಥ್ರಿಲ್ಲರ್ ಸಿನಿಮಾವಾಗಿದೆ. ಈ ಚಿತ್ರವು ಕಾಲೇಜಿನಲ್ಲಿ ನಡೆದ ಕೊಲೆಯ ಸುತ್ತ ಸುತ್ತುತ್ತದೆ. ಪ್ರಸ್ತುತ ಮನೋರಮಾ ಮ್ಯಾಕ್ಸ್ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆಗುತ್ತಿದೆ.

ಇದನ್ನೂ ಓದಿ: ಲಾಫಿಂಗ್‌ ಬುದ್ಧ ಸಿನಿಮಾ ವಿಮರ್ಶೆ: ಪ್ರೇಕ್ಷಕರ ನಿರೀಕ್ಷೆಯೆಂಬ ದೊಡ್ಡಹೊಟ್ಟೆಗೆ ಅರೆಕಾಸಿನ ಮಜ್ಜಿಗೆ