Seetha Rama Serial: ಸೈಲೆಂಟ್‌ ರಾಮ, ವೈಲೆಂಟ್‌ ವಿಷ್ಣು ಆದಾಗ! ವರಸೆ ಬದಲಿಸಿ ಶ್ಯಾಮ್‌ ವಿರುದ್ಧ ತೊಡೆ ತಟ್ಟಿದ ಸೀತಾ ಪತಿ

Seetha Rama Serial: ಶತಾಯ ಗತಾಯ ಸಿಹಿ ನಮ್ಮ ಮಗಳು, ಆಕೆಯನ್ನು ನಾವು ಯಾರಿಗೂ ಕೊಡಲ್ಲ ಎಂದು ಶ್ಯಾಮ್‌ ಮತ್ತು ಶಾಲಿನಿ ಪಟ್ಟು ಹಿಡಿದು, ಕಾನೂನಿನ ಪ್ರಕಾರ ಮುಂದುವರಿದಿದ್ದಾರೆ. ರಾಮ್‌ ಮತ್ತು ಸೀತಾ ಇಬ್ಬರನ್ನೂ ಧಿಕ್ಕರಿಸಿ, ಸಿಹಿಯನ್ನು ತಂದು ತಮ್ಮ ಮನೆಯಲ್ಲಿರಿಸಿಕೊಂಡಿದ್ದಾರೆ. ಆಕೆಯನ್ನು ನೋಡುವುದಕ್ಕೆ ಮನೆ ಬಳಿ ಬಂದ ಸೀತಾ ಮತ್ತು ರಾಮನನ್ನೂ ಆಚೆ ಕಳುಹಿಸಿದ್ದಾರೆ ಶ್ಯಾಮ್.‌ ಅಲ್ಲಿಗೆ ಸೀತಾ ಕಣ್ಣೀರಿಡುತ್ತಲೇ, ನಾನೇನು ತಪ್ಪು ಮಾಡಿದ್ದೇನೆ ಎನ್ನುತ್ತಲೇ ಮನೆ ಸೇರಿದ್ದಾಳೆ. ಮನೆಯವರ ಮುಂದೆಯೇ ತನ್ನ ನೋವನ್ನು ತೋಡಿಕೊಂಡಿದ್ದಾಳೆ.

ನಾನು ಮಾಡಿದ ತಪ್ಪಾದರೂ ಏನು? ಅಪ್ಪನ ಟ್ರೀಟ್‌ಮೆಂಟ್‌ಗೆ ಯಾರೂ ದುಡ್ಡಿನ ಸಹಾಯ ಮಾಡಲಿಲ್ಲ. ಹಾಗಾಗಿ ನಾನು ಬಾಡಿಗೆ ತಾಯಿ ಆಗಬೇಕಾಯ್ತ. ಅದೇ ನಾನು ಮಾಡಿದ್ದ ತಪ್ಪಾ? ಎಂದು ರೋಸಿಹೋಗಿದ್ದಾಳೆ. ಭಾರ್ಗವಿ ಚಿಕ್ಕಿ, ಸಾಧನಾ ಚಿಕ್ಕಿ ಬಳಿಯೂ, ಇದರಲ್ಲಿ ನನ್ನದೇನಾದರೂ ತಪ್ಪಿದೆಯಾ ಎಂದು ಕೇಳಿದ್ದಾಳೆ. ನನಗೆ ನನ್ನ ಮಗು ಬೇಕು ಎಂದು ಪಟ್ಟುಹಿಡಿದಿದ್ದಾಳೆ. ಅಲ್ಲಿಗೆ ಸುಮ್ಮನಿರದ ರಾಮ ಕೂಡ ಅವಳು ನನ್ನ ಮಗಳೇ, ಅವಳನ್ನು ನಾನು ಯಾವತ್ತೂ ಬಿಟ್ಟುಕೊಡಲ್ಲ ಎಂದಿದ್ದಾನೆ.

ಇದನ್ನೂ ಓದಿ: ಕೋರ್ಟ್ ಮೆಟ್ಟಿಲೇರಿದ ರಾಧಿಕಾ ಪಂಡಿತ್‌, ಆಬ್ಜೆಕ್ಷನ್‌ ಎಂದು ಅಬ್ಬರಿಸಿದ‌ ಯಶ್‌, ತಗಡಿಗೂ ಚಿನ್ನಕ್ಕೂ ವ್ಯತ್ಯಾಸ ಇದೆ ಎಂದ ರಾಕಿಂಗ್‌ ಸ್ಟಾರ್‌

ಇತ್ತ ಯಾವುದೇ ಅನುಮತಿ ಇಲ್ಲದೆ ಸಿಹಿಯನ್ನು ನೋಡಲು ಬಂದ ಸೀತಾ ವಿರುದ್ಧ ಕಾನೂನು ಕ್ರಮಕ್ಕೆ ಮುಂದಾಗಲು ನಿರ್ಧರಿಸಿದೆ ಶ್ಯಾಮ್ ಕುಟುಂಬ. ಚಾಂದಿನಿ ಮತ್ತು ಶಾಲಿನಿ ಇಬ್ಬರೂ ಸೇರಿ ಶ್ಯಾಮ್‌ ತಲೆಗೆ ಇದೇ ವಿಚಾರವನ್ನು ತುಂಬದ್ದಾರೆ. ಇವತ್ತು ಮಗು ನೋಡಲು ಬಂದಿದ್ದಾಳೆ, ನಾಳೆ ಕರೆದುಕೊಂಡು ಹೋಗಲು ಬರಲ್ಲ ಅಂತ ಏನ್‌ ಗ್ಯಾರಂಟಿ. ಇದೆಲ್ಲದಕ್ಕೂ ಕೊನೆ ಹಾಡಲೇಬೇಕು. ಸಿಹಿ ನಮ್ಮ ಮಗಳು, ಆಕೆ ನಮ್ಮ ಜತೆಯಲ್ಲಿಯೇ ಇರ್ತಾಳೆ. ಅವಳು ಯಾವುದೇ ಕಾರಣಕ್ಕೂ ಸೀತಾ ರಾಮನ ಜತೆ ಸೇರಬಾರದು ಎಂದು ಸೀತಾಳ ವಿರುದ್ಧ ಪೊಲೀಸ್‌ ದೂರು ನೀಡಲು ಶಾಲಿನಿ, ಚಾಂದಿನಿ ಮುಂದಾಗಿದ್ದಾರೆ.

ಅಷ್ಟೇ ಅಲ್ಲ ಶ್ಯಾಮ್‌ನನ್ನು ಕರೆದುಕೊಂಡು ಪೊಲೀಸ್‌ ಠಾಣೆಗೂ ಹೊರಟಿದ್ದಾಳೆ. ಇತ್ತ ಹಲ್ಲು ಮಸಿಯುತ್ತ ನಿಂತ ಚಾಂದಿನಿ, ನನ್ನ ರಾಮನನ್ನು ಕಿತ್ತುಕೊಂಡಿಯ್ಯಲ್ಲ ಸೀತಾ, ಈಗ ಅನುಭವಿಸು. ನಿನ್ನನ್ನು ಜೈಲಿಗೆ ಹಾಕಿಸ್ತಿನಿ ನೋಡ್ತಿರು ಎಂದು ಕೋಪ ತಾಪ ಹೊರಹಾಕಿದ್ದಾಳೆ. ಇದೇ ವೇಳೆ ಸಿಹಿ ಹೊಟ್ಟೆ ಹಸಿವಿನಿಂದ ಕೂಗಾಡಿದ್ದಾಳೆ. ಆಕೆಗೆ ಏನಾದ್ರೂ ಮಾಡಿತರಲು ಚಾಂದಿನಿ ಹೋಗಿದ್ದಾಳೆ. ಇದೇ ಸಮಯದಲ್ಲಿ ಅಲ್ಲೇ ಇದ್ದ ಚಾಂದಿನಿ ಫೋನ್‌ ತೆಗೆದುಕೊಂಡು, ಅಪ್ಪ ಅಮ್ಮನಿಗೆ ಫೋನ್‌ ಮಾಡಿದ್ದಾಳೆ.

ಇದನ್ನೂ ಓದಿ: ಬ್ರಾಹ್ಮಣ ಎಂಬ ಕಾರಣಕ್ಕೆ ಅಮರನ್‌ ಸಿನಿಮಾದಲ್ಲಿ ಮೇಜರ್‌ ಮುಕುಂದ್‌ ವರದರಾಜನ್‌ ಜಾತಿ ಉಲ್ಲೇಖಿಸಿಲ್ಲವೇ? ಸ್ಪಷ್ಟನೆ ನೀಡಿದ ನಿರ್ದೇಶಕ

ರಾಮ್‌ಗೆ ಧೈರ್ಯ ತುಂಬಿದ ಅಶೋಕ

ಈ ನಡುವೆ ಸಿಹಿ ವಿಚಾರದಲ್ಲಿ ಕುಗ್ಗಿದ್ದ ರಾಮ್‌ಗೆ ಧೈರ್ಯ ತುಂಬಿದ್ದಾನೆ ಅಶೋಕ. ದಾರಿ ಕಾಣದೇ ಕಂಗೆಟ್ಟಿರೋ ರಾಮನ ಪಾಲಿಗೆ ದಾರಿದೀಪವಾಗೋಕೆ ನಿಂತಿದ್ದಾನೆ ಪ್ರಾಣಸ್ನೇಹಿತ ಅಶೋಕ. ಯಾರೋ ಈ ಶಾಲಿನಿ ಶ್ಯಾಮ್? ಹೀಗೆ ದಬ್ಬಾಳಿಕೆ ಮಾಡಿದ್ರೆ ಬಿಟ್ಟು ಬಿಡಬೇಕಾ? ನಿನ್ನ ರೀಚ್‌ ಎಂಥದ್ದು, ನಿನ್ನ ಇನ್‌ಫ್ಲುಯೆನ್ಸ್‌ ಹೇಗಿದೆ ಎಂಬುದನ್ನು ಯೋಚಿಸಿ, ಅದೆಲ್ಲವನ್ನು ಬಳಿಸಿದ್ರೆ, ಸಿಹಿ ಇವತ್ತೇ ಮನೆಗೆ ಬರ್ತಾಳೆ. ದುಡ್ಡಿದೆ ತಾಕತ್ತಿದೆ ಅದೆಲ್ಲವನ್ನು ಬಳಿಸಿಕೊಳ್ಳೋ. ನೀನು ನೀನಾಗಿ ಯೋಚನೆ ಮಾಡೋ ಎಂದಿದ್ದಾನೆ. ಅಲ್ಲಿಗೆ ಶ್ರೀರಾಮ ನಿಟ್ಟುಸಿರು ಬಿಟ್ಟು ರೊಚ್ಚಿಗೆದ್ದಿದ್ದಾನೆ.

ಇದನ್ನೂ ಓದಿ: ಲಾಯರ್‌ ಜಗದೀಶ್‌ಗೆ ಕೊಲೆ ಬೆದರಿಕೆ, ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್, ರಿಷಿ ವಿರುದ್ಧ ದೂರು ದಾಖಲಿಸಿದ ಬಿಗ್‌ಬಾಸ್‌ 11ರ ಸ್ಪರ್ಧಿ

ವೈಲೆಂಟ್‌ ವಿಷ್ಣು ಅವತಾರದಲ್ಲಿ ಶ್ರೀರಾಮ

ಈ ನಡುವೆ ತಾತ ಸೂರ್ಯಪ್ರಕಾಶ್‌ ರಾಮ್‌ ಮತ್ತು ಸೀತಾಳ ಸಂಕಟ ನೋಡಲಾಗದೆ, ಸಿಹಿಯನ್ನು ನೋಡಲು ಕೋರ್ಟ್‌ನಿಂದ ಅನುಮತಿ ಪತ್ರವನ್ನೂ ಕೊಡಿಸಿದ್ದಾರೆ. ಮತ್ತಷ್ಟು ಕೆಲಸ ಹಗುರ ಮಾಡಿದ್ದಾರೆ. ಆ ಪತ್ರ ತರಲು ಕೋರ್ಟ್‌ನತ್ತ ರಾಮ್‌ ಮತ್ತು ಅಶೋಕ್‌ ತೆರಳಿದ್ದಾರೆ. ಇತ್ತ ತಾತನ ಈ ಸಹಾಯಕ್ಕೆ ಕಾಲಿಗೆ ಬಿದ್ದು ಧನ್ಯವಾದ ಹೇಳಿದ್ದಾಳೆ ಸೀತಾ. ಇತ್ತ ರಸ್ತೆ ನಡುವೆ ಶ್ಯಾಮ್‌ ಮತ್ತು ರಾಮನ ಮುಖಾಮುಖಿಯಾಗಿದೆ. ಇಷ್ಟು ದಿನ ಸೈಲೆಂಟ್‌ ಆಗಿಯೇ ಇರುತ್ತಿದ್ದ ರಾಮ ಈಗ ಮಗಳ ವಿಚಾರದಲ್ಲಿ ವೈಲೆಂಟ್‌ ಆಗಿದ್ದಾನೆ. ಮುಟ್ಟೋಕೆ ಬಂದರೆ ಪರಿಣಾಮ ನೆಟ್ಟಗಿರಲ್ಲ ಎಂದು ಶ್ಯಾಮ್‌ಗೆ ಆವಾಜ್‌ ಸಹ ಹಾಕಿದ್ದಾನೆ. ಅಲ್ಲಿಗೆ ಸೈಲೆಂಟ್‌ ರಾಮ, ವೈಲೆಂಟ್‌ ವಿಷ್ಣು ಅವತಾರ ಎತ್ತಿದ್ದಾನೆ! ಹಾಗಾದರೆ ಸಿಹಿ ಸೀತಾ ಮಡಿಲು ಸೇರ್ತಾಳಾ? ಮುಂದಿನ ಸಂಚಿಕೆಗಳಲ್ಲಿಯೇ ಇದು ಗೊತ್ತಾಗಬೇಕಿದೆ.

ಸೀತಾ ರಾಮ ಧಾರಾವಾಹಿ ಪಾತ್ರವರ್ಗ

ನಿರ್ದೇಶಕ: ಮಧುಸೂಧನ್‌

ಗಗನ್‌ ಚಿನ್ನಪ್ಪ: ಶ್ರೀರಾಮ (ನಾಯಕ)

ವೈಷ್ಣವಿ ಗೌಡ: ಸೀತಾ (ನಾಯಕ)

ರೀತು ಸಿಂಗ್: ಸಿಹಿ (ಸೀತಾ ಮಗಳು)

ಮೇಘಶ್ಯಾಮ- ನಾಗಾರ್ಜುನ್‌ ಬಿ.ಆರ್‌

ಅಶೋಕ ಶರ್ಮಾ: ಅಶೋಕ (ಶ್ರೀರಾಮನ ಪ್ರಾಣ ಸ್ನೇಹಿತ)

ಭಾರ್ಗವಿ: ಪೂಜಾ ಲೋಕೇಶ್‌ (ಶ್ರೀರಾಮನ ಚಿಕ್ಕಮ್ಮ)

ಮುಖ್ಯಮಂತ್ರಿ ಚಂದ್ರು: ಸೂರ್ಯ ಪ್ರಕಾಶ್‌ ದೇಸಾಯಿ (ಶ್ರೀರಾಮನ ತಾತ)

ಶ್ವೇತಾ ಶಂಕರಪ್ಪ: ಪ್ರಿಯಾ (ಸೀತಾಳ ಸ್ನೇಹಿತೆ)

ವಿಕಾಸ್‌ ಕಾರ್‌ಗೋಡ್:‌ ಲಾಯರ್‌ ರುದ್ರಪ್ರತಾಪ್

ಸತೀಶ್‌ ಚಂದ್ರ: ಚರಣ್‌. ಡಿ

ಪೂರ್ಣಚಂದ್ರ ತೇಜಸ್ವಿ: ವಿಶ್ವಜೀತ್‌ (ಶ್ರೀರಾಮನ ಚಿಕ್ಕಪ್ಪ)

ಜಯದೇವ್‌ ಮೋಹನ್:‌ ಸತ್ಯಜೀತ್‌ (ಶ್ರೀರಾಮನ ಚಿಕ್ಕಪ್ಪ)