ರಾಮಾಯಣ ಚಿತ್ರದ ಅಧಿಕೃತ ಬಿಡುಗಡೆ ದಿನಾಂಕ ಘೋಷಣೆ; ಎರಡು ಭಾಗಗಳಲ್ಲಿ ರಣಬೀರ್‌ ಕಪೂರ್‌, ಸಾಯಿ ಪಲ್ಲವಿ, ಯಶ್‌ ಸಿನಿಮಾ

Ramayana Release Date: ಬಾಲಿವುಡ್‌ನಲ್ಲಿ ನಿರ್ಮಾಣವಾಗುತ್ತಿರುವ ರಾಮಾಯಣ ಸಿನಿಮಾ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ಕೆಲ ತಿಂಗಳ ಹಿಂದಷ್ಟೇ ಇದೇ ಚಿತ್ರದ ಒಂದಷ್ಟು ಶೂಟಿಂಗ್‌ ಫೋಟೋಗಳು ಲೀಕ್‌ ಆಗಿದ್ದವು. ಅಷ್ಟೇ ಅಲ್ಲದೆ ನಟ ಯಶ್‌ ಸಹ ಈ ಸಿನಿಮಾ ವಿಚಾರಕ್ಕೆ ಸುದ್ದಿಯಾಗಿದ್ದರು. ಅವರು ರಾವಣನಾಗಿ ನಟಿಸಲಿದ್ದಾರೆ ಎಂದೂ ಹೇಳಲಾಗಿತ್ತು. ಆದರೆ, ಆ ಬಗ್ಗೆ ಈ ವರೆಗೂ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಆದರೆ, ಇದೇ ಚಿತ್ರದ ನಿರ್ಮಾಪಕರಲ್ಲೊಬ್ಬರಾಗಿ ಯಶ್‌ ಇರಲಿದ್ದಾರೆ ಎಂಬ ಸುದ್ದಿ ಕನ್ಫರ್ಮ್‌ ಆಗಿತ್ತು. ಈಗ ಬಹುದಿನಗಳ ಬಳಿಕ ಇದೇ ರಾಮಾಯಣದ ಅಪ್‌ಡೇಟ್‌ ಮಾಹಿತಿ ಹೊರಬಿದ್ದಿದೆ.

ದೊಡ್ಡ ಬಜೆಟ್ ಮಹತ್ವಾಕಾಂಕ್ಷೆಯ ಪ್ರಾಜೆಕ್ಟ್‌ ಆಗಿರುವ ರಾಮಾಯಣ ಸಿನಿಮಾದಲ್ಲಿ ಸೀತೆಯಾಗಿ ಸಾಯಿಪಲ್ಲವಿ, ರಾಮನಾಗಿ ರಣಬೀರ್‌ ಕಪೂರ್‌ ನಟಿಸುತ್ತಿದ್ದಾರೆ. ನಿತೇಶ್ ತಿವಾರಿ ನಿರ್ದೇಶನದ ಈ ಚಿತ್ರದ ಬಗ್ಗೆ ಇಂದು (ನವೆಂಬರ್ 6) ಅಧಿಕೃತ ಘೋಷಣೆ ಹೊರಬಿದ್ದಿದೆ. ಎರಡು ಭಾಗಗಳಲ್ಲಿ ಬರುತ್ತಿರುವ ಈ ಚಿತ್ರದ ಬಿಡುಗಡೆ ದಿನಾಂಕವನ್ನು ನಿರ್ಮಾಪಕ ನಮಿತ್ ಮಲ್ಹೋತ್ರಾ ಸೋಷಿಯಲ್‌ ಮೀಡಿಯಾದಲ್ಲಿ ಪೋಸ್ಟ್‌ ಹಂಚಿಕೊಳ್ಳುವ ಮೂಲಕ ಬಹಿರಂಗಪಡಿಸಿದ್ದಾರೆ.

ಇದನ್ನೂ ಓದಿ: ಆಫೀಸ್‌ಗೆ ಹೋಗುವಾಗ ಕಾರಿನ ಬ್ರೇಕ್‌ ಫೇಲ್‌ ಆಯ್ತು, ಭಯದಿಂದ ಪಾರ್ಥ ತತ್ತರ; ಅಮೃತಧಾರೆ ಸೀರಿಯಲ್‌ನಲ್ಲಿ ಭಾವನ ತಮ್ಮನಿಗೆ ಅಪಾಯ

ರಾಮಾಯಣ ಬಿಡುಗಡೆ ಯಾವಾಗ

ರಾಮಾಯಣ ಈಗಾಗಲೇ ಧಾರಾವಾಹಿ ಮತ್ತು ಸಿನಿಮಾಗಳಾಗಿ ಪ್ರೇಕ್ಷಕರ ಮುಂದೆ ಬಂದಿದೆ. ಆದರೆ ಈಗ ಮತ್ತೊಮ್ಮೆ ರಾಮಾಯಣ ಸಿನಿಮಾ ನಿತೇಶ್ ತಿವಾರಿ ನಿರ್ದೇಶನದಲ್ಲಿ, ದೊಡ್ಡ ಬಜೆಟ್‌ನಲ್ಲಿ ತಯಾರಾಗುತ್ತಿದೆ. ಎರಡು ಭಾಗಗಳಲ್ಲಿ ಬರುತ್ತಿರುವ ಈ ಚಿತ್ರದ ಮೊದಲ ಭಾಗ 2026ರ ದೀಪಾವಳಿ ಹಾಗೂ ಎರಡನೇ ಭಾಗ 2027ರ ದೀಪಾವಳಿಗೆ ಬಿಡುಗಡೆಯಾಗಲಿದೆ ಎಂದು ನಿರ್ಮಾಪಕ ನಮಿತ್ ಮಲ್ಹೋತ್ರಾ ತಮ್ಮ ಇನ್ಸ್ಟಾಗ್ರಾಮ್ ಮೂಲಕ ತಿಳಿಸಿದ್ದಾರೆ.

ಇದನ್ನೂ ಓದಿ: ಸತ್ತು ಮಲಗಿದ್ರೂ ಕಣ್ಣಲ್ಲಿ ನೀರು ಬರ್ತಿತ್ತು; ಪುಟ್ಟಕ್ಕನ ಮಕ್ಕಳು ಸ್ನೇಹಾ ಪಾತ್ರ ಸಂಜನಾ ಬುರ್ಲಿ ಶೂಟಿಂಗ್ ಅನುಭವ

ನಿರ್ಮಾಪಕರು ಹೇಳುವುದೇನು?

ನಮೀತ್ ಹಂಚಿಕೊಂಡಿರುವ ಪೋಸ್ಟರ್‌ನಲ್ಲಿ, ಒಂದು ಬಾಣ ಮಾತ್ರ ಪ್ರಖರ ಬೆಳಕಿನೊಂದಿಗೆ ಆಕಾಶಕ್ಕೆ ಗುರಿಯಾಗಿರುವಂತೆ ತೋರುತ್ತದೆ. ಈ ಬಗ್ಗೆ ಒಂದಷ್ಟು ಸಾಲುಗಳನ್ನೂ ಅವರು ಬರೆದಿದ್ದಾರೆ. "ಐದು ಸಾವಿರ ವರ್ಷಗಳ ಹಿಂದಿನ ಈ ಮಹಾಕಾವ್ಯವನ್ನು ದೊಡ್ಡ ಪರದೆಯ ಮೇಲೆ ತರಲು ನಾನು ಹತ್ತು ವರ್ಷಗಳ ಹಿಂದೆಯೇ ಪ್ಲಾನ್‌ ರೂಪಿಸಿದ್ದೆ. ಈಗ ಆ ಕನಸು ಒಂದು ಸುಂದರ ರೂಪ ಪಡೆದುಕೊಳ್ಳುತ್ತಿದೆ. ತಂಡವೂ ಅದೇ ರೀತಿ ನಿರಂತರ ಶ್ರಮವಹಿಸುತ್ತಿದೆ. ನಮ್ಮ ಇತಿಹಾಸ, ಸಂಸ್ಕೃತಿ, ಪರಂಪರೆ, ಸತ್ಯವನ್ನು ದೃಶ್ಯ ವೈಭವದ ಮೂಲಕ ಈ ಪ್ರಪಂಚಕ್ಕೆ ತೋರಿಸಲು ತಂಡ ಸಿದ್ಧತೆ ನಡಸುತ್ತಿದೆ" ಎಂದಿದ್ದಾರೆ ನಮೀತ್.‌

ಇದನ್ನೂ ಓದಿ: ನಾನೇನಾದ್ರೂ ಅಮೆರಿಕನ್ ಆಗಿದ್ರೆ ನನ್ನ ಆಯ್ಕೆ ಇವರಾಗಿರ್ತಿದ್ರು; ಸಂಸದೆ ಕಂಗನಾ ರನೌತ್ ನೇರ ಮಾತು

ಇನ್ನೂ ಆಗದ ರಾವಣ ಪಾತ್ರಧಾರಿಯ ಘೋಷಣೆ

ಸ್ಯಾಂಡಲ್‌ವುಡ್‌ ನಟ ಯಶ್‌ ಸದ್ಯ ಟಾಕ್ಸಿಕ್‌ ಸಿನಿಮಾ ಶೂಟಿಂಗ್‌ನಲ್ಲಿ ಬಿಜಿಯಾಗಿದ್ದಾರೆ. ಕೆವಿಎನ್‌ ಪ್ರೊಡಕ್ಷನ್ಸ್‌ ಬ್ಯಾನರ್‌ನಲ್ಲಿ ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ನಿರ್ಮಾಣವಾಗುತ್ತಿದೆ. ಇದರ ಜತೆಗೆ ರಾಮಾಯಣ ಸಿನಿಮಾದಲ್ಲೂ ನಟಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ಇನ್ನಷ್ಟೇ ಅಧಿಕೃತವಾಗಬೇಕಿದೆ. ಇನ್ನು ಈ ಸಿನಿಮಾದಲ್ಲಿ ಕೈಕೈ ಪಾತ್ರದಲ್ಲಿ ಲಾರಾ ದತ್ತಾ, ಹನುಮಂತನಾಗಿ ಸನ್ನಿ ಡಿಯೋಲ್ ನಟಿಸುವುದು ಅಧಿಕೃತ ಎನ್ನಲಾಗುತ್ತಿದೆ.