ಶಿವರಾಜ್‌ ಕುಮಾರ್‌ ನಟನೆಯ ಮುಂಬರುವ ಸಿನಿಮಾಗಳು: ಶಿವಗಣ, ಭೈರತಿ ರಣಗಲ್, ಕೊನೆಪಾಠ ಮಾತ್ರವಲ್ಲ, ಕನ್ನಡದ ಬಿಡುವಿಲ್ಲದ ನಟ ಶಿವಣ್ಣ
Aug 09, 2024 05:48 PM IST
Share
ಶಿವರಾಜ್‌ ಕುಮಾರ್‌ ನಟನೆಯ ಮುಂಬರುವ ಸಿನಿಮಾಗಳು
- Shivarajkumar upcoming movies list: ಹ್ಯಾಟ್ರಿಕ್‌ ಹೀರೋ ಶಿವರಾಜ್‌ ಕುಮಾರ್‌ಗೆ ಇಂದು ಹುಟ್ಟುಹಬ್ಬದ ಸಂಭ್ರಮ (Shivarajkumar Birthday). ಶಿವಣ್ಣ ನಟನೆಯ ಮುಂಬರುವ ಸಿನಿಮಾಗಳ ಪಟ್ಟಿ ಇಲ್ಲಿದೆ. ಶಿವಗಣ, ಉತ್ತರಕಾಂಡ, ಭೈರತಿ ರಣಗಲ್, ಭೈರವನ ಕೊನೆಪಾಠ ಸೇರಿದಂತೆ ಮುಂಬರುವ ಸುಮಾರು ಒಂಬತ್ತು ಸಿನಿಮಾಗಳ ಲೆಕ್ಕ ಈಗ ಸಿಕ್ಕಿದೆ.
ಬೆಂಗಳೂರು: ಕನ್ನಡದ ಹ್ಯಾಟ್ರಿಕ್‌ಹೀರೋ ಶಿವರಾಜ್‌ ಕುಮಾರ್‌ಗೆ ಜುಲೈ 12 ಹುಟ್ಟುಹಬ್ಬದ ಸಂಭ್ರಮ. ಕನ್ನಡದ ಇತರೆ ನಟರು ನಾಚುವಂತೆ ಶಿವಣ್ಣ ಹತ್ತು ಹಲವು ಸಿನಿಮಾಗಳಲ್ಲಿ ಬಿಝಿಯಾಗಿದ್ದಾರೆ. ಹೆಚ್ಚು ಬಿಡುವು ತೆಗೆದುಕೊಳ್ಳದೆ ಬಿಗಿ ಶೆಡ್ಯೂಲ್‌ಗಳನ್ನು ಹೊಂದಿರುವ ಶಿವಣ್ಣ ನಟನೆಯ ಹಲವು ಸಿನಿಮಾಗಳು ಮುಂದಿನ ದಿನಗಳಲ್ಲಿ ರಿಲೀಸ್‌ ಆಗಲಿದೆ. ಈ ಸಿನಿಮಾಗಳಲ್ಲಿ ಡಿಫರೆಂಟ್‌ ಲುಕ್‌ನಲ್ಲಿ, ಡಿಫರೆಂಟ್‌ ಜಾನರ್‌ಗಳಲ್ಲಿ ಶಿವಣ್ಣ ಕಾಣಿಸಿಕೊಳ್ಳುವ ಸೂಚನೆಗಳಿವೆ.
ಉತ್ತರಕಾಂಡ
ಈ ವರ್ಷ ಬಿಡುಗಡೆಯಾಗುವ ಬಹುನಿರೀಕ್ಷಿತ ಸಿನಿಮಾ. ರೋಹಿತ್‌ ಪದಕಿ ನಿರ್ದೇಶನದಲ್ಲಿ ಉತ್ತರಕಾಂಡ ಸಿನಿಮಾ ಮೂಡಿಬರುತ್ತಿದೆ. ಡಾಲಿ ಧನಂಜಯ್‌ ರಗಡ್‌ ಅವತಾರದಲ್ಲಿಯೇ ಈ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಶಿವರಾಜ್‌ ಕುಮಾರ್‌ ಹುಟ್ಟುಹಬ್ಬದ ಸಮಯದಲ್ಲಿ ಶಿವಣ್ಣನ ಲುಕ್ ಹೇಗಿರಲಿದೆ ಎಂಬ ಮಾಹಿತಿಯೂ ನಿನ್ನೆ ಹೊರಬಿದ್ದಿತ್ತು. ಈ ಸಿನಿಮಾದಲ್ಲಿ ಕರುನಾಡ ಚಕ್ರವರ್ತಿ ಡಾ. ಶಿವರಾಜ್‌ ಕುಮಾರ್‌, ನಟ ರಾಕ್ಷಸ ಡಾಲಿ ಧನಂಜಯ, ಭಾವನಾ ಮೆನನ್‌, ಐಶ್ವರ್ಯ ರಾಜೇಶ್‌, ದಿಗಂತ್‌ ಮುಂತಾದವರು ಬಣ್ಣ ಹಚ್ಚಿದ್ದಾರೆ.
ಭೈರತಿ ರಣಗಲ್
ಈ ವರ್ಷ ಎಲ್ಲಕ್ಕಿಂತ ಮೊದಲು ಬಿಡುಗಡೆಯಾಗಲಿರುವ ಶಿವಣ್ಣನ ಸಿನಿಮಾವಿದು. ಮುಫ್ತಿ ಚಿತ್ರದ ಮುಂದುವರೆದ ಭಾಗವಾಗಿ ಈ ಸಿನಿಮಾ ರಿಲೀಸ್‌ ಆಗುತ್ತಿದೆ. ಮುಫ್ತಿ ಚಿತ್ರದಲ್ಲಿದ ಭೈರತಿ ರಣಗಲ್ ವಿಷಯವನ್ನು ಪ್ರತ್ಯೇಕ ಕಥೆ ಮಾಡಲಾಗಿದೆ. ಶಿವಣ್ಣ ಇಲ್ಲಿ ಲಾಯರ್‌ ಪಾತ್ರದಲ್ಲಿಯೂ ಕಾಣಿಸಿಕೊಳ್ಳಲಿದ್ದಾರೆ.
ಶಿವಗಣ
ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಮತ್ತು ಶಿವರಾಜ್‌ ಕುಮಾರ್‌ ಜತೆಯಾಗಿ ನಟಿಸುವ ಶಿವಗಣ ಸಿನಿಮಾದ ಕುರಿತು ಇಂದು ಹೆಚ್ಚಿನ ವಿವರ ದೊರಕುವ ನಿರೀಕ್ಷೆಯಿದೆ.
ನೀ ಸಿಗುವರೆಗೂ
ಈ ಸಿನಿಮಾದಲ್ಲಿ ಶಿವಣ್ಣ ನಾಯಕನಾಗಿ ನಟಿಸಲಿದ್ದಾರೆ. ಸ್ವಾತಿ ವನಪಲ್ಲಿ, ಶ್ರೀಕಾಂತ್ ಧುಲಿಪುಡಿ ಮತ್ತು ನರಲಾ ಶ್ರೀನಿವಾಸ ರೆಡ್ಡಿ ಚಿತ್ರಕ್ಕೆ ಬಂಡವಾಳ ಹೂಡಲಿದ್ದಾರೆ. ಹೆಚ್ಚಿನ ವಿವರ ಸದ್ಯ ಲಭ್ಯವಿಲ್ಲ.
45- ಫೋರ್ಟಿ ಫೈವ್‌
ಸಂಗೀತ ನಿರ್ದೇಶಕ ಅರ್ಜುನ್ಯ ಜನ್ಯ ನಿರ್ದೇಶನದಲ್ಲಿ ಈ ಸಿನಿಮಾದಲ್ಲಿ ಶಿವರಾಜ್‌ ಕುಮಾರ್‌, ಉಪೇಂದ್ರ, ರಾಜ್‌ ಬಿ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರೆ. ನನ್ನರಸಿ ಸೀರಿಯಲ್ ಮೂಲಕ ಖ್ಯಾತಿ ಗಳಿಸಿದ್ದ ಕೌಸ್ತುಭ ಮಣಿ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ರಮೇಶ್ ರೆಡ್ಡಿ ಈ ಚಿತ್ರವನ್ನು ಸೂರಜ್ ಪ್ರೊಡಕ್ಷನ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣ ಮಾಡಲಿದ್ದಾರೆ. ಇದು ಪ್ಯಾನ್‌ ಇಂಡಿಯಾ ಸಿನಿಮಾವಾಗಿರಲಿದೆ.
ಭೈರವನ ಕೊನೆಪಾಠ
ಸಪ್ತ ಸಾಗರದಾಚೆ ಎಲ್ಲೋ ನಿರ್ದೇಶಕ ಹೇಮಂತ್‌ ರಾವ್‌ ಆಕ್ಷನ್‌ ಕಟ್‌ ಹೇಳುವ ಸಿನಿಮಾವಿದು. ಮುಂದಿನ ವರ್ಷ ರಿಲೀಸ್‌ ಆಗಲಿದೆ. ಈ ಸಿನಿಮಾದಲ್ಲಿ ಶಿವಣ್ಣ ಇದೇ ಮೊದಲ ಬಾರಿಗೆ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಅಶ್ವತ್ಥಾಮ
ಸಚಿನ್ ರವಿ ಕಥೆ ಮತ್ತು ನಿರ್ದೇಶನದ ಸಿನಿಮಾವಿದು. ಪುಷ್ಕರ್ ಮಲ್ಲಿಕಾರ್ಜುನಯ್ಯ ತಮ್ಮ ಪುಷ್ಕರ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣ ಮಾಡುತ್ತಿದ್ದಾರೆ.
ಆರ್‌ಡಿಎಕ್ಸ್‌
ರವಿ ಅರಸು ನಿರ್ದೇಶನದಲ್ಲಿ ಶಿವರಾಜ್‌ ಕುಮಾರ್‌ ನಟನೆಯೆ ಆರ್‌ಡಿಎಕ್ಸ್‌ ಎಂಬ ಸಿನಿಮಾವು ತೆರೆಗೆ ಬರಲು ಸರದಿಯಲ್ಲಿದೆ.
ಎಸ್‌ಆರ್‌ಕೆ
ಲಕ್ಕಿ ಗೋಪಾಲ್‌ ನಿರ್ದೇಶನದಲ್ಲಿ ಈ ಸಿನಿಮಾ ತೆರೆ ಕಾಣಲಿದೆ. ಹೀಗೆ, ಭೈರತಿ ರಣಗಲ್, ಉತ್ತರಕಾಂಡ, ಶಿವಗಣ, ನೀ ಸಿಗುವವರೆಗೂ, ಫೋರ್ಟಿ ಫೈವ್‌, ಭೈರವನ ಕೊನೆಪಾಠ, ಅಶ್ವತ್ಥಾಮ, ಆರ್‌ಡಿಎಕ್ಸ್‌, ಎಸ್‌ಆರ್‌ಕೆ ಸಿನಿಮಾಗಳು ತೆರೆಗೆ ಕಾಣಲಿವೆ. ಶಿವಣ್ಣನ ಹುಟ್ಟುಹಬ್ಬವಾದ ಇಂದು ಇನ್ನಷ್ಟು ಸಿನಿಮಾಗಳ ರಿಲೀಸ್‌ ಕುರಿತು ಅಪ್‌ಡೇಟ್‌ ದೊರಕಿದರೂ ಅಚ್ಚರಿಯಿಲ್ಲ.