ಹುಟ್ಟುಹಬ್ಬ ಆಚರಿಸಿಕೊಳ್ಳಲು ಪತಿ ವಸಿಷ್ಠ ಸಿಂಹ ಜೊತೆ ವಿದೇಶಕ್ಕೆ ಹಾರಿದ ಹರಿಪ್ರಿಯಾ; ಬೇಗ ಗುಡ್‌ ನ್ಯೂಸ್‌ ಕೊಡಿ ಎಂದ ಅಭಿಮಾನಿಗಳು

ಸ್ಯಾಂಡಲ್‌ವುಡ್‌ ಕ್ಯೂಟ್‌ ಜೋಡಿ ಹರಿಪ್ರಿಯಾ ಹಾಗೂ ವಸಿಷ್ಠ ಸಿಂಹ ದಾಂಪತ್ಯ ಜೀವನಕ್ಕೆ ಕಾಲಿಟ್ಟು ಒಂದೂವರೆ ವರ್ಷ ಕಳೆದಿದೆ. 2023ರಲ್ಲಿ ಈ ಮುದ್ದು ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದೆ. ಮದುವೆ ಆದಾಗಿನಿಂದ ಕೆಲವು ದಿನಗಳ ಕಾಲ ಸಿನಿಮಾಗಳಿಂದ ದೂರ ಇದ್ದ ಹರಿಪ್ರಿಯಾ ಈಗ ಮತ್ತೆ ನಟಿಸುತ್ತಿದ್ದಾರೆ. ಆದರೂ ಸೋಷಿಯಲ್‌ ಮೀಡಿಯಾ ಮೂಲಕ ಅಭಿಮಾನಿಗಳೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದಾರೆ.

ಅಕ್ಟೋಬರ್‌ 29 ರಂದು ಹರಿಪ್ರಿಯಾ ಹುಟ್ಟುಹಬ್ಬ

ಮದುವೆ ನಂತರ ಹರಿಪ್ರಿಯಾ ಹೊಸ ಯೂಟ್ಯೂಬ್‌ ಕೂಡಾ ಅರಂಭಿಸಿದ್ದಾರೆ. ಅಡುಗೆ, ಸಿನಿಮಾ, ಗಾರ್ಡನಿಂಗ್‌ ಸೇರಿದಂತೆ ವಿವಿಧ ಕಂಟೆಂಟ್‌ಗಳಿರುವ ವಿಡಿಯೋಗಳನ್ನು ಹರಿಪ್ರಿಯಾ ತಮ್ಮ ಯೂಟ್ಯೂಬ್‌ನಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಸಿನಿಮಾ ಚಿತ್ರೀಕರಣದಲ್ಲೂ ಸಕ್ರಿಯರಾಗಿದ್ದಾರೆ. ಇದೀಗ ಹರಿಪ್ರಿಯಾ ಕೆಲಸಗಳಿಂದ ಬಿಡುವು ಪಡೆದು ವಿದೇಶಕ್ಕೆ ಹಾರಿದ್ದಾರೆ. ಅಕ್ಟೋಬರ್‌ 29 ಹರಿಪ್ರಿಯಾ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ಈ ಬಾರಿಯ ಹುಟ್ಟುಹಬ್ಬವನ್ನು ವಿದೇಶದಲ್ಲಿ ಆಚರಿಸಲು ನಿರ್ಧರಿಸಿರುವ ಜೋಡಿ ಶನಿವಾರವೇ ವಿದೇಶಕ್ಕೆ ತೆರಳಿದೆ. ವಿಮಾನದಲ್ಲಿ ಕುಳಿತಿರುವ ಸಮುದ್ರ ತೀರದಲ್ಲಿ ಲ್ಯಾಂಡ್‌ ಆಗಿರುವ ಫೋಟೋಗಳನ್ನು ಹರಿಪ್ರಿಯಾ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ವಸಿಷ್ಠ ಅವರಿಗೂ ಟ್ಯಾಗ್‌ ಮಾಡಿದ್ದಾರೆ.

ಇದನ್ನೂ ಓದಿ: ಯುಐ ಸಿನಿಮಾ ಕುದುರೆಗೆ ಹುಲ್ಲು ಹಾಕುವ ಕೆಲಸ ಕೊಡಬಹುದಿತ್ತು; ಜೀ ಕುಟುಂಬ ಅವಾರ್ಡ್ಸ್‌ ವೇದಿಕೆಯಲ್ಲಿಉಪೇಂದ್ರ, ಕುರಿ ಪ್ರತಾಪ್‌ ಫನ್ನಿ ಮಾತುಕತೆ

ಬೇಗ ಸಿಹಿಸುದ್ದಿ ಕೊಡಿ ಎಂದ ಅಭಿಮಾನಿಗಳು

ಇದು ಬರ್ತ್‌ಡೇ ವೀಕ್‌, ಸೆಲಬ್ರೇಷನ್‌ ಶುರುವಾಯ್ತು, ನಾವು ಎಲ್ಲಿಗೆ ಹೋಗುತ್ತಿರಬಹುದು ಎಂದು ಹರಿಪ್ರಿಯಾ ಅಭಿಮಾನಿಗಳಿಗೆ ಕೇಳುತ್ತಿದ್ದಾರೆ. ಈ ಫೋಟೋಗಳನ್ನು ನೋಡಿ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಫೋಟೋಗಳನ್ನು ನೋಡುತ್ತಿದ್ದರೆ ಮಾಲ್ಡೀವ್ಸ್‌ಗೆ ಹೋಗಿದ್ದೀರ, ಗೊತ್ತಾಗ್ತಿದೆ ಎಂದು ಅಭಿಮಾನಿಯೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. ಬೇಗ ಗುಡ್‌ ನ್ಯೂಸ್‌ ಕೊಡಿ , ಅತ್ತಿಗೆ ಮತ್ತೆ ಸಿನಿಮಾದಲ್ಲಿ ಆಕ್ಟಿಂಗ್‌ ಮಾಡಿ ಎನ್ನುತ್ತಿದ್ದಾರೆ. ಹರಿಪ್ರಿಯಾ ಹಾಗೂ ವಸಿಷ್ಠ ಪ್ರೀತಿಸುತ್ತಿರುವ ವಿಚಾರವನ್ನು ಎಲ್ಲಿಯೂ ರಿವೀಲ್‌ ಮಾಡಿರಲಿಲ್ಲ. ಒಮ್ಮೆ ಹರಿಪ್ರಿಯಾ ಮೂಗು ಚುಚ್ಚಿಸುವ ವಿಡಿಯೋವೊಂದನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದರು. ಅದರಲ್ಲಿ ವಸಿಷ್ಠ ಸಿಂಹ ಮುಖ ಕಾಣುತ್ತಿರಲಿಲ್ಲವಾದರೂ ಅಭಿಮಾನಿಗಳು ಅದು ಅವರೇ ಎಂದು ಕಂಡುಹಿಡಿದಿದ್ದರು.

2023 ಜನವರಿ 26ರಂದು ಮೈಸೂರಿನಲ್ಲಿ ಮದುವೆ ಆಗಿದ್ದ ಜೋಡಿ

ನಮ್ಮಿಬ್ಬರ ವಿಚಾರವನ್ನು ನಾವೇ ಅಧಿಕೃತವಾಗಿ ಅನೌನ್ಸ್‌ ಮಾಡಬೇಕು ಎಂದುಕೊಂಡಿದ್ದೆವು. ಆದರೆ ಅಷ್ಟರಲ್ಲಿ ನಿಮಗೆ ಎಲ್ಲಾ ಗೊತ್ತಾಯ್ತು ಎಂದು ಹರಿಪ್ರಿಯಾ, ವಸಿಷ್ಠ ಹೇಳಿದ್ದರು. ಜೊತೆಗೆ ಸುದ್ದಿಗೋಷ್ಠಿ ಕರೆದು ತಮ್ಮ ಲವ್‌ ಶುರುವಾದ ವಿಚಾರವನ್ನು ಹಂಚಿಕೊಂಡಿದ್ದರು. ಸರಳವಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಈ ಜೋಡಿ 26 ಜನವರಿ 2023 ರಲ್ಲಿ ಮೈಸೂರಿನ ಗಣಪತಿ ಸಚ್ಚಿದಾನಂದ ಆಶ್ರಮದಲ್ಲಿ ಮದುವೆ ಆಗಿದ್ದರು. ಹರಿಪ್ರಿಯಾ ಸಿನಿಮಾ ವಿಚಾರಗಳ ಬಗ್ಗೆ ಬರುವುದಾದರೆ, ಬೆಲ್‌ ಬಾಟಮ್‌ 2, ಲಗಾಮ್‌ ಹಾಗೂ ಹೆಸರಿಡದ ಮತ್ತೊಂದು ಸಿನಿಮಾ ಚಿತ್ರೀಕರಣ ಹಂತದಲ್ಲಿದೆ. ಲಗಾಮ್‌ ಸಿನಿಮಾ ಚಿತ್ರೀಕರಣ ಮುಗಿದಿದೆ. ವಸಿಷ್ಠ ಸಿಂಹ ಭೈರತಿ ರಣಗಲ್‌, ತೆಲುಗಿನ ಓದೆಲಾ 2 ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ.

ಇದನ್ನೂ ಓದಿ: ಬಿಗ್‌ಬಾಸ್‌ ಕನ್ನಡ 11: ನಾನಾ ನೀನಾ, ಮನೆಯಲ್ಲಿ ಯಾರು 10 ವಾರ ಇರ್ತಾರೆ ನೋಡೇ ಬಿಡೋಣ; ಮೋಕ್ಷಿತಾ ಪೈ-ತ್ರಿವಿಕ್ರಮ್‌ ಬಿಗ್‌ ವಾರ್‌