ಬಿಗ್‌ಬಾಸ್‌ ಕನ್ನಡ 11: ನಾನಾ ನೀನಾ, ಮನೆಯಲ್ಲಿ ಯಾರು 10 ವಾರ ಇರ್ತಾರೆ ನೋಡೇ ಬಿಡೋಣ; ಮೋಕ್ಷಿತಾ ಪೈ-ತ್ರಿವಿಕ್ರಮ್‌ ಬಿಗ್‌ ವಾರ್‌

ಬಿಗ್‌ಬಾಸ್‌ ಕನ್ನಡ ಸೀಸನ್‌ 11, ನಾಲ್ಕು ವಾರಗಳನ್ನು ಪೂರೈಸಿದೆ. ಕಳೆದ ವಾರ ಕಿಚ್ಚ ಸುದೀಪ್‌ ತಾಯಿ ಸರೋಜಾ ನಿಧನರಾದ್ದರಿಂದ ಈ ವಾರ ಸುದೀಪ್‌ ಕಿಚ್ಚನ ಪಂಚಾಯ್ತಿಗೆ ಬಂದಿರಲಿಲ್ಲ. ಅದರ ಬದಲಿಗೆ ಶನಿವಾರ ಯೋಗರಾಜ್‌ ಭಟ್‌ ಹಾಗೂ ಭಾನುವಾರ ಸೃಜನ್‌ ಲೋಕೇಶ್‌ ಮನೆಗೆ ಬಂದಿದ್ದರು. ಹಂಸ ಹಾಗೂ ಮೋಕ್ಷಿತಾ ಡೇಂಜರಸ್‌ ಜೋನ್‌ನಲ್ಲಿದ್ದು ಇಬ್ಬರಲ್ಲಿ ಯಾರು ಮನೆಯಿಂದ ಹೊರ ಹೋಗುತ್ತಾರೆ ಅನ್ನೋದು ಇಂದು ತಿಳಿಯಲಿದೆ. ಈ ನಡುವೆ ಮನೆಯಲ್ಲಿ ತ್ರಿವಿಕ್ರಮ್‌ ಹಾಗೂ ಮೋಕ್ಷಿತಾ ಪೈ ನಡುವೆ ಜಗಳ ಶುರುವಾಗಿದೆ. 10 ವಾರಗಳ ನಂತರ ಮೋಕ್ಷಿತಾ ಅವರ ಅವಶ್ಯಕತೆ ಇಲ್ಲವೇ ಇಲ್ಲ, ಇಲ್ಲಿ ಇದ್ದುಕೊಂಡು ಅವರು ಏನು ಮಾಡ್ತಾರೆ ಅಂತ ತ್ರಿವಿಕ್ರಮ್‌, ಮಂಜು ಬಳಿ ಮಾತನಾಡುವಾಗ ಮೋಕ್ಷಿತಾ ಅದನ್ನು ಕೇಳಿಸಿಕೊಳ್ಳುತ್ತಾರೆ. ಈ ವಿಚಾರವಾಗಿ ವಿಕ್ರಮ್‌ ಹಾಗೂ ಮೋಕ್ಷಿತಾ ನಡುವೆ ಮಾತಿಗೆ ಮಾತು ಬೆಳೆಯುತ್ತದೆ.