ಅಣ್ಣಯ್ಯ ಧಾರಾವಾಹಿ: ವೀರಭದ್ರನಿಗೆ ಸವಾಲು ಹಾಕಿದ ಪಾರು; ಶಿವು ಪಾಲಿನ ಆಸ್ತಿ ಕಾಪಾಡಲು ಪಾರು ನಿರ್ಧಾರವೇ ಸರಿ

ವೀರಭದ್ರ ಹಾಗೂ ಅವನ ಮಗ ಇಬ್ಬರೂ ಸೇರಿಕೊಂಡು ಶಿವು ಹೆಸರಿನಲ್ಲಿರುವ ಆಸ್ತಿಯನ್ನು ತನ್ನ ಹೆಸರಿಗೆ ಮಾಡಿಕೊಳ್ಳಬೇಕು ಎಂದು ಬಯಸುತ್ತಿದ್ದಾರೆ. ಆದರೆ ಶಿವು ಮಾತ್ರ ಈ ಯಾವ ಮೋಸದ ಅರಿವೂ ಇಲ್ಲದೇ ಮಾವ ಹೇಳಿದ ಹಾಗೆಲ್ಲ ಕೇಳಿಕೊಂಡು ಸುಮ್ಮನೆ ಇದ್ದಾನೆ. ಆದರೆ ಇಷ್ಟು ದಿನ ಶಿವು ಹೆಸರಿಗೆ ಇಷ್ಟೊಂದು ಆಸ್ತಿ ಇದೆ ಎನ್ನುವ ವಿಚಾರ ಪಾರುಗೆ ತಿಳಿದೇ ಇರಲಿಲ್ಲ. ಆದರೆ ಓದು ಬರಹ ತಿಳಿದ ಪಾರು ಈಗ ಅಣ್ಣಯ್ಯನ ಪಾಲಿನ ಆಸ್ತಿ ಎಷ್ಟಿದೆ ಎಂಬುದನ್ನು ಅರಿತುಕೊಂಡಿದ್ದಾಳೆ. ಅವಳಿಗೆ ಅಪ್ಪ ಮೋಸ ಮಾಡುತ್ತಿದ್ದಾನೆ ಎನ್ನುವ ವಿಚಾರ ಅರ್ಥ ಆಗಿದೆ. ಅವಳು ಈಗ ವೀರಭದ್ರನಿಗೆ ಸವಾಲು ಹಾಕಿದ್ದಾಳೆ.

ವೀರಭದ್ರ ಮೋಸದಿಂದ ಸಹಿ ಹಾಕಿಸಿಕೊಳ್ಳಲು ಬೇಕಾದ ಎಲ್ಲ ವ್ಯವಸ್ಥೆಗಳನ್ನೂ ಸಹ ಮಾಡಿಕೊಂಡಿದ್ದ. ಆದರೆ ಪಾರು ಈಗ ಯಾವುದನ್ನೂ ಅಷ್ಟು ಸುಲಭವಾಗಿ ನಂಬುವುದಿಲ್ಲ. ತನ್ನ ಸ್ವಂತ ಮಗಳೇ ಆದರೂ ಕಟುಕರ ಕೈಗೆ ಕೊಡಲು ಮುಂದಾಗಿದ್ದ ವೀರಭದ್ರನ ಬಗ್ಗೆ ಅವಳಿಗೆ ಈಗ ಯಾವ ಗೌರವೂ ಉಳಿದಿಲ್ಲ. ಅವಳು ತನ್ನ ಮನಸಿಗೆ ಬಂದಂತೆ ಆ ಮನೆಯಲ್ಲಿ ನಡೆದುಕೊಳ್ಳುತ್ತಿದ್ದಾಳೆ. ಹೀಗಿರುವಾಗ ಶಿವುನಾ ಕರೆಸಿಕೊಂಡು ಗುಟ್ಟಾಗಿ ಒಂದು ಪೇಪರ್ ಮೇಲೆ ಸಹಿ ಮಾಡಿಸಿಕೊಳ್ಳಲು ಪ್ರಯತ್ನ ಮಾಡುತ್ತಾನೆ ವೀರಭದ್ರ.

ಅದನ್ನು ಕಂಡು ಪಾರು ಬಂದು ತಡೆಯುತ್ತಾಳೆ. ಇನ್ನು ಮುಂದಿನ ದಿನಗಳಲ್ಲಿ ನೀನು ದೇವರೆ ಬಂದು ಪತ್ರ ಕೊಟ್ಟರು ಅದನ್ನು ಓದಿಕೊಂಡೇ ಸಹಿ ಮಾಡಬೇಕು ಎಂದು ಹೇಳುತ್ತಾಳೆ. ಆಗ ಶಿವುಗೆ ಅದರಲ್ಲಿ ಏನಿದೆ ಎಂದು ಅರ್ಥ ಆಗುವುದಿಲ್ಲ. ಆದರೆ ಪಾರು ಮಾತ್ರ ಆ ಪತ್ರವನ್ನು ವೀರಭದ್ರನ ಎದುರಲ್ಲೇ ಹರಿದು ಬಿಸಾಡುತ್ತಾಳೆ.

ಇದನ್ನೂ ಓದಿ: Bold OTT: ಫಸ್ಟ್‌ನೈಟ್‌ ಸಿಡಿ ಕಳೆದುಕೊಂಡ ದಂಪತಿ, ಓಟಿಟಿಯಲ್ಲಿ ತೃಪ್ತಿ ದಿಮ್ರಿ ಬೋಲ್ಡ್‌ ಸಿನಿಮಾ- ಕನ್ನಡ ಸೇರಿದಂತೆ 5 ಭಾಷೆಗಳಲ್ಲಿ ಪ್ರಸಾರ

ಅಣ್ಣಯ್ಯ ಧಾರಾವಾಹಿ

ಜೀ ಕನ್ನಡ ವಾಹಿನಿಯಲ್ಲಿ ಅಣ್ಯಯ್ಯ ಎಂಬ ಅಣ್ಣ ತಂಗಿಯರ ಬಾಂಧವ್ಯದ ಸೀರಿಯಲ್‌ ಮೂಡಿ ಬರುತ್ತಿದ್ದು ಹೆಚ್ಚಿನ ಜನರು ಇದನ್ನು ವೀಕ್ಷಿಸುತ್ತಿದ್ದಾರೆ. ಮಾರಿಗುಡಿ ಶಿವಣ್ಣ ಮತ್ತು ಆತನ ಸಹೋದರಿಯರ ಕಥೆ ಹೊಂದಿರುವ ಈ ಸೀರಿಯಲ್‌ ಪ್ರೇಕ್ಷಕರ ಗಮನ ಸೆಳೆದಿದೆ. ತನ್ನ ತಂಗಿಯರಿಗಾಗಿ ಇಡೀ ಜೀವನವನ್ನೇ ಮುಡಿಪಿಟ್ಟ ಅಣ್ಣಯ್ಯ ಕೊನೆಗೂ ಪ್ರೀತಿಯಲ್ಲಿ ಬಿದ್ದಿದ್ದಾನೆ. ಪಾರು ಮೇಲೆ ಅವನಿಗೆ ಮನಸಾಗಿದೆ.

ಅಣ್ಣಯ್ಯ ಸೀರಿಯಲ್‌ ಪಾತ್ರವರ್ಗ

ಅಣ್ಣ ಮತ್ತು ತಂಗಿಯರ ಬಾಂಧವ್ಯದ ಕಥೆ ಹೊಂದಿರುವ ಅಣ್ಣಯ್ಯ ಧಾರಾವಾಹಿ ಜೀ ಕನ್ನಡದಲ್ಲಿ ರಾತ್ರಿ 7.30 ಗಂಟೆಗೆ ಪ್ರಸಾರವಾಗುತ್ತಿದೆ. ಝೀ 5 ಒಟಿಟಿಯಲ್ಲೂ ಈ ಸೀರಿಯಲ್‌ ನೋಡಬಹುದು.ಅಣ್ಣಯ್ಯ ಸೀರಿಯಲ್‌ನಲ್ಲಿ ವಿಕಾಸ್‌ ಉತ್ತಯ್ಯ ನಾಯಕನಾಗಿ ನಟಿಸಿದ್ದಾರೆ.

ವಿಕಾಸ್‌ ಉತ್ತಯ್ಯ - ಶಿವು

ಗಟ್ಟಿಮೇಳ ಖ್ಯಾತಿಯ ನಿಶಾ ರವಿಕೃಷ್ಣನ್‌ ನಾಯಕಿಯಾಗಿದ್ದಾರೆ.

ನಿಶಾ ರವಿಕೃಷ್ಣನ್‌ - ಪಾರು

ಅಂಕಿತಾ ಗೌಡ, ನಾಗಶ್ರೀ ಬೇಗಾರ್‌, ಪ್ರತೀಕ್ಷಾ ಶರೀನಾಥ್‌ ಮತ್ತು ರಾಘವಿ ಅಣ್ಣಯ್ಯನ ತಂಗಿಯರಾಗಿ ಅಭಿನಯಸಿದ್ದಾರೆ. ಅಣ್ಣಯ್ಯ ಸೀರಿಯಲ್‌ನ ಎಲ್ಲಾ ಎಪಿಸೋಡ್‌ಗಳ ಕಥೆ ಇಲ್ಲಿ ಓದಬಹುದು.

ಇದನ್ನೂ ಓದಿ: Meiyazhagan Review: ಕಟ್ಟಿ ಹಿಡಿದಿಟ್ಟ ಗಟ್ಟಿ ಭಾವನೆಗಳ ಗಂಟು ಬಿಚ್ಚುವ ಸಿನಿಮಾ ಮೇಯಳಗನ್; ಕ್ಯಾಮೆರಾಗೂ ಇಲ್ಲಿ ಸಂಭಾಷಣೆಯಿದೆ