Annayya Serial: ಸಿನಿಮಾ ನೋಡಲು ಹೋದ ಪಾರು ಜೋಡಿ; ತಂಗಿಯರ ಕಾಟಕ್ಕೆ ಸುಸ್ತಾದ ಅಣ್ಣಯ್ಯ

ಅಣ್ಣಯ್ಯ ಧಾರಾವಾಹಿಯಲ್ಲಿ ತಂಗಿಯರೆಲ್ಲ ಸೇರಿಕೊಂಡು ಅತ್ತಿಗೆ ಹಾಗೂ ಅಣ್ಣನ ಜೊತೆ ತಾವೂ ಸುತ್ತಾಡಲು ಹೋಗಿದ್ದಾರೆ. ಪಾರು ಎಲ್ಲರಿಗೂ ಖುಷಿಯಾಗುವಂತೆ ನಡೆದುಕೊಳ್ಳುತ್ತಿದ್ದಾಳೆ. ಶಿವು ಮಾತ್ರ ಎಲ್ಲರ ನಡುವೆ ಸಿಕ್ಕಿ ತಾನು ಈಗ ಏನು ಮಾಡಬೇಕು ಎಂದು ತಿಳಿಯದವನಂತೆ ಆಡುತ್ತಿದ್ದಾನೆ. ಅವನ ಮನಸಿನ ಭಯ ಹಾಗೂ ಆತಂಕ ಅವನಿಗೆ ಮಾತ್ರ ಗೊತ್ತು. ಆ ರೀತಿಯಾಗಿದ್ದಾನೆ. ಇನ್ನು ಸೀರೆಗಳನ್ನೆಲ್ಲ ತೆಗೆದುಕೊಂಡು ಬಟ್ಟೆ ಅಂಗಡಿಯಿಂದ ಅವರು ಸಿನಿಮಾ ನೋಡಲು ಬರುತ್ತಾರೆ. ಬಂದವರೇ ಅಪ್ಪು ಸಿನಿಮಾ ನೋಡುತ್ತಾರೆ. ಆಗ ಕುಡಿಯೋಕೆ ತಿನ್ನೋಕೆ ಅಂತ ಏನಾದ್ರೂ ಬೇಕಲ್ವ? ಹಾಗಾಗಿ ಎಲ್ಲರಿಗೂ ಏನಾದರೂ ತರೋಣ ಎಂದು ಹೋಗುತ್ತಾನೆ.

ರಶ್ಮಿ ತುಂಬಾ ತಿಂಡಿ ಬೇಕು ಎಂದು ಎರಡೆರಡು ಪಾಪ್‌ಕಾರ್ನ್‌ ತಾನೇ ತಗೊತಾಳೆ. ಆ ನಂತರ ಅಣ್ಣಯ್ಯ ಬಂದು ನೋಡುವಷ್ಟರಲ್ಲಿ ಪಾರು ಕೈಯ್ಯಲ್ಲಿ ಮಾತ್ರ ಏನೂ ಇರೋದಿಲ್ಲ. ಆಗ ಅಣ್ಣಯ್ಯ ತಾನು ಮತ್ತೊಂದು ತರುತ್ತೇನೆ ಎಂದು ಹೇಳುತ್ತಾನೆ. ಆಗ ರತ್ನ ಇಲ್ಲ ಅಣ್ಣ ನೀವು ಹೊಸದಾಗಿ ಮದುವೆ ಆದೋರಲ್ವ? ಏನಾಗುತ್ತೆ? ಒಂದ್ರಲ್ಲೇ ಇಬ್ರೂ ತಿನ್ನಿ ಎಂದು ಹೇಳುತ್ತಾಳೆ. ಆಗ ಅಣ್ಣಯ್ಯ ಅಯ್ಯ! ಇದೆಲ್ಲ ಯಾಕ್ ಬೇಕಿತ್ತು ಅಂತ ತಲೆಕೆಡಿಸಿಕೊಳ್ಳುತ್ತಾನೆ.

ಎಲ್ಲದಕ್ಕೂ ಒಪ್ಪಿಕೊಳ್ತಾಳೆ ಪಾರು

ತಾನು ಪಾರು ಒಟ್ಟಿಗೆ ತಿಂದರೆ ಇಷ್ಟ ಆಗುತ್ತೋ ಇಲ್ವೋ? ಪಾರು ಏನು ಅಂದುಕೊಳ್ಳಬಹುದು ಎಂದು ಆಲೋಚನೆ ಮಾಡಿಯೇ ಅವನಿಗೆ ಭಯ ಆರಂಭವಾಗುತ್ತದೆ. ಅದಾದ ನಂತರದಲ್ಲಿ ಕುಡಿಯೋಕೂ ಇಬ್ಬರೂ ಒಂದರಲ್ಲೇ ಕುಡಿಬೇಕು ಎಂದು ಹೇಳುತ್ತಾರೆ. ಅದನ್ನು ಕೇಳಿ ಅವನು ಕಂಗಾಲಾಗಿ ಹೋಗ್ತಾನೆ. ಇನ್ನು ಪಾರು ಮಾತ್ರ ಏನೂ ಆಗೇ ಇಲ್ಲ ಅನ್ನೋ ರೀತಿಯಲ್ಲಿ, ಪರ್ವಾಗಿಲ್ಲ ಮಾವ ನಾನು ನಿಂಗೆ ಏನೂ ಹೇಳಲ್ಲ ಎಲ್ಲ ತಗೊ ಎಂದು ಹೇಳುತ್ತಾಳೆ.

ಇದನ್ನೂ ಓದಿ: ಅಣ್ಣಯ್ಯ ಧಾರಾವಾಹಿ: ಅಣ್ಣ, ತಂಗಿಯರ ಹೊಂದಾಣಿಕೆ ಅರ್ಥ ಮಾಡಿಕೊಂಡ ಪಾರು; ತಾನೂ ಎಲ್ಲರಂತಾಗುವ ಪ್ರಯತ್ನ

ಅಣ್ಣಯ್ಯ ಧಾರಾವಾಹಿ

ಜೀ ಕನ್ನಡ ವಾಹಿನಿಯಲ್ಲಿ ಅಣ್ಯಯ್ಯ ಎಂಬ ಅಣ್ಣ ತಂಗಿಯರ ಬಾಂಧವ್ಯದ ಸೀರಿಯಲ್‌ ಮೂಡಿ ಬರುತ್ತಿದ್ದು ಹೆಚ್ಚಿನ ಜನರು ಇದನ್ನು ವೀಕ್ಷಿಸುತ್ತಿದ್ದಾರೆ. ಮಾರಿಗುಡಿ ಶಿವಣ್ಣ ಮತ್ತು ಆತನ ಸಹೋದರಿಯರ ಕಥೆ ಹೊಂದಿರುವ ಈ ಸೀರಿಯಲ್‌ ಪ್ರೇಕ್ಷಕರ ಗಮನ ಸೆಳೆದಿದೆ. ತನ್ನ ತಂಗಿಯರಿಗಾಗಿ ಇಡೀ ಜೀವನವನ್ನೇ ಮುಡಿಪಿಟ್ಟ ಅಣ್ಣಯ್ಯ ಕೊನೆಗೂ ಪ್ರೀತಿಯಲ್ಲಿ ಬಿದ್ದಿದ್ದಾನೆ. ಪಾರು ಮೇಲೆ ಅವನಿಗೆ ಮನಸಾಗಿದೆ.

ಅಣ್ಣಯ್ಯ ಸೀರಿಯಲ್‌ ಪಾತ್ರವರ್ಗ

ಅಣ್ಣ ಮತ್ತು ತಂಗಿಯರ ಬಾಂಧವ್ಯದ ಕಥೆ ಹೊಂದಿರುವ ಅಣ್ಣಯ್ಯ ಧಾರಾವಾಹಿ ಜೀ ಕನ್ನಡದಲ್ಲಿ ರಾತ್ರಿ 7.30 ಗಂಟೆಗೆ ಪ್ರಸಾರವಾಗುತ್ತಿದೆ. ಝೀ 5 ಒಟಿಟಿಯಲ್ಲೂ ಈ ಸೀರಿಯಲ್‌ ನೋಡಬಹುದು.ಅಣ್ಣಯ್ಯ ಸೀರಿಯಲ್‌ನಲ್ಲಿ ವಿಕಾಸ್‌ ಉತ್ತಯ್ಯ ನಾಯಕನಾಗಿ ನಟಿಸಿದ್ದಾರೆ.

ವಿಕಾಸ್‌ ಉತ್ತಯ್ಯ - ಶಿವು

ಗಟ್ಟಿಮೇಳ ಖ್ಯಾತಿಯ ನಿಶಾ ರವಿಕೃಷ್ಣನ್‌ ನಾಯಕಿಯಾಗಿದ್ದಾರೆ.

ನಿಶಾ ರವಿಕೃಷ್ಣನ್‌ - ಪಾರು

ಅಂಕಿತಾ ಗೌಡ, ನಾಗಶ್ರೀ ಬೇಗಾರ್‌, ಪ್ರತೀಕ್ಷಾ ಶರೀನಾಥ್‌ ಮತ್ತು ರಾಘವಿ ಅಣ್ಣಯ್ಯನ ತಂಗಿಯರಾಗಿ ಅಭಿನಯಸಿದ್ದಾರೆ. ಅಣ್ಣಯ್ಯ ಸೀರಿಯಲ್‌ನ ಎಲ್ಲಾ ಎಪಿಸೋಡ್‌ಗಳ ಕಥೆ ಇಲ್ಲಿ ಓದಬಹುದು.

ಇದನ್ನೂ ಓದಿ: ಸಿಂಗಂ ಅಗೇನ್‌ ಬಾಕ್ಸ್‌ ಆಫೀಸ್‌ ಕಲೆಕ್ಷನ್‌ ದಿನ 1: ಮೊದಲ ದಿನವೇ ಗಲ್ಲಾಪೆಟ್ಟಿಗೆಯಲ್ಲಿ ಬಂಗಾರದ ಬೆಳೆ ತೆಗೆದ ಅಜಯ್‌ ದೇವಗನ್‌ ಸಿನಿಮಾ

ವೀಕ್ಷಕರು ಈ ಧಾರಾವಾಹಿಯನ್ನು ಇಷ್ಟಪಡುತ್ತಿದ್ದಾರೆ. ಎಲ್ಲರ ಅಭಿನಯಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ. ಇನ್ನು ಕಾಮಿಡಿಯನ್ನು ಹೆಚ್ಚಾಗಿ ಇಷ್ಟಪಡುತ್ತಿದ್ದಾರೆ.