Bigg Boss kannada 11: ಇವತ್ತು ಅಮ್ಮ ಇಲ್ಲ, ಏನೋ ಕೊರತೆ ಕಾಡುತ್ತಿದೆ... ಬಿಗ್‌ಬಾಸ್‌ ವೇದಿಕೆಯಲ್ಲಿ ತಾಯಿಯ ನೆನಪಿನಲ್ಲಿ ಕಿಚ್ಚ ಸುದೀಪ್‌
Nov 10, 2024 10:38 AM IST
Share
Bigg Boss kannada 11: ಇವತ್ತು ಅಮ್ಮ ಇಲ್ಲ, ಏನೋ ಕೊರತೆ ಕಾಡುತ್ತಿದೆ ಎಂದು ಬಿಗ್‌ಬಾಸ್‌ ವೇದಿಕೆಯಲ್ಲಿ ತಾಯಿಯ ಕುರಿತು ಕಿಚ್ಚ ಸುದೀಪ್‌ ಮಾತನಾಡಿದ್ದಾರೆ.
- ಬಿಗ್‌ಬಾಸ್‌ ಕನ್ನಡ ಸೀಸನ್‌ 11ರ ವಾರದ ಪಂಚಾಯ್ತಿಯಲ್ಲಿ ಕಿಚ್ಚ ಸುದೀಪ್‌ ವುಮೆನ್‌ ಕಾರ್ಡ್‌ ಎಷ್ಟು ಶಕ್ತಿಶಾಲಿ ಎಂದು ವಿವರಿಸಿದ್ದಾರೆ. ಈ ಕುರಿತು ಸ್ಪರ್ಧಿಗಳಿಗೆ ಅರ್ಥ ಮಾಡಿಸುವ ಸಂದರ್ಭದಲ್ಲಿ ತನ್ನ ತಾಯಿಯನ್ನು ನೆನಪಿಸಿಕೊಂಡಿದ್ದಾರೆ.
ಬಿಗ್‌ಬಾಸ್‌ ಕನ್ನಡ ಸೀಸನ್‌ 11ರ ವಾರದ ಪಂಚಾಯ್ತಿಯನ್ನು ಕಿಚ್ಚ ಸುದೀಪ್‌ ಎಂದಿನಂತೆ ಲವಲವಿಕೆಯಿಂದ ಈ ಶನಿವಾರ ನಡೆಸಿಕೊಟ್ಟಿದ್ದಾರೆ. ಈ ಬಾರಿಯ ಎಪಿಸೋಡ್‌ನಲ್ಲಿ ಸ್ಪರ್ಧಿಗಳೊಂದಿಗೆ ನಗುನಗುತ್ತಾ, ಆಗಾಗ ಕಿಚಾಯಿಸುತ್ತ, ಕಾಲೆಳೆಯುತ್ತ ನಡೆಸಿಕೊಟ್ಟರು. ಎಂದಿನಂತೆ ಈ ಬಾರಿಯೂ ಸ್ಪರ್ಧಿಗಳಿಗೆ ವುಮೆನ್‌ ಕಾರ್ಡ್‌ ತೋರಿಸಿ "ಈ ಮನೆಯಲ್ಲಿ ಆಗಾಗ ವುಮೆನ್‌ ಕಾರ್ಡ್‌ ಪ್ರದರ್ಶಿಸುವವರು ಯಾರು?" ಎಂದು ಕೇಳಿದರು. ಅಂತಹ ವ್ಯಕ್ತಿ ಯಾರೂ ಇಲ್ಲ ಎಂದು ಆರಂಭದಲ್ಲಿ ಸ್ಪರ್ಧಿಗು ಹೇಳಿದರು. "ಒಂದು ಹೆಣ್ಣಿಗೆ...." ಎಂಬ ಡೈಲಾಗ್‌ ಅನ್ನು ಸುದೀಪ್‌ ನೆನಪಿಸಿದಾಗ ಕೆಲವರಿಗೆ ಚೈತ್ರಾ ಕುಂದಾಪುರ ನೆನಪಾಗಿದ್ದಾರೆ.
ಬಿಗ್‌ಬಾಸ್‌ನಲ್ಲಿ ವುಮೆನ್‌ ಕಾರ್ಡ್‌ ಬಳಸೋದು ಯಾರು?
ಈ ಪ್ರಶ್ನೆಗೆ ಶಿಶಿರ್‌ ಅವರು "ಚೈತ್ರಾ ಕುಂದಾಪುರ" ಎಂದಿದ್ದಾರೆ. ಸ್ಪರ್ಧೆಯಲ್ಲಿ ನೀವು ಬೇರೆ ಮನೆಯ ಹೆಣ್ಣು ಮಕ್ಕಳ ಬಗ್ಗೆ ಮಾತನಾಡಿದ್ರಿ ಅಂತಾರೆ. ನಾವು ನಿಜವಾಗಿಯೂ ಆ ರೀತಿ ಏನೂ ಮಾತನಾಡಿರುವುದಿಲ್ಲ. ಆದರೆ, ಚೈತ್ರಾ ಕುಂದಾಪುರ ವುಮೆನ್‌ ಕಾರ್ಡ್‌ ಬಳಸಲು ನೋಡುತ್ತಾರೆ. ನಾವು ಯಾವಾಗ ಹಾಗೇ ಮಾತನಾಡಿದ್ವಿ ಅಂತ ಯೋಚಿಸುವ ಹಾಗೇ ಆಗುತ್ತದೆ ಎಂದು ಶಿಶಿರ್‌ ಹೇಳುತ್ತಾರೆ. ಆಗ ಸುದೀಪ್‌ "ಇದನ್ನೆಲ್ಲ ನೋಡುವಾಗ ಆ ಒಂದು ಮೊಮೆಂಟ್‌ನಲ್ಲಿ ಅನಿಸಬಹುದಲ್ವ? ಯಾಕಣ್ಣ ಗಂಡಸಾಗಿ ಹುಟ್ಟಿದೆ" ಎಂದು ತಮಾಷೆ ಮಾಡುತ್ತಾರೆ. "ಹೌದು ಸರ್‌ ಅನಿಸುತ್ತದೆ" ಎಂದು ಶಿಶಿರ್‌ ಹೇಳುತ್ತಾರೆ.
ನನ್ನ ಅಮ್ಮ ಇಲ್ಲದೆ ಇರುವ ಕೊರತೆ ಕಾಡುತ್ತಿದೆ- ಸುದೀಪ್‌
"ಚೈತ್ರಾ ಅವರೇ ಇದು ವೆರಿ ಪವರ್‌ಫುಲ್‌ ಕಾರ್ಡ್‌. ಇದನ್ನು ಸರಿಯಾದ ರೀತಿಯಲ್ಲಿ ಬಳಸಿದರೆ ಇದು ತುಂಬಾ ಶಕ್ತಿಶಾಲಿ ಕಾರ್ಡ್‌. ಯಾವ ಶಕ್ತಿ ಯುಕ್ತಿ ಇರುವಂತಹ ಒಂದು ಹೆಣ್ಣು, ಹೆಣ್ಣು ಮಕ್ಕಳ ಮೇಲೆ ಹಂಗೆ, ಹೆಣ್ಣು ಮಕ್ಕಳ ಮೇಲೆ ಹಿಂಗೆ ಅನ್ನೋ ಅಗತ್ಯ ಇರುವುದಿಲ್ಲ. ದೇಶ ರಾಜ್ಯ ಆಳುವ ಶಕ್ತಿ ಇರುವ ವ್ಯಕ್ತಿಗಳು ತಾವೆಲ್ಲ.
ಉದಾಹರಣೆಗೆ ನಮ್ಮ ಮನೆಯೊಳಗೆ, ವುಮೆನ್‌ ಕಾರ್ಡ್‌ ಅಂತ ಇದ್ದದ್ದು ನನ್ನ ತಾಯಿಗೆ. ಇವತ್ತು ಅವರು ಇಲ್ಲ, ಏನೋ ಒಂದು ಕೊರತೆ ಅನಿಸ್ತಾ ಇದೆ ಅಂದ್ರೆ ನಿಮಗೆ ಮಹಿಳೆಯ ಪವರ್‌ನ ಕುರಿತು ಅರ್ಥವಾಗಬಹುದು. ವುಮೆನ್‌ ಕಾರ್ಡ್‌ ಎನ್ನುವುದು ಬಾಯಿಂದ ಬರುವುದಲ್ಲ. ಅದು ಹೃದಯದಿಂದ ಬರುವಂತಹದ್ದು. ಇದು ಬರೀ ಚೈತ್ರಾ ಅವರಿಗೆ ಹೇಳಿದ್ದಲ್ಲ. ಇದು ಎಲ್ಲರಿಗೂ ಅನ್ವಯವಾಗುತ್ತದೆ" ಎಂದು ಸುದೀಪ್‌ ಹೇಳಿದ್ದಾರೆ.
ಬಿಗ್‌ಬಾಸ್‌ ಮನೆಯಲ್ಲಿ ಸಿಂಪತಿ ಕಾರ್ಡ್‌ ಬಳಸೋದು ಯಾರು?
ಇದಾದ ಬಳಿಕ ಸುದೀಪ್‌ ಬಿಗ್‌ಬಾಸ್‌ ಕನ್ನಡ ಸೀಸನ್‌ 11ರಲ್ಲಿ ಸಿಂಪತಿ ಕಾರ್ಡ್‌ ಬಳಸೋದು ಯಾರು ಎಂದು ಸುದೀಪ್‌ ಕೇಳುತ್ತಾರೆ. ಸಿಕ್ಕಾಪಟ್ಟೆ ಅತ್ತು ಅತ್ತು ಅನುಕಂಪ ಬಯಸುತ್ತಾರೆ. ಆ ರೀತಿ ಯಾರು ಇದ್ದಾರೆ ಎಂದು ಸುದೀಪ್‌ ಕೇಳಿದಾಗ ಉಗ್ರಂ ಮಂಜು ಅವರು "ಭವ್ಯ" ಎನ್ನುತ್ತಾರೆ. ಇದಕ್ಕೆ ಕಾರಣವನ್ನೂ ನೀಡುತ್ತಾರೆ. ಇದಾದ ಬಳಿಕ ಸುದೀಪ್‌ "ಸಿಂಪತಿ ಕಾರ್ಡ್‌ ಯಾಕೋ ನಿಮಗೆ ಸೂಟ್‌ ಆಗುವಂತೆ ಇದೆಯಲ್ವ ಧರ್ಮ ಕೀರ್ತಿ ರಾಜ್‌" ಎಂದು ಕೇಳುತ್ತಾರೆ. "ಯಾವುದಕ್ಕೂ ಒಂದು ಅಗ್ರೇಸಿವ್‌ ಆನ್ಸರ್‌ ನೀವು ನೀಡುವುದಿಲ್ಲ" ಎಂದು ಸುದೀಪ್‌ ಅದಕ್ಕೆ ಕಾರಣವನ್ನೂ ನೀಡುತ್ತಾರೆ. ಹೀಗೆ ಬಿಗ್ಬಾಸ್‌ನ ನಿನ್ನೆಯ ಎಪಿಸೋಡ್‌ ಪ್ರೇಕ್ಷಕರ ಗಮನ ಸೆಳೆದಿದೆ.