Bigg Boss Kannada: ಬಿಗ್ ಬಾಸ್‌ ಮನೆಯಲ್ಲಿ ಫನ್ ಮಾಡಿದ ಸ್ಪರ್ಧಿಗಳು; ಭವ್ಯಾ, ಭನ್ಯಾ ಕಾಮಿಡಿಗೆ ಪ್ರತಿಕ್ರಿಯೆ ನೀಡಿದ ಬಿಗ್ ಬಾಸ್‌
Nov 06, 2024 09:05 AM IST
Share
ಬಿಗ್ ಬಾಸ್‌ ಮನೆಯಲ್ಲಿ ಫನ್ ಮಾಡಿದ ಸ್ಪರ್ಧಿಗಳು
- Bigg Boss Kannada 11: ಬಿಗ್ ಬಾಸ್‌ ಮನೆಯಲ್ಲಿ ಯಾವಾಗಲೂ ವಾಕ್‌ ಸಮರ ನಡೆಯುತ್ತದೆ. ಆದರೆ ಈ ಬಾರಿ ಕಾಮಿಡಿ ಪ್ರಸಂಗವೊಂದು ನಡೆದಿದೆ. ಬಿಗ್ ಬಾಸ್‌ ಕೂಡ ಈ ಕಾಮಿಡಿಗೆ ಸಾತ್‌ ನೀಡಿದ್ದಾರೆ. ಈ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ಬಿಗ್ ಬಾಸ್‌ ಮನೆಯಲ್ಲಿ ಹಿಂದಿನ ಕಿಚ್ಚನ ಪಂಚಾಯ್ತಿಯಲ್ಲಿ ಫೇಮಸ್‌ ಆಗಿದ್ದ ಭವ್ಯಾ ಹಾಗೂ ಭನ್ಯಾ ಸ್ಟೋರಿ ಇದೀಗ ಬಿಗ್ ಬಾಸ್‌ ಮನೆಯಲ್ಲಿ ಮತ್ತೊಮ್ಮೆ ಕಾಣಿಸಿಕೊಂಡಿದ್ದಾರೆ. ಭವ್ಯಾ ಹಾಗೂ ಭನ್ಯಾ ಅಂದರೆ ಯಾರೋ ಹೊಸ ಸ್ಪರ್ಧಿ ಎಂದುಕೊಳ್ಳುವ ಅಗತ್ಯವಿಲ್ಲ. ಭವ್ಯಾ ಹಾಗೂ ಭನ್ಯಾ ಒಂದು ಫನ್ ಕ್ಯಾರೆಕ್ಟರ್‌. ತ್ರಿವಿಕ್ರಂ ಭವ್ಯಾ ಗೌಡ ಹಾಗೂ ಧನರಾಜ್‌ ಭನ್ಯಾ ಆಗಿ ಅಭಿನಯ ಮಾಡುತ್ತಾ ಮನೆಯಲ್ಲಿ ಫನ್ ಮಾಡಿದ್ದಾರೆ. ಈ ಹಿಂದೆ ಕಿಚ್ಚ ಸುದೀಪ್ ವಾರದ ಕಥೆ ಕಿಚ್ಚನ ಜೊತೆ ಕಾರ್ಯಕ್ರಮದಲ್ಲಿ ಕೂಡ ತ್ರಿವಿಕ್ರಂ, ಧನರಾಜ್‌ ಹಾಗೂ ಉಗ್ರಂ ಮಂಜು ಅವರನ್ನು ಇಟ್ಟುಕೊಂಡು ಇದೇ ರೀತಿಯಾಗಿ ಒಂದು ಫನ್ ಮಾಡಿದ್ದರು.
ಸ್ಪರ್ಧಿಗಳು ತಮ್ಮ ಬಿಡುವಿನ ಅವಧಿಯಲ್ಲಿ ಮನೆಯಲ್ಲಿ ಈ ನಾಟಕ ಮಾಡಿದ್ದಾರೆ. ಈ ಬಾರಿ ಹನುಮಂತ ಅವರು ಕೂಡ ಫನ್ ನೀಡುವಲ್ಲಿ ಮುಖ್ಯಪಾತ್ರ ವಹಿಸಿದ್ದರು. ಮನೆಯವರೆಲ್ಲ ಒಟ್ಟು ಗೂಡಿಕೊಂಡು ಈ ನಾಟಕವನ್ನು ನೋಡಿದ್ದಾರೆ. ಮತ್ತು ಕಥೆಯನ್ನು ತಮ್ಮಷ್ಟಕ್ಕೆ ತಾವೇ ಕಟ್ಟಿಕೊಂಡು ಮುಂದುವರೆಸಿದ್ದಾರೆ. ಅದೇ ರೀತಿ ಭವ್ಯಾ ಹಾಗೂ ಭನ್ಯಾ ಹೆಸರಿನಲ್ಲಿ ಅಭಿನಯಿಸಿದ್ದಾರೆ. ಇನ್ನು ಭನ್ಯಾ ಪಾತ್ರದಲ್ಲಿ ಧನರಾಜ್‌ ಕಾಮಿಡಿ ಮಾಡಿದ್ದಾರೆ.
ರಿಯಲ್ ಆಗಿ ಭವ್ಯಾ ಗೌಡ ಅವರು ಕೂಡ ಯಾವುದೇ ಬೇಸರ ಇಲ್ಲದೆ ಇದನ್ನು ನೋಡಿದ್ದಾರೆ. ಈಗ ಚಾಕು ಚುಕ್ಕಿ ಸತ್ತು ಹೋದ ಹಾಗೆ ಮಾಡಿ ಎಂದು ಹೇಳುತ್ತಾರೆ. ಇನ್ನು ಅನುಷಾ ಕೂಡ ಇದರಲ್ಲಿ ಭಾಗಿಯಾಗಿದ್ದಾರೆ. ಈ ರೀತಿಯಾಗಿ ಮನೆಯವರೆಲ್ಲ ಏನೋ ಒಂದು ಮಾಡುತ್ತಿರುವಾಗ ಬಿಗ್ ಬಾಸ್‌ ಧ್ವನಿ ಬರುತ್ತದೆ.
“ಭನ್ಯಾ ನೀವು ಈ ರೀತಿ ಮಾಡಿಕೊಳ್ಳಬೇಡಿ. ಹನುಮಂತ ನೀವು ಕನ್ಫೆಷನ್ ರೂಮ್‌ಗೆ ಬನ್ನಿ” ಎಂದು ಹೇಳುತ್ತಾರೆ. ಆಗ ಮನೆಯಲ್ಲಿರುವ ಎಲ್ಲಾ ಸ್ಪರ್ಧಿಗಳು ನಗುತ್ತಾರೆ.
ಬಿಗ್ ಬಾಸ್‌ ಕೂಡ ನಮ್ಮ ಕಾಮಿಡಿಯನ್ನು ಗಮನಿಸುತ್ತಾ ಇದ್ದಾರೆ ಎಂದು ಅಂದುಕೊಳ್ಳುತ್ತಾರೆ. ಅವರ ನಗು ಇಮ್ಮಡಿಯಾಗುತ್ತದೆ. ಈ ಬಾರಿ ಬಿಗ್ ಬಾಸ್‌ ಕೂಡ ಫನ್ ಮಾಡಿದ್ದಾರೆ. ಒಂದೊಂದೇ ಸ್ಪರ್ಧಿಗಳು ಮನೆಯಿಂದ ಹೊರ ಹೋಗುತ್ತಿದ್ದಾರೆ. ಮನೆಯಲ್ಲಿ ವಿವಿಧ ಟಾಸ್ಕ್‌ ಶುರುವಾಗಿದೆ. ಮುಂದಿನ ವಾರ ಡೇಂಜರಸ್‌ ಜೋನ್‌ನಲ್ಲಿ ಉಳಿಯದೆ, ಎಲಿಮಿನೇಟ್‌ ಆಗದೆ ಸೇಫ್‌ ಆಗಿ ಉಳಿಯಲು ಎಲ್ಲರೂ ಹರಸಾಹಸ ಪಡುತ್ತಿದ್ದಾರೆ. ಬಿಗ್‌ಬಾಸ್‌ ನೀಡಿದ ಟಾಸ್ಕ್‌ನಲ್ಲಿ ಗೆಲ್ಲಲ್ಲು ಶತ ಪ್ರಯತ್ನ ಮಾಡುತ್ತಿದ್ದಾರೆ.
ಗುಟ್ಟು ರಟ್ಟು ಮಾಡಿದ ಬಿಗ್ ಬಾಸ್‌
ಬಿಗ್ ಬಾಸ್‌ ಮನೆಯಲ್ಲಿ ಏನಾಗ್ತಿದೆ ಎನ್ನುವ ವಿಷಯ ಒಂದೇ ಇದುವರೆಗೆ ಸ್ಪರ್ಧಿಗಳಿಗೆ ಗೊತ್ತಿತ್ತು. ಹೊರ ಜಗತ್ತಿನ ಸಂಪರ್ಕ ಇಲ್ಲದ ಕಾರಣ ಮನೆಯೊಳಗಡೆಯೇ ಒಂದು ಪ್ರಪಂಚ ಸೃಷ್ಟಿಯಾಗಿತ್ತು. ಆದರೆ ಬಿಗ್ ಬಾಸ್‌ ಈಗ ಮನೆಯಲ್ಲಿ ಏನಾಗ್ತಿದೆ ಎಂಬ ವಿಚಾರವನ್ನೂ ಸ್ಪರ್ಧಿಗಳ ಮುಂದೆ ಇಟ್ಟಿದ್ದಾರೆ. ಮನೆಯೊಳಗಡೆ ಸ್ಪರ್ಧಿಗಳು ಇನ್ನೊಬ್ಬರ ಬಗ್ಗೆ ಮಾತನಾಡಿದ ವಿಡಿಯೋ ತುಣುಕನ್ನು ಹಂಚಿಕೊಂಡಿದ್ದಾರೆ. ಆ ವಿಡಿಯೋ ಇನ್ನು ಮನೆಯಲ್ಲಿ ಖಂಡಿತ ಹೊಸ ಸಂಚಲನ ಸೃಷ್ಟಿ ಮಾಡಲಿದೆ. ಸ್ಪರ್ಧಿಗಳ ಲೆಕ್ಕಾಚಾರ ಬೇರೆಯಾಗಿ ಇನ್ನು ಮುಂದೆ ಈ ಮನೆಯಲ್ಲಿ ಬೇರೆಯದೇ ನಡೆಯಲಿದೆ. ಮೋಕ್ಷಿತಾ ಹಾಗೂ ತ್ರಿವಿಕ್ರಂ ನಡುವೆ ಜಗಳ ಇನ್ನೂ ಹೆಚ್ಚಾಗಿದೆ.
ಇದೇ ರೀತಿ ಬಿಗ್ ಬಾಸ್‌ ಮನೆಯಲ್ಲಿ ದಿನದಿಂದ ದಿನಕ್ಕೆ ನಾನಾ ರೀತಿಯ ಬೆಳವಣಿಗೆ ನಡೆದಿದೆ.