Bigg Boss Kannada: ಮೋಕ್ಷಿತಾ, ತ್ರಿವಿಕ್ರಂ ನಡುವಿನ ಬೆಂಕಿಗೆ ತುಪ್ಪ ಸುರಿದ ಬಿಗ್‌ ಬಾಸ್‌; ಆಟದ ಕಾವು ಈಗ ಇನ್ನೂ ಹೆಚ್ಚಾಯ್ತು
ಬಿಗ್‌ ಬಾಸ್‌ ಮನೆಯಲ್ಲಿ ಆಗುವ ಜಗಳದಿಂದ ಹೊತ್ತಿಕೊಳ್ಳುವ ಬೆಂಕಿಗೆ ಈಗ ಬಿಗ್‌ ಬಾಸ್‌ ತುಪ್ಪ ಸುರಿದಿದ್ದಾರೆ. ಮನೆಯಲ್ಲಿ ಒಬ್ಬರನ್ನು ಕಂಡರೆ ಇನ್ನೊಬ್ಬರಿಗೆ ಅನುಮಾನ ಬರುವಂತೆ ಆಗಿದೆ. ಮೋಕ್ಷಿತಾ ಹಾಗೂ ತ್ರಿವಿಕ್ರಂ ನಡುವೆ ಈಗ ಇನ್ನಷ್ಟು ಜಗಳ ಆರಂಭವಾಗಿದೆ.
ಬಿಗ್‌ ಬಾಸ್‌ ಮನೆಯಲ್ಲಿ ಏನಾಗ್ತಿದೆ ಎನ್ನುವ ವಿಷಯ ಒಂದೇ ಇದುವರೆಗೆ ಸ್ಪರ್ಧಿಗಳಿಗೆ ಗೊತ್ತಿತ್ತು. ಹೊರ ಜಗತ್ತಿನ ಸಂಪರ್ಕ ಇಲ್ಲದ ಕಾರಣ ಮನೆಯೊಳಗಡೆಯೇ ಒಂದು ಪ್ರಪಂಚ ಸೃಷ್ಟಿಯಾಗಿತ್ತು. ಆದರೆ ಬಿಗ್‌ ಬಾಸ್‌ ಈಗ ಮನೆಯಲ್ಲಿ ಏನಾಗ್ತಿದೆ ಎಂಬ ವಿಚಾರವನ್ನೂ ಸ್ಪರ್ಧಿಗಳ ಮುಂದೆ ಇಟ್ಟಿದ್ದಾರೆ. ಮನೆಯೊಳಗಡೆ ಸ್ಪರ್ಧಿಗಳು ಇನ್ನೊಬ್ಬರ ಬಗ್ಗೆ ಮಾತನಾಡಿದ ವಿಡಿಯೋ ತುಣುಕನ್ನು ಹಂಚಿಕೊಂಡಿದ್ದಾರೆ. ಆ ವಿಡಿಯೋ ಇನ್ನು ಮನೆಯಲ್ಲಿ ಖಂಡಿತ ಹೊಸ ಸಂಚಲನ ಸೃಷ್ಟಿ ಮಾಡಲಿದೆ. ಸ್ಪರ್ಧಿಗಳ ಲೆಕ್ಕಾಚಾರ ಬೇರೆಯಾಗಿ ಇನ್ನು ಮುಂದೆ ಈ ಮನೆಯಲ್ಲಿ ಬೇರೆಯದೇ ನಡೆಯಲಿದೆ. ಮೋಕ್ಷಿತಾ ಹಾಗೂ ತ್ರಿವಿಕ್ರಂ ನಡುವೆ ಜಗಳ ಇನ್ನೂ ಹೆಚ್ಚಾಗಿದೆ.
ಯಾಕೆಂದರೆ ವಿಡಿಯೋದಲ್ಲಿ ಮೋಕ್ಷಿತಾ ಹಾಗೂ ಗೌತಮಿ ಈ ಇಬ್ಬರ ಬಗ್ಗೆ ತ್ರಿವಿಕ್ರಂ ಒಂದು ಹಕ್ಕಿ ಜೊತೆ ಇನ್ನೊಂದು ಹಕ್ಕಿ ಫ್ರಿ ಎಂದು ಮಾತನಾಡಿದ್ದಾರೆ. ನಿಮ್ಮ ಮನೆ ಅಕ್ಕ ತಂಗಿಯರಿಗೂ ನೀವು ಹಕ್ಕಿ ಅಂತಲೇ ಮಾತಾಡ್ತೀರಾ? ಎಂದು ಮೋಕ್ಷಿತಾ ಪ್ರಶ್ನೆ ಮಾಡಿದ್ದಾರೆ. ಅವರ ತನ ಏನು ಅನ್ನೋದನ್ನ ಎಲ್ಲರ ಮುಂದೆ ಇಂದು ತೋರಿಸಿದ್ದಾರೆ. ಅತಿ ವಿನಿಯಂ ದೂರ್ತ ಲಕ್ಷಣಂ ಎನ್ನುತ್ತಾರಲ್ಲ ಅದೇ ರೀತಿ ಇವರೂ ಸಹ. ನಾನು ಅವರಿಗೆ ಗೋ ಮುಖ ವ್ಯಾಗ್ರ ಅಂತ ಅಂದೆ. ಆದ್ರೆ ನನಗೆ ಈಗ ಅವರಿಗೆ ನಾನು ಹಾಗೆ ಹೇಳಿದಿನಿ ಅಂತ ಯಾವುದೇ ಬೇಸರ ಇಲ್ಲ ಎಂದು ಮೋಕ್ಷಿತಾ ಹೇಳಿಕೊಂಡಿದ್ದಾರೆ.
ಇನ್ನು ಮನೆಯ ಇತರ ಸದಸ್ಯರು ಮಾತನಾಡಿದ ವಿಡಿಯೋ ಕೂಡ ಇದೆ. ಇನ್ನು ಐಶ್ವರ್ಯ ಹಾಗೂ ಶಿಶಿರ್ ಮಾತನಾಡುತ್ತಿದ್ದ ವಿಡಿಯೋ ಕೂಡ ಇದೆ. ಅವರು ಭವ್ಯ ಅವರ ಬಗ್ಗೆ ಬಹುಶಃ ಮಾತನಾಡಿದ್ದರು ಎಂದೆನಿಸುತ್ತದೆ. ಭವ್ಯ ಅವರ ಬಗ್ಗೆ ಅವಳಿಗೆ ಹೊಟ್ಟೆಕಿಚ್ಚಿರೋದು ಕಣ್ಣಿಗೆ ಕಾಣಿಸುತ್ತೆ ಎಂದು ಐಶ್ವರ್ಯ ಶಿಶಿರ್ ಹತ್ತಿರ ಹೇಳುತ್ತಿರುತ್ತಾರೆ. ಹಾಗೇ ಇನ್ನೊಂದಷ್ಟು ಗುಂಪುಗಳಲ್ಲಿ ಆಡಿದ ಕೆಲವು ಮಾತುಗಳು ಕಾಣಿಸುತ್ತದೆ.
