Rana Daggubati: ಒಟಿಟಿಯಲ್ಲಿ ರಾಣಾ ದಗ್ಗುಬಾಟಿ ಶೋ, 244 ದೇಶಗಳಲ್ಲಿ ಸ್ಟ್ರೀಮಿಂಗ್‌, ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನ

The Rana Daggubati Show OTT Release: ರಾಣಾ ದಗ್ಗುಬಾಟಿ ನಡೆಸಿಕೊಡುವ "ದಿ ರಾಣಾ ದಗ್ಗುಬಾಟಿ ಶೋ" ಇಂದು ಅಮೆಜಾನ್‌ ಪ್ರೈಮ್‌ ವಿಡಿಯೋದಲ್ಲಿ ಬಿಡುಗಡೆಯಾಗಿದೆ. ಈ ಶೋನಲ್ಲಿ ನಟ ನಾನಿ ಸೇರಿದಂತೆ ಸಾಕಷ್ಟು ಸಿನಿಮಾ ಸೆಲೆಬ್ರಿಟಿಗಳು ಭಾಗವಹಿಸಿದ್ದಾರೆ. ತೆಲುಗು ನಟ ರಾಣಾ ದಗ್ಗುಬಾಟಿ ನಡೆಸಿಕೊಡುವ "ದಿ ರಾಣಾ ದಗ್ಗುಬಾಟಿ ಶೋ" ಕುರಿತು ಜಾಗತಿಕವಾಗಿ ಜನರಲ್ಲಿ ಕುತೂಹಲ ಕೆರಳಿಸಿದೆ. ಈ ಕಾರ್ಯಕ್ರಮದ ಒಟಿಟಿ ಸ್ಟ್ರೀಮಿಂಗ್‌ ಅನ್ನು ದೊಡ್ಡಮಟ್ಟದಲ್ಲಿ ಆಯೋಜಿಸಲಾಗಿತ್ತು. ದಿ ರಾಣಾ ದಗ್ಗುಬಾಟಿ ಶೋ ಅನ್ನು ಪ್ರತಿಷ್ಠಿತ 55 ನೇ ಇಂಟರ್ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್ ಆಫ್ ಇಂಡಿಯಾ (IFFI) ಸಮಾರಂಭದಲ್ಲಿ ಪ್ರದರ್ಶಿಸಲಾಗಿದೆ. ಇದು ಒಟಿಟಿಯಲ್ಲಿ ಬಿಡುಗಡೆಗೊಂಡಿದೆ. ಇಂದಿನ ಶೋನಲ್ಲಿ ನ್ಯಾಚುಲರ್‌ ಸ್ಟಾರ್‌ ನಾನಿ ತನ್ನ ಮದುವೆ ಕುರಿತು ಸಾಕಷ್ಟು ವಿಷಯಗಳನ್ನು ಮಾತನಾಡಲಿದ್ದಾರೆ.

ಪ್ರತಿಷ್ಠಿತ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನ

ದಿ ರಾಣಾ ದಗ್ಗುಬಾಟಿ ಶೋನ ಮೊದಲ ಸಂಚಿಕೆಯನ್ನು IFFI ನಲ್ಲಿ ಪ್ರೀಮಿಯರ್ ಮಾಡಲಾಯಿತು.ಬರಹಗಾರ, ನಿರೂಪಕ ಮತ್ತು ಕಾರ್ಯಕಾರಿ ನಿರ್ಮಾಪಕ ರಾಣಾ ದಗ್ಗುಬಾಟಿ ಅವರೊಂದಿಗಿನ ಮನರಂಜನಾ ಸಂವಾದ ನಡೆಸಿಕೊಡುವ ಕಾರ್ಯಕ್ರಮ ಇದಾಗಿದೆ. ಅಮೆಜಾನ್ ಪ್ರೈಮ್ ವೀಡಿಯೋದಲ್ಲಿ ತೆಲುಗಿನಲ್ಲಿ ಮೊದಲು ಈ ಶೋ ಆರಂಭವಾಗಿತ್ತು. ಪ್ರತಿಷ್ಠಿತ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಂಡ ಬಳಿಕ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.

ಅತಿಥಿಗಳಾಗಿ ಭಾಗವಹಿಸಿದವರು ಯಾರು?

ರಾಣಾ ದಗ್ಗುಬಾಟಿ ಅವರ ಸೆಲೆಬ್ರಿಟಿ ಚಾಟ್ ಶೋ ನವೆಂಬರ್ 21 ರಂದು ಗೋವಾದಲ್ಲಿ 55ನೇ ಇಂಟರ್‌ನ್ಯಾಷನಲ್‌ ಫಿಲ್ಮ್ ಫೆಸ್ಟಿವಲ್ ಆಫ್ ಇಂಡಿಯಾದಲ್ಲಿ ಮೊದಲ ಬಾರಿಗೆ ಪ್ರದರ್ಶನಗೊಂಡಿತ್ತು. ರಾಣಾ ದಗ್ಗುಬಾಟಿ ಶೋನ ಮೊದಲ ಸಂಚಿಕೆಯಲ್ಲಿ ನ್ಯಾಚುರಲ್ ಸ್ಟಾರ್ ನಾನಿ, ಹನುಮಾನ್ ನಾಯಕ ತೇಜ ಸಜ್ಜಾ ಮತ್ತು ಸರಿಪೋಧಾ ಶನಿವಾರಂ ನಾಯಕಿ ಪ್ರಿಯಾಂಕಾ ಅರುಲ್ ಮೋಹನ್ ಅತಿಥಿಗಳಾಗಿ ಭಾಗವಹಿಸಿದ್ದರು.

ಗೋವಾದಲ್ಲಿ ನಡೆದ ರಾಣಾ ದಗ್ಗುಬಾಟಿ ಶೋನ ವಿಶ್ವ ಪ್ರೀಮಿಯರ್‌ನಲ್ಲಿ 250ಕ್ಕೂ ಹೆಚ್ಚು ಸಿನಿ ಸೆಲೆಬ್ರಿಟಿಗಳು ಭಾಗವಹಿಸಿದ್ದರು. ಈ ಪ್ರದರ್ಶನದಲ್ಲಿ ರಾಣಾ ದಗ್ಗುಬಾಟಿ, ಶೋ ಡೈರೆಕ್ಟರ್ ಮತ್ತು ಮಾರ್ಕೆಟಿಂಗ್ ಹೆಡ್ ಸೋನಾಲ್ ಕಬಿ, ಶಿಲ್ಪಾ ರಾವ್ ತೆನುಗುಲಾ, ತರುಣ್ ತಲ್ರೇಜಾ, ಡೆಲಿಲಾ ಲೋಬೋ ಮತ್ತು ಇತರರು ಭಾಗವಹಿಸಿದ್ದರು. ರಾಣಾ ದಗ್ಗುಬಾಟಿ ಶೋ ಇಂದಿನಿಂದ (ನವೆಂಬರ್ 23) ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆಗುತ್ತಿದೆ.

240 ದೇಶಗಳಲ್ಲಿ ಒಟಿಟಿ ಸ್ಟ್ರೀಮಿಂಗ್

ರಾಣಾ ದಗ್ಗುಬಾಟಿ ಶೋ ಅಮೆಜಾನ್ ಪ್ರೈಮ್‌ ವಿಡಿಯೋದಲ್ಲಿ ಸ್ಟ್ರೀಮ್ ಆಗುತ್ತಿದೆ. ರಾಣಾ ದಗ್ಗುಬಾಟಿ ಶೋ ಪ್ರಪಂಚದಾದ್ಯಂತ 240 ದೇಶಗಳಲ್ಲಿ ಡಿಜಿಟಲ್ ಸ್ಟ್ರೀಮ್ ಆಗುತ್ತಿದೆ. ಅಮೆಜಾನ್ ಪ್ರೈಮ್ ವಿಡಿಯೋ 240 ದೇಶಗಳಲ್ಲಿ ಲಭ್ಯವಿದೆ. ಅದಕ್ಕಾಗಿಯೇ ಈ ಕಾರ್ಯಕ್ರಮ ಎಲ್ಲಾ ದೇಶಗಳಲ್ಲಿ ಪ್ರಸಾರವಾಗುತ್ತಿದೆ.

ರಾಜಮೌಳಿ-ರಾಮ್ ಗೋಪಾಲ್ ವರ್ಮಾ

ರಾಣಾ ದಗ್ಗುಬಾಟಿ ಶೋ ಪ್ರತಿ ಶನಿವಾರ ಹೊಸ ಸಂಚಿಕೆಗಳೊಂದಿಗೆ ಮನರಂಜನೆ ನೀಡಲಿದೆ. ಈ ಸಂಚಿಕೆಗಳಲ್ಲಿ ಎಸ್ ಎಸ್ ರಾಜಮೌಳಿ, ರಾಮ್ ಗೋಪಾಲ್ ವರ್ಮಾ, ದುಲ್ಕರ್ ಸಲ್ಮಾನ್, ನಾಗ ಚೈತನ್ಯ ಅಕ್ಕಿನೇನಿ, ರಿಷಬ್ ಶೆಟ್ಟಿ, ಸಿದ್ದು ಜೊನ್ನಲಗಡ್ಡ, ಶ್ರೀಲೀಲಾ ಮುಂತಾದ ಸ್ಟಾರ್ ಸೆಲೆಬ್ರಿಟಿಗಳು ಅತಿಥಿಗಳಾಗಿ ಆಗಮಿಸಿ ಮನಬಿಚ್ಚಿ ಮಾತನಾಡಿದ್ದಾರೆ. ಇದಕ್ಕೆ ಸಂಬಂಧಿಸಿದ ದಿ ರಾಣಾ ದಗ್ಗುಬಾಟಿ ಶೋನ ಟ್ರೇಲರ್ ಈಗಾಗಲೇ ಬಿಡುಗಡೆಯಾಗಿದ್ದು, ಕುತೂಹಲ ಹೆಚ್ಚಿಸಿದೆ.

ಕಾರುಗಳಲ್ಲಿ ಸೂಪ್ ತಯಾರಿಸುವುದು

ಈ ರಾಣಾ ದಗ್ಗುಬಾಟಿ ಶೋ ಸಾಂಪ್ರದಾಯಿಕ ಚಾಟ್ ಶೋಗಳಿಗಿಂತ ವಿಭಿನ್ನವಾಗಿ ಮೂಡಿ ಬರುತ್ತಿದೆ. ದುಲ್ಕರ್ ಜೊತೆಯಲ್ಲಿ ಟೀ ಕುಡಿಯುವುದರಿಂದ ಹಿಡಿದು ನಾಗ ಚೈತನ್ಯ ಜೊತೆ ಕಾರಿನಲ್ಲಿ ಸೂಪ್ ಸೇವಿಸುವುದು, ಸಿದ್ದು ಜೊನ್ನಲಗಡ್ಡ ಮತ್ತು ಶ್ರೀಲೀಲಾ ಜೊತೆ ಪಿಜ್ಜಾ ಸಿದ್ಧಪಡಿಸುವುದು, ಹೊರಾಂಗಣ ಚಿತ್ರೀಕರಣದ ಸ್ಥಳದಲ್ಲಿ ರಾಜಮೌಳಿ ಅವರನ್ನು ಅಚ್ಚರಿಗೊಳಿಸುವುದು... ಹೀಗೆ ಡಿಫರೆಂಟ್‌ ಆಗಿ ಶೋ ನಡೆಸಿಕೊಡಲಾಗಿದೆ.