Lucky Baskhar: ದುಲ್ಕರ್ ಸಲ್ಮಾನ್ ಅಭಿನಯದ ‘ಲಕ್ಕಿ ಬಾಸ್ಕರ್’ ಸಿನಿಮಾದ ಈ ದೃಶ್ಯ ಈಗ ಎಲ್ಲೆಡೆ ವೈರಲ್

ದುಲ್ಕರ್ ಸಲ್ಮಾನ್ ಅವರ ಹೊಸ ಸಿನಿಮಾ ‘ಲಕ್ಕಿ ಬಾಸ್ಕರ್‌’ ತುಂಬಾ ಸದ್ದು ಮಾಡುತ್ತಿದೆ. ಸಾಮಾಜಿಕ ಜಾಲತಾಣಗಳಲ್ಲೂ ಸಹ ಸಿನಿಮಾದ ಸಾಕಷ್ಟು ದೃಶ್ಯಗಳು ವೈರಲ್ ಆಗುತ್ತಿದೆ. ಈ ಸಿನಿಮಾ ಈಗಾಗಲೇ ಒಟಿಟಿಯಲ್ಲಿ ಪ್ರಸಾರವಾಗುತ್ತಿದೆ. ಈಗ ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮ್ ಆಗುತ್ತಿದೆ. ಸಿನಿಮಾ ನೋಡಿದ ಸಾಕಷ್ಟು ಜನರು ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಮೀನಾಕ್ಷಿ ಚೌಧರಿ ನಾಯಕಿಯಾಗಿ ತುಂಬಾ ಉತ್ತಮವಾಗಿ ನಟನೆ ಮಾಡಿದ್ದಾರೆ. ಈ ಚಿತ್ರವನ್ನು ವೆಂಕಿ ಅಟ್ಲೂರಿ ನಿರ್ದೇಶಿಸಿದ್ದಾರೆ.

ಪಾಸಿಟಿವ್ ಟಾಕ್ ಪಡೆದ ಸಿನಿಮಾ

ಲಕ್ಕಿ ಬಾಸ್ಕರ್ ದುಲ್ಕರ್ ಸಲ್ಮಾನ್ ಅವರ ಇತ್ತೀಚಿನ ಚಿತ್ರವಾಗಿದ್ದು, ಇದು ಅಕ್ಟೋಬರ್ 31, 2024 ರಂದು ತೆರೆಕಂಡಿದೆ. ಚಿತ್ರದ ಯಶಸ್ಸಿನ ಬಗ್ಗೆ ನಿರ್ಮಾಪಕರು ತುಂಬಾ ವಿಶ್ವಾಸ ಹೊಂದಿದ್ದರು. ಅದೇ ರೀತಿ ಉತ್ತಮ ರೆಸ್ಪಾನ್ಸ್‌ ಹಾಗೂ ಪಾಸಿಟಿವ್ ಟಾಕ್ ಈ ಸಿನಿಮಾ ಬಗ್ಗೆ ಇದೆ. ಮೊದಲ ಪ್ರದರ್ಶನದಿಂದಲೇ ಉತ್ತಮ ಅಭಿಪ್ರಾಯವನ್ನು ಗಳಿಸಿಕೊಂಡಿದೆ. ಇದಕ್ಕೆ ದುಲ್ಕರ್ ಸಲ್ಮಾನ್ ಅವರ ಅಭಿನಯವೂ ಕಾರಣವಾಗಿದೆ.

ಇದನ್ನೂ ಓದಿ: Naga Chaitanya Sobhita Wedding: ಸಿಂಪಲ್ ಆಗಿ ಮದುವೆ ಆಗ್ತಿದ್ದಾರೆ ನಾಗ ಚೈತನ್ಯ, ಶೋಭಿತಾ ಧೂಳಿಪಾಲ; ಇಲ್ಲಿದೆ ಅತಿಥಿಗಳ ಲಿಸ್ಟ್‌

ಆಭರಣ ಅಂಗಡಿಯಲ್ಲಿ ಬಂಗಾರವನ್ನು ಖರೀದಿ ಮಾಡಲು ಹೋದಾಗ ಭಾಸ್ಕರ್ ಕುಟುಂಬಕ್ಕೆ ಅವಮಾನ ಆಗುತ್ತದೆ. ಆ ಸೀನ್ ಈಗ ಎಲ್ಲೆಡೆ ವೈರಲ್ ಆಗುತ್ತಿದೆ. ಅಲ್ಲಿ ಹಣ ಇಲ್ಲದವರು ಎಂದು ನಿರ್ಲಕ್ಷ್ಯ ಮಾಡುತ್ತಾರೆ. ಭಾಸ್ಕರ್ ತನಗೆ ಈ ಆಭರಣ ತೋರಿಸಿ ಎಂದು ಕೇಳಿದಾಗಲೂ ಅಲ್ಲಿರುವ ಅಂಗಡಿ ಕೆಲಸಗಾರರು ಯಾರೂ ಮುಂದಾಗುವುದಿಲ್ಲ. ಅಲ್ಲಿ ಅವರಿಗೆ ಅವಮಾನ ಆಗುತ್ತದೆ. ನಂತರ ಅದೇ ಜಾಗದಲ್ಲಿ ಅವನು ಗೌರವ ಪಡೆದುಕೊಳ್ಳುತ್ತಾನೆ. ಈ ಸೀನ್ ತುಂಬಾ ವೈರಲ್ ಆಗುತ್ತಿದೆ.

ಹಣದಿಂದ ಮಾತ್ರ ಎಲ್ಲವೂ ಸಾದ್ಯ

“ಭಾರತದಲ್ಲಿ, ನಿಮಗೆ ಗೌರವ ಬೇಕಾದರೆ, ಹಣದಿಂದ ಮಾತ್ರ ಅದನ್ನು ಪಡೆಯಲು ಸಾಧ್ಯ” ಎಂದು ನಿರೂಪಿಸುವ ದೃಷ್ಯ ಅದು. ಈ ದೃಶ್ಯ ಚಿತ್ರಮಂದಿರಗಳಲ್ಲಿ ಚಪ್ಪಾಳೆ ಗಿಟ್ಟಿಸಿಕೊಂಡಿದ್ದು, ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ದುಲ್ಕರ್ ಅಭಿನಯವನ್ನು ಅಭಿಮಾನಿಗಳು ಶ್ಲಾಘಿಸಿದ್ದಾರೆ. ಸಿತಾರಾ ಎಂಟರ್‌ಟೈನ್‌ಮೆಂಟ್ಸ್ ನಿರ್ಮಾಣದ ಈ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ 100 ಕೋಟಿಗೂ ಅಧಿಕ ಗಳಿಕೆ ಮಾಡಿದೆ. ದುಲ್ಕರ್ ಸಲ್ಮಾನ್ ಈಗ ತೆಲುಗು ಚಿತ್ರರಂಗದಲ್ಲಿ ಪ್ರಮುಖ ತಾರೆಯಾಗಿ ಗುರುತಿಸಿಕೊಂಡಿದ್ದಾರೆ. ಅವರು ಈಗಾಗಲೇ ಮೂರು ಹೊಸ ಟಾಲಿವುಡ್ ಪ್ರಾಜೆಕ್ಟ್‌ಗಳಿಗೆ ಸಹಿ ಹಾಕಿದ್ದಾರೆ. ಮುಂದಿನ ದಿನಗಳಲ್ಲಿ ಲಕ್ಕಿ ಬಾಸ್ಕರ್ ಯಾವ ರೀತಿ ಪ್ರದರ್ಶನ ನೀಡಲಿದ್ದಾರೆ ಎಂಬುದು ಕುತೂಹಲ ಮೂಡಿಸಿದೆ.

ಇದನ್ನೂ ಓದಿ: Amruthadhaare: ಮನೆ ಬಾಗಿಲಲ್ಲಿ ಭಾಗ್ಯಮ್ಮ, ಅಮ್ಮನ ಕಂಡು ಗೌತಮ್‌ ದಿವಾನ್‌ ಭಾವುಕ; ದೊಡ್ಡಮ್ಮನ ಮುಗಿಸಲು ಜೈದೇವ್‌ ಸ್ಕೆಚ್‌