Kalki 2898 AD: ಜಾಗತಿಕವಾಗಿ 28 ದಿನದಲ್ಲಿ ಕಲ್ಕಿ 2898 ಎಡಿ ಸಿನಿಮಾದ ಕಲೆಕ್ಷನ್‌ ಎಷ್ಟು? ಅದ್ಭುತ ವಿದ್ಯಮಾನ ಹಂಚಿಕೊಂಡ ಚಿತ್ರತಂಡ
Jul 25, 2024 08:34 PM IST
Share
Kalki 2898 AD: ಜಾಗತಿಕವಾಗಿ 28 ದಿನದಲ್ಲಿ ಕಲ್ಕಿ 2898 ಎಡಿ ಸಿನಿಮಾದ ಕಲೆಕ್ಷನ್‌ ಎಷ್ಟು?
- Kalki 2898 AD ಜಾಗತಿಕ ಬಾಕ್ಸ್‌ ಆಫೀಸ್‌ ಗಳಿಕೆ ದಿನ 28: ನಾಗ್ ಅಶ್ವಿನ್ ನಿರ್ದೇಶನದ ಪ್ರಭಾಸ್, ಅಮಿತಾಬ್ ಬಚ್ಚನ್, ದೀಪಿಕಾ ಪಡುಕೋಣೆ ಮುಂತಾದ ಕಲಾವಿದರು ನಟಿಸಿರುವ ಕಲ್ಕಿ 2898 ಎಡಿ ಕಲ್ಕಿ ಸಿನಿಮಾವು ಜಾಗತಿಕ ಬಾಕ್ಸ್‌ ಆಫೀಸ್‌ನಲ್ಲಿ ಉತ್ತಮವಾಗಿ ಬಿಸ್ನೆಸ್‌ ಮಾಡುತ್ತಿದೆ.
ಬೆಂಗಳೂರು: ನಾಗ್ ಅಶ್ವಿನ್ ಅವರ ಡಿಸ್ಟೋಪಿಯನ್ ವೈಜ್ಞಾನಿಕ ಚಿತ್ರ ಕಲ್ಕಿ 2898 ಎಡಿ ಇದೀಗ ಐದನೇ ವಾರದಲ್ಲಿದೆ. ಪ್ರಭಾಸ್, ದೀಪಿಕಾ ಪಡುಕೋಣೆ, ಕಮಲ್ ಹಾಸನ್ ಮತ್ತು ಅಮಿತಾಬ್ ಬಚ್ಚನ್ ಮುಖ್ಯ ಪಾತ್ರಗಳಲ್ಲಿ ನಟಿಸಿರುವ ಈ ಚಿತ್ರದ ಮುಂದಿನ ಭಾಗ ನಿರ್ಮಿಸುವ ಕುರಿತು ಚಿತ್ರತಂಡ ಸಿದ್ಧತೆ ನಡೆಸಿದೆ. ಇನ್ನೊಂದೆಡೆ ಜಾಗತಿಕ ಬಾಕ್ಸ್‌ ಆಫೀಸ್‌ನಲ್ಲಿ ಕಲ್ಕಿ ಸಿನಿಮಾದ ವ್ಯವಹಾರ ಉತ್ತಮವಾಗಿಯೇ ಇದೆ. ಹೀಗಾಗಿ, ಸದ್ಯಕ್ಕೆ ಒಟಿಟಿಯಲ್ಲಿ ಕಲ್ಕಿ ಸಿನಿಮಾ ಬಿಡುಗಡೆಯಾಗುವ ಸೂಚನೆಯಿಲ್ಲ.
ಅದ್ಭುತ ವಿದ್ಯಮಾನ ಎಂದ ಚಿತ್ರತಂಡ
ಕಲ್ಕಿ 2898 ಕ್ರಿ.ಶ ನಿರ್ಮಾಪಕರಾದ ವೈಜಯಂತಿ ಮೂವೀಸ್ ಎಕ್ಸ್ (ಟ್ವಿಟರ್) ನಲ್ಲಿ ಕಳೆದ 28 ದಿನದಲ್ಲಿ ಜಾಗತಿಕ ಬಾಕ್ಸ್‌ ಆಫೀಸ್‌ನಲ್ಲಿ 1100 ಕೋಟಿ ರೂ.ಗಿಂತಲೂ ಹೆಚ್ಚು ಗಳಿಕೆ ಮಾಡಿದೆ ಎಂದು ಮಾಹಿತಿ ನೀಡಿದೆ. "ಬಾಕ್ಸ್‌ ಆಫೀಸ್‌ನಲ್ಲಿ ಅದ್ಭುತ ವಿದ್ಯಮಾನ... 1100 ಕೋಟಿ ಮತ್ತು ಇನ್ನಷ್ಟು ಹೆಚ್ಚು- ಕಲ್ಕಿ ಮಹಾಕಾವ್ಯದ ಓಟ ಐದನೇ ವಾರಕ್ಕೆ ಮುಂದುವರೆದಿದೆ" ಎಂದು ಪೋಸ್ಟ್‌ ಮಾಡಿದೆ.
ಕಲ್ಕಿ 2898 ಎಡಿ ಸಿನಿಮಾದ ಕುರಿತು
ಕಲ್ಕಿ 2898 ಎಡಿ ಚಲನಚಿತ್ರವು ಜೂನ್‌ 27ರಂದು ಜಗತ್ತಿನಾದ್ಯಂತ ಬಿಡುಗಡೆಯಾಗಿತ್ತು. ಕಮಲ್ ಹಾಸನ್ ನಟಿಸಿರುವ ಯಾಸ್ಕಿನ್ ಇರುವ ಕಾಂಪ್ಲೆಕ್ಸ್‌ನಲ್ಲಿ ವಾಸಿಸಲು ಬಯಸುವ ಭೈರವ ಎಂಬ ವ್ಯಕ್ತಿಯ ಕಥೆಯನ್ನು ಇದು ಹೊಂದಿದೆ. ಈತ ಬುಜ್ಜಿ ಎಂಬ ಕಾರಿನಲ್ಲಿ ಸುತ್ತಾಡುತ್ತಾನೆ. ಈ ಕಾರಿನ ಎಐ ಡ್ರಾಯ್ಡ್‌ಗೆ ಕೀರ್ತಿ ಸುರೇಶ್‌ ಧ್ವನಿ ನೀಡಿದ್ದಾರೆ. ಈತನಿಗೆ ಅಶ್ವತ್ಥಾಮ ಎದುರಾಗುತ್ತಾನೆ. ಅಂತಿಮವಾಗಿ ಭೈರವನ ಗುರಿ ಬದಲಾಗುತ್ತದೆಯೇ? ಯಾಸ್ಕಿನ್ ಜತೆಗಿನ ಯುದ್ಧದಲ್ಲಿ ಗೆಲುವು ಯಾರಿಗೆ? ಭೈರವನಿಗೆ ಸಾವಾಗಲಿದೆಯೇ? ಅಶ್ವತ್ಥಾಮನ ಕೆಲಸ ಪೂರ್ಣಗೊಳ್ಳುವುದೇ? ಇತ್ಯಾದಿ ಪ್ರಶ್ನೆಗಳು ಪ್ರೇಕ್ಷಕರಲ್ಲಿ ಉಳಿದಿವೆ.
ಕರ್ಣನ ಪುನರ್ಜನ್ಮ ಎಂದು ಸೂಚಿಸಲಾದ ಪ್ರಭಾಸ್ ಪಾತ್ರ ಮತ್ತು ಕೃಷ್ಣನ ಇನ್ನೊಂದು ಮುಖ (ಡಾರ್ಕರ್‌ ಸೈಡ್‌) ಯಾಸ್ಕಿನ್ ಪಾತ್ರದ ಬಗ್ಗೆ ಮುಂದಿನ ಅಧ್ಯಾಯದಲ್ಲಿ ತಿಳಿಯಲಿದೆ. ಕಲ್ಕಿ 2898 ಎಡಿ ಸಿನಿಮಾ ಭಾರತ ಮತ್ತು ವಿದೇಶದ ಬಾಕ್ಸ್‌ ಆಫೀಸ್‌ನಲ್ಲಿ ಉತ್ತಮವಾಗಿ ಗಳಿಕೆ ಮಾಡುತ್ತಿದೆ.
ಕಲ್ಕಿ ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆ ಯಾವಾಗ?
ಪ್ರಭಾಸ್, ದೀಪಿಕಾ ಪಡುಕೋಣೆ ನಟನೆಯ ಕಲ್ಕಿ 2898 ಎಡಿ ಸಿನಿಮಾ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ 10 ವಾರಗಳ ಬಳಿಕವಷ್ಟೇ ಒಟಿಟಿಯಲ್ಲಿ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ತಿಳಿಸಿದೆ. ಹೀಗಾಗಿ, ಆಗಸ್ಟ್‌ ತಿಂಗಳಲ್ಲಿ ಕಲ್ಕಿ ಒಟಿಟಿಗೆ ಬರಲಿದೆ ಎಂಬ ವದಂತಿ ಸುಳ್ಳಾಗಲಿದೆ. ಸೆಪ್ಟೆಂಬರ್‌ ತಿಂಗಳಲ್ಲಿ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆಗುವ ಸೂಚನೆಯಿದೆ. ಜಾಗತಿಕ ಬಾಕ್ಸ್‌ ಆಫೀಸ್‌ನಲ್ಲಿ ಕಲ್ಕಿ 2898 ಎಡಿ ಸಿನಿಮಾದ ಗಳಿಕೆ ಉತ್ತಮವಾಗಿದ್ದು, ಗಳಿಕೆ ತಗ್ಗಿದ ಬಳಿಕ ಒಟಿಟಿಯತ್ತ ಮುಖ ಮಾಡಲಿದೆ.