Vettaiyan OTT release: ವೆಟ್ಟೈಯನ್ ಓಟಿಟಿ ಬಿಡುಗಡೆ ದಿನಾಂಕ, ನವೆಂಬರ್‌ 7ರಂದು ಬಿಡುಗಡೆಯಾಗುತ್ತಾ ರಜನಿಕಾಂತ್ ಸಿನಿಮಾ
Oct 25, 2024 12:30 PM IST
Share
Vettaiyan OTT release: ವೆಟ್ಟೈಯನ್ ಓಟಿಟಿ ಬಿಡುಗಡೆ ದಿನಾಂಕ
Vettaiyan OTT release: ರಜನಿಕಾಂತ್ ನಟನೆಯ ವೆಟ್ಟೈಯನ್ ಸಿನಿಮಾದ ಓಟಿಟಿ ಹಕ್ಕುಗಳು 90 ಕೋಟಿ ರೂಪಾಯಿಗೆ ಮಾರಾಟವಾಗಿವೆ. ಓಟಿಟಿ ಬಿಡುಗಡೆ ದಿನಾಂಕ ಯಾವಾಗ ಎಂಬ ಕುತೂಹಲ ಈಗ ಒಟಿಟಿ ಪ್ರೇಕ್ಷಕರಲ್ಲಿ ಮೂಡಿದೆ.
Vettaiyan OTT release: ಸೂಪರ್‌ಸ್ಟಾರ್‌ ರಜನಿಕಾಂತ್ ನಟನೆಯ ವೆಟ್ಟೈಯನ್ ಸಿನಿಮಾವು ಚಿತ್ರಮಂದಿರಗಳಲ್ಲಿ 250 ಕೋಟಿ ರೂಪಾಯಿ ಬಾಚಿಕೊಂಡಿತ್ತು. ಇದೀಗ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಯಾವಾಗ ಸ್ಟ್ರೀಮಿಂಗ್ ಆಗಲಿದೆ ಎಂಬ ಕುತೂಹಲ ಎಲ್ಲರಲ್ಲಿಯೂ ಮೂಡಿದೆ. ವೆಟ್ಟೈಯನ್ ಸಿನಿಮಾ ಓಟಿಟಿ ಸ್ಟ್ರೀಮಿಂಗ್ ಕುರಿತು ಪ್ರೈಮ್ ಕಡೆಯಿಂದ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಆದರೆ, ಸೋಷಿಯಲ್‌ ಮೀಡಿಯಾದಲ್ಲಿ ಈ ಸಿನಿಮಾ ನವೆಂಬರ್‌ 7ರಂದು ರಿಲೀಸ್‌ ಆಗಲಿದೆ ಎಂದು ಚರ್ಚೆಯಾಗುತ್ತಿದೆ.
ಈ ಕುರಿತು ಟ್ರೇಡ್‌ ಅನಾಲಿಸ್ಟ್‌ ರಮೇಶ್‌ ಬಾಲಾ ಹಿಂದೂಸ್ತಾನ್ ಟೈಮ್ಸ್‌ಗೆ ಮಾಹಿತಿ ನೀಡಿದ್ದಾರೆ. "ವೆಟ್ಟೈಯನ್ ಸಿನಿಮಾವು ಓಟಿಟಿಯಲ್ಲಿ ಅಕ್ಟೋಬರ್‌ 10ರಂದು ಬಿಡುಗಡೆಯಾಗಿತ್ತು. ಶೇಕಡ 99ರಷ್ಟು ತಮಿಳು ಸಿನಿಮಾಗಳು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ 4 ವಾರಗಳ ಬಳಿಕ ಓಟಿಟಿಗೆ ಆಗಮಿಸುತ್ತವೆ. ವೆಟ್ಟೈಯನ್ ಚಿತ್ರವು ಹಿಂದಿಯಲ್ಲೂ ಬಿಡುಗಡೆಯಾಗಲಿಲ್ಲ. ಹಿಂದಿಯಲ್ಲಿ ಬಿಡುಗಡೆಯಾಗುತ್ತಿದ್ದರೆ ಎಂಟು ವಾರಗಳ ನಂತರ ಓಟಿಟಿಗೆ ಆಗಮಿಸುತ್ತಿತ್ತು. ಈ ಸನ್ನಿವೇಶದ ಆಧಾರದಲ್ಲಿ ಹೇಳುವುದದರೆ ವೆಟ್ಟೈಯನ್ ಸಿನಿಮಾ ನವೆಂಬರ್‌ 7ರಂದು ಆನ್‌ಲೈನ್‌ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ. ಈಗಾಗಲೇ ಅಮೆಜಾನ್ ಪ್ರೈಮ್ ವಿಡಿಯೋ ಈ ಸಿನಿಮಾದ ಒಟಿಟಿ ಹಕ್ಕುಗಳನ್ನು ಖರೀದಿಸಿದೆ. ಈಗಲೂ ಈ ಚಿತ್ರ ಚಿತ್ರಮಂದಿರಗಳಲ್ಲಿ ಇರುವುದರಿಂದ ಓಟಿಟಿ ಸ್ಟ್ರೀಮಿಂಗ್ ಕುರಿತು ಘೋಷಿಸಲಾಗಿಲ್ಲ. ಓಟಿಟಿ ಬಿಡುಗಡೆಯಾಗುವ ವಾರದಲ್ಲೇ ಈ ಕುರಿತು ಘೋಷಣೆಯಾಗುವ ಸಾಧ್ಯತೆ ಇದೆ" ಎಂದು ರಮೇಶ್‌ ಬಾಲಾ ಹೇಳಿದ್ದಾರೆ.
ವೆಟ್ಟೈಯನ್ ಸಿನಿಮಾದ ಕುರಿತು
ವೆಟ್ಟೈಯನ್ ಸಿನಿಮಾದ ಸ್ಟ್ರೀಮಿಂಗ್ ಹಕ್ಕುಗಳನ್ನು ಅಮೆಜಾನ್ ಪ್ರೈಮ್ ವಿಡಿಯೋ (ಎಲ್ಲಾ ಭಾಷೆಗಳಿಗೆ) 90 ಕೋಟಿ ರೂಪಾಯಿಗೆ ಖರೀದಿಸಿದೆ. ಜೈ ಭೀಮ್ ನಿರ್ದೇಶಕ ಟಿಜೆ ಜ್ಞಾನವೇಲ್ ನಿರ್ದೇಶನದ ಈ ಚಿತ್ರದಲ್ಲಿ ರಜನಿಕಾಂತ್, ಅಮಿತಾಬ್ ಬಚ್ಚನ್, ದುಷಾರ ವಿಜಯನ್, ಮಂಜು ವಾರಿಯರ್, ಫಹಾದ್ ಫಾಸಿಲ್, ರಿತಿಕಾ ಸಿಂಗ್ ಮತ್ತು ರಾಣಾ ದಗ್ಗುಬಾಟಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಲೈಕಾ ಪ್ರೊಡಕ್ಷನ್ಸ್ ನಿರ್ಮಿಸಿರುವ ಈ ಚಿತ್ರವನ್ನು 300 ಕೋಟಿ ರೂಪಾಯಿ ಬಜೆಟ್‌ನಲ್ಲಿ ನಿರ್ಮಿಸಲಾಗಿದೆ. ಈ ಬಜೆಟ್‌ಗೆ ತಕ್ಕಂತೆ ಕಲೆಕ್ಷನ್‌ ಆಗಿಲ್ಲ.
ಆನ್‌ಲೈನ್‌ ಸ್ಟ್ರೀಮಿಂಗ್ ಕುರಿತು ಇನ್ನೂ ಅಧಿಕೃತವಾಗಿ ಹೇಳಿಕೆ ಹೊರಬಿದ್ದಿಲ್ಲ. ಆದರೆ, ಅಭಿಮಾನಿಗಳು ಸೋಷಿಯಲ್‌ ಮೀಡಿಯಾದಲ್ಲಿ ಈ ಸಿನಿಮಾ ನವೆಂಬರ್‌ 7ರಂದು ರಿಲೀಸ್‌ ಆಗುವುದು ಪಕ್ಕಾ ಎನ್ನುತ್ತಿದ್ದಾರೆ. ವೆಟ್ಟೈಯನ್ ಸಿನಿಮಾದ ಫ್ರೀಕ್ವೆಲ್‌ ಮಾಡಲು ನಾನು ಆಸಕ್ತಿ ಹೊಂದಿದ್ದೇನೆ ಎಂದು ಇತ್ತೀಚೆಗೆ ನಿರ್ದೇಶಕ ಟಿಜೆ ಜ್ಞಾನವೇಲು ಹೇಳಿದ್ದಾರೆ.