Bigg Boss Kannada 11: ಕಾರ್ತಿಕ ದೀಪಂ ವಿಲನ್‌ ಕನ್ನಡ ಬಿಗ್‌ಬಾಸ್‌ಗೆ ಎಂಟ್ರಿ, ಶೋಭಾ ಶೆಟ್ಟಿ ಬಗ್ಗೆ ಈ 10 ವಿಷಯ ನಿಮಗೆ ತಿಳಿದಿರಲಿ

Bigg Boss Kannada 11: ಬಿಗ್‌ಬಾಸ್‌ ಕನ್ನಡ ಸೀಸನ್‌ 11 ಹೊಸ ಅಧ್ಯಾಯಕ್ಕೆ ವೈಲ್ಡ್‌ ಕಾರ್ಡ್‌ ಪ್ರವೇಶ ಪಡೆದಿರುವ ಶೋಭಾ ಶೆಟ್ಟಿ ಮೂಲತಃ ಕರ್ನಾಟಕದವರು. ಆದರೆ, ಇವರು ಹೆಚ್ಚು ಜನಪ್ರಿಯತೆ ಪಡೆದಿರುವುದು ತೆಲುಗು ಕಿರುತೆರೆಯಲ್ಲಿ. ಬಿಗ್‌ಬಾಸ್‌ ತೆಲುಗು ಸೀಸನ್‌ 7ರಲ್ಲಿ ಗೆಲುವಿನ ಸನಿಹಕ್ಕೆ ಬಂದಿದ್ದ ಶೋಭಾ ಶೆಟ್ಟಿ ತನ್ನ ರೆಬಲ್‌ ಆಟದ ಮೂಲಕ ತೆಲುಗು ಪ್ರೇಕ್ಷಕರಿಗೆ ಹತ್ತಿರವಾಗಿದ್ದರು. ಈಕೆಯೇ ಗೆಲುವುದು ಎಂದುಕೊಂಡ ಅಭಿಮಾನಿಗಳಿಗೆ ಅಚ್ಚರಿಯಾಗುವಂತೆ ಎಲಿಮಿನೇಷನ್‌ ಆಗಿದ್ದರು. ಇದೀಗ ಕಿಚ್ಚ ಸುದೀಪ್‌ ನಡೆಸಿಕೊಡುವ ಬಿಗ್‌ಬಾಸ್‌ ಕನ್ನಡಕ್ಕೆ ಶೋಭಾ ಶೆಟ್ಟಿ ಆಗಮನವಾಗಿದೆ. ಇವರ ಬಗ್ಗೆ ಒಂದಿಷ್ಟು ಆಸಕ್ತಿದಾಯಕ ವಿಚಾರಗಳನ್ನು ತಿಳಿದುಕೊಳ್ಳೋಣ.

1. ಶೋಭಾ ಶೆಟ್ಟಿ ಹುಟ್ಟಿದ್ದು ಮಂಗಳೂರಿನಲ್ಲಿ. ಬಾಲ್ಯದಿಂದಲೇ ಇವರಿಗೆ ನಟನೆಯ ಕುರಿತು ಆಸಕ್ತಿ ಇತ್ತು. ಈಕೆ ದಾವಣಗೆರೆಯ ಬಾಪೂಜಿ ಹೈಸ್ಕೂಲ್‌ನಲ್ಲಿ ಆರಂಭಿಕ ಶಿಕ್ಷಣ ಪಡೆದರು. ಬಳಿಕ ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಸಸ್ಟೈನೇಬಲ್‌ ಡೆವಲಪ್‌ಮೆಂಟ್‌ ವಿಷಯದಲ್ಲಿ ಎಂಎಸ್ಸಿ ಪದವಿ ಪಡೆದಿದ್ದಾರೆ. ಮಂಗಳೂರು ಶೆಟ್ರ ಕುಟುಂಬದಿಂದ ಬಂದ ಶೋಭಾ ಶೆಟ್ಟಿ ತಂದೆಯ ಹೆಸರು ಮಂಜು ಶೆಟ್ಟಿ. ಇವರಿಗೆ ನಟನೆ ಕ್ಷೇತ್ರದಲ್ಲಿ ಕರಿಯರ್‌ ರೂಪಿಸಲು ಕುಟುಂಬದ ಬೆಂಬಲ ಉತ್ತಮವಾಗಿತ್ತು.
2. 2013ರಲ್ಲಿ ಕನ್ನಡದ ಜನಪ್ರಿಯ ಸೀರಿಯಲ್‌ ಅಗ್ನಿಸಾಕ್ಷಿ ಸೀರಿಯಲ್‌ನಲ್ಲಿ ತನು ಪಾತ್ರದಲ್ಲಿ ಇವರು ಕಿರುತೆರೆ ಪ್ರೇಕ್ಷಕರಿಗೆ ಹತ್ತಿರವಾದರು.
3. ಇದಾದ ಬಳಿಕ 2017ರಲ್ಲಿ ಅಂಜನಿ ಪುತ್ರ ಸಿನಿಮಾದ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ನೀಡಿದರು. ಪುನೀತ್‌ ರಾಜ್‌ಕುಮಾರ್‌ ಜತೆ ನಟಿಸಿದ ಹಿರಿಮೆಗೆ ಪಾತ್ರರಾದರು.
4. ಇದಾದ ಬಳಿಕ ಇವರು ಕನ್ನಡದಲ್ಲಿ 2017ರಲ್ಲಿ ಕಾವೇರಿ ಎಂಬ ಸೀರಿಯಲ್‌ನಲ್ಲಿ ನಟಿಸಿದರು.
5. ಇದಾದ ಬಳಿಕ ತೆಲುಗಿನ ಅಸ್ತ ಚೆಮ್ಮಾ ಸೀರಿಯಲ್‌ನಲ್ಲಿ ನಟಿಸಿದರು. ಸ್ಟಾರ್‌ ಮಾ ಪರಿವಾರ್‌ ಬೆಸ್ಟ್‌ ಆಕ್ಟ್ರೇಸ್‌ ಪ್ರಶಸ್ತಿ ಪಡೆದರು.
6. ಇದಾದ ಬಳಿಕ ತೆಲುಗಿನ ಜನಪ್ರಿಯ ಸೀರಿಯಲ್‌ ಕಾರ್ತಿಕ ದೀಪಂನಲ್ಲಿ ಶೋಭಾ ಶೆಟ್ಟಿ ನೆಗೆಟಿವ್‌ ಶೇಡ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಡಾ. ಮೋನಿತಾ ಆಗಿ ಪ್ರೇಕ್ಷಕರನ್ನು ರಂಜಿಸಿದ್ದಾರೆ. ಸ್ಟಾರ್‌ ಮಾ ಪರಿವಾರ್‌ ಅವಾರ್ಡ್‌ "ಬೆಸ್ಟ್‌ ನೆಗೆಟಿವ್‌ ರಲ್‌ 2019" ಪಡೆದರು.
7. ಈ ಸೀರಿಯಲ್‌ಗಳು ಮಾತ್ರವಲ್ಲದೆ ಲಹಿರಿ ಲಹಿರಿ ಲಹಿರಿಲೊ, ಅಟ್ಟರಿಂಟಿಕಿ ದಾರೆದಿ, ಹಿಟ್ಲರ್‌ ಗರಿ ಪೆಲ್ಲಂ ಮುಂತಾದ ಸೀರಿಯಲ್‌ಗಳಲ್ಲಿಯೂ ನಟಿಸಿದ್ದಾರೆ.
8. ಬಿಗ್‌ಬಾಸ್‌ ತೆಲುಗು ಸೀಸನ್‌ 7ನಲ್ಲಿ ತನ್ನ ರೆಬೆಲ್‌ ಆಟದ ಮೂಲಕ ಎಲ್ಲರ ಗಮನ ಸೆಳೆದರು. ಈಕೆ ಗೆಲ್ಲುವ ಸ್ಪರ್ಧಿ ಎಂದೇ ಎಲ್ಲರೂ ತಿಳಿದಿದ್ದರು. ಆದರೆ, ಕೊನೆಕ್ಷಣದಲ್ಲಿ ಎಲಿಮಿನೇಟ್‌ ಆಗಿದ್ದರು.
9. ಬಿಗ್‌ಬಾಸ್‌ ಕಾರ್ಯಕ್ರಮದಲ್ಲಿಯೇ ಶೋಭಾ ಶೆಟ್ಟಿ ಅವರು ತನ್ನ ಬಾಯ್‌ಫ್ರೆಂಡ್‌ ಯಶವಂತ್‌ ರೆಡ್ಡಿಯನ್ನು ಪರಿಚಯಿಸಿದ್ದರು. ಇವರಿಬ್ಬರೂ ಕಾರ್ತಿಕ ದೀಪಂ ಸೀರಿಯಲ್‌ನಲ್ಲಿ ಜತೆಯಾಗಿ ನಟಿಸಿದ್ದರು. ಹಲವು ಶಾರ್ಟ್‌ ಫಿಲ್ಮ್‌ಗಳಲ್ಲೂ ಇವರು ಜತೆಯಾಗಿ ನಟಿಸಿದ್ದಾರೆ. ಇವರಿಬ್ಬರ ಎಂಗೇಂಜ್‌ಮೆಂಟ್‌ ಕೂಡ ಇತ್ತೀಚೆಗೆ ನಡೆದಿದೆ.
10. ಅಂಜನಿಪುತ್ರ ಸಿನೆಮಾದಲ್ಲಿ ಪುನೀತ್‌ ರಾಜ್‌ಕುಮಾರ್‌ ಸಹೋದರಿಯಾಗಿ ನಟಿಸಿದ್ದರು. ಈ ಸಿನಿಮಾದಲ್ಲಿ ನಟಿಸುವ ಸಲುವಾಗಿ ಅಗ್ನಿಸಾಕ್ಷಿ ಸೀರಿಯಲ್‌ ಅರ್ಧಕ್ಕೆ ಬಿಟ್ಟಿದ್ದರು. ಕಾವೇರಿ, ನಮ್ಮ ರುಕ್ಕು ಸೀರಿಯಲ್‌ಗಳಲ್ಲೂ ಇವರು ನಟಿಸಿದ್ದಾರೆ. ಬಳಿಕ ಇವರು ತೆಲುಗು ಸೀರಿಯಲ್‌ಗಳತ್ತ ತೆರಳಿದರು. ಇದೀಗ ಮತ್ತೆ ಕನ್ನಡ ಬಿಗ್‌ಬಾಸ್‌ಗೆ ಮರಳಿದ್ದಾರೆ. ಇದೇ ಸಮಯದಲ್ಲಿ ಕನ್ನಡ ಮನರಂಜನಾ ಕ್ಷೇತ್ರದಲ್ಲಿ ಮತ್ತೆ ಮಿಂಚುವ ಸೂಚನೆ ನೀಡಿದ್ದಾರೆ.

ಇದನ್ನೂ ಓದಿ: Shobha Shetty: ಅಂಜನಿಪುತ್ರದಲ್ಲಿ ಅಪ್ಪು ಜತೆ ನಟಿಸಿದ್ದ ಶೋಭಾ ಶೆಟ್ಟಿಗೂ ತೆಲುಗು ನಟ ಯಶವಂತ್‌ ರೆಡ್ಡಿಗೂ ನಿಶ್ಚಿತಾರ್ಥ, ವಿಡಿಯೋ ನೋಡಿ