ಚಳಿಗಾಲದಲ್ಲಿ ಖಾರ ಗ್ರೇವಿ ತಿನ್ನಬೇಕು ಎಂಬ ಬಯಕೆಯಾ: ಹಾಗಿದ್ದರೆ ರುಚಿಕರವಾದ ಆಲೂ-ಹೂಕೋಸು ಮಟರ್ ರೆಸಿಪಿ ಮಾಡಿ ನೋಡಿ

ಚಳಿಗಾಲದಲ್ಲಿ ಬಿಸಿ ಮತ್ತು ಮಸಾಲೆಯುಕ್ತ ತಿನಿಸನ್ನು ಬಹುತೇಕರು ತಿನ್ನಲು ಬಯಸುತ್ತಾರೆ. ಆಲೂಗೆಡ್ಡೆ, ಹೂಕೋಸು ಮತ್ತು ಹಸಿರು ಬಟಾಣಿಗಳ ರೆಸಿಪಿ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ. ಸಸ್ಯಾಹಾರಿಗಳು ಮಾತ್ರವಲ್ಲ ಮಾಂಸಾಹಾರಿಗಳಿಗೂ ಇದು ಇಷ್ಟವಾಗುವುದರಲ್ಲಿ ಸಂಶಯವಿಲ್ಲ. ಆಲೂಗೆಡ್ಡೆ, ಹೂಕೋಸು ಮತ್ತು ಹಸಿರು ಬಟಾಣಿಯ ಮಿಶ್ರಣವಿರುವ ಈ ರೆಸಿಪಿ ಬಾಯಲ್ಲಿ ನೀರೂರುವುದು ಖಚಿತ. ಅದರಲ್ಲೂ ಚಳಿಗಾಲದಲ್ಲಿ ಇಂತಹ ಕರಿಗಳನ್ನು ತಿನ್ನುವುದು ಬಹಳ ಮುಖ್ಯ. ಈ ಚಿಕ್ಕ ಸಲಹೆಗಳನ್ನು ಪಾಲಿಸಿದರೆ ಆಲೂ ಹೂಕೋಸು ಮಟರ್ ಗ್ರೇವಿಯನ್ನು ರುಚಿಕರವಾಗಿ ತಯಾರಿಸಬಹುದು. ಇದು ಅದ್ಭುತವಾದ ರುಚಿಯನ್ನು ಹೊಂದಿರುವುದು ಮಾತ್ರವಲ್ಲದೆ ಕಡಿಮೆ ಸಮಯದಲ್ಲಿ ತಯಾರಾಗುತ್ತದೆ.

ಆಲೂಗಡ್ಡೆ-ಹೂಕೋಸು ಮಟರ್ ಗ್ರೇವಿ ಮಾಡುವ ವಿಧಾನ ಇಲ್ಲಿದೆ

ಬೇಕಾಗುವ ಪದಾರ್ಥಗಳು: ಎಲೆಕೋಸು ತುಂಡುಗಳು- ಒಂದು ಕಪ್, ಬಟಾಣಿ- ಅರ್ಧ ಕಪ್, ಆಲೂಗಡ್ಡೆ- ಎರಡು, ಟೊಮೆಟೋ- ಎರಡು, ಒಣ ಮೆಣಸಿನಕಾಯಿ- ಎರಡು, ಕಾಳುಮೆಣಸು- ಅರ್ಧ ಟೀ ಚಮಚ, ಬಿರಿಯಾನಿ ಎಲೆಗಳು- ಎರಡು, ಜೀರಿಗೆ- ಅರ್ಧ ಟೀ ಚಮಚ, ಈರುಳ್ಳಿ- ಎರಡು, ಕೊತ್ತಂಬರಿ ಪುಡಿ- ಎರಡು ಟೀ ಚಮಚ, ಜೀರಿಗೆ ಪುಡಿ- ಅರ್ಧ ಟೀ ಚಮಚ, ಕೊತ್ತಂಬರಿ ಪುಡಿ- ಅರ್ಧ ಟೀ ಚಮಚ, ಗರಂ ಮಸಾಲೆ ಪುಡಿ- ಅರ್ಧ ಟೀ ಚಮಚ, ದಪ್ಪ ಮೊಸರು- ಅರ್ಧ ಕಪ್, ಉಪ್ಪು- ರುಚಿಗೆ ತಕ್ಕಷ್ಟು, ಬೆಳ್ಳುಳ್ಳಿ-ಲವಂಗ- ಹತ್ತು.

ಇದನ್ನೂ ಓದಿ: ಮಧುಮೇಹಿಗಳಿಗೆ ಬೆಸ್ಟ್ ಈ ನುಗ್ಗೆಸೊಪ್ಪಿನ ರೈಸ್: ಈ ರೆಸಿಪಿ ಮಾಡುವುದು ತುಂಬಾನೇ ಸಿಂಪಲ್, ಇಲ್ಲಿದೆ ಪಾಕವಿಧಾನ

ಮಾಡುವ ವಿಧಾನ: ಮೊದಲು ಹೂಕೋಸು ತುಂಡುಗಳನ್ನು ನೀರಿನಲ್ಲಿ ಹಾಕಿ. ಈ ರೀತಿ ಮಾಡುವುದರಿಂದ ಹೂಕೋಸಿನಲ್ಲಿರುವ ಚಿಕ್ಕ ಹುಳುಗಳು ನೀರಿನ ಮೇಲೆ ತೇಲುತ್ತವೆ. ನಂತರ ಅವುಗಳನ್ನು ತೆಗೆದುಕೊಂಡು ಪಕ್ಕಕ್ಕೆ ಇರಿಸಿ.

ಇನ್ನೊಂದೆಡೆ ಆಲೂಗಡ್ಡೆಯನ್ನು ಕುದಿಸಿ, ಸಿಪ್ಪೆ ಸುಲಿದು, ತುಂಡುಗಳಾಗಿ ಕತ್ತರಿಸಿ ಪಕ್ಕಕ್ಕೆ ಇರಿಸಿ. ಸ್ಟೌವ್ ಮೇಲೆ ಪಾತ್ರೆಯಿಟ್ಟು ಎಣ್ಣೆ ಹಾಕಿ. ಅದು ಬಿಸಿಯಾದಾಗ ಹೂಕೋಸು ಮತ್ತು ಆಲೂಗಡ್ಡೆ ತುಂಡುಗಳನ್ನು ಫ್ರೈ ಮಾಡಿ, ನಂತರ ಪಕ್ಕಕ್ಕೆ ಇರಿಸಿ.

ಟೊಮೆಟೊ ಪೇಸ್ಟ್ ಹಾಕಿ ಫ್ರೈ ಮಾಡಿ. ಟೊಮೆಟೊವನ್ನು ಮೃದುವಾಗುವವರೆಗೆ ಬೇಯಿಸಿ. ಅವುಗಳನ್ನು ಪ್ಯೂರಿ ಮಾಡಿ. ನಂತರ ಮಿಕ್ಸರ್ ಜಾರ್‌ನಲ್ಲಿ ಕಾಳುಮೆಣಸು, ಲವಂಗ, ಕರಿಮೆಣಸು ಮತ್ತು ಬೆಳ್ಳುಳ್ಳಿ ಸೇರಿಸಿ ಪೇಸ್ಟ್‌ಗೆ ರುಬ್ಬಿಕೊಳ್ಳಿ.

ಈಗ ಇನ್ನೊಂದು ಬಾಣಲೆಯನ್ನು ಒಲೆಯ ಮೇಲೆ ಇಟ್ಟು ಎಣ್ಣೆ ಹಾಕಿ. ಈರುಳ್ಳಿ ಪೇಸ್ಟ್ ಹಾಕಿ ಫ್ರೈ ಮಾಡಿ. ಈರುಳ್ಳಿ ಪೇಸ್ಟ್‌ಗೆ ಟೊಮೆಟೊ ಪ್ಯೂರಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಇದಕ್ಕೆ ಮೆಣಸಿನ ಪುಡಿ, ಕೊತ್ತಂಬರಿ ಪುಡಿ ಮತ್ತು ಮೊಸರು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಇದಕ್ಕೆ ಮೊದಲೇ ಹುರಿದ ತರಕಾರಿಗಳನ್ನು ಸೇರಿಸಿ, ಅದನ್ನು ಮುಚ್ಚಿ.

ಸಣ್ಣಗೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪು, ಒಂದು ಚಮಚ ಗರಂ ಮಸಾಲೆ, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಜತೆಗೆ ಲವಂಗ ಪೇಸ್ಟ್ ಸೇರಿಸಿ ಚೆನ್ನಾಗಿ ಮಿಶ್ರಣ. ಹತ್ತು ನಿಮಿಷ ಮುಚ್ಚಿ ಬೇಯಿಸಿ. ಅಗತ್ಯವಿದ್ದರೆ ನೀರು ಸೇರಿಸಬಹುದು. ಗ್ರೇವಿ ಗಟ್ಟಿಯಾದ ನಂತರ ಸ್ಟೌವ್ ಆಫ್ ಮಾಡಿ. ಅಷ್ಟೇ, ರುಚಿಯಾದ ಆಲೂ ಗೋಬಿ ಮಟರ್ ಕರಿ ಸವಿಯಲು ಸಿದ್ಧ.

ಆಲೂಗಡ್ಡೆ, ಹೂಕೋಸು, ಹಸಿರು ಬಟಾಣಿ ಇವೆಲ್ಲವೂ ನಮ್ಮ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಒಳಗೊಂಡಿರುತ್ತವೆ. ಈ ರೆಸಿಪಿಯನ್ನು ಬಿಸಿಬಿಸಿ ಅನ್ನಕ್ಕೆ ಕಲಸಿ ತಿಂದರೆ ರುಚಿ ಅದ್ಭುತ.

ಇದನ್ನೂ ಓದಿ: ಈ ರೀತಿ ಮಾಡಿ ಆರೋಗ್ಯಕರ ಪಾಲಕ್ ಪೂರಿ: ರುಚಿಕರವಾಗಿರುವ ಈ ರೆಸಿಪಿ ತಯಾರಿಸುವುದು ತುಂಬಾನೇ ಸಿಂಪಲ್, ಇಲ್ಲಿದೆ ಪಾಕವಿಧಾನ