Bank Holidays: ಮಾರ್ಚ್‌ ತಿಂಗಳ ಈ ದಿನಗಳಲ್ಲಿ ಯಾವುದೇ ವ್ಯವಹಾರ ಬೇಡ; ಶಿವರಾತ್ರಿ, ಹೋಳಿ ಸೇರಿ ಎಷ್ಟು ದಿನಗಳು ಬ್ಯಾಂಕ್‌ ರಜೆಗಳಿವೆ ನೋಡಿ

Bank Holidays: ಕೆಲಸಕ್ಕೆ ಹೋಗುವವರು ಭಾನುವಾರ ಹೊರತುಪಡಿಸಿ ಯಾವುದಾದರೂ ಪಬ್ಲಿಕ್‌ ಹಾಲಿಡೆ ಸಿಕ್ಕರೆ ಸಾಕು ಎಂದು ಕಾಯುತ್ತಾರೆ. ಫೆಬ್ರವರಿ ಮುಗಿಯುತ್ತಾ ಬಂದಿದೆ. ಮಾರ್ಚ್‌ ಆರಂಭಕ್ಕೆ ವಾರವಷ್ಟೇ ಬಾಕಿ ಇದೆ. ಮುಂದಿನ ತಿಂಗಳಲ್ಲಿ ಎಷ್ಟೆಲ್ಲಾ ಬ್ಯಾಂಕ್‌ ರಜೆ ದಿನಗಳಿವೆ ಎಂಬುದನ್ನು ತಿಳಿದುಕೊಳ್ಳಲು ಕಾತರರಾಗಿದ್ದಾರೆ.

ಇದನ್ನೂ ಓದಿ: ಕರ್ನಾಟಕದ ರೈತರಿಗೆ ಬಂತು ಬರ ಪರಿಹಾರ,ನಿಮ್ಮ ಬ್ಯಾಂಕ್‌ ಖಾತೆ ಪರೀಕ್ಷಿಸಿಕೊಳ್ಳಿ, ಬಾರದೇ ಇದ್ದರೆ ಹೀಗೆ ಮಾಡಿ

ಮಾರ್ಚ್‌ ತಿಂಗಳಲ್ಲಿ ಸುಮಾರು 14 ರಜಾ ದಿನಗಳಿವೆ. ಅವುಗಳಲ್ಲಿ ಸಾರ್ವಜನಿಕ ರಜಾ ದಿನಗಳು, ಕೆಲವು ಪ್ರಾದೇಶಿಕ ರಜಾ ದಿನಗಳು 2 ಮತ್ತು 4ನೇ ಶನಿವಾರಗಳು ಮತ್ತು ಭಾನುವಾರಗಳು ಸೇರಿವೆ. ನೆಗೋಶಿಯೇಬಲ್ ಇನ್‌ಸ್ಟ್ರುಮೆಂಟ್ಸ್ ಆಕ್ಟ್‌ಗೆ ಅನುಗುಣವಾಗಿ ಆರ್‌ಬಿಐ ಮಾರ್ಚ್ 1, 8, 22, 25, 26, 27 ಮತ್ತು 29 ರ ರಜಾದಿನಗಳನ್ನು ನಿಗದಿಪಡಿಸಿದೆ. ಇದರ ಜೊತೆಗೆ ಮಾರ್ಚ್ 3, 10, 17, 24 ಮತ್ತು 31 ರಂದು ಐದು ಭಾನುವಾರಗಳಿವೆ. ಮಾರ್ಚ್ 9 ಮತ್ತು 23 ರಂದು ಎರಡನೇ ಮತ್ತು ನಾಲ್ಕನೇ ಶನಿವಾರಗಳಿವೆ.

ಚಾಪ್ಚಾರ್‌ ಕೂಟ್‌; ಮಾರ್ಚ್‌ 1 ರಂದು ಮಿಜೋರಂನಲ್ಲಿ ಚಾಪ್ಚಾರ್‌ ಕೂಟ್‌ ಆಚರಿಸಲಾಗುತ್ತಿದೆ. ಆದ್ದರಿಂದ ಬುಧವಾರ ಬ್ಯಾಂಕ್‌ಗಳಿಗೆ ರಜೆ ಇದೆ.

ಮಹಾ ಶಿವರಾತ್ರಿ; ಮಾರ್ಚ್‌ 8 ರಂದು ಮಹಾ ಶಿವರಾತ್ರಿ ಇದ್ದು ತ್ರಿಪುರಾ, ಮಿಜೋರಾಂ, ತಮಿಳುನಾಡು, ಸಿಕ್ಕಿಂ, ಅಸ್ಸಾಂ, ಮಣಿಪುರ, ಇಟಾನಗರ,

ರಾಜಸ್ಥಾನ, ನಾಗಾಲ್ಯಾಂಡ್, ಪಶ್ಚಿಮ ಬಂಗಾಳ, ನವದೆಹಲಿ, ಗೋವಾ, ಬಿಹಾರ ಮತ್ತು ಮೇಘಾಲಯದಂತಹ ಕೆಲವು ರಾಜ್ಯಗಳನ್ನು ಹೊರತುಪಡಿಸಿ ಬ್ಯಾಂಕ್‌ಗಳು ಮುಚ್ಚಲ್ಪಡುತ್ತವೆ.

ಇದನ್ನೂ ಓದಿ: ಪೇಟಿಎಂ ಬ್ಯಾಂಕ್‌ಗೆ ಆರ್‌ಬಿಐ ನಿರ್ಬಂಧ ಎಫೆಕ್ಟ್; ಷೇರುಪೇಟೆಯಲ್ಲಿ ಪೇಟಿಎಂ ಷೇರುಗಳ ಮೌಲ್ಯ ಶೇಕಡಾ 20 ರಷ್ಟು ಕುಸಿತ

ಇದನ್ನು ಹೊರತುಪಡಿಸಿ ಮಾರ್ಚ್‌ 9-ಎರಡನೇ ಶನಿವಾರ, ಮಾರ್ಚ್‌ 22 - ಬಿಹಾರಿ ದಿವಸ್‌, ಮಾರ್ಚ್‌ 23-ತಿಂಗಳ ನಾಲ್ಕನೇ ಶನಿವಾರ, ಮಾರ್ಚ್‌ 25 ಹೋಳಿ ಇದೆ. ಈ ದಿನ ಕರ್ನಾಟಕ, ಒಡಿಶಾ, ತಮಿಳುನಾಡು, ಮಣಿಪುರ, ಕೇರಳ, ನಾಗಾಲ್ಯಾಂಡ್, ಬಿಹಾರ ಮತ್ತು ಶ್ರೀ ನಗರವನ್ನು ಹೊರತು ಪಡಿಸಿ ಹೋಳಿ, ಧುಲೇತಿ, ಡೋಲ್ ಜಾತ್ರೆ ಅಥವಾ ಧುಲಂಡಿಯ ಸಂದರ್ಭದಲ್ಲಿ ದೇಶಾದ್ಯಂತ ಬ್ಯಾಂಕುಗಳು ಮುಚ್ಚಲ್ಪಡುತ್ತವೆ.

ಮಾರ್ಚ್ 26: ಒಡಿಶಾ, ಮಣಿಪುರ ಮತ್ತು ಬಿಹಾರದಲ್ಲಿ ಯೋಸಾಂಗ್ 2ನೇ ದಿನವನ್ನು ಆಚರಿಸಲಾಗುತ್ತಿದೆ. ಹೋಳಿ ಸಂದರ್ಭದಲ್ಲಿ ಬ್ಯಾಂಕ್‌ಗಳಿಗೆ ರಜೆ ಇದೆ.

ಮಾರ್ಚ್ 27: ಹೋಳಿಯಂದು ಸರ್ಕಾರಿ ರಜೆ ಇದ್ದು ಆ ದಿನ ಕೂಡಾ ಬ್ಯಾಂಕ್‌ಗಳು ಮುಚ್ಚಲ್ಪಡುತ್ತವೆ. ಮಾರ್ಚ್‌ 29 ರಂದು ಗುಡ್‌ ಫ್ರೈಡೇ ಇದ್ದು ಆ ದಿನ ತ್ರಿಪುರಾ, ಅಸ್ಸಾಂ, ರಾಜಸ್ಥಾನ, ಜಮ್ಮು ಮತ್ತು ಕಾಶ್ಮೀರ, ಹಿಮಾಚಲ ಪ್ರದೇಶವನ್ನು ಹೊರತು ಪಡಿಸಿ ಇತರೆಡೆ ಬ್ಯಾಂಕ್‌ಗಳು ಮುಚ್ಚಲ್ಪಡುತ್ತವೆ.

ಇದನ್ನೂ ಓದಿ: ಮುಂದಿನ ತಿಂಗಳ ನೇರ ವಹಿವಾಟಿಗೆ ಮೊದಲೇ ಮಾಡಿ ಪ್ಲಾನ್; ಫೆಬ್ರವರಿಯಲ್ಲಿ 11 ದಿನ ಬ್ಯಾಂಕ್‌ಗಳಿಗೆ ರಜೆ