ಮೂಲಾ ನಕ್ಷತ್ರದಲ್ಲಿ ಶುಕ್ರ ಸಂಚಾರದ ಕಾರಣ ಈ 3 ರಾಶಿ ಚಕ್ರದ ಜನರಿಗೆ ರಾಜಯೋಗ, ಸಂಪತ್ತು, ಧನ ಕನಕಾದಿ ಹಲವು ಪ್ರಯೋಜನಗಳಿವೆ
Venus Transit: ಗ್ರಹಗಳ ಪೈಕಿ ಶುಕ್ರ ಶ್ರೀಮಂತಿಕೆಯ ಸಂಕೇತವಾಗಿರುವ ಕಾರಣ, ಸುಖ ಸಂಪತ್ತುಗಳು ಬಂದಾಗ ಶುಕ್ರ ಯೋಗವೇ ಇರಬೇಕು ಅಂತಾರಲ್ಲ ಹಾಗೆ. ಅಂತಹ ಶುಕ್ರದೇವನು ಈಗ ಮೂಲಾ ನಕ್ಷತ್ರದಲ್ಲಿ ಸಂಚಾರ ಆರಂಭಿಸಿದ ಕಾರಣ, ಕೆಲವು ರಾಶಿ ಚಕ್ರದವರಿಗೆ ವಿಸೇಷವಾಗಿ 3 ರಾಶಿಯವರಿಗೆ ರಾಜಯೋಗ, ಅಷ್ಟೇ ಅಲ್ಲ ಸಂಪತ್ತು, ಸಮೃದ್ಧಿ ಕೂಡಿಬರಲಿದೆ.
Venus Transit in Moolanakshatra: ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಗ್ರಹಗತಿಗಳನ್ನು ಗಮನಿಸುವಾಗ ಗ್ರಹಗಳ ಸಂಚಾರ ಅವುಗಳ ಫಲಾಫಲಗಳನ್ನು ಹೇಳುವಾಗ ಮತ್ತು ಕೇಳುವಾಗ ಶುಕ್ರ ಗ್ರಹದ ಬಗ್ಗೆ ವಿಶೇಷ ಆಸಕ್ತಿ ಇದ್ದೇ ಇರುತ್ತದೆ. ಒಂಬತ್ತು ಗ್ರಹಗಳ ಪೈಕಿ ಶುಕ್ರ ಅತ್ಯಂತ ಸುಖ, ಸಂಪತ್ತು, ಸಮೃದ್ಧಿ ಐಷಾರಾಮಗಳನ್ನು ಒದಗಿಸುವಂತಹ ಗ್ರಹ. ಶುಕ್ರ ಗ್ರಹ ತನ್ನ ಸಂಚಾರದಲ್ಲಿ ತಿಂಗಳಿಗೊಮ್ಮೆ ತನ್ನ ಸ್ಥಾನ ಪಲ್ಲಟ ಮಾಡುವುದಿದೆ. ಶುಕ್ರ ದೇವ ವೃಷಭ ಮತ್ತು ತುಲಾ ರಾಶಿಯ ಅಧಿಪತಿ. ಹಾಗಿದ್ದರೂ ಆತನ ಸಂಚಾರದ ಬದಲಾವಣೆಗಳು ಎಲ್ಲ ರಾಶಿ ಚಕ್ರದವರ ಬದುಕಿನ ಮೇಲೂ ಪರಿಣಾಮ ಬೀರುವಂಥದ್ದು. ಈ ಬಾರಿ ಶುಕ್ರನು ತನ್ನ ರಾಶಿಚಕ್ರವನ್ನು ಮಾತ್ರವಲ್ಲದೆ ತನ್ನ ನಕ್ಷತ್ರವನ್ನೂ ಬದಲಾಯಿಸಿ ಸಂಚಾರ ಶುರುಮಾಡಿದ್ದಾನೆ. ನವೆಂಬರ್ 7 ರಂದು ಶುಕ್ರನು ಮೂಲ ನಕ್ಷತ್ರವನ್ನು ಪ್ರವೇಶಿಸಿದ್ದು, ಆ ನಕ್ಷತ್ರದವರಿಗೆ ರಾಜಯೋಗ ಶುರುವಾಗಿದೆ. ಇದಲ್ಲದೆ, ಯಾವೆಲ್ಲ ರಾಶಿಚಕ್ರದವರಿಗೆ ರಾಜಯೋಗ ಶುರುವಾಗಿದೆ ಎಂಬುದನ್ನು ಗಮನಿಸೋಣ.
ಮೇಷ ರಾಶಿ
ಶುಕ್ರನ ಸಂಚಾರದ ಕಾರಣ ನೀವು ಕೈಗೊಂಡ ಕಾರ್ಯಗಳು ಪೂರ್ಣಗೊಳ್ಳುವುದಲ್ಲದೆ, ಅದರಿಂದ ಅದೃಷ್ಟದ ಫಲವೂ ಲಭ್ಯವಾಗಲಿದೆ. ದೀರ್ಘಕಾಲದಿಂದ ಬಾಕಿ ಉಳಿದಿರುವ ಎಲ್ಲ ಕಾರ್ಯಗಳು ಕೂಡ ಈ ಅವಧಿಯಲ್ಲಿ ಪೂರ್ಣಗೊಳ್ಳುತ್ತವೆ. ಅದಕ್ಕೆ ಬೇಕಾದ ಸನ್ನಿವೇಶಗಳೂ ಉಂಟಾಗುತ್ತವೆ. ಬದುಕಿನಲ್ಲಿ ಎದುರಾದ ಅವಕಾಶಗಳ ಲಾಭವನ್ನೂ ನೀವು ಪಡೆಯಲಿದ್ದೀರಿ. ಕೈಗೆತ್ತಿಕೊಂಡ ಕೆಲಸವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸುತ್ತೀರಿ. ಕೌಟುಂಬಿಕ ಸಂತೋಷ ಇರುತ್ತದೆ. ಸ್ನೇಹಿತರ ಸಂಪೂರ್ಣ ಬೆಂಬಲವೂ ಲಭ್ಯವಿದೆ. ವೃತ್ತಿ ಕ್ಷೇತ್ರದಲ್ಲೂ ಅದೃಷ್ಟ ಫಲ ಸಿಗಲಿದ್ದು, ವ್ಯವಹಾರದಲ್ಲಿ ಅನಿರೀಕ್ಷಿತ ಲಾಭವೂ ಸಿಗಲಿದೆ. ಹಣಕಾಸಿನ ಪರಿಸ್ಥಿತಿ ಸುಧಾರಿಸಲಿದೆ. ಬೇರೆ ಬೇರೆ ಮೂಲಗಳಿಂದ ಧನಾಗಮನವಾಗಲಿದೆ. ಆ ಮೂಲಕ ಜೀವನ ಮಟ್ಟ ಸುಧಾರಣೆಯಾಗಲಿದೆ, ಪ್ರೀತಿ, ಸಂತೋಷವೂ ಇರಲಿದೆ.
ವೃಷಭ ರಾಶಿ
ಮೂಲಾ ನಕ್ಷತ್ರದಲ್ಲಿ ಶುಕ್ರ ಸಂಚಾರದ ಕಾರಣ ವೃಷಭ ರಾಶಿಯವರಿಗೆ ಅನಿರೀಕ್ಷಿತ ಲಾಭಗಳಾಗಲಿವೆ. ಪಿತ್ರಾರ್ಜಿತ ಆಸ್ತಿಯ ಕಾರಣ ಉಂಟಾದ ಎಲ್ಲ ಸಮಸ್ಯೆಗಳು ಪರಿಹಾರವಾಗುತ್ತವೆ. ಷೇರುಪೇಟೆ ಹೂಡಿಕೆಗಳು ನಿಮಗೆ ಉತ್ತಮ ಆದಾಯವನ್ನು ನೀಡಬಹುದು. ಮೇಲಧಿಕಾರಿಗಳು ಕೆಲಸದಲ್ಲಿ ಅನುಕೂಲಕರವಾಗಿದ್ದು, ಸಹೋದ್ಯೋಗಿಗಳಿಂದ ಪ್ರಶಂಸೆಯೂ ಸಿಗುತ್ತದೆ. ವೃತ್ತಿ ಕ್ಷೇತ್ರದಲ್ಲಿ ಬಡ್ತಿ ಮತ್ತು ಸಂಬಳದಲ್ಲಿ ಹೆಚ್ಚಳ ನಿರೀಕ್ಷಿಸಬಹುದು. ನೀವು ವ್ಯಾಪಾರದಲ್ಲಿ ಹೆಚ್ಚಿನ ಲಾಭವನ್ನು ಪಡೆಯುತ್ತೀರಿ. ಆರ್ಥಿಕ ಪರಿಸ್ಥಿತಿ ಸುಧಾರಿಸುತ್ತದೆ. ಹೊಸ ಒಪ್ಪಂದಗಳ ಸಾಧ್ಯತೆ ಇದೆ. ಕುಟುಂಬದಲ್ಲಿ ಸಂತೋಷ ಇರುತ್ತದೆ. ವೈವಾಹಿಕ ಜೀವನ ಉತ್ತಮವಾಗಿರಲಿದೆ. ಆರೋಗ್ಯವೇ ಭಾಗ್ಯ ಅಂತಾರಲ್ಲ. ಹಾಗೆ ಆರೋಗ್ಯವೂ ಚೆನ್ನಾಗಿದ್ದು ನೆಮ್ಮದಿಯಲ್ಲಿ ಇರಲಿದ್ದೀರಿ.
ಕನ್ಯಾ ರಾಶಿ
ಶುಕ್ರ ಸಂಚಾರವು ಈ ರಾಶಿಯವರಿಗೆ ಎರಡು ವಿಶೇಷ ಲಾಭವನ್ನು ನೀಡುಬಹುದು. ಮೊದಲನೇಯದಾಗಿ ನಿಮ್ಮ ಸಂಪತ್ತು ಹೆಚ್ಚಾಗಬಹುದು.ಎರಡನೇಯದಾಗಿ ಬದುಕಿನಲ್ಲಿ ಸಂತೋಷ, ಆತ್ಮ ವಿಶ್ವಾಸ, ಧೈರ್ಯ ಹೆಚ್ಚಾಗಲಿದೆ. ಇನ್ನುಳಿದಂತೆ, ಪೂರಕವಾಗಿ ಅವಕಾಶಗಳು ಬರುತ್ತವೆ. ಅದನ್ನು ಬಳಸಿಕೊಂಡಾಗ ಸೌಲಭ್ಯಗಳು ಹೆಚ್ಚಾಗುತ್ತವೆ. ವೃತ್ತಿಜೀವನದ ವಿಷಯದಲ್ಲಿ ನೀವು ವಿವಿಧ ಪ್ರಯೋಜನಗಳನ್ನು ಪಡೆಯುತ್ತೀರಿ. ನೀವು ಬಡ್ತಿ ಪಡೆಯುತ್ತೀರಿ. ಉದ್ಯೋಗದಲ್ಲಿ ಹೊಣೆಗಾರಿಕೆಯೂ ಹೆಚ್ಚಾಗಲಿದೆ. ನಿಮ್ಮ ಮೇಲಧಿಕಾರಿಗಳ ಸಂಪೂರ್ಣ ಬೆಂಬಲ ಸಿಗಲಿದೆ. ಆರ್ಥಿಕ ಸ್ಥಿತಿ ಉತ್ತಮವಾಗಿರಲಿದೆ. ಹೆಚ್ಚಿನ ಹಣ ಗಳಿಕೆಗೆ ಅಗತ್ಯ ಉತ್ತಮ ಅವಕಾಶವೂ ಸಿಗಲಿದೆ. ಪ್ರೇಮ ಜೀವನ ಸುಖಮಯ. ದಾಂಪತ್ಯ ಜೀವನದ ಸಮಸ್ಯೆಗಳೂ ಪರಿಹಾರವಾಗಿ ಸಂತೋಷ, ಸಮೃದ್ಧಿ ನೆಲೆಸಬಹುದು.
ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ "ಹಿಂದೂಸ್ತಾನ್ ಟೈಮ್ಸ್ ಕನ್ನಡ" ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.
