Explainer:ಛತ್ತೀಸಗಢದಲ್ಲಿ ಅಧಿಕಾರದ ಗದ್ದುಗೆ ಯಾರಿಗೆ ಸಿಗಬಹುದು: ಇಲ್ಲಿದೆ ವಿವರ

paragraph

<p>36 ಕೋಟೆಗಳ ನಾಡು ಛತ್ತೀಸಗಢ ಆಗಿ ಪರಿವರ್ತನೆಗೊಂಡ ಎರಡು ದಶಕದ ಹಿಂದೆ ಸ್ಥಾಪನೆಗೊಂಡ ರಾಜ್ಯವಿದು. ಅತಿ ಹೆಚ್ಚು ಗ್ರಾಮೀಣ ಪ್ರದೇಶ, ಅರಣ್ಯ ಪ್ರದೇಶ ಹೊಂದಿರುವ ರಾಜ್ಯವೂ ಹೌದು. ನಕ್ಸಲ್‌ ಚಟುವಟಿಕೆಗಳಿಂದಾಗಿಯೂ ಗಮನ ಸೆಳೆದಿದೆ.</p>

<p>ಇದು ರಾಜ್ಯದಲ್ಲಿ ನಡೆದಿರುವ ಐದನೇ ವಿಧಾನಸಭೆ ಚುನಾವಣೆ. ಬಿಜೆಪಿ ಹಾಗೂ ಕಾಂಗ್ರೆಸ್‌ ನಡುವೆ ಅಧಿಕಾರಕ್ಕೆ ಹಣಾಹಣಿ ಇಲ್ಲಿ ಜೋರಾಗಿದೆ.</p>

<p>ಈಗಾಗಲೇ ಮೂರು ಬಾರಿ ಅಧಿಕಾರ ಸ್ಥಾಪಿಸಿದ್ದ ಬಿಜೆಪಿಗೆ ಮತ್ತೆ ಅಧಿಕಾರ ಪಡೆವ ಆಶಯ. ಮೊದಲ ಬಾರಿ ಅಧಿಕಾರಕ್ಕೆ ಬಂದ ಕಾಂಗ್ರೆಸ್‌ಗೆ ಉಳಿಸಿಕೊಳ್ಳುವ ಭರವಸೆ. ಹೀಗಿದೆ ಛತ್ತೀಸಗಢ ರಾಜ್ಯದ ರಾಜಕೀಯ ಸ್ಥಿತಿಗತಿ</p>

<h2>ಛತ್ತೀಸಗಢ ರಾಜ್ಯದಲ್ಲಿನ ವಿಧಾನಸಭೇ ಕ್ಷೇತ್ರಗಳೆಷ್ಟು?</h2><p>ಒಟ್ಟು 90 ಕ್ಷೇತ್ರಗಳು</p>

<h2>ಚುನಾವಣಾ ವೇಳಾಪಟ್ಟಿ ಹೀಗಿತ್ತು</h2><p>ಮತದಾನ ನವೆಂಬರ್ 7 ಹಾಗು ನವೆಂಬರ್‌ ನವೆಂಬರ್ 17</p>

<p>ಮತ ಎಣಿಕೆ ಡಿಸೆಂಬರ್‌ 3</p>

<h2>ಪ್ರಮುಖ ಪಕ್ಷಗಳು ಕೊಟ್ಟಿರುವ ಮುಖ್ಯ ಭರವಸೆಗಳೇನು</h2><p><strong>ಆಡಳಿತಾರೂಢ ಕಾಂಗ್ರೆಸ್</strong> ತನ್ನ ಪ್ರಣಾಳಿಕೆಯಲ್ಲಿ ರೈತರ ಸಾಲ ಮನ್ನಾ ಭರವಸೆ ನೀಡಿದೆ. ಭತ್ತಕ್ಕೆ ಕ್ವಿಂಟಲ್‌ಗೆ 3,200 ರೂ. ಮತ್ತು ಮಹಿಳೆಯರಿಗೆ ಸಬ್ಸಿಡಿ ದರದ ಅಡುಗೆ ಅನಿಲ ಸಿಲಿಂಡರ್, ಸರ್ಕಾರಿ ಕಾಲೇಜುಗಳಲ್ಲಿ ಶಿಶುವಿಹಾರದಿಂದ ಸ್ನಾತಕೋತ್ತರ ಪದವಿಯವರೆಗೆ ಉಚಿತ ಶಿಕ್ಷಣ, 200 ಯೂನಿಟ್ ವಿದ್ಯುತ್ ಉಚಿತ; ಗ್ರಾಮೀಣ ಬಡವರಿಗೆ 17.5 ಲಕ್ಷ ಮನೆಗಳು, 2023-28 ರಲ್ಲಿ ಜಾತಿ ಗಣತಿ ನಡೆಸುವುದಾಗಿ ತಿಳಿಸಿದೆ.</p>

<p><strong>ಬಿಜೆಪಿ </strong>ವಿವಾಹಿತ ಮಹಿಳೆಯರು ಮತ್ತು ಭೂರಹಿತ ಕೃಷಿ ಕಾರ್ಮಿಕರಿಗೆ ವಾರ್ಷಿಕ 12,000 ರೂ. ಆರ್ಥಿಕ ನೆರವು, ಕ್ವಿಂಟಲ್‌ಗೆ 3,100 ರೂ.ಗೆ ಭತ್ತ ಖರೀದಿ ಮತ್ತು ಬಡ ಕುಟುಂಬಗಳಿಗೆ 500 ರೂ.ಗೆ ಅಡುಗೆ ಅನಿಲ ಸಿಲಿಂಡರ್ ನೀಡುವುದಾಗಿ ತಿಳಿಸಿದೆ. ನೇರ ಲಾಭ ವರ್ಗಾವಣೆ (ಡಿಬಿಟಿ) ಮೂಲಕ ಕಾಲೇಜಿಗೆ ಹೋಗಲು ವಿದ್ಯಾರ್ಥಿಗಳಿಗೆ ಮಾಸಿಕ ಪ್ರಯಾಣ ಭತ್ಯೆ, ಘರ್ ಘರ್ ನಿರ್ಮಲ್ ಜಲ ಅಭಿಯಾನದಡಿ ಎರಡು ವರ್ಷಗಳಲ್ಲಿ ಪ್ರತಿ ಮನೆಗೆ ನಲ್ಲಿ ನೀರಿನ ಸಂಪರ್ಕ , ಭೂರಹಿತ ಕೃಷಿ ಕಾರ್ಮಿಕರಿಗೆ ವರ್ಷಕ್ಕೆ  <span class='webrupee'>₹</span> 10,000 ನೆರವು ನೀಡುವ ಘೋಷಣೆ ಮಾಡಿದೆ.</p>

<h2>ಯಾವ ಪಕ್ಷಗಳ ನಡುವೆ ಹಣಾಹಣಿ</h2><p>ಇಲ್ಲಿಯೂ ಆಡಳಿತಾರೂಢ ಕಾಂಗ್ರೆಸ್‌ ಹಾಗೂ ಬಿಜೆಪಿ ನಡುವೆಯೇ ನೇರ ಹಣಾಹಣಿ ಏರ್ಪಟ್ಟಿದೆ. ಛತ್ತೀಸ್‌ಗಢದ ಜನತಾ ಕಾಂಗ್ರೆಸ್‌ ಪಕ್ಷ ಕೂಡ ಕೆಲವು ಕಡೆ ಸ್ಪರ್ಧೆಯೊಡ್ಡಿದೆ.</p>

<h2>ಮುಖ್ಯ ಉಮೇದುವಾರರು ಯಾರಿದ್ದಾರೆ</h2><p>ಕಾಂಗ್ರೆಸ್‌ನಲ್ಲಿ ಸಿಎಂ ಭುಪೇಶ್‌ ಬಾಘೇಲ್, ಉಪಮುಖ್ಯಮಂತ್ರಿ ಟಿಎಸ್ ಸಿಂಗ್ ದೇವ್‌, ಛತ್ತೀಸ್‌ಗಢ ಕಾಂಗ್ರೆಸ್ ಅಧ್ಯಕ್ಷ ದೀಪಕ್ ಬೈಜ್.</p>

<p>ಬಿಜೆಪಿಯಲ್ಲಿ ಮಾಜಿ ಸಿಎಂ ಡಾ.ರಮಣಸಿಂಗ್‌, ಕೇಂದ್ರ ಸಚಿವೆ ರೇಣುಕಾ ಸಿಂಗ್, ಬಿಜೆಪಿ ರಾಜ್ಯಾಧ್ಯಕ್ಷ ಅರುಣ್‌ ಸಾವೋ, ಸಂಸದ ವಿಜಯ್ ಬಾಘೇಲ್.</p>

<h2>ಗೆಲುವು-ಸೋಲಿನ ಸಂದೇಶ ಏನಾಗಿರಬಹುದು?</h2><p>ಸತತ ಮೂರು ಬಾರಿ ಅಧಿಕಾರದಲ್ಲಿದ್ದ ಬಿಜೆಪಿಯನ್ನು ಸೋಲಿಸಿ ಇಲ್ಲಿ ಕಾಂಗ್ರೆಸ್‌ಗೆ ಅಧಿಕಾರ ನೀಡಲಾಗಿತ್ತು. ಈ ಬಾರಿ ಇಲ್ಲಿ ಕಾಂಗ್ರೆಸ್‌ ಗೆದ್ದರೆ ಹಳೆಯ ಸಂಪ್ರದಾಯವನ್ನು ಜನ ಮುಂದುವರಿಸಿದಂತೆ. ಇಲ್ಲವೇ ಬದಲಾವಣೆ ಮಾಡಿದರೂ ಹೊಸದಕ್ಕೆ ನಾಂದಿ ಹಾಡಿದಂತೆಯೇ ಆಗಬಹುದು ಎಂದು ವಿಶ್ಲೇಷಿಸಲಾಗುತ್ತಿದೆ.</p>

<h2>ಲೋಕಸಭಾ ಚುನಾವಣೆ ಮೇಲೆ ಪರಿಣಾಮ ಏನಾಗಬಹುದು</h2><p>ವಿಧಾನಸಭೆ ಚುನಾವಣೆ ಫಲಿತಾಂಶದ ಪರಿಣಾಮ ಲೋಕಸಭೆ ಮೇಲೆ ಆಗುತ್ತದೆ ಎಂದು ಹೇಳಲಾಗದು. ಹಿಂದಿನ ಬಾರಿ ಕಾಂಗ್ರೆಸ್‌ ಅಧಿಕಾರಕ್ಕೆ ಬಂದರೂ ಛತ್ತೀಸಗಡದಲ್ಲಿ ಬಿಜೆಪಿಯೇ ಹೆಚ್ಚು ಸ್ಥಾನ</p>

<p>ಗೆದ್ದಿತ್ತು. ಆದರೆ ಒಂದು ಸ್ಥಾನವನ್ನು ಕಾಂಗ್ರೆಸ್‌ ಹೆಚ್ಚಿಸಿಕೊಂಡಿದ್ದು ವಿಶೇಷ. ಒಟ್ಟು 11 ಲೋಕಸಭೆ ಕ್ಷೇತ್ರಗಳಲ್ಲಿ ಬಿಜೆಪಿ 9, ಕಾಂಗ್ರೆಸ್‌ 2 ಸ್ಥಾನ ಗೆದ್ದಿವೆ.</p>

<h2>ಕರ್ನಾಟಕ ಫಲಿತಾಂಶದ ಪ್ರಭಾವ ಆಗಬಹುದೇ</h2><p>ಕರ್ನಾಟಕದಲ್ಲಿ ಘೋಷಿಸಿದ ಗ್ಯಾರಂಟಿ ಯೋಜನೆಗಳಲ್ಲಿ ಉಚಿತ ವಿದ್ಯುತ್‌ ಯೋಜನೆಯನ್ನು ಕಾಂಗ್ರೆಸ್‌ ಈ ಬಾರಿ ಛತ್ತೀಸಗಢದಲ್ಲಿ ಘೋಷಿಸಿದೆ. ಬಿಜೆಪಿ ಶಕ್ತಿ ಯೋಜನೆ ಮಾದರಿಯಲ್ಲಿಯೇ ಉಚಿತ ಬಸ್‌ ಸೇವೆ ಬದಲು ವಿದ್ಯಾರ್ಥಿಗಳಿಗೆ ವರ್ಷದ ಪ್ರಯಾಣ ಹಣ ನೀಡುವುದಾಗಿ ಹೇಳಿದೆ.</p>

<h2>ಈ ಬಾರಿ ಗಮನ ಸೆಳೆದ ಅಂಶಗಳು</h2><p>ನಕ್ಸಲ್‌ ಪೀಡಿತ ರಾಜ್ಯವಾದ ಛತ್ತೀಸಗಢದಲ್ಲಿ ಈ ಬಾರಿಯೂ ಅಡಚಣೆಗಳಾಗಬಹುದು ಎಂದು ಭಾರೀ ಭದ್ರತೆಗೆ ಗಮನ ನೀಡಲಾಗಿತ್ತು. ಒಂದೆರಡು ಕಡೆ ಬಿಟ್ಟರೆ ಅಂತಹ ತೊಂದರೆಯೇನೂ ನಕ್ಸಲರಿಂದ ಆಗಲಿಲ್ಲ. ಈ ಬಾರಿ ಚುನಾವಣೆಯಲ್ಲಿ ಇಲ್ಲಿ ಅಭಿವೃದ್ದಿ ಕುರಿತಾಗಿಯೂ ಹೆಚ್ಚಿನ ಚರ್ಚೆಗಳು ನಡೆದಿವೆ.</p>

<h2>ಕಳೆದ ಚುನಾವಣೆ ಫಲಿತಾಂಶ ಏನಾಗಿತ್ತು</h2><p>ಛತ್ತೀಸ್‌ಗಢ ವಿಧಾನಸಭಾ ಚುನಾವಣೆ 2018 ನವೆಂಬರ್ 12 ಮತ್ತು 20 ರಂದು ಎರಡು ಹಂತಗಳಲ್ಲಿ ನಡೆದು ಒಟ್ಟು 90 ಕ್ಷೇತ್ರಗಳಲ್ಲಿ ಕಾಂಗ್ರೆಸ್‌ 68 ಹಾಗೂ ಬಿಜೆಪಿ 15, ಬಿಎಸ್ಪಿ 7 ಸ್ಥಾನ ಪಡೆದಿತ್ತು. ಅದಕ್ಕೂ ಮೊದಲು ಮೂರು ಬಾರಿ ಬಿಜೆಪಿ ಹಿಡಿತದಲ್ಲಿದ್ದ ಆಡಳಿತವನ್ನು ಕಾಂಗ್ರೆಸ್‌ ಕಸಿದಿತ್ತು.</p>

Telangana Election: ಚುನಾವಣೆ ಇರುವ ತೆಲಂಗಾಣದಲ್ಲಿ ಕರ್ನಾಟಕ ಸರ್ಕಾರದ ಜಾಹೀರಾತು, ನಿಯಮ ಉಲ್ಲಂಘಿಸಿಲ್ಲ ಎಂದ ಉಪಮುಖ್ಯಮಂತ್ರಿ

DK Shivakumar

<p>ಚುನಾವಣೆ ನಡೆಯುತ್ತಿರುವ ನೆರೆಯ ತೆಲಂಗಾಣದಲ್ಲಿ ಕರ್ನಾಟಕದ ಕಾಂಗ್ರೆಸ್ ಸರ್ಕಾರ ಜಾಹೀರಾತು ನೀಡಿದ್ದು, ಅದು ಮಾದರಿ ನೀತಿ ಸಂಹಿತೆಯ ಉಲ್ಲಂಘನೆ ಎಂದು ದೂರು ದಾಖಲಾಗಿದೆ. ಈ ಕುರಿತು ವಿವರಣೆ ನೀಡುವಂತೆ ಕರ್ನಾಟಕ ಸರ್ಕಾರಕ್ಕೆ ಆಯೋಗ ನೋಟಿಸ್ ಜಾರಿಗೊಳಿಸಿದ್ದು, ನಿಯಮ ಉಲ್ಲಂಘಿಸಿಲ್ಲ ಎಂದು ಡಿಸಿಎಂ ಡಿಕೆ ಶಿವಕುಮಾರ್ ಹೇಳಿದ್ದಾರೆ.</p>

SIM card: ಡಿ.1ರ ಬಳಿಕ ಹೊಸ ಸಿಮ್​ ಕಾರ್ಡ್​ ತಗೋಬೇಕಂದ್ರೆ ಈ 9 ನಿಯಮಗಳು ತಿಳಿದಿರಲಿ

New SIM card rules

<ul><li>New SIM card rules: ಭಾರತದ ಟೆಲಿಕಾಂ ಇಲಾಖೆಯು ಹೊಸ ಸಿಮ್ ಕಾರ್ಡ್ ನಿಯಮಗಳನ್ನು ಜಾರಿಗೆ ತಂದಿದೆ. ಹೀಗಾಗಿ ಡಿಸೆಂಬರ್ 1 ರ ನಂತರ ಹೊಸ ಸಿಮ್ ಖರೀದಿಸುವ ಮೊದಲು ನೀವು ತಿಳಿದುಕೊಳ್ಳಬೇಕಾದ 9 ಅಂಶಗಳು ಇಲ್ಲಿವೆ.</li></ul>

Telangana Election: ತೆಲಂಗಾಣ ಚುನಾವಣೆ ನಾಳೆಯೇ ಮತದಾನ, 3ನೇ ಬಾರಿ ಸಿಎಂ ಆಗೋ ಆಸೆ ಕೆಸಿಆರ್‌ಗೆ, ಮೊದಲ ಸಲ ಅಧಿಕಾರ ಹಿಡಿವಾಸೆ ಕಾಂಗ್ರೆಸ್‌ಗೆ

<p>ತೀವ್ರ ಕುತೂಹಲ ಕೆರಳಿಸಿರುವ ತೆಲಂಗಾಣ ರಾಜ್ಯ ವಿಧಾನಸಭಾ ಚುನಾವಣೆ ಅಂತಿಮ ಘಟ್ಟಕ್ಕೆ ತಲುಪಿದೆ. ಈ ರಾಜ್ಯದಲ್ಲಿ ನಾಳೆಯೇ ಮತದಾನ. ಮೂರನೇ ಬಾರಿಗೆ ಮುಖ್ಯಮಂತ್ರಿಯಾಗುವ ನಿರೀಕ್ಷೆಯಲ್ಲಿದ್ದಾರೆ ಮುಖ್ಯಮಂತ್ರಿ ಕೆಸಿಆರ್. ಅದೇ ರೀತಿ ಅಧಿಕಾರಕ್ಕೆ ಬರುವ ಕನಸು ಕಾಣುತ್ತಿದೆ ಕಾಂಗ್ರೆಸ್. ಈ ವಿದ್ಯಮಾನದ ರಾಜಕೀಯ ವಿಶ್ಲೇಷಣೆ ನೀಡಿದ್ದಾರೆ ಎಚ್.ಮಾರುತಿ.&nbsp;</p>

Sunil Kanugolu: ತೆಲಂಗಾಣ ಚುನಾವಣೆ ಗೆಲ್ಲಲು ಕಾಂಗ್ರೆಸ್‌ಗೆ 6 ಗ್ಯಾರೆಂಟಿ ಆಸರೆ, ಸುನಿಲ್ ಕನುಗೋಲು ‘ಚಾಣಕ್ಯ ತಂತ್ರ’

<p>ಕರ್ನಾಟಕದಲ್ಲಿ ಕಾಂಗ್ರೆಸ್ ಪಕ್ಷದಕ್ಕೆ ಮತದಾರ ಆಡಳಿತ ಚುಕ್ಕಾಣಿ ನೀಡುವಂತೆ ಮಾಡಿದ ಚುನಾವಣಾ ತಂತ್ರಗಾರ ಸುನಿಲ್ ಕನುಗೋಲು ತೆಲಂಗಾಣ ಚುನಾವಣೆಯಲ್ಲೂ ತಮ್ಮ ತಂತ್ರಗಾರಿಕೆಯ ಚಮತ್ಕಾರ ನೋಡಲು ಪ್ರಯತ್ನಿಸುತ್ತಿದ್ದಾರೆ. ಅಲ್ಲೂ 5 ಗ್ಯಾರೆಂಟಿಯನ್ನೇ ಕಾಂಗ್ರೆಸ್‌ಗೆ ಗೆಲುವಿನ ಆಸರೆಯನ್ನಾಗಿ ಹಿಡಿಯಲು ಸಲಹೆ ನೀಡಿದ್ದು, ಫಲಿತಾಂಶಕ್ಕಾಗಿ ಎದುರು ನೋಡುತ್ತಿದ್ದಾರೆ.&nbsp;</p>

<ul><li>Chhattisgarh assembly Elections ದಟ್ಟಾರಣ್ಯದಿಂದ ಕೂಡಿರುವ ಗ್ರಾಮೀಣ ಪ್ರದೇಶವನ್ನೇ ಹೆಚ್ಚು ಹೊಂದಿರುವ ಛತ್ತೀಸಗಢ(Chhattisgarh) ವಿಧಾನಸಭೆ ಚುನಾವಣೆಯ ಹಿನ್ನೆಲೆ. ರಾಜಕೀಯ ಚಟುವಟಿಕೆ ಮತ್ತಿತರರ ವಿವರ ಇಲ್ಲಿದೆ.</li></ul>

Karnataka Rains: ಕರ್ನಾಟಕದಲ್ಲಿ ಮುಂದಿನ 5 ದಿನ ಕಾಲ ಸಾಧಾರಣ ಮಳೆ ನಿರೀಕ್ಷೆ

<p>ಬೆಂಗಳೂರು: ಕರ್ನಾಟಕದಲ್ಲಿ ಮುಂದಿನ ಭಾನುವಾರದವರೆಗೂ ಮಳೆಯಾಗಲಿದೆ. ಅದು ಭಾರೀ ಮಳೆಯ ವಾತಾವರಣವಂತೂ ಎಲ್ಲಿ ಇಲ್ಲ. ಸಾಧಾರಣ ಮಳೆ ಐದು ದಿನ ಕಾಲ ಕರ್ನಾಟಕದಲ್ಲಿ ಇರಲಿದೆ.</p>

<p>ನವೆಂಬರ್‌ 29ರ ಬುಧವಾರದಿಂದ ಡಿಸೆಂಬರ್‌ 3 ರ ಭಾನುವಾರ ವರೆಗಿನ ಹವಾಮಾನ ಮುನ್ಸೂಚನೆಯ ವರದಿಯನ್ನು ಭಾರತೀಯ ಹವಾಮಾನ ಇಲಾಖೆ ಬೆಂಗಳೂರು ಪ್ರಾದೇಶಿಕ ಕೇಂದ್ರವು ಬಿಡುಗಡೆ ಮಾಡಿದೆ.</p>

<p>ಈ ಪ್ರಕಾರ ನವೆಂಬರ್‌ 29ರ ಬುಧವಾರ ಕರ್ನಾಟಕದ ಒಂದೆರಡು ಕಡೆಗಳಲ್ಲಿ ಹಗುರವಾಗಿ ಮಳೆಯಾಗುವ ಸಾಧ್ಯತೆಗಳಿವೆ. ಅದೇ ರೀತಿ ನವೆಂಬರ್‌ 30 ರ ಗುರುವಾರದಂದು ಕರ್ನಾಟಕದ ಕೆಲವು ಭಾಗಗಳಲ್ಲಿ ಹಗುರದಿಂದ ಸಾಧಾರಣ ಮಳೆಯಾಗುವ ಸೂಚನೆ ನೀಡಲಾಗಿದೆ.</p>

<blockquote class="twitter-tweet"><p lang="kn" dir="ltr">28.11.2023 ರಿಂದ 06.12.2023 ರವರೆಗೆ ಮಳೆಯ ಮುನ್ಸೂಚನೆ: ಡಿಸೆಂಬರ್ರ 01 ವರೆಗೆ ರಾಜ್ಯದಾದ್ಯಂತ ಅಲ್ಲಲ್ಲಿ ಚದುರಿದಂತೆ ಸಾಧಾರಣ ಮಳೆಯಾಗುವ ಸಾಧ್ಯತೆಯಿದೆ ನಂತರ ರಾಜ್ಯದಲ್ಲಿ ಮಳೆಯ ಕಡಿಮೆಯಾಗುವ ಸಾಧ್ಯತೆಯಿದೆ. <a href="https://t.co/4p0Rp4GpmV">pic.twitter.com/4p0Rp4GpmV</a></p>&mdash; Karnataka State Natural Disaster Monitoring Centre (@KarnatakaSNDMC) <a href="https://twitter.com/KarnatakaSNDMC/status/1729427758730932447?ref_src=twsrc%5Etfw">November 28, 2023</a></blockquote> <script async src="https://platform.twitter.com/widgets.js" charset="utf-8"></script>

<h2>ಡಿಸೆಂಬರ್‌ ಮೊದಲೆರಡು ದಿನ</h2><p>ಡಿಸೆಂಬರ್‌ 1ರ ಶುಕ್ರವಾರ ಮಾತ್ರ ದಕ್ಷಿಣ ಒಳನಾಡಿನ ಜಿಲ್ಲೆಗಳ ಕೆಲವು ಭಾಗಗಳಲ್ಲಿ ಹಗುರದಿಮದ ಸಾಧಾರಣ ಮಳೆಯಾಗುವ ಬಹಳಷ್ಟು ಸಾಧ್ಯತೆಗಳಿವೆ. ಕರಾವಳಿ ಮೂರು ಜಿಲ್ಲೆಗಳು ಹಾಗೂ ಉತ್ತರ ಒಳನಾಡಿನ ಜಿಲ್ಲೆಗಳ ಒಂದೆರಡು ಕಡೆಗಳಲ್ಲಿ ಹಗುರವಾಗಿ ಮಳೆ ಬೀಳಬಹುದು.</p>

<p>ಡಿಸೆಂಬರ್‌ 2ರ ಶನಿವಾರದಂದು ಕರಾವಳಿಯ ಜಿಲ್ಲೆಗಳಲ್ಲಿ ಹಾಗೂ ಉತ್ತರ ಒಳನಾಡಿನ ಜಿಲ್ಲೆಗಳ ಕೆಲವು ಕಡೆಗಳಲ್ಲಿ ಹಗುರ ಮಳೆಯಾಗಬಹುದು. ಅದೇ ರೀತಿ ದಕ್ಷಿಣ ಒಳನಾಡಿನ ಜಿಲ್ಲೆಗಳ ಕೆಲವು ಕಡೆಗಳಲ್ಲೂ ಮಳೆಯಾಗುವ ನಿರೀಕ್ಷೆಯಿದೆ.</p>

<p>ಡಿಸೆಂಬರ್‌ 3 ರ ಭಾನುವಾರದಂದು ಕರಾವಳಿ ಜಿಲ್ಲಗಳು ಹಾಗೂ ದಕ್ಷಿಣ ಒಳನಾಡಿನ ಒಂದೆರಡು ಕಡೆಗಳಲ್ಲೊ ಹಗುರವಾರಿ ಮಳೆಯಾಗಬಹುದು. ಆದರೆ ಉತ್ತರ ಒಳನಾಡಿನಲ್ಲಿ ಭಾನುವಾರ ಒಣ ಹವೆಯ ವಾತಾವರಣ ಕಂಡು ಬರಲಿದೆ.</p>

<p>ಈ ಐದು ದಿನದ ಅವಧಿಯಲ್ಲಿ ಕರ್ನಾಟಕದಲ್ಲಿ ಎಲ್ಲಿಯೂ ಭಾರೀ ಮಳೆಯಾಗುವ ಮುನ್ನೆಚ್ಚರಿಕೆ ಇಲ್ಲ. ಗುಡುಗು ಇಲ್ಲವೇ ಮಿಂಚಿನ ವಾತಾವರಣವೂ ಕಂಡುಬರುವುದಿಲ್ಲ ಎಂದು ತಿಳಿಸಲಾಗಿದೆ.</p>

<p>ಮಂಗಳವಾರದಂದು ಕರ್ನಾಟಕದ ಕರಾವಳಿ ಜಿಲ್ಲೆಗಳಲ್ಲಿ ಹಾಗೂ ದಕ್ಷಿಣ ಒಳನಾಡಿನ ಕೆಲವು ಜಿಲ್ಲೆಗಳಲ್ಲಿ ಅಲ್ಲಲ್ಲಿ ಮಳೆಯಾದ ವರದಿಯಾಗಿದೆ. ಆದರೆ ಉತ್ತರ ಒಳನಾಡಿನಲ್ಲಿ ಒಣ ಹವೆಯ ವಾತಾವರಣ ಕಂಡು ಬಂದಿದೆ.</p>

<h2>ಬೆಂಗಳೂರು ಮಳೆ ಹೇಗೆ</h2><p>ಬೆಂಗಳೂರು ನಗರ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಮುಂದಿನ ಎರಡು ದಿನ ಹಗುರ ಮಳೆಯಾಗಬಹುದು. ಸಾಮಾನ್ಯವಾಗಿ ಎಲ್ಲ ಕಡೆಯೂ ಮೋಡ ಕವಿದ ವಾತಾವರಣ ಎರಡೂ ದಿನವೂ ಇರಲಿದೆ. ಹಗುರವಾಗಿ ಮಳೆಯಾಗುವ ಸಾಧ್ಯತೆಗಳೇ ಹೆಚ್ಚಿವೆ. ಬೆಂಗಳೂರಿನ ಕೆಲವು ಕಡೆ ಬೆಳಗಿನ ಜಾವ ಮಂಜು ಮುಸುಕಿದ ವಾತಾವರಣ ಕಂಡು ಬರಲಿದೆ. ಗರಿಷ್ಠ ಉಷ್ಣಾಂಶವು 28 ಡಿಗ್ರಿ ಸೆಲ್ಸಿಯಸ್‌ ಮತ್ತು ಕನಿಷ್ಠಉಷ್ಣಾಂಶವು 19 ಡಿಗ್ರಿ ಸೆಲ್ಸಿಯಸ್ ನಷ್ಟು ಇರುವ ಸಾಧ್ಯತೆಗಳಿವೆ ಎಂದು ಭಾರತೀಯ ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.</p>

<h2>ಚಾನಗರದಲ್ಲಿ ಕನಿಷ್ಠ ಉಷ್ಣಾಂಶ</h2><p>ಕರ್ನಾಟಕದ ಸಮತಟ್ಟಾದ ಪ್ರದೇಶಗಳಲ್ಲಿ ಅತೀ ಕಡಿಮೆ ಉಷ್ಣಾಂಶ 17.3 ಡಿಗ್ರಿ ಸೆಲ್ಸಿಯಸ್‌ ಚಾಮರಾಜನಗರದಲ್ಲಿ ದಾಖಲಾಗಿದೆ.</p>

Elephant in Dakshin Kannada: ಬೆಳ್ತಂಗಡಿ ಸುತ್ತಮುತ್ತ ಒಂಟಿಸಲಗದ ಪುಂಡಾಟ, ಜನರಿಗೆ ಪ್ರಾಣಸಂಕಟ

<ul><li>Elephant trouble in DK ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಕಾಡಾನೆ ಹಾವಳಿ ಮಿತಿ ಮೀರಿದೆ. ಬೆಳ್ತಂಗಡಿ ತಾಲ್ಲೂಕಿನಲ್ಲಿ ಕಾಡಾನೆಯೊಂದು ಮೂರು ದಿನದಿಂದ ತೊಂದರೆ ನೀಡುತ್ತಿದೆ. ಆನೆ ಓಡಿಸಲು ಇಲ್ಲವೇ ಸೆರೆಗೆ ಕರ್ನಾಟಕ ಅರಣ್ಯ ಇಲಾಖೆ( Karnataka Forest Department) &nbsp;ಮುಂದಾಗಿದೆ.</li></ul>

Bangalore Cyber crime:ಬಾಯ್‌ಫ್ರೆಂಡ್‌ ಮೊಬೈಲ್‌ನಲ್ಲಿತ್ತು ತನ್ನದೂ ಸೇರಿ 13 ಸಾವಿರ ಬೆತ್ತಲೆ ಫೋಟೋ: ಬೆಂಗಳೂರಲ್ಲಿ ಸೈಬರ್‌ ದೂರು

<ul><li>Bangalore cyber crime ಸ್ನೇಹಿತನೊಬ್ಬನ ಜತೆಗೆ ಸಲುಗೆಯಿಂದ ಇದ್ದ ಯುವತಿ ತನ್ನದೇ ಬೆತ್ತಲೆ ಫೋಟೋಗಳನ್ನು ಮೊಬೈಲ್‌ನಲ್ಲಿ ನೋಡಿದ್ದಾರೆ. ಈ ಕುರಿತು ಯುವತಿ ಕೆಲಸ ಮಾಡುವ ಬೆಂಗಳೂರಿನ ಕಂಪೆನಿ ಕಾನೂನು ಅಧಿಕಾರಿ ಸೈಬರ್‌ ಠಾಣೆಯಲ್ಲಿ( Bangalore cyber police) ದೂರು ದಾಖಲಿಸಿದ್ದಾರೆ.</li></ul>

Kannada Pustaka Habba: ಪುಸ್ತಕ ಪ್ರಿಯರ ಮನ ಗೆದ್ದ ರಾಷ್ಟ್ರೋತ್ಥಾನ ಸಾಹಿತ್ಯದ 3ನೇ ಕನ್ನಡ ಪುಸ್ತಕ ಹಬ್ಬ, ಡಿ.3ಕ್ಕೆ ಸಮಾರೋಪ

<p>ಕರ್ನಾಟಕ ರಾಜ್ಯೋತ್ಸವ ನಿಮಿತ್ತ ರಾಷ್ಟ್ರೋತ್ಥಾನ ಸಾಹಿತ್ಯ ಆಯೋಜಿಸಿದ 33 ದಿನಗಳ 3ನೇ ಕನ್ನಡ ಪುಸ್ತಕ ಹಬ್ಬಕ್ಕೆ ಪುಸ್ತಕ ಪ್ರಿಯರಿಂದ ಭಾರಿ ಸ್ಪಂದನೆ ಸಿಕ್ಕಿದೆ. ನಿತ್ಯವೂ ಒಂದಿಲ್ಲೊಂದು ಕಾರ್ಯಕ್ರಮ, ಉಪನ್ಯಾಸಗಳ ಮೂಲಕ ಗಮನಸೆಳೆದಿರುವ ಹಬ್ಬದ ಪುಸ್ತಕ ಲೋಕ ವಿದ್ಯಾರ್ಥಿ ಯುವಜನರನ್ನು ಬೆರಗುಗೊಳಿಸಿದೆ. ಈ ಹಬ್ಬ ಡಿಸೆಂಬರ್ 3ರಂದು ಸಂಪನ್ನಗೊಳ್ಳಲಿದೆ.</p>

Kalburgi Crime: ಕಲಬುರಗಿ ಜಿಲ್ಲೆಯಲ್ಲಿ ತಾಯಿ ನಿಂದಿಸಿದ್ದಕ್ಕೆ ಅಜ್ಜನನ್ನೆ ಕೊಂದ ಮೊಮ್ಮಗ

<ul><li>Kalburgi Crime news ಕಲಬುರಗಿ ಜಿಲ್ಲೆಯಲ್ಲಿ ತಾಯಿಗೆ ನಿಂದಿಸಿದ ಸಿಟ್ಟಿಗೆ ಅಜ್ಜನನ್ನೇ ಮೊಮ್ಮಗ ಇರಿದು ಕೊಂದು ಪೊಲೀಸರ ಅತಿಥಿಯಾಗಿರುವ ಘಟನೆ ನಡೆದಿದೆ.&nbsp;</li></ul>

<ul><li>Karnataka weather Updates ಕರ್ನಾಟಕದಲ್ಲಿ ಮುಂದಿನ ಐದು ದಿನ ಭಾರೀ ಮಳೆಯ ಮುನ್ಸೂಚನೆಯಿಲ್ಲ. ಬದಲಿಗೆ ಸಾಧಾರಣ ಮಳೆಯಾಗಬಹುದು ಎಂದು ಭಾರತೀಯ ಹವಾಮಾನ ಇಲಾಖೆಅ(IMD) ಮುನ್ಸೂಚನೆ ನೀಡಿದೆ.</li></ul>

Explainer: ರಾಜಸ್ಥಾನದಲ್ಲಿ ಮತ್ತೆ ಅಧಿಕಾರ ಬದಲಿಸುವರೇ ಮತದಾರ : ಹೀಗಿದೆ ಚುನಾವಣೆ ಚಿತ್ರಣ

<p>ಭಾರತದ ಪ್ರಮುಖ ಹಿಂದಿ ಮಾತನಾಡುವ, ಸಾಂಸ್ಕೃತಿಕ ಹಿನ್ನೆಲೆಯ ರಾಜಸ್ಥಾನ ರಾಜಕೀಯಕ್ಕೂ ಹೆಸರುವಾಸಿ. ಇಲ್ಲಿನ ಮತದಾರರು ಒಂದೇ ಪಕ್ಷಕ್ಕೆ ಎಂದೂ ಅಧಿಕಾರ ಕೊಟ್ಟವರಲ್ಲ. ಪ್ರತಿ ಚುನಾವಣೆಯಲ್ಲೂ ಕರ್ನಾಟಕದಂತೆಯೇ ಬದಲಾವಣೆ ಬಯಸಿದವರೇ. ಕಳೆದ ಚುನಾವಣೆಯಲ್ಲಿನ ಬಹುಮತ ಕೊರತೆ, ನಂತರ ಅಧಿಕಾರಕ್ಕೆ ಬಂದರೂ ಬಂಡಾಯದ ಬಿಸಿ ನಡುವೆಯೂ ಕಾಂಗ್ರೆಸ್‌ ಐದು ವರ್ಷವನ್ನು ಇಲ್ಲಿ ಪೂರೈಸಿತು. ಬಿಜೆಪಿ ಕೂಡ ಇಂತಹದೇ ಆಂತರಿಕ ಸಂಘರ್ಷದ ಮಧ್ಯೆ ಮತ್ತೆ ಅಧಿಕಾರಕ್ಕೆ ಬರಬೇಕು, ಲೋಕಸಭೆ ಚುನಾವಣೆಯಲ್ಲಿ ಸ್ವೀಪ್‌ ಮಾಡಬೇಕು ಎನ್ನುವ ಉಮೇದಿನೊಂದಿಗೆ ಪ್ರಚಾರ ಕೈಗೊಂಡಿದೆ. ಇಲ್ಲಿನ ಫಲಿತಾಂಶವೂ ಲೋಕಸಭೆಗೆ ದಿಕ್ಸೂಚಿಯೂ ಆಗಬಹುದು.</p>

<h2>ರಾಜಸ್ಥಾನ ವಿಧಾನಸಭೆಯಲ್ಲಿ ಕ್ಷೇತ್ರಗಳೆಷ್ಟು</h2><p>ರಾಜಸ್ಥಾನದ ಒಟ್ಟು 200. ಒಂದು ಕ್ಷೇತ್ರದಲ್ಲಿ ಅಭ್ಯರ್ಥಿ ನಿಧನರಾಗಿದ್ದರಿಂದ 199 ಸ್ಥಾನಕ್ಕೆ ಚುನಾವಣೆ ನಡೆದಿದೆ.</p>

<h2>ಚುನಾವಣಾ ವೇಳಾಪಟ್ಟಿಹೀಗಿದೆ.</h2><p>ಅಧಿಸೂಚನೆಯ ದಿನಾಂಕ ಅಕ್ಟೋಬರ್ 30</p>

<p>ನಾಮಪತ್ರಗಳ ಸಲ್ಲಿಕೆಗೆ ಕೊನೆಯ ದಿನ ನವೆಂಬರ್ 6</p>

<p>ಮತದಾನ ನವೆಂಬರ್ 25 </p>

<h2>ಪ್ರಮುಖ ಪಕ್ಷಗಳು ನೀಡಿರುವ ಮುಖ್ಯ ಭರವಸೆಗಳು ಏನೇನು</h2><ul><li><strong>ಕಾಂಗ್ರೆಸ್‌</strong></li></ul><p>-ಮನೆಯೊಡತಿಯರಿಗೆ 10ಸಾವಿರ ರೂ. ಸಹಾಯಧನ</p>

<p>-1.4 ಕೋಟಿ ಕುಟುಂಬಗಳಿಗೆ 500 ರೂ. ಎಲ್‌ಪಿಜಿ ಸಿಲೆಂಡರ್‌ ಸಹಾಯಧನ</p>

<p>- ರೈತರಿಂದಲೇ ಕೆಜಿಗೆ 2 ರೂ.ನಂತೆ ಸಗಣಿ ಖರೀದಿ</p>

<p>- ಸರ್ಕಾರಿ ಕಾಲೇಜುಗಳಲ್ಲಿ ಪ್ರವೇಶ ಪಡೆಯುವ ವಿದ್ಯಾರ್ಥಿಗಳಿಗೆ ಉಚಿತ ಲ್ಯಾಪ್‌ಟಾಪ್‌</p>

<p>- ನರೇಗಾ ಹಾಗೂ ಇಂದಿರಾ ಗಾಂಧಿ ನಗರ ಉದ್ಯೋಗ 125 ರಿಂದ 150 ದಿನಗಳಿಗೆ ಹೆಚ್ಚಳ</p>

<p>- ಪ್ರತಿ ಗ್ರಾಮ ಮತ್ತು ನಗರ ವಾರ್ಡ್‌ಗಳಲ್ಲಿ ಭದ್ರತಾ ಸಿಬ್ಬಂದಿ ನಿಯೋಜನೆ</p>

<ul><li><strong>ಬಿಜೆಪಿ</strong></li></ul><p>- ಗೋಧಿ ಸಂಗ್ರಹಣೆಗೆ ಹೆಚ್ಚಿದ ಎಂಎಸ್‌ಪಿ: ರೈತರಿಂದ ಕ್ವಿಂಟಲ್‌ಗೆ 2800 ರೂ. ಎಂಎಸ್‌ಪಿ ದರದಲ್ಲಿ ಖರೀದಿ.</p>

<p>- ವಿವಿಧ ಯೋಜನೆಗಳಿಗೆ ಭೂಮಿ ಸ್ವಾಧೀನಪಡಿಸಿಕೊಂಡಿರುವ ರೈತರಿಗೆ ಸಮಗ್ರ ಪರಿಹಾರ ಯೋಜನೆ</p>

<p>- ಮಹಿಳೆಯರ ಸುರಕ್ಷತೆಗಾಗಿ ರಾಜ್ಯದ ಪ್ರತಿ ಜಿಲ್ಲೆಗಳಲ್ಲಿ ಆ್ಯಂಟಿ ರೋಮಿಯೋ ಸ್ಕ್ವಾಡ್</p>

<p>- ಹೆಣ್ಣು ಮಗುವಿನ ಉತ್ತೇಜನಕ್ಕೆ 18 ವರ್ಷಕ್ಕೆ 2 ಲಕ್ಷ ರೂ. ದೊರೆಯುವಂತ ಉಳಿತಾಯ ಬಾಂಡ್ ಲಾಡೋ ಪ್ರೋತ್ಸಾಹ ಯೋಜನೆ.</p>

<p>- ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಉಚಿತ ಸ್ಕೂಟಿ ಯೋಜನೆ</p>

<p>- ಉಜ್ವಲಾ ಯೋಜನೆಯ ಫಲಾನುಭವಿಗಳಿಗೆ 500 ರೂ.ನಿಂದ 950 ರೂ.ಗೆ ಸಬ್ಸಿಡಿ ಹೆಚ್ಚಳ</p>

<p>- 5 ಲಕ್ಷ ಯುವಕರಿಗೆ ಉದ್ಯೋಗಾವಕಾಶ ಕಲ್ಪಿಸುವ ಗುರಿಯೊಂದಿಗೆ ಪ್ರವಾಸೋದ್ಯಮವನ್ನು ಉತ್ತೇಜಿಸಲು 2,000 ಕೋಟಿ ರೂ. ಕಾರ್ಪಸ್ ನಿಧಿ ಸ್ಥಾಪನೆ.</p>

<h2>ಹಣಾಹಣಿ ಯಾವ ಪಕ್ಷಗಳ ನಡುವೆ</h2><p>ಆಡಳಿತಾರೂಢ ಕಾಂಗ್ರೆಸ್‌ ಹಾಗೂ ಬಿಜೆಪಿ ನಡುವೆಯೇ ಇಲ್ಲಿ ನೇರಾನೇರ ಹಣಾ ಏರ್ಪಟ್ಟಿದೆ. ಬಿಎಸ್ಪಿ, ಆಮ್‌ ಆದ್ಮಿ ಸಹಿತ ಹಲವು ಪಕ್ಷಗಳ ಅಭ್ಯರ್ಥಿಗಳೂ ಕಣದಲ್ಲಿದ್ದಾರೆ.</p>

<h2>ಮುಖ್ಯ ಉಮೇದುವಾರರು</h2><p>ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ (ಸರ್ದಾರ್‌ಪುರ), ಮಾಜಿ ಮುಖ್ಯಮಂತ್ರಿ ವಸುಂಧರಾ ರಾಜೇ (ಝಲ್ರಾಪಟನ್), ಮಾಜಿ ಉಪಮುಖ್ಯಮಂತ್ರಿ ಸಚಿನ್ ಪೈಲಟ್ (ಟೋಂಕ್),ಪ್ರದೇಶ ಕಾಂಗ್ರೆಸ್‌ ಅಧ್ಯಕ್ಷ ಗೋವಿಂದ್ ಸಿಂಗ್ ದೋತಾಸ್ರಾ (ಲಚ್ಮಂಗಢ), ಆರ್‌ಎಲ್‌ಪಿ ಸಂಚಾಲಕ ಹನುಮಾನ್ ಬೇನಿವಾಲ್ (ಖಿನ್ವಸರ್) ಕಣದಲ್ಲಿರುವ ಪ್ರಮುಖರು. ಬಿಜೆಪಿ ಏಳು ಸಂಸದರನ್ನು ವಿಧಾನಸಭೆ ಚುನಾವಣೆ ಕಣಕ್ಕಿಳಿಸಿದೆ.</p>

<h2>ಗೆಲುವು-ಸೋಲಿನ ಸಂದೇಶ ಏನಾಗಿರಬಹುದು</h2><p>ರಾಜಸ್ಥಾನದಲ್ಲಿ ಸತತ ಆರನೇ ಚುನಾವಣೆಯಿಂದ ಒಮ್ಮೆ ಬಿಜೆಪಿ ಮತ್ತೊಮ್ಮೆ ಕಾಂಗ್ರೆಸ್‌ಗೆ ಅಧಿಕಾರವನ್ನು ಇಲ್ಲಿನ ಮತದಾರರು ನೀಡುತ್ತಾ ಬಂದಿದ್ಧಾರೆ. ಈ ಬಾರಿ ಅಶೋಕ್‌ ಗೆಹ್ಲೋಟ್‌ ಹಾಗೂ ಸಚಿನ್‌ ಪೈಲಟ್‌ ನಡುವಿನ ಕಾಂಗ್ರೆಸ್‌ ಆಂತರಿಕ ಕಚ್ಚಾಟದ ನಡುವೆ ಅವಧಿಯನ್ನು ಪೂರೈಸಿದೆ. ಬಿಜೆಪಿಯಲ್ಲಿ ನಾಯಕತ್ವ ಸಂಘರ್ಷವೂ ಜೋರಾಗಿಯೇ ಇತ್ತು. ಬದಲಾವಣೆಯ ಸಂದೇಶವನ್ನು ಮತದಾರರು ನೀಡಬಹುದು ಎನ್ನುವ ನಿರೀಕ್ಷೆಯಿದೆ.</p>

<h2>ಲೋಕಸಭಾ ಚುನಾವಣೆ ಮೇಲೆ ಏನು ಪರಿಣಾಮ</h2><p>ಹಿಂದಿನಿಂದಲೂ ರಾಜಸ್ಥಾನದ ಜನ ಅಧಿಕಾರದಲ್ಲಿರುವ ಪಕ್ಷವನ್ನು ಬದಲಿಸುತ್ತಾ ಬಂದಿದ್ದಾರೆ. ಆದರೆ ಲೋಕಸಭೆ ಚುನಾವಣೆಗೆ ಬಿಜೆಪಿಗೆ ಹೆಚ್ಚಿನ ಮಣೆ ಹಾಕಿದ್ದಾರೆ. ಒಟ್ಟು 25ಕ್ಕೆ 25 ಸ್ಥಾನಗಳೂ ಬಿಜೆಪಿಯೇ ಇಲ್ಲಿ ಗೆದ್ದಿತ್ತು. ಕಳೆದ ಬಾರಿ ಬಿಜೆಪಿಗೆ ಬಂದಿದ್ದು 24 ಸ್ಥಾನಗಳು. ವಿಧಾನಸಭೆಯಲ್ಲಿ ಯಾವ ಪಕ್ಷ ಅಧಿಕಾರಕ್ಕೆ ಬರುತ್ತದೆ ಆ ಪಕ್ಷ ಈ ಬಾರಿ ಹೆಚ್ಚಿನ ಸ್ಥಾನಗಳನ್ನು ಗೆಲ್ಲಲು ಸಹಕಾರಿಯಾಗಬಹುದು.</p>

<h2>ಕರ್ನಾಟಕ ಫಲಿತಾಂಶದ ಪ್ರಭಾವ ಆಗಬಹುದೇ</h2><p>ಕರ್ನಾಟಕದಲ್ಲಿ ಜಾರಿಗೊಳಿಸಿದ ಗ್ಯಾರಂಟಿ ಯೋಜನೆಗಳಲ್ಲಿ ಕೆಲವನ್ನು ರಾಜಸ್ಥಾನದಲ್ಲಿಯೂ ಅಲ್ಲಿಯ ಕಾಂಗ್ರೆಸ್‌ ಸರ್ಕಾರ ಜಾರಿಗೆ ತಂದಿದೆ. 100 ಯೂನಿಟ್‌ ವರೆಗೆ ಉಚಿತ ವಿದ್ಯುತ್‌, ಶಿಕ್ಷಣದಂತಹ ಯೋಜನೆಗಳು ಅಲ್ಲಿಯೂ ಜಾರಿಯಲ್ಲಿವೆ.</p>

<h2>ಕಳೆದ ಚುನಾವಣೆ ಫಲಿತಾಂಶ ಏನಾಗಿತ್ತು</h2><p>7 ಡಿಸೆಂಬರ್ 2018 ರಂದು ರಾಜಸ್ಥಾನದಲ್ಲಿ ನಡೆದಿದ್ದ ಹಿಂದಿನ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿಯನ್ನು ಹಿಂದಿಕ್ಕಿ ಕಾಂಗ್ರೆಸ್‌ ದೊಡ್ಡ ಪಕ್ಷವಾಗಿ ಹೊರ ಹೊಮ್ಮಿತ್ತು. 100 ಸ್ಥಾನಗಳಲ್ಲಿ ಗೆದ್ದ ಕಾಂಗ್ರೆಸ್‌ ಅಧಿಕಾರ ಹಿಡಿಯಲು 1 ಸ್ಥಾನದ ಕೊರತೆಯಾಯಿತು. ಬಹುಜನ ಸಮಾಜ ಪಕ್ಷ ಹಾಗೂ ಪಕ್ಷೇತರರ ಬೆಂಬಲ ಪಡೆದು ಕಾಂಗ್ರೆಸ್‌ನ ಹಿರಿಯ ನಾಯಕ ಅಶೋಕ್‌ ಗೆಹ್ಲೋಟ್‌ ಮುಖ್ಯಮಂತ್ರಿಯಾಗಿದ್ದರು. 163 ಸ್ಥಾನ ಪಡೆದಿದ್ದ ಬಿಜೆಪಿ 73 ಸ್ಥಾನಕ್ಕೆ ಕುಸಿದಿತ್ತು.</p>

<ul><li>Rajasthan Assembly elections &nbsp;ರಾಜಸ್ಥಾನದಲ್ಲಿ ವಿಧಾನಸಭೆ ಚುನಾವಣೆ ಮುಗಿದಿದೆ. ಇನ್ನು ಫಲಿತಾಂಶಕ್ಕೆ ಕಾಯುವ ಸಮಯ. ಹೇಗಿದೆ ಅಲ್ಲಿನ ಕಣ ಚಿತ್ರಣ…</li></ul>

Kodagu Huttari:ಕೊಡಗು, ಮೈಸೂರಲ್ಲಿ ಹುತ್ತರಿ: ಎಲ್ಲೆಲ್ಲೂ ಹೊಸ ಪೈರು ಬರ ಮಾಡಿಕೊಳ್ಳುವ ಸಂತಸ ಸಡಗರ

<ul><li>ಕೊಡಗಲ್ಲಿ( Coorg) ಮಾತ್ರವಲ್ಲ. ಕೊಡಗಿನವರು ಹೆಚ್ಚು ಇರುವ ಮೈಸೂರಲ್ಲೂ ಈಗ ಹುತ್ತರಿ( Huttari) ಸಡಗರ. ಕೊಯ್ಲು ಪೈರು ಕತ್ತರಿಸಿ ಮೊದಲ ಅಡುಗೆ ಸವಿಯುವ ಸಂಭ್ರಮ. ಕೊಡಗಿನ ಬಹುಕೇತ ಕಡೆಗಳಲ್ಲಿ ಸೋಮವಾರ ರಾತ್ರಿಯಿಂದ ಶುರುವಾಗಿರುವ ಕಾರ್ಯಕ್ರಮಗಳು ಅಲ್ಲಲ್ಲಿ ನಡೆದಿವೆ. ಮೈಸೂರಿನಲ್ಲೂ ಹುತ್ತರಿ ಹಬ್ಬವನ್ನು ಕೊಡಗಿನವರು ಆಚರಿಸಿದ್ದಾರೆ. ಹೀಗಿದ್ದವು ಆ ಕ್ಷಣಗಳು.</li></ul>

forest Tales: ಈಗಲೂ ಕರ್ನಾಟಕದ ಅರಣ್ಯದಲ್ಲಿ ನರಭಕ್ಷಕ ಹುಲಿಗಳು ಉಂಟೇ, ನರಭಕ್ಷಕ ಎಂದು ಘೋಷಿಸುವವರು ಯಾರು

<p>ಹುಲಿಗಳು ನರಹಂತಕವೇ. ನರಭಕ್ಷಕವೇ..</p>

<p>ಈ ಪ್ರಶ್ನೆಯನ್ನೇನಾದರೂ ಅಪ್ರತಿಮ ಬೇಟೆಗಾರ ಹಾಗೂ ಕಥೆಗಾರ ಜಿಮ್‌ ಕಾರ್ಬೆಟ್‌ ಅವರನ್ನು ಕೇಳಿದರೆ ಹೌದು ಎಂದು ಬಿಡುತ್ತಾರೆ. ಅದಕ್ಕೆ ಅವರು ಟೆಂಪಲ್ ಟೈಗರ್ ಅಂಡ್ ಮೋರ್ ಮ್ಯಾನ್-ಈಟರ್ಸ್ ಆಫ್ ಕುಮಾನ್ ಎಂಬ ಪುಸ್ತಕದಲ್ಲಿ ಜಿಮ್‌ ಕಾರ್ಬೆಟ್‌ ಎರಡು ಹುಲಿಗಳು ನರಭಕ್ಷಕವಾಗಿದ್ದರ ರೋಚಕ ಕಥನವನ್ನು ತೆರೆದಿಡುತ್ತಾರೆ. ಈಗಿನ ಉತ್ತರಾಖಂಡದಲ್ಲಿ 30ರ ದಶಕದಲ್ಲಿ ಜಿಮ್‌ ಕಾರ್ಬೆಟ್‌ ತೆರೆದಿಟ್ಟ ಚಂಪಾವತ್ ಹುಲಿ, ಚುಕಾ ನರಭಕ್ಷಕ ಹುಲಿ, ಥಕ್ ನರಭಕ್ಷಕ, ಸೇಗೂರಿನ ಹುಲಿ, ಶಿಮ್ಲಾದ ಹುಲಿ, ಮುಂಡಚಿಪಳ್ಳದ ಹುಲಿ, ಚೌಗಢದ ಹುಲಿಗಳು, ಜೋಳಗಿರಿಯ ಹುಲಿ ಕಥಾನಕಗಳು ಒಂದಕ್ಕಿಂತ ಒಂದು ರೋಚಕ.</p>

<p>ಇದೇ ಪ್ರಶ್ನೆಯನ್ನು ಅರಣ್ಯ ಇಲಾಖೆಗೆ ಕೇಳಿದರೆ ಹುಲಿಯಿದ್ದರೆ ಕಾಡು, ಕಾಡಿದ್ದರೆ ನಾಡು. ಅದು ಬೇಟೆಯಾಡುವ ಸನ್ನಿವೇಶ, ಹುಲಿ ದೈಹಿಕ ಸ್ಥಿತಿಗತಿ ನೋಡಿಕೊಂಡು ಹೇಳಬೇಕಾಗುತ್ತದೆ ಎನ್ನುತ್ತಾರೆ. ಕಾಡಂಚಿನ ಜನರನ್ನು ಕೇಳಿದರೆ ಅವರಿಗೆ ಕಾಡ ಮೇಲೂ ಅಭಿಮಾನ, ಹುಲಿ ಮೇಲೂ ಪ್ರೀತಿ ಎನ್ನುವ ಸನ್ನಿವೇಶ. ಏನಾದರೂ ತೊಂದರೆಯಾದಾಗ ಮಾತ್ರ ಅವರ ಸಿಟ್ಟು ಹುಲಿ ಮೇಲೆ. ಇಲ್ಲದೇ ಇದ್ದರೆ ಹುಲಿ ಮೇಲಿನ ಸವಾರಿಯಂತಹ ಬದುಕಿನ ನಡುವೆ ಹುಲಿಯನ್ನೂ ಬಿಟ್ಟುಕೊಡುವುದಿಲ್ಲ.</p>

<h2>ಹತ್ತಾರು ಕಡೆ ನರಭಕ್ಷಕ ಪಟ್ಟ</h2><ul><li>ಸರಿಯಾಗಿ ಐದು ವರ್ಷದ ಹಿಂದೆ ಇದೇ ನವೆಂಬರ್‌ನಲ್ಲಿ ಮಹಾರಾಷ್ಟ್ರದ ಯಾವತ್ಮಲ್‌ ಜಿಲ್ಲೆಯ ಪಂಧರ್‌ಕಾವಡ ಅರಣ್ಯ ಪ್ರದೇಶದಿಂದ ಹೊರ ಬಂದು ಜನರ ಮೇಲೆ ದಾಳಿ ಮಾಡುತ್ತಲೇ ಇದ್ದ ಹೆಣ್ಣು ಹುಲಿ ಅವನಿ ಕೊನೆಗೆ ನರಭಕ್ಷಕವಾಗಿ ಪರಿವರ್ತನೆಗೊಂಡಿತ್ತು. ತನ್ನ ಮರಿಗಳನ್ನು ರಕ್ಷಿಸಲು ಅನಿವಾರ್ಯವಾಗಿ ಸುಲಭದ ಬೇಟೆಯಾದ ಮನುಷ್ಯನನ್ನು ಅವನಿ ಹಿಡಿಯ ತೊಡಗಿತ್ತು. ಅದು ಬರೋಬ್ಬರಿ 14 ಮಂದಿಯನ್ನುಕೊಂದಿತ್ತು. ಅದರಲ್ಲಿ ಕೆಲವರ ದೇಹದ ಭಾಗಗಳನ್ನೂ ತಿಂದು ಹಾಕಿತ್ತು. ಹುಲಿ ಕೊಂದು ಹಾಕಿ ಎಂದು ಸ್ಥಳೀಯರ ಆಕ್ರೋಶ ಜೋರಾಗಿಯೇ ಇತ್ತು. ಸುಪ್ರೀಂಕೋರ್ಟ್ ಹುಲಿ ಕೊಲ್ಲಲು ಅನುಮತಿ ಕೊಟ್ಟಿತ್ತು. ಮಹಾರಾಷ್ಟ್ರ ಅರಣ್ಯ ಇಲಾಖೆ ಹುಲಿಯನ್ನು ನರಭಕ್ಷಕ ಎಂದು ಘೋಷಿಸಿ ಸೆರೆ ಹಿಡಿಯಲು ಇಲ್ಲವೇ ಗುಂಡಿಕ್ಕಿ ಕೊಲ್ಲಲು ಆದೇಶಿಸಿತು. ಕೊನೆಗೆ ಹುಲಿ ಸೆರೆಗೆ ಎಲ್ಲ ಪ್ರಯತ್ನಗಳು ನಡೆದು ಅವನಿಗೆ ಅರವಳಿಕೆಯನ್ನೂ ನೀಡಲಾಗಿತ್ತು. ಅದರ ಬೆನ್ನಲ್ಲೇ ಗುಂಡಿಕ್ಕಿ ಕೊಲ್ಲಲಾಗಿತ್ತು. ಹುಲಿ ಜೀವ ಬಿಟ್ಟರೆ ಮರಿಗಳು ಅನಾಥವಾಗಿದ್ದವು. ಕೊನೆಗೆ ಅರಣ್ಯ ಇಲಾಖೆಯೇ ಮರಿಗಳ ಪಾಲನೆ ಉಸ್ತುವಾರಿ ಹೊತ್ತಿತ್ತು. ಅವನಿ ಮರಿಗಳು ಎರಡು ವರ್ಷದ ಆರೈಕೆ ನಂತರ ಕಾಡು ಸೇರಿದ್ದವು. ಅವನಿ ಸಾವಿನ ಕುರಿತು ತನಿಖೆ ನಡೆದರೂ ಏನೂ ಆಗಲಿಲ್ಲ.</li><li>ಕೊಡಗಿನ ಕೆ.ಬಾಡಗ ಗ್ರಾಮದ ಚೂರಿಕಾಡು ಎಂಬಲ್ಲಿ ಇದೇ ವರ್ಷದ ಫೆಬ್ರವರಿಯಲ್ಲಿ ಹುಲಿ ಅಬ್ಬರ. ಒಂದೇ ಕುಟುಂಬದ ಇಬ್ಬರನ್ನು ಸಾಯಿಸಿ ತಿಂದು ಹಾಕಿತ್ತು ಹುಲಿ. ಕೊಡಗಿನ ಜನರ ಆಕ್ರೋಶಕ್ಕೆ ಅರಣ್ಯ ಇಲಾಖೆ ಮಣಿದು ಹುಲಿ ಕೊಂದು ಹಾಕಲು ಆದೇಶಿಸಿತ್ತು. ಆದರೆ ಫೆಬ್ರವರಿ14 ರಂದು 2021ನರಭಕ್ಷಕ ಹುಲಿಯನ್ನು ಸೆರೆ ಹಿಡಿಯಲಾಯಿತು. ಇದಕ್ಕೂ ಎರಡು ವರ್ಷದ ಹಿಂದೆಯೂ ಕೊಡಗಿನ ಪೊನ್ನಂಪೇಟೆ ತಾಲೂಕಿನ ಶ್ರೀಮಂಗಲ ಹೋಬಳಿಯಲ್ಲಿ ಅರಣ್ಯ ಇಲಾಖೆ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ 8-9 ವರ್ಷ ವಯಸ್ಸಿನ ನರಭಕ್ಷಕ ಹೆಣ್ಣು ಹುಲಿಯಲ್ಲಿ ಸೆರೆ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದರು. ಇದು ಕೂಡ ಇಬ್ಬರನ್ನು ಕೊಂದಿತ್ತು.</li><li>ಎರಡು ವರ್ಷದ ಹಿಂದಿನ ಅಕ್ಟೋಬರ್‌ ಸಮಯ. ತಮಿಳುನಾಡಿನ ನೀಲಗಿರಿ ಜಿಲ್ಲೆಯಲ್ಲಿ ನರಭಕ್ಷಕ ಹುಲಿಯ ಕಾಟ ಮಿತಿಮೀರಿತ್ತು. ಕೆಲ ದಿನಗಳಿಂದ ನಾಲ್ವರು ವ್ಯಕ್ತಿಗಳನ್ನು ಹುಲಿ ಕೊಂದಿತ್ತು. ಅಲ್ಲದೇ 20 ಜಾನುವಾರುಗಳನ್ನು ತಿಂದು ಹಾಕಿತ್ತು. ತಮಿಳುನಾಡಿನ ಪ್ರಧಾನ ಮುಖ್ಯ ಅರಣ್ಯ ಮತ್ತು ವನ್ಯಜೀವಿ ಸಂರಕ್ಷಣೆಯ ವಾರ್ಡನ್ ಈ ನರಭಕ್ಷಕ ಹುಲಿಯನ್ನುಕೊಲ್ಲಲು ಆದೇಶ ಹೊರಡಿಸಿದ್ದರು, ಅರಣ್ಯ ಇಲಾಖೆಯ ಅಧಿಕಾರಿಗಳು ಸಂಯಮದಿಂದ ಹುಲಿ ಸೆರೆ ಹಿಡಿದಿದ್ದರು.</li><li>ಇದು ಕಳೆದ ವರ್ಷ ಬಿಹಾರದಲ್ಲಿ ನಡೆದ ಘಟನೆ. ಅಕ್ಟೋಬರ್ 9, 2022ರಂದು ವಾಲ್ಮೀಕಿ ಹುಲಿ ಸಂರಕ್ಷಿತ ಪ್ರದೇಶದ ನರಭಕ್ಷಕ ಹುಲಿ ಗುಂಡಿಕ್ಕಿ ಕೊಲ್ಲಲು ಆದೇಶಿಸಲಾಗಿತ್ತು. ಒಂದು ತಿಂಗಳ ಅವಧಿಯಲ್ಲಿ ಈ ಹುಲಿ 9 ಮಂದಿ ಕೊಂದು ಕೆಲವರನ್ನು ತಿಂದಿತ್ತು. ಕೊನೆಗೆ ಕಾರ್ಯಾಚರಣೆ ನಡೆಸಿ ಹುಲಿ ಸೆರೆ ಸಿಗದ ಕಾರಣ ಕೊಂದು ಹಾಕಲಾಯಿತು.</li><li>ಕರ್ನಾಟಕದ ಬಂಡೀಪುರ ಪ್ರದೇಶದಲ್ಲಿ ನಾಲ್ಕು ವರ್ಷದ ಹಿಂದೆ(2019) ಫೆಬ್ರವರಿಯಲ್ಲಿ ಹಾಗೂ ನಾಗರಹೊಳೆಯಲ್ಲಿ ಅಕ್ಟೋಬರ್‌ನಲ್ಲಿ ಹುಲಿ ಉಪಟಳ ಮಿತಿ ಮೀರಿತ್ತು. ಗುಂಡ್ಲುಪೇಟೆ ತಾಲ್ಲೂಕಿನ ಶಿವಮಾದಪ್ಪ ಹಾಗೂ ಶಿವಪ್ಪ ಎಂಬಿಬ್ಬರನ್ನು ಹುಲಿ ಕೊಂದು ಒಬ್ಬರ ದೇಹದ ಭಾಗ ತಿಂದು ಹಾಕಿತ್ತು. ಆಗ ಹುಲಿ ಸೆರೆ ಕಾರ್ಯಾಚರಣೆ ತೀವ್ರಗೊಂಡಿತ್ತು. ಅಕ್ಟೋಬರ್‌ 12ರಂದು ಹುಲಿ ಸಿಗದೇ ಇದ್ದಾಗ ಕೊಂದು ಹಾಕಲಾಗಿತ್ತು. ಹೆಚ್.ಡಿ.ಕೋಟೆ ತಾಲೂಕಿನ ನಾಗರಹೊಳೆ ಅಭಯಾರಣ್ಯದ ಮಾನಿಮೂಲೆ ಹಾಡಿಯ ಮಧು ಎಂಬಾತನನ್ನು ಬಲಿ ಪಡೆದಿದ್ದ ವ್ಯಾಘ್ರ, ಹುಲ್ಮಟ್ಟು ಗ್ರಾಮದ ಚಿನ್ನಪ್ಪ, ಹೊಸೂರು ಹಾಡಿಯ ಕೆಂಚ ಅವರನ್ನು ಕೊಂದು ಹಾಕಿತ್ತು.ಕೊನೆಗೆ ಸೇಬಿನಕೊಲ್ಲಿ ಎಂಬಲ್ಲಿ ಹುಲಿ ಸೆರೆ ಸಿಕ್ಕಿತು.</li><li>ಇದಾದ ನಾಲ್ಕು ವರ್ಷದ ನಂತರ ಮತ್ತೆ ನಾಗಹೊಳೆ ಹಾಗೂ ಬಂಡೀಪುರ ಭಾಗದಲ್ಲಿ ಈಗ ಹುಲಿ ಉಪಟಳ. ಕೆಲವೇ ದಿನದ ಅಂತರದಲ್ಲಿ ನಾಲ್ವರನ್ನು ಹುಲಿ ಕೊಂದು ಹಾಕಿವೆ. ಕೋಟೆ ತಾಲ್ಲೂಕಿನಲ್ಲಿ ಬಾಲಕನನ್ನು ಕೊಂದಿದ್ದ ಹುಲಿ ಸೆರೆ ಸಿಕ್ಕಿತ್ತು. ಈಗ ನಂಜನಗೂಡು ತಾಲ್ಲೂಕಿನಲ್ಲಿ ರತ್ನಮ್ಮ ಎಂಬುವವರನ್ನು ಕೊಂದು ದೇಹದ ಭಾಗ ತಿಂದಿದೆ. ಸೆರೆ ಸಿಕ್ಕಿರುವ ಈ ಹುಲಿ ನರಭಕ್ಷಕ ಎಂದೇ ಚರ್ಚೆಯಾಗುತ್ತಿದೆ.</li></ul></p>

<blockquote class="twitter-tweet"><p lang="en" dir="ltr">Tiger is not born man eater. Even if it shows aggression, it’s a mock. It’s a construct. It’s time to set the right narrative about the true nature of tiger. It’s important when tigers are increasing and dispersing in new areas. Here is an example. <a href="https://t.co/U5KId7bZ3V">pic.twitter.com/U5KId7bZ3V</a></p>&mdash; Ramesh Pandey (@rameshpandeyifs) <a href="https://twitter.com/rameshpandeyifs/status/1678059380888182784?ref_src=twsrc%5Etfw">July 9, 2023</a></blockquote> <script async src="https://platform.twitter.com/widgets.js" charset="utf-8"></script>

<h2>ನರಭಕ್ಷಕ ಹಾದಿಯ ಸುತ್ತಾ ಮುತ್ತ</h2><p>ಭಾರತದಲ್ಲಿ ಹುಲಿಗಳ ಸಂಖ್ಯೆ ಸಹಸ್ರಾರು ಲೆಕ್ಕದಲ್ಲಿ ಇದ್ದುದು ಅದು ಶತಮಾನದ ಹಿಂದಿನ ಕಥೆ. ಕರ್ನಾಟಕದ ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲ್ಲೂಕಿನ ತ್ಯಾಗರ್ತಿ ಎಂಬ ಗ್ರಾಮವನ್ನುಹುಲಿಯ ಸಾಮ್ರಾಜ್ಯವಾಗಿತ್ತು. ಹುಲಿ ಬೇಟೆಯೂ ನಡೆಯುತ್ತಿತ್ತು. ಹುಲಿಗಳು ನರಭಕ್ಷಕ ಎನ್ನುವ ಹಣೆಪಟ್ಟಿಯನ್ನೂ ಪಡೆದಿದ್ದವು ಎನ್ನುವುದನ್ನು ಪೂರ್ಣಚಂದ್ರ ತೇಜಸ್ವಿ ಅವರು ಬೆಳ್ಳಂದೂರಿನ ನರಭಕ್ಷಕ ಕೃತಿ ಬಿಂಬಿಸುತ್ತದೆ.</p>

<p>ಅದೇ ರೀತಿ ಜಿಮ್‌ ಕಾರ್ಬೆಟ್‌ ಹಾಗೂ ಕೆನೆತ್‌ ಅಂಡರ್‌ಸನ್‌ ಅವರ ಕೃತಿಗಳಲ್ಲಿ ಹುಲಿ ಹಾಗೂ ಚಿರತೆ ನರಭಕ್ಷಕ ಹೇಗಾದವು ಎಂಬುದರ ಹತ್ತಾರು ರೋಚಕ ಕಥೆಗಳು ಇವೆ.</p>

<p>ಇದು ಆಗಿನ ಕಾಲದ್ದು. ಆಗ ಕಾಡೂ ಯಥೇಚ್ಛವಾಗಿತ್ತು. ವನ್ಯಜೀವಿಗಳೂ ಯಥೇಚ್ಛವಾಗಿಯೇ ಇದ್ದವು. ಈಗ ಕಾಲ ಬದಲಾಗಿದೆ. ಭಾರತದಲ್ಲಿ ಅಳಿವಿನಂಚಿಗೆ ಬಂದು ನಿಂತಿರುವ ಹುಲಿಗಳು ಅಸ್ತಿತ್ವ ಉಳಿಸಿಕೊಳ್ಳಲು ಹೋರಾಡುವ ಅನಿವಾರ್ಯ ಸ್ಥಿತಿಯೂ ಇದೆ.</p>

<p>ಹುಲಿ ಯೋಜನೆ ಜಾರಿಗೊಂಡ ನಂತರ ಹುಲಿಗಳ ಸಂಖ್ಯೆಯೂ ಹೆಚ್ಚಿದೆ. ಆದರೆ ಅರಣ್ಯ ಪ್ರದೇಶ ಮಾತ್ರ ಕಡಿಮೆಯಾಗುತ್ತಿದೆ. ಇದರಿಂದ ಹುಲಿಗಳ ಆವಾಸ ಸ್ಥಾನದಲ್ಲಿ ಕುಸಿತ ಕಂಡಿದೆ. ಸೀಮಿತ ಪ್ರದೇಶದಲ್ಲಿ ತಮ್ಮಆವಾಸ ಸ್ಥಾನ ಉಳಿಸಿಕೊಳ್ಳಲು ಆಂತರಿಕ ಸಂಘರ್ಷ ಎದುರಿಸಿ ಅನಿವಾರ್ಯವಾಗಿ ಕಾಡು ಹೊರಬಿಟ್ಟು ಬರುವ ಹುಲಿಗಳು ಮನುಷ್ಯರ ಮೇಲೆ ದಾಳಿ ಮಾಡಿ ನರಹಂತಕ ಇಲ್ಲವೇ ನರಭಕ್ಷಕ ಪಟ್ಟ ಪಡೆಯುತ್ತಲೇ ಇವೆ.</p>

<p>ಎಂಟು ವರ್ಷದ ಹಿಂದೆ ಚಿಕ್ಕಮಗಳೂರು ಜಿಲ್ಲೆಯ ಭದ್ರಾದಲ್ಲಿ ಗಾಯಗೊಂಡಿದ್ದ ಹುಲಿಯೊಂದನ್ನು ಸೆರೆ ಹಿಡಿದು ಉತ್ತರ ಕನ್ನಡದ ಅಣಶಿ ಕಾಡಿಗೆ ಬಿಡಲಾಗಿತ್ತು. ಅದು ಬೆಳಗಾವಿ ಜಿಲ್ಲೆ ಭೀಮಗಡ ಅರಣ್ಯದಲ್ಲಿ ಕಾಣಿಸಿಕೊಂಡು ಗರ್ಭಿಣಿಯನ್ನು ತಿಂದು ಹಾಕಿತ್ತು. ಒಂದು ಪ್ರದೇಶದಿಂದ ಮತ್ತೊಂದು ಪ್ರದೇಶಕ್ಕೆ ಹುಲಿಯನ್ನು ಸ್ಥಳಾಂತರಿಸುವಾಗಲೂ ಎಚ್ಚರಿಕೆ ವಹಿಸದೇ ಇದ್ದರೆ ಅವುಗಳಿಗೆ ನರಹಂತಕ ಪಟ್ಟ ಸುಲಭವಾಗಿ ಬಂದು ಬಿಡಬಹುದು ಎನ್ನುವುದಕ್ಕೆ ಈ ಘಟನೆ ಸಾಕ್ಷಿಯಾಗಿತ್ತು.</p>

<p>ಹುಲಿ ಬೇಟೆಗಾರ ಪ್ರಾಣಿ. ಅದು ಕನಿಷ್ಟ ವಾರಕ್ಕೆ ಒಂದಾದರೂ ಬೇಟೆಯಾಡುತ್ತದೆ. ಅಂದರೆ ವರ್ಷಕ್ಕೆ 52 ಬೇಟೆ. ಒಮ್ಮೆ ಬೇಟೆಯಾಡಿದರೆ ಕನಿಷ್ಟ ಮೂರ್ನಾಲ್ಕು ದಿನದವರೆಗೂ ಇಟ್ಟುಕೊಂಡು ತಿನ್ನುವ ಸ್ವಭಾವದ ಹುಲಿಯದ್ದು. ಕಾಡಿನೊಳಗಾದರೆ ಕಾಡೆಮ್ಮೆ, ಕಡವೆ, ಜಿಂಕೆ ಅದರ ಪ್ರಮುಖ ಆಹಾರ. ಹುಲಿಗೆ ವಯಸ್ಸಾದರೆ ಇಲ್ಲವೇ ಕಾದಾಟದಲ್ಲಿ ಕೋರೆ ಕಲ್ಲು ಮುರಿದುಕೊಂಡರೆ ಬೇಟೆ ಸಾಮರ್ಥ್ಯ ಕಡಿಮೆಯಾಯಿತೆಂದರೆ ಅರಣ್ಯದಂಚಿನಲ್ಲಿ ಜಾನುವಾರು ಇಲ್ಲವೇ ಮನುಷ್ಯನ ಮೇಲೆಯೇ ದಾಳಿ ಮಾಡುವಂತದ್ದು.</p>

<p>ಭಾರತದ 54 ಹುಲಿ ಸಂರಕ್ಷಿತ ಪ್ರದೇಶಗಳಲ್ಲಿ 10 ಹೆಚ್ಚು ರಾಜ್ಯಗಳ 20 ಕ್ಕೂ ಅಧಿಕ ಹುಲಿ ಧಾಮಗಳಲ್ಲಿ ಇಂತಹ ಸಂಘರ್ಷಗಳಿವೆ. ಹಲವು ಹುಲಿಗಳು ನರಭಕ್ಷಕ ಪಟ್ಟ ಕಟ್ಟಿಕೊಂಡು ಗುಂಡೇಟಿಗೆ ಬಲಿಯಾಗಿವೆ. ಮೃಗಾಲಯ ಅಥವಾ ಪುನರ್ವಸತಿ ಕೇಂದ್ರ ಸೇರಿದ ಉದಾಹರಣೆಯೇ ಹೆಚ್ಚಿವೆ. ಒಂದು ದಶಕದಲ್ಲಿಯೇ ಭಾರತದಲ್ಲಿ 30 ಕ್ಕೂ ಅಧಿಕ ನರಭಕ್ಷಕ ಹುಲಿಗಳ ರೋಚಕ ಕಥೆಗಳನ್ನು ನೋಡಿದ್ದೇವೆ.</p>

<h2>ತಜ್ಞರು ಹೇಳುವಂತೆ</h2><p>ಎಂಬತ್ತರ ದಶಕದಲ್ಲಿ ನಾನು ನೋಡಿದ ಹಾಗೆ ಹುಲಿಗಳ ಸಂಖ್ಯೆ ಕಡಿಮೆಯಿದ್ದವು. ಆನಂತರದ ಸಂರಕ್ಷಣಾ ಕಾರ್ಯಕ್ರಮಗಳ ಫಲವಾಗಿ ಈಗ ಹುಲಿಗಳ ಸಂಖ್ಯೆ ಅಧಿಕವಾಗಿದೆ. ಇದು ಸಂಘರ್ಷದ ಪ್ರಮಾಣ ಹೆಚ್ಚಿಸಿದೆ. ಹುಲಿ ಹೊಂಚು ಹಾಕಿ ಬೇಟೆಯಾಡುವ ಪ್ರಾಣಿ. ಅದಕ್ಕೆ ಸಾಮರ್ಥ್ಯ ಇರುವ ತನಕದ ಕಾಡಿನಲ್ಲೇ ಬೇಟೆಯಾಡುತ್ತದೆ. ಗಾಯಗೊಂಡ ನಂತರ ಇಲ್ಲವೇ ವಯಸ್ಸಾದಾಗ ಅನಿವಾರ್ಯವಾಗಿ ಮನುಷ್ಯದ ಮೇಲೆ ದಾಳಿ ಮಾಡಬಹುದು. ಮನುಷ್ಯನನ್ನೂ ತಿಂದ ಉದಾಹರಣೆಗಳೂ ಸಾಕಷ್ಟಿವೆ. ಇವು ನರಭಕ್ಷಕ ಎಂದೇ ಗುರುತಿಸಿಕೊಳ್ಳುತ್ತವೆ. ಇವು ಇನ್ನಷ್ಟು ಜನ, ಜಾನುವಾರುಗಳನ್ನು ಕೊಂದು ಅರಣ್ಯದಂಚಿನ ಜನರಲ್ಲಿ ಆಕ್ರೋಶ ಹುಟ್ಟು ಹಾಕುವ ಮೊದಲೇ ಗುಂಡಿಕ್ಕಿ ಕೊಲ್ಲಿ ಎಂದು ನಾನು ಮೊದಲಿನಿಂದಲೂ ಪ್ರತಿಪಾದಿಸುತ್ತಿದ್ದೇನೆ. ಈಗಲೂ ಬಂಡೀಪುರದಲ್ಲಿ ಆಗಿರುವ ಸನ್ನಿವೇಶಕ್ಕೂ ಅದನ್ನೇ ಹೇಳೋದು ಎಂದು ಹಿರಿಯ ವನ್ಯಜೀವಿ ತಜ್ಞ ಡಾ.ಉಲ್ಲಾಸ ಕಾರಂತ ಹೇಳುತ್ತಾರೆ.</p>

<p>ಹುಲಿ ಮನುಷ್ಯನ ಮೇಲೆ ದಾಳಿ ಮಾಡಿ ದೇಹದ ಭಾಗ ತಿಂದು ಹಾಕಿದಾಗ ಅದನ್ನು ನರಭಕ್ಷಕ ಎಂದು ನಾವು ಹೇಳುತ್ತೇವೆ. ಅದನ್ನು ಘೋಷಿಸಬೇಕಾದವರು ಅರಣ್ಯ ಇಲಾಖೆಯವರು. ಅವರು ಜನ ಒತ್ತಾಯಿಸಿದರು ಎಂದ ತಕ್ಷಣ ನರಭಕ್ಷಕ ಎಂದು ಬಿಡುವುದಿಲ್ಲ. ರಾಷ್ಟ್ರೀಯ ಹುಲಿ ಸಂರಕ್ಷಣಾ ಪ್ರಾಧಿಕಾರವು ಇದಕ್ಕಾಗಿಯೇ ಕೆಲವು ಮಾರ್ಗಸೂಚಿಗಳನ್ನು ರೂಪಿಸಿದೆ. ಹುಲಿ ಮನುಷ್ಯನ ಬೇಟೆಗೆ ಇಳಿದ ಸನ್ನಿವೇಶ, ಅದರ ವಯಸ್ಸು, ದಾಳಿ ಮಾಡಿದ ರೀತಿ ಎಲ್ಲವನ್ನೂ ಪರಿಗಣನೆಗೆ ತೆಗೆದುಕೊಳ್ಳುತ್ತದೆ. ಬರೀ ಮನುಷ್ಯರನ್ನೇ ಗುರಿಯಾಗಿಸಿಕೊಂಡು ದಾಳಿ ಮಾಡಿದರೆ ಆಗ ನರಭಕ್ಷಕ ಎಂದು ಆಯಾ ರಾಜ್ಯಗಳ ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಹಾಗೂ ವನ್ಯಜೀವಿ ಪರಿಪಾಲಕರು ಅದಕ್ಕೆ ಆದೇಶ ನೀಡಬೇಕಾಗುತ್ತದೆ. ಹಾಗೆ ಆದೇಶ ನೀಡಿದ ಉದಾಹರಣೆಗಳೂ ಹಲವು ಕಡೆ ಇದೆ. ನ್ಯಾಯಾಲಯವೂ ಈ ವಿಚಾರದಲ್ಲಿ ಹಲವು ಪ್ರಕರಣಗಳಲ್ಲಿ ಸೂಚನೆಯನ್ನು ನೀಡಿದ್ದೂ ಇದೆ. </p>

<p>ಹುಲಿಗಳು ನರಭಕ್ಷಕ ಹೌದೋ ಅಲ್ಲವೋ ಎನ್ನುವ ಚರ್ಚೆಗಳು ಭಾರತದಲ್ಲಿ ಹೊಸದೇನೂ ಅಲ್ಲ. ಹುಲಿ ಯಾರದೋ ಮೇಲೆ ದಾಳಿ ಮಾಡಿದಾಗ ನರ ಹಂತಕ ಇಲ್ಲವೇ ನರಭಕ್ಷಕ ಎನ್ನುವ ಮಾತುಗಳು ಕೇಳಿ ಬರುತ್ತವೆ. ಸ್ವಲ್ಪ ದಿನದಲ್ಲಿ ಇದು ಮರೆತೇ ಹೋಗುತ್ತದೆ. ಮತ್ತದು ಚರ್ಚೆಗೆ ಬರಲು ಹುಲಿ ಮತ್ತೆಲ್ಲೋ ದಾಳಿ ಮಾಡಲೇಬೇಕಷ್ಟೇ.</p>

<h2>(ಈ ಬರಹದ ಬಗ್ಗೆ ನಿಮ್ಮ ಸಲಹೆ, ಅಭಿಪ್ರಾಯಗಳಿಗೆ ಸ್ವಾಗತ. ನಿಮ್ಮ ಪ್ರತಿಕ್ರಿಯೆ ನಮ್ಮ ಬರೆಹಗಳಿಗೆ ಜೀವಾಳ. umesh.bhatta@htdigital.in ಅಥವಾ ht.kannada@htdigital.in ಗೆ ಪ್ರತಿಕ್ರಿಯೆ ಇ-ಮೇಲ್​ ಮಾಡಬಹುದು.)</h2></p>

ಕ್ಯಾನ್‌ನಿಂದ ಬಾಟಲಿಗೆ ನೀರು ಹಾಕಲು ಒದ್ದಾಡಿದ ಮೂವರು; ಇವರದ್ದು ಪಕ್ಕಾ ವಾಟ್ಸಾಪ್​ ಯುನಿವರ್ಸಿಟಿ ಎಂದ ನೆಟ್ಟಿಗರು

Social media viral post

<ul><li>ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ವಿಡಿಯೋಗಳು ವೈರಲ್​ ಆಗುತ್ತಲೇ ಇರುತ್ತದೆ. ಫನ್ನಿ ವಿಡಿಯೋಗಳಿಗಂತೂ ಇಲ್ಲಿ ಬರ ಇರುವುದೇ ಇಲ್ಲ. ಇದೀಗ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿರುವ ವಿಡಿಯೋದಲ್ಲಿ ಮೂವರು ಕ್ಯಾನ್​ನಿಂದ ಬಾಟಲಿಗೆ ನೀರು ವರ್ಗಾಯಿಸೋಕೆ ಎಷ್ಟೆಲ್ಲ ಹರಸಾಹಸ ಪಟ್ಟಿದ್ದಾರೆ ಅನ್ನೋದನ್ನು ನೀವೇ ನೋಡಿ</li></ul>

Brain Teaser: ಈ ಗಣಿತದ ಪಜಲ್‌ ನಿಮ್ಮ ತಲೆಗೆ ಹುಳ ಬಿಡುವುದು ಪಕ್ಕಾ; ಜಾಣರಾದ್ರೆ ಇದಕ್ಕೆ  ಉತ್ತರ ಹುಡುಕಿ

<ul><li>ನಾವೆಷ್ಟೇ ಬುದ್ಧಿವಂತರಿದ್ದರೂ ಗಣಿತದ ಕೆಲವು ಸವಾಲುಗಳು ತಲೆಗೆ ಹುಳ ಬಿಟ್ಟು ಬಿಡುತ್ತವೆ. ಎಷ್ಟೇ ಗುಣಿಸಿ, ಭಾಗಿಸಿ, ಕೂಡಿಸಿ, ಕಳೆದರೂ ಸರಿಯಾದ ಉತ್ತರ ಮಾತ್ರ ಸಿಗೋದೇ ಇಲ್ಲ. ಆದರೆ ಕೆಲವರಿಗೆ ಗಣಿತ ಸವಾಲು ಎಂದರೆ ನೀರು ಕುಡಿದಷ್ಟೇ ಸುಲಭ, ಅಂತಹವರಿಗಾಗಿ ಇಲ್ಲಿದೆ ಒಂದು ಪಜಲ್‌.&nbsp;</li></ul>

ರಂಗಮಂಚದಲ್ಲಿ ಚಾರು ವಸಂತ ಮ್ಯಾಜಿಕ್; ಜೀವನರಾಂ ಸುಳ್ಯ ನಿರ್ದೇಶನ ನಾಟಕದ ಬಗ್ಗೆ ಮಮತಾ ಅರಸೀಕೆರೆ ಬರಹ

<ul><li>ಹಿರಿಯ ಸಾಹಿತಿ ಹಂಪನಾ ಅವರ ಚಾರು ವಸಂತ ಖಂಡಕಾವ್ಯವನ್ನು ನಾ ದಾಮೋದರ ಶೆಟ್ಟಿ ಅವರು ರಂಗರೂಪಕ್ಕೆ ಇಳಿಸಿದರೆ, ಜೀವನ ರಾಂ ಸುಳ್ಯ ಈ ನಾಟಕವನ್ನು ನಿರ್ದೇಶಿಸಿ ರಂಗದ ಮೇಲೆ ಮ್ಯಾಜಿಕ್‌ ಅನ್ನೇ ಸೃಷ್ಟಿಸಿದ್ದಾರೆ. ಚಾರು ವಸಂತ ನಾಟಕ ಬಗ್ಗೆ ಮಮತಾ ಅರಸೀಕರೆ ಅವರ ಫೇಸ್‌ಬುಕ್‌ ಬರಹ ಹೀಗಿದೆ&nbsp;</li></ul>

Viral News: ಇಡೀ ದಿನ ನಾನೇನು ಮಾಡಿಲ್ಲ ಎಂದ ಗೃಹಿಣಿ: ಇದಕ್ಕೆ ಪತಿ ನೀಡಿದ ಉತ್ತರ ನೆಟ್ಟಿಗರ ಮನಗೆದ್ದಿತು

house wife

<ul><li>Housewives: ಗೃಹಿಣಿಯರು ಎಂದರೆ ಅವರು ಮನೆಯ ಖರ್ಚಿಗೆ ಆಸರೆಯಾಗುವುದಿಲ್ಲ ಎಂಬ ಅಭಿಪ್ರಾಯ ಅನೇಕರಲ್ಲಿದೆ. ಆದರೆ ಮನೆಗೆಲಸ, ಮಕ್ಕಳ ಲಾಲನೆ ಪಾಲನೆ, ಮನೆಯಲ್ಲಿ ಹಿರಿಯರ ಯೋಗಕ್ಷೇಮ ಇವೆಲ್ಲವನ್ನೂ ನೋಡಿಕೊಳ್ಳುವ ಗೃಹಿಣಿಯು ತಾವು ಯಾವುದಕ್ಕೂ ಪ್ರಯೋಜನವಿಲ್ಲವೆಂಬ ಕೀಳರಿಮೆಯಲ್ಲೇ ಬದುಕುತ್ತಿರುವ ಅನೇಕ ಗೃಹಿಣಿಯರನ್ನು ಹುರಿದುಂಬಿಸಲಿದೆ ಈ ಪೋಸ್ಟ್..</li></ul>

<ul><li>Man eater tiger ಹುಲಿಗಳ ಮನುಷ್ಯನ ಮೇಲೆ ದಾಳಿ ಮಾಡಿದಾಗ ನರಭಕ್ಷಕ ಇಲ್ಲವೇ ನರಹಂತಕ ಎನ್ನುವ ಪಟ್ಟ ನೀಡಲಾಗುತ್ತದೆ. ಈಗಲೂ ನಮ್ಮಲ್ಲಿ ನರಭಕ್ಷಕ ಹುಲಿಗಳು ಇವೆಯೇ, ಯಾರು ಇದನ್ನು ಘೋಷಿಸುತ್ತಾರೆ, ಭಾರತದಲ್ಲಿನ ಕೆಲವು ಘಟನಾವಳಿಗಳ ಕುರಿತು ಈ ವಾರದ ಕಾಡಿನ ಕಥೆಗಳಲ್ಲಿ…</li></ul>

Operation Bandipur Tiger: ಮಧ್ಯರಾತ್ರಿ ಸೆರೆ ಸಿಕ್ಕ ಬಂಡೀಪುರ ಹುಲಿರಾಯ: ಕೊಂದ ಹಸು ತಿನ್ನಲು ಬಂದಾಗ ಸೆರೆಯಾದ ವ್ಯಾಘ್ರ

<p>ಮೈಸೂರು: ಬಂಡೀಪುರ ಭಾಗದಲ್ಲಿ ಉಪಟಳ ನೀಡಿ ಮಹಿಳೆ ಸಾವಿಗೆ ಕಾರಣವಾಗಿದ್ದ ಭಾರೀ ಗಾತ್ರದ ನರಭಕ್ಷಕ ವ್ಯಾಘ್ರನನ್ನು ಅರಣ್ಯ ಇಲಾಖೆ ಸೆರೆ ಹಿಡಿದಿದೆ. ಅದೂ ಮಧ್ಯರಾತ್ರಿ ವೇಳೆ ಅರಣ್ಯ ಇಲಾಖೆ ನಡೆಸಿದ ಕಾರ್ಯಾಚರಣೆಯಲ್ಲಿ ಹುಲಿ ಸಿಕ್ಕಿ ಬಿದ್ದಿದೆ.</p>

<p>ಇದರಿಂದ ಆತಂಕದಿಂದ ದಿನ ದೂಡುತ್ತಿದ್ದ ಮೈಸೂರು ಜಿಲ್ಲೆ ನಂಜನಗೂಡು ತಾಲ್ಲೂಕು ಭಾಗದ ಜನ ನಿಟ್ಟುಸಿರು ಬಿಡುವಂತಾಗಿದೆ.</p>

<p>ಎರಡು ದಿನದ ಹಿಂದೆ ಹಸುವೊಂದನ್ನು ಕೊಂದಿದ್ದ ಜಾಗದಲ್ಲಿಯೇ 10 ವರ್ಷದ ಗಂಡು ಹುಲಿ ಸೆರೆ ಹಿಡಿಯಲಾಗಿದೆ. ಸೋಮವಾರ ಮಧ್ಯರಾತ್ರಿ 1.45ರ ಹೊತ್ತಿಗೆ ಹುಲಿ ಅಲ್ಲಿಗೆ ಬಂದಾಗ ಅರವಳಿಕೆ ನೀಡಿ ಹುಲಿಯನ್ನು ಹಿಡಿಯಲಾಯಿತು. ಆನಂತರ ಅದನ್ನು ಮೈಸೂರು ಮೃಗಾಲಯಕ್ಕೆ ತಂದು ಬಿಡಲಾಗಿದ್ದು, ಆರೋಗ್ಯದಿಂದ ಇದೆ.</p>

<p>ಸತತ ಮೂರು ದಿನದಿಂದ ನಡೆದ ಕಾರ್ಯಾಚರಣೆಯಲ್ಲಿ ಹುಲಿಯನ್ನು ಅರಣ್ಯ ಇಲಾಖೆ ಸಿಬ್ಬಂದಿ ಸೆರೆ ಹಿಡಿದಿದ್ದಾರೆ. ನಂಜನಗೂಡು ತಾಲ್ಲೂಕು ಬಳ್ಳೂರು ಹುಂಡಿಯಲ್ಲಿಯೇ ಹುಲಿ ಸಿಕ್ಕಿದ್ದು, ಬೆಳಗಿನ ಜಾವದ ಹೊತ್ತಿಗೆ ಮೈಸೂರು ಮೃಗಾಲಯದ ಪುನರ್ವಸತಿ ಕೇಂದ್ರದಲ್ಲಿ ಬಿಡಲಾಗಿದೆ. ಹುಲಿ ಆರೋಗ್ಯ ತಪಾಸಣೆ ನಡೆದಿದ್ದು,. ಆರೋಗ್ಯ ಸ್ಥಿತಿಗತಿ ತಿಳಿಯಲಿದೆ ಎಂದು ಅಪರ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಕುಮಾರ ಪುಷ್ಕರ್‌(ವನ್ಯಜೀವಿ) ಖಚಿತಪಡಿಸಿದರು.</p>

<p>ಬಳ್ಳೂರು ಹುಂಡಿ ಬಳಿ ದನ ಮೇಯಿಸಲು ಹೋಗದ್ದ ರತ್ನಮ್ಮ ವೆಂಕಟಯ್ಯ ಎಂಬ ಮಹಿಳೆಯ ಮೇಲೆ ಎರಗಿದ್ದ ವ್ಯಾಘ್ರ ಆಕೆಯನ್ನು ಕೊಂದು ಹಾಕಿತ್ತು. ಅಲ್ಲದೇ ದೇಹದ ಭಾಗವನ್ನೂ ತಿಂದು ಹಾಕಿತ್ತು.ಮರು ದಿನ ಅದೇ ಗ್ರಾಮದ ಹಸುವೊಂದರ ಮೇಲೆ ದಾಳಿ ಮಾಡಿ ಕೊಂದು ಹಾಕಿತ್ತು.</p>

<p>ಹುಲಿ ಒಮ್ಮೆ ಬೇಟೆಯಾಡಿದರೆ ಬೇಟೆ ಸ್ಥಳಕ್ಕೆ ಬಂದೇ ಬರುತ್ತದೆ. ಈ ಕಾರಣದಿಂದ ಹುಲಿ ದಾಳಿ ಮಾಡಿದ ಸ್ಥಳದಲ್ಲಿ ಕ್ಯಾಮರಗಳನ್ನು ಅರಣ್ಯ ಇಲಾಖೆ ಅಳವಡಿಸಿತ್ತು. ಸೋಮವಾರ ರಾತ್ರಿ 9ರ ಸಮಯದಲ್ಲಿಯೇ ಹುಲಿ ಹಸು ತಿನ್ನಲು ಬಂದಿರುವುದು ಕ್ಯಾಮರಾದಲ್ಲಿ ಸೆರೆಯಾಗಿತ್ತು. ಇದರಿಂದ ಎಚ್ಚೆತ್ತುಕೊಂಡ ಅರಣ್ಯ ಇಲಾಖೆ ಸಮೀಪದಲ್ಲಿಯೇ ಬೋನು ಇರಿಸಿ ಅದರೊಳಗೆ ವೈದ್ಯಾಧಿಕಾರಿ ಡಾ.ವಾಸೀಂ ಜಾಫರ್‌ ಅವರು ಇರುವಂತೆ ನೋಡಿಕೊಂಡಿತ್ತು. ಅಲ್ಲದೇ ಸಿಬ್ಬಂದಿಯೂ ಅಲ್ಲಿಯೇ ಇದ್ದರು. ಮಧ್ಯರಾತ್ರಿ ಮತ್ತೆ ಹುಲಿ ಬಂದಾಗ ಅದಕ್ಕೆ ಅರವಳಿಕೆಯನ್ನು ಡಾ.ವಾಸೀಂ ಜಾಫರ್‌ ಅವರು ನೀಡುವಲ್ಲಿ ಯಶಸ್ವಿಯಾದರು. ಕೆಲವೇ ಕ್ಷಣದಲ್ಲಿ ಉರುಳಿ ಬಿದ್ದ ಹುಲಿಯನ್ನು ಬಲೆ ಹಾಕಿ ಸೆರೆ ಹಿಡಿದು ಬೆಳಗಿನ ಜಾವವೇ ಮೈಸೂರು ಮೃಗಾಲಯಕ್ಕೆ ತರಲಾಯಿತು. ಅಂದರೆ ಜನ ಏಳುವ ಮುನ್ನವೇ ಹುಲಿ ಕಾರ್ಯಾಚರಣೆಯನ್ನು ಅರಣ್ಯ ಇಲಾಖೆ ಮಾಡಿ ಮುಗಿಸಿದೆ.</p>

<p>ಹುಲಿ ಸೆರೆಗೆ 200 ಕ್ಕೂ ಹೆಚ್ಚು ಅರಣ್ಯ ಇಲಾಖೆ ಸಿಬ್ಬಂದಿ, 100 ಮಂದಿ ಗಿರಿಜನರನ್ನು ನಿಯೋಜನೆ ಮಾಡಲಾಗಿತ್ತು. ಢ್ರೋಣ್‌ ಬಳಸಿ ಹುಲಿ ಜಾಡು ಪತ್ತೆಗೆ ಕ್ರಮ ಕೈಗೊಳ್ಳಲಾಗಿತ್ತು. ಇದರೊಟ್ಟಿಗೆ ಮೂರು ಸಾಕಾನೆಗಳೂ ಸೆರೆ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದರು. ಈ ಭಾಗದಲ್ಲಿ ಹುಲಿ ದಾಳಿ ಆಕ್ರೋಶ ತೀವ್ರವಾಗಿದ್ದರಿಂದ ಹುಲಿಯನ್ನು ಸೆರೆ ಹಿಡಿಯಲು ಇಲ್ಲವೇ ಗುಂಡಿಕ್ಕಿ ಕೊಲ್ಲಲು ಆದೇಶಿಸಲಾಗಿತ್ತು. ಅರಣ್ಯ ಇಲಾಖೆಯೂ ಸವಾಲಾಗಿ ಸ್ವೀಕರಿಸಿ ಹುಲಿಯನ್ನು ಜೀವಂತವಾಗಿ ಹಿಡಿದಿದೆ.</p>

<p>ಹುಲಿ ಸೆರೆ ಹಿಡಿಯಲು ಬಂಡೀಪುರ ಹುಲಿ ಯೋಜನೆ ವ್ಯಾಪ್ತಿಯ ಸಿಬ್ಬಂದಿ, ಅರಣ್ಯ ಇಲಾಖೆ ಮೈಸೂರು ವಿಭಾಗ, ವಿಶೇಷ ಕಾರ್ಯಪಡೆ ಸಹಿತ ವಿವಿಧ ವಿಭಾಗಗಳ ಸಿಬ್ಬಂದಿಯನ್ನು ನಿಯೋಜಿಸಿ ಮೂರು ದಿನವೂ 24 ಗಂಟೆ ಕಾರ್ಯಾಚರಣೆ ನಡೆಸಲಾಗಿತ್ತು. ಎರಡು ರಾತ್ರಿಯೂ ಹುಲಿ ಪತ್ತೆಗೆ ಸಿಬ್ಬಂದಿ ಪ್ರಯತ್ನಿಸಿದ್ದರು. ಮೂರನೇ ದಿನ ರಾತ್ರಿ ಹುಲಿ ಸೆರೆ ಸಿಕ್ಕಿದೆ. ಹುಲಿಯನ್ನು ಮರಳಿ ಕಾಡಿಗೆ ಬಿಡಬೇಕೋ ಅಥವಾ ಮೃಗಾಲಯದಲ್ಲಿಯೇ ಉಳಿಸಬೇಕೋ ಎನ್ನುವ ಕುರಿತು ವೈದ್ಯರ ವರದಿ ಬಂದ ನಂತರ ಹಿರಿಯ ಅಧಿಕಾರಿಗಳು ತೀರ್ಮಾನಿಸಲಿದ್ದಾರೆ. ಸದ್ಯಕ್ಕಂತೂ ಹುಲಿ ಆರೋಗ್ಯವಾಗಿದೆ. ಯಾವುದೇ ಗಾಯಗಳು ಕಂಡು ಬಂದಿಲ್ಲ ಎಂದು ಹುಲಿ ಕಾರ್ಯಾಚರಣೆ ನೇತೃತ್ವ ವಹಿಸಿದ್ದ ಬಂಡೀಪುರ ಹುಲಿ ಯೋಜನೆ ನಿರ್ದೇಶಕ ಡಾ.ರಮೇಶ್‌ ಕುಮಾರ್‌ ತಿಳಿಸಿದರು.</p>

<ul><li>Bandipur Tiger Captured &nbsp;ಮೂರು ದಿನದಿಂದ ಮೈಸೂರು( Mysore) ಜಿಲ್ಲೆಯ ನಂಜನಗೂಡು ತಾಲ್ಲೂಕು ಭಾಗದಲ್ಲಿ ಆತಂಕ ಮೂಡಿಸಿದ್ದ ಬಂಡೀಪುರ ಹುಲಿಯನ್ನು( Bandipur Tiger) ಕರ್ನಾಟಕ ಅರಣ್ಯ ಇಲಾಖೆ( Karnataka Forest Department) ಸೆರೆ ಹಿಡಿದಿದೆ.</li></ul>

Madhya Pradesh Elections 2023: ಮಧ್ಯಪ್ರದೇಶ ವಿಧಾನಸಭೆ ಚುನಾವಣೆ ಅಖಾಡ ಹೀಗಿತ್ತು: ಇಲ್ಲಿದೆ ಪ್ರಮುಖ ಅಂಶಗಳು

<p>ದೇಶದ ಪ್ರಮುಖ ಹಿಂದಿ ಸಾಮ್ಯಾಜ್ಯ ಹಾಗೂ ಬಿಜೆಪಿ ಹಾಗೂ ಕಾಂಗ್ರೆಸ್‌ನ ನೇರ ಹಾಗೂ ಜಿದ್ದಾಜಿದ್ದಿ ರಾಜಕೀಯಕ್ಕೆ ಹೆಸರುವಾಸಿಯಾದ ರಾಜ್ಯ ಮಧ್ಯಪ್ರದೇಶ. ದಶಕಗಳ ನಂತರ ಚೇತರಿಸಿಕೊಂಡು ಹಿಂದಿನ ಬಾರಿ ಅಧಿಕಾರ ಹಿಡಿದರೂ ಬಂಡಾಯದಿಂದ ಉಳಿಸಿಕೊಳ್ಳಲು ಸಾಧ್ಯವಾಗದ ಕಾಂಗ್ರೆಸ್‌, ಆಡಳಿತ ವಿರೋಧಿ ಅಲೆಯ ನಡುವೆ ಚುನಾವಣೆ ಎದುರಿಸುತ್ತಿರುವ ಬಿಜೆಪಿ ಈ ಬಾರಿಯೂ ಸ್ಪರ್ಧೆಯೊಡ್ಡಿವೆ. ಮತದಾರ ಈಗಾಗಲೇ ತನ್ನ ಹಕ್ಕು ಚಲಾಯಿಸಿದ್ದು ಡಿಸೆಂಬರ್‌ 3ಕ್ಕಾಗಿ ಕಾಯುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಮಧ್ಯಪ್ರದೇಶದ ವಿಧಾನಸಭೆ ಚುನಾವಣೆ, ಫಲಿತಾಂಶ, ಪರಿಣಾಮದ ಕುರಿತು ಇಲ್ಲಿ ಮಾಹಿತಿಯನ್ನು ನೀಡಲಾಗಿದೆ. </p>

<h2>ಮಧ್ಯಪ್ರದೇಶದಲ್ಲಿ ಒಟ್ಟು ವಿಧಾನಸಭಾ ಕ್ಷೇತ್ರಗಳೆಷ್ಟು?</h2><p>ಮಧ್ಯಪ್ರದೇಶದಲ್ಲಿನ ಒಟ್ಟು ವಿಧಾನಸಭಾ ಕ್ಷೇತ್ರಗಳ ಸಂಖ್ಯೆ 230</p>

<h2>ಚುನಾವಣಾ ವೇಳಾಪಟ್ಟಿ </h2><p>ನಾಮಪತ್ರ ಸಲ್ಲಿಕೆಗೆ ಕೊನೆಯ ದಿನಾಂಕ ಅಕ್ಟೋಬರ್‌ 30. ನವೆಂಬರ್‌ 17 ರಂದು ಒಂದೇ ಹಂತದಲ್ಲಿ ಮತದಾನ ಮುಗಿದಿದೆ.</p>

<h2>ಪ್ರಮುಖ ಪಕ್ಷಗಳು ನೀಡಿದ್ದ ಮುಖ್ಯ ಭರವಸೆಗಳು</h2><p>ಬಿಜೆಪಿಯು ಬಡ ಕುಟುಂಬಗಳ ಹೆಣ್ಣು ಮಕ್ಕಳಿಗೆ ಸ್ನಾತಕೋತ್ತರ ಪದವಿವರೆಗೆ ಉಚಿತ ಶಿಕ್ಷಣ, ಪಿಯುಸಿವರೆಗೆ ಎಲ್ಲ ಬಡ ಮಕ್ಕಳಿಗೆ ಉಚಿತ ಶಿಕ್ಷಣ, ಲಾಡ್ಲಿ ಬೆಹನಾ ಯೋಜನಾ,, ಪಿಎಂ ಉಜ್ವಲಾ ಯೋಜನೆ ಅಡಿ ಸಿಲೆಂಡರ್‌ಗೆ 450 ರೂ., ಕ್ವಿಂಟಲ್‌ ಗೋಧಿಗೆ ರೂ. 2700ಹಾಗೂ ಭತ್ತಕ್ಕೆ ರೂ. 3100 ಕನಿಷ್ಠ ಬೆಂಬಲ ಬೆಲೆ ಘೋಷಿಸಿದೆ. ಕುಟುಂಬದ ಕನಿಷ್ಠ ಒಬ್ಬ ಸದಸ್ಯನಿಗೆ ಉದ್ಯೋಗ ಅಥವಾ ಸ್ವಯಂ ಉದ್ಯೋಗಕ್ಕೆ ಒತ್ತು ನೀಡಿದೆ. ಐಐಟಿ ಮಾದರಿಯಲ್ಲಿ ಮಧ್ಯಪ್ರದೇಶದ ತಾಂತ್ರಿಕ ಶಿಕ್ಷಣ ಸಂಸ್ಥೆಗಳು ಹಾಗೂ ವೈದ್ಯಕೀಯ ಸಂಸ್ಥೆಗಳ ಸ್ಥಾಪನೆ, ಆರು ಹೊಸ ಎಕ್ಸ್‌ಪ್ರೆಸ್‌ ವೇಗಳು, ಬುಡಕಟ್ಟು ಸಮುದಾಯಗಳಿಗೆ ಪ್ರತೇಕ ಬಜೆಟ್‌ ನೀಡುವ ಭರವಸೆಯನ್ನು ನೀಡಿದೆ.</p>

<p>ಕಾಂಗ್ರೆಸ್‌ 59 ಚುನಾವಣಾ ಭರವಸೆಗಳನ್ನು ನೀಡಿದೆ. ನಾರಿ ಸಮ್ಮಾನ್ ನಿಧಿಯಡಿ ಮಹಿಳೆಯರಿಗೆ ಮಾಸಿಕ ರೂ. 1,500 ನೆರವು, ರೂ. 500 ಕ್ಕೆ ಎಲ್‌ಪಿಜಿ ಸಿಲಿಂಡರ್‌, ಮಹಿಳೆಯರಿಗೆ ಶೇ 3ರ ಬಡ್ಡಿ ದರದಲ್ಲಿ ಸ್ಟಾರ್ಟ್‌ಅಪ್‌ಗಳಿಗೆ ರೂ. 25 ಲಕ್ಷದವರೆಗೆ ಸಾಲ , ಗ್ರಾಮೀಣ ವಸತಿ ರಹಿತ ಮಹಿಳೆಯರಿಗೆ ವಸತಿ, ಮಹಾನಗರ ಬಸ್‌ಗಳಲ್ಲಿ ಉಚಿತ ಸಾರಿಗೆ ಪ್ರಯಾಣ, ಹೆಣ್ಣು ಮಕ್ಕಳಿಗಾಗಿ 'ಮೇರಿ ಬಿಟಿಯಾ ರಾಣಿ' ಯೋಜನೆಯಡಿ ಜನನದಿಂದ ಮದುವೆಯವರೆಗೆ ರೂ. 2.51 ಲಕ್ಷ ನೀಡುವುದು ಕಾಂಗ್ರೆಸ್‌ ಪ್ರಮುಖ ಭರವಸೆಗಳು.</p>

<h2>ಹಣಾಹಣಿ ಯಾವ ಪಕ್ಷಗಳಿಗೆ?</h2><p>ಬಿಜೆಪಿ ಮತ್ತು ಕಾಂಗ್ರೆಸ್ ನಡುವೆಯೇ ಇಲ್ಲಿ ನೇರಾಹಣಿ ಏರ್ಪಟ್ಟಿದೆ. ಎಎಪಿ, ಬಿಎಸ್ಪಿ ಮತ್ತು ಎಸ್ಪಿ ಕೂಡ ತಮ್ಮ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿವೆ.</p>

<ul><li><strong>ಚುನಾವಣೆ ಕಣದಲ್ಲಿದ್ದ ಪ್ರಮುಖರು ಯಾರು?</strong></li></ul><p>ಬಿಜೆಪಿಯಿಂದ ಸಿಎಂ ಶಿವರಾಜಸಿಂಗ್‌ ಚೌಹಾಣ್‌, ಕೇಂದ್ರ ಸಚಿವರಾದ ನರೇಂದ್ರ ಸಿಂಗ್‌ ತೋಮರ್‌, ಪ್ರಹ್ಲಾದ್ ಸಿಂಗ್ ಪಟೇಲ್, ಫಗ್ಗನ್ ಸಿಂಗ್ ಕುಲಸ್ತೆ, ಬಿಜೆಪಿ ನಾಯಕ ಕೈಲಾಸ್‌ ವಿಜಯವರ್ಗೀಯ ಪ್ರಮುಖ ಹುರಿಯಾಳುಗಳು.</p>

<p>ಕಾಂಗ್ರೆಸ್‌ನಿಂದ ಮಾಜಿ ಸಿಎಂ ಕಮಲನಾಥ್‌, ದಿಗ್ವಿಜಯ ಸಿಂಗ್ ಅವರ ಪುತ್ರ ಜೈವರ್ಧನ್ ಸಿಂಗ್, ಹಿರಿಯ ನಾಯಕ ಡಾ.ಗೋವಿಂದ್ ಸಿಂಗ್ ಕಣದಲ್ಲಿರುವ ಪ್ರಮುಖರು.</p>

<h2>ಚುನಾವಣೆ ಗೆಲುವು-ಸೋಲಿನ ಸಂದೇಶ ಏನಾಗಿರಬಹುದು?</h2><p>ಹಿಂದಿನ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ ಆಡಳಿತ ವಿರೋಧಿ ಅಲೆ ಎದುರಿಸಿತ್ತು. ಮೋದಿ ಪ್ರಭಾವದ ನಡುವೆಯೇ ಹಿಂದಿ ಪ್ರಭಾವದ ರಾಜ್ಯದಲ್ಲಿ ಈ ಬಾರಿಯೂ ವಿಧಾನಸಭೆ ಜತೆಗೆ ಇನ್ನೇನು ಬರಲಿರುವ ಲೋಕಸಭೆ ಚುನಾವಣೆಗೂ ಬಿಜೆಪಿ ಹಾಗೂ ಕಾಂಗ್ರೆಸ್‌ಗೆ ಎಚ್ಚರಿಕೆಯ ಸಂದೇಶ</p>

<h2>ಲೋಕಸಭಾ ಚುನಾವಣೆ ಮೇಲೆ ಏನು ಪರಿಣಾಮ ಆಗಬಹುದು?</h2><p>ಒಟ್ಟು 29 ಲೋಕಸಭಾ ಕ್ಷೇತ್ರಗಳನ್ನು ಹೊಂದಿರುವ ಮಧ್ಯಪ್ರದೇಶದಲ್ಲಿ ಬಿಜೆಪಿಯೇ ಹೆಚ್ಚಿನ ಸ್ಥಾನ ಪಡೆಯುತ್ತಾ ಬಂದಿದೆ. ಜನ ವಿಧಾನಸಭೆ ಹಾಗೂ ಲೋಕಸಭೆ ಚುನಾವಣೆಯನ್ನು ಭಿನ್ನವಾಗಿ ನೋಡುವುದರಿಂದ ಅಷ್ಟಾಗಿ ಪ್ರಭಾವ ಇಲ್ಲದೇ ಇರದಿದ್ದರೂ ರಾಜ್ಯಾಡಳಿತ ಹಾಗೂ ಚುನಾವಣೆ ಫಲಿತಾಂಶದ ಪ್ರಭಾವ ಲೋಕಸಭೆ ಚುನಾವಣೆ ಮೇಲೂ ಆಗಲಿದೆ.</p>

<h2>ಕರ್ನಾಟಕ ಫಲಿತಾಂಶದ ಪ್ರಭಾವ ಆಗಬಹುದೇ</h2><p>ಕರ್ನಾಟಕದ ಗ್ಯಾರಂಟಿ ಯೋಜನೆಗಳ ಪ್ರಭಾವ ಅಷ್ಟಾಗಿ ಮಧ್ಯಪ್ರದೇಶದಲ್ಲಿ ಆಗಿಲ್ಲ. ಕಾಂಗ್ರೆಸ್‌ ಮಧ್ಯಪ್ರದೇಶದಲ್ಲಿ ಹೆಚ್ಚಿನ ಗ್ಯಾರಂಟಿಗಳನ್ನು ಪ್ರಯೋಗಿಸಿಲ್ಲ. ಬಿಜೆಪಿ ಕೂಡ ಭಿನ್ನ ಪ್ರಣಾಳಿಕೆಯನ್ನೇ ಇಲ್ಲಿ ನೀಡಿದೆ.</p>

<h2>ಚುನಾವಣೆಯಲ್ಲಿ ಈ ಬಾರಿ ಗಮನ ಸೆಳೆದ ಅಂಶಗಳು</h2><p>ಈ ಬಾರಿ ಚುನಾವಣೆಯಲ್ಲಿ ಬಿಜೆಪಿ ಆಡಳಿತದ ವೈಫಲ್ಯಗಳು ಹಾಗೂ ಜಾರಿಯಾಗದ ಭರವಸೆಗಳ ಕುರಿತು ಕಾಂಗ್ರೆಸ್ ಚರ್ಚೆಗೆ ಒತ್ತು ನೀಡಿತು. ಬಿಜೆಪಿ ಹೊಸ ನಾಯಕತ್ಬ ಬೆಳೆಸುವ ನಿಟ್ಟಿನಲ್ಲಿ ಕೇಂದ್ರದ ಸಚಿವರು ಹಾಗೂ ಯುವ ಮುಖಗಳಿಗೆ ಮಣೆ ಹಾಕಿ ಮುಂದಿನ ಲೋಕಸಭೆ ಚುನಾವಣೆಯನ್ನು ಗುರಿಯಾಗಿಸಿಟ್ಟುಕೊಂಡೂ ಚುನಾವಣೆ ಎದುರಿಸಿದೆ.</p>

<h2>ಕಳೆದ ಚುನಾವಣೆ ಫಲಿತಾಂಶ ಹೀಗಿತ್ತು</h2><p>2018ರಲ್ಲಿ ನಡೆದಿದ್ದ ಚುನಾವಣೆ ವೇಳೆ ಶಿವರಾಜ್ ಸಿಂಗ್ ಚೌಹಾಣ್ ನೇತೃತ್ವದ ಬಿಜೆಪಿ ಸರ್ಕಾರ ಅಸ್ತಿತ್ವದಲ್ಲಿದ್ದರೂ ಬಿಜೆಪಿಗೆ ಹಿನ್ನಡೆಯಾಗಿತ್ತು. ಸರಳ ಬಹುಮತ ಪಡೆದಿದ್ದ ಕಾಂಗ್ರೆಸ್ 114 ಕ್ಷೇತ್ರಗಳಲ್ಲಿ ಗೆದ್ದು ಇತರೆ ಪಕ್ಷಗಳ ಸಹಕಾರದಿಂದ ಸರ್ಕಾರ ರಚಿಸಿತ್ತು. 109 ಸ್ಥಾನಗಳೊಂದಿಗೆ ಪ್ರತಿಪಕ್ಷ ಸ್ಥಾನದಲ್ಲಿದ್ದ ಬಿಜೆಪಿ ಕಾಂಗ್ರೆಸ್‌ ಮುಖಂಡ ಜೋತಿರಾಧಿತ್ಯ ಸಿಂಧಿಯಾ ನೇತೃತ್ವದಲ್ಲಿ 22 ಶಾಸಕರನ್ನು ಸೆಳೆದುಕೊಂಡು 15 ತಿಂಗಳೊಳಗೆ ಅಂದರೆ 2020ರಲ್ಲಿ ಸರ್ಕಾರ ರಚಿಸಿತ್ತು. ಶಿವರಾಜಸಿಂಗ್‌ ಚೌಹಾಣ್‌ ಮತ್ತೆ ಸಿಎಂ ಆಗಿದ್ದರು.</p>

<ul><li>Madhya Pradesh Elections Explainer ಹಿಂದಿ ಪ್ರಮುಖ ರಾಜ್ಯ ಮಧ್ಯಪ್ರದೇಶದಲ್ಲಿ ಈ ಬಾರಿ ವಿಧಾನಸಭೆ ಚುನಾವಣೆ ಬಿಜೆಪಿಗೆ ಸವಾಲಿನ ಪ್ರಶ್ನೆಯಾದರೆ, ಕಾಂಗ್ರೆಸ್‌ ಅಸ್ತಿತ್ವದ ವಿಷಯ. ಹೇಗಿತ್ತು ಚುನಾವಣೆ.. ಇಲ್ಲಿದೆ ಪ್ರಮುಖಾಂಶ</li></ul>

Mastakabhishekha: ವಿರಾಟ್‌ ಗೊಮ್ಮಟೇಶ್ವರ ಮೂರ್ತಿಗೆ ಮಹಾಮಜ್ಜನ: ಗೊಮ್ಮಟಗಿರಿಯಲ್ಲಿ ಮಸ್ತಕಾಭಿಷೇಕ ವೈಭವ

<ul><li>ಮೈಸೂರು ಜಿಲ್ಲೆ ಹುಣಸೂರು ತಾಲ್ಲೂಕಿನ ಗೊಮ್ಮಟಗಿರಿಯ(Gommatagiri) ವಿರಾಗಿಗೆ ಮಹಾಮಜ್ಜನ. ಬೆಟ್ಟದೂರು ಗ್ರಾಮದ ವ ಗೊಮ್ಮಟಗಿರಿ ಮೂರ್ತಿಗೆ 74 ನೇ ಮಹಾಮಸ್ತಕಾಭಿಷೇಕ( Mastakabhishekha) ನಡೆಯಿತು. 17 ರೀತಿಯ ಮಂಗಳ ದ್ರವ್ಯಗಳಿಂದ ಗೊಮಟೇಶ್ವರನಿಗೆ ಅಭಿಷೇಕಗಳು ನಡೆದವು. ಆನಂತರ ಪೂಜಾ, ಧಾರ್ಮಿಕ ಚಟುವಟಿಕೆಗಳು ಗಮನ ಸೆಳೆದವು. ಚಿತ್ರಗಳು:ಎಸ್‌ಆರ್‌ ಮಧುಸೂಧನ್‌</li></ul>

Karnataka Politics: ಬಿಜೆಪಿಗೆ ಡೆಡ್‌ಲೈನ್ ಕೊಟ್ಟ ಸೋಮಣ್ಣ, ಷರತ್ತುಗಳ ಪಟ್ಟಿ ಉದ್ದವಿದೆ

<p>ಬೆಂಗಳೂರು: ವಿಧಾನಸಭೆ ಚುನಾವಣೆಯಲ್ಲಿ ಡಬಲ್‌ ಕ್ಷೇತ್ರದಲ್ಲಿ ಸ್ಪರ್ಧಿಸಿ ಎರಡೂ ಕಡೆ ಸೋಲುಂಡು ಬಿಜೆಪಿ ವಿರುದ್ದ ಮುನಿಸಿಕೊಂಡಿರುವ ಮಾಜಿ ಸಚಿವ, ಹಿರಿಯ ನಾಯಕ ವಿ.ಸೋಮಣ್ಣ ಪಕ್ಷ ಬಿಡುವ ಹಂತಕ್ಕೆ ಬಂದಿದ್ದಾರೆ.</p>

<p>ಈಗಾಗಲೇ ಕಾಂಗ್ರೆಸ್‌ನಿಂದಲೂ ಸೋಮಣ್ಣ ಅವರಿಗೆ ಲೋಕಸಭೆ ಚುನಾವಣೆಗೆ ಸ್ಪರ್ಧಿಸುವ ಇಲ್ಲವೇ ಉಸ್ತುವಾರಿ ಹೊತ್ತುಕೊಳ್ಳುವ, ಮುಂದಿನ ವಿಧಾನಸಭೆ ಚುನಾವಣೆಗೆ ಟಿಕೆಟ್‌ ನೀಡುವ ಭರವಸೆಯೂ ಈಗಲೇ ದೊರೆತಿದೆ.</p>

<p>ಆದರೆ ಬಿಜೆಪಿಯ ಹಿರಿಯ ನಾಯಕರ ಸ್ವಷ್ಟ ಭರವಸೆ ಹಾಗೂ ತಮ್ಮ ಭವಿಷ್ಯವನ್ನು ಗಮನದಲ್ಲಿಟ್ಟುಕೊಂಡು ಸೋಮಣ್ಣ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆ ಹೆಚ್ಚಾಗಿದೆ.</p>

<p>ಈ ಮಾಸಾಂತ್ಯ ಇಲ್ಲವೇ ಡಿಸೆಂಬರ್‌ ಮೊದಲ ವಾರದಲ್ಲಿ ಬಿಜೆಪಿ ನಾಯಕರನ್ನು ಭೇಟಿ ಮಾಡಲು ಸೋಮಣ್ಣ ದೆಹಲಿಗೆ ಹೋಗುವ ಸಾಧ್ಯತೆಯಿದೆ.</p>

<p>ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ತಮಗೆ ನೀಡಿದ ವಾಗ್ದಾನ, ಆನಂತರ ಚುನಾವಣೆ ಫಲಿತಾಂಶ, ಈಗ ಬಿಜೆಪಿಯಲ್ಲಿ ಆಗಿರುವ ಬದಲಾವಣೆಗಳು, ಅದರಿಂದ ತಮ್ಮ ರಾಜಕೀಯ ಭವಿಷ್ಯದ ಮೇಲೆ ಆಗಬಹುದಾದ ಪರಿಣಾಮಗಳ ಕುರಿತು ಸೋಮಣ್ಣ ಚರ್ಚಿಸಿ ಬಳಿಕ ನನ್ನ ಅಭಿಪ್ರಾಯ ತಿಳಿಸುತ್ತೇನೆ ಎಂದು ಸೋಮಣ್ಣ ಹೇಳಿದ್ದಾರೆ.</p>

<p>ಈ ಕಾರಣಕ್ಕೆ ಅವರು ಡಿಸೆಂಬರ್‌ 6ರ ಡೆಡ್‌ಲೈನ್‌ ನಿಗದಿಪಡಿಸಿಕೊಂಡಿದ್ದು, ಅಂದು ಹೊಸ ರಾಜಕೀಯ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆಯಿದೆ.</p>

<h2>ಹೈ ಕಟ್ಟಣ್ಣಪೆಗೆ ಜೈ</h2><p>ಸೋಮಣ್ಣ ಅವರು ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ತಮ್ಮ ಮಗನಿಗೆ ಅರಸೀಕೆರೆ ಇಲ್ಲವೇ ತುಮಕೂರು ಜಿಲ್ಲೆಯ ಯಾವುದಾದರೂ ಕ್ಷೇತ್ರದಿಂದ ಟಿಕೆಟ್‌ ನೀಡಬೇಕು ಹಾಗೂ ಬೆಂಗಳೂರಿನ ಗೋವಿಂದರಾಜನಗರ ಕ್ಷೇತ್ರದಲ್ಲಿ ಸ್ಪರ್ಧಿಸಲು ಅವಕಾಶ ನೀಡುವಂತೆ ಕೋರಿದ್ದರು. ಮಗನಿಗೆ ಗೋವಿಂದರಾಜನಗರ ಕ್ಷೇತ್ರಕ್ಕೆ ಅವಕಾಶ ಕೊಡುವುದಾದರೆ ನನಗೆ ಚಾಮರಾಜನಗರ ಜಿಲ್ಲೆಯಲ್ಲಿ ಟಿಕೆಟ್‌ ಕೊಡಿ ಎಂದು ಕೇಳಿಕೊಂಡಿದ್ದರು.</p>

<p>ಆದರೆ ಆಗ ಮಾಜಿ ಸಿಎಂ ಬಿ.ಎಸ್‌.ಯಡಿಯೂರಪ್ಪ ಅವರ ವಿರುದ್ದ ಇದ್ದ ಹಿರಿಯ ನಾಯಕರು ಸೋಮಣ್ಣಅವರಿಗೆ ವಿಶೇಷ ಮಹತ್ವ ನೀಡಿದ್ದರು. ಮತ್ತೊಂದು ಕಡೆ ಸಿದ್ದರಾಮಯ್ಯ ಅವರನ್ನು ಕಟ್ಟಿ ಹಾಕುವುದು ಮೋದಿ ಶಾ ಇರಾದೆಯಾಗಿತ್ತು. ಪಕ್ಷದ ಅಧಿಕಾರಕ್ಕೆ ಬಂದರೆ ನಿಮಗೆ ಮಹತ್ವದ ಹುದ್ದೆ ನೀಡಲಾಗುತ್ತದೆ. ಇದರಿಂದ ನೀವು ಸಿಎಂ ಸಿದ್ದರಾಮಯ್ಯ ವಿರುದ್ದ ಕಣಕ್ಕಿಳಿದು ಗೆದ್ದು ಬನ್ನಿ. ಮೈಸೂರು ಭಾಗದ ಎರಡು ಕ್ಷೇತ್ರದಲ್ಲಿ ಸ್ಪರ್ಧಿಸಿ ಎಂದು ಪ್ರಧಾನಿ ನರೇಂದ್ರ ಮೋದಿ, ಹಿರಿಯ ನಾಯಕ ಅಮಿತ್‌ ಶಾ ಸಹಿತ ಹಲವರು ಸೂಚಿಸಿದ್ದರು. ಸೋಮಣ್ಣ ಅವರಿಗೆ ಮೂಲ ಕ್ಷೇತ್ರ ಗೋವಿಂದರಾಜನಗರ ಹಾಗೂ ಚಾಮರಾಜನಗರ ಜಿಲ್ಲೆಯ ಕ್ಷೇತ್ರ ಒಂದರಲ್ಲಿ ಸ್ಪರ್ಧಿಸುವ ಇರಾದೆ ಇತ್ತಾದರೂ ವರಿಷ್ಠರ ಮಾತಿಗೆ ಕಟ್ಟು ಬಿದ್ದು ಸಿಎಂ ವಿರುದ್ದ ಅನಿವಾರ್ಯವಾಗಿ ವರುಣ ಕ್ಷೇತ್ರದಲ್ಲಿ ಕಣಕ್ಕೆ ಇಳಿದರು. ಚಾಮರಾಜನಗರದಿಂದಲೂ ಸ್ಪರ್ಧಿಸಿದರು. ತಮ್ಮ ಬೆಂಬಲಿಗರು, ಹಿತೈಷಿಗಳು ಗೋವಿಂದರಾಜನಗರ ಕ್ಷೇತ್ರದ ಜತೆಗೆ ಇನ್ನೊಂದು ಕಡೆ ಸ್ಪರ್ಧಿಸುವಂತೆ ಹೇಳಿದರೂ ಹೈ ಕಮಾಂಡ್‌ ಕಟ್ಟಪ್ಪಣೆ ಮುಂದೆ ಸೋಮಣ್ಣ ಏನೂ ಮಾಡಲಾಗಲಿಲ್ಲ. ಒಲ್ಲದ ಮನಸಿನಿಂದಲೇ ಎರಡೂ ಕಡೆಗೂ ಸ್ಪರ್ಧಿಸಿ ಸೋತರು.</p>

<p>ನಾವೆಲ್ಲಾ ಸೋಮಣ್ಣ ಅವರಿಗೆ ವರುಣದಲ್ಲಿ ಸ್ಪರ್ಧೆ ಬೇಡವೇ ಬೇಡ ಎಂದೆವು. ಗೋವಿಂದರಾಜ ನಗರ ಕ್ಷೇತ್ರ ಬಿಡಬೇಡಿ ಎಂದು ಮನವಿ ಮಾಡಿದೆವು. ನೀವೇನೋ ಹೇಳುತ್ತೀರಿ. ಹೈ ಕಮಾಂಡ್‌ ಕೇಳಬೇಕಲ್ಲ. ಹೊಸ ಸವಾಲು ಎದುರಿಸುತ್ತಿದ್ದೇನೆ. ನೀವೆಲ್ಲಾ ಜತೆಗಿರಿ ಎಂದು ಹೇಳಿದರು. ನಾವೆಲ್ಲ ಕೆಲಸ ಮಾಡಿದೆವು. ಆದರೆ ಆನಂತರ ಆದದ್ದೇ ಬೇರೆ ಎಂದು ಅಂದಿನ ರಾಜಕೀಯ ಸನ್ನಿವೇಶವನ್ನು ಸೋಮಣ್ಣ ಅವರ ಅನುಯಾಯಿಯಾಗಿ ಬಿಡಿಸಿಡುತ್ತಾರೆ.</p>

<h2>ಕಾಂಗ್ರೆಸ್ ನಿಂದ ಆಹ್ವಾನ</h2><p>ಈಗಾಗಲೇ ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿ.ಕೆ.ಶಿವಕುಮಾರ್‌, ತುಮಕೂರು ಉಸ್ತುವಾರಿ ಸಚಿವ ಡಾ.ಜಿ.ಪರಮೇಶ್ವರ್‌ ಸಹಿತ ಹಲವರು ಸೋಮಣ್ಣ ಅವರನ್ನು ಪಕ್ಷಕ್ಕೆ ಆಹ್ವಾನಿಸಿದ್ದಾರೆ. ಮೈಸೂರು ಭಾಗದಲ್ಲಿ ನಮಗೆ ಲಿಂಗಾಯಿತ ನಾಯಕರಿಲ್ಲ. ಮುಂದಿನ ಲೋಕಸಭೆ ಚುನಾವಣೆ ಉಸ್ತುವಾರಿ ನಿಮಗೆ ನೀಡಲಾಗುತ್ತದೆ. ಪಕ್ಷಕ್ಕೆ ಬನ್ನಿ ಎಂದು ಸಿದ್ದರಾಮಯ್ಯ ಖುದ್ದು ಆಹ್ವಾನ ನೀಡಿದ್ದಾರೆ. ತುಮಕೂರಿನಲ್ಲಿ ಕಾಂಗ್ರೆಸ್‌ನಿಂದ ಸ್ಪರ್ಧಿಸುವುದಾದರೇ ನಿಮಗೆ ಅವಕಾಶವಿದೆ ಎಂದು ಪರಮೇಶ್ವರ್‌ ಕೂಡ ಹೇಳಿದ್ಧಾರೆ. ಕಾಂಗ್ರೆಸ್‌ ಸೇರಿದರೆ ಮುಂದೆ ನಿಮಗೆ ಗೋವಿಂದರಾಜನಗರ ಇಲ್ಲವೇ ರಾಜಾಜಿನಗರದಲ್ಲಿ ಟಿಕೆಟ್‌ ನೀಡಲಾಗುತ್ತದೆ. ನಿಮ್ಮ ಮಗನಿಗೆ ಬೇಕಾದರೆ ವಿಧಾನಸಭೆಗೆ ಸ್ಪರ್ಧಿಸಲು ರಾಜಾಜಿನಗರದಿಂದ ಅವಕಾಶ ಮಾಡಿಕೊಡಲಾಗುತ್ತದೆ ಎನ್ನುವ ಭರವಸೆಯನ್ನು ಪಕ್ಷದ ಅಧ್ಯಕ್ಷ ಡಿ.ಕೆ.ಶಿವಕುಆರ್‌ ನೀಡಿದ್ದಾರೆ. ಕಾಂಗ್ರೆಸ್‌ನಿಂದ ಆಹ್ವಾನವಿದ್ದು. ಹೋಗುವ ಮನಸಿದ್ದರೂ ಸೋಮಣ್ಣ ಬಿಜೆಪಿ ವರಿಷ್ಠರ ಮೇಲೆಯೇ ವಿಶ್ವಾಸವಿಟ್ಟು ಅವರ ಸೂಚನೆಗೆ ಕಾಯುತ್ತಿದ್ದಾರೆ.</p>

<h2>ಸೋಮಣ್ಣ ಬೇಡಿಕೆಗಳೇನು</h2><ul><li>ಈಗಲೂ ಮೋದಿ ಅವರನ್ನು ಪ್ರಧಾನಿ ಮಾಡಲು ಪಕ್ಷದಲ್ಲೇ ಉಳಿಯಲು ನಾನು ಸಂಪೂರ್ಣ ಸಿದ್ದನಿದ್ದೇನೆ. ಆದರೆ ನನ್ನ ಕೆಲ ಬೇಡಿಕೆ ಈಡೇರಿಸಬೇಕು</li><li>ನಾನು ಸೋಲಲು ಯಡಿಯೂರಪ್ಪ ಹಾಗೂ ಅವರ ಮಗ ವಿಜಯೇಂದ್ರ ಅವರ ಪಾತ್ರವೂ ಇದೆ. ಚಾಮರಾಜನಗರ ಹಾಗೂ ವರುಣದಲ್ಲಿ ಪಕ್ಷದ ಪ್ರಮುಖರನ್ನೆ ನನ್ನ ವಿರುದ್ದ ಎತ್ತಿಕಟ್ಟಿದರು. ಅವರ ವಿರುದ್ದ ಕ್ರಮ ಕೈಗೊಳ್ಳಬೇಕು</li><li>ಮಹತ್ವ ನೀಡುವ ಮಾತನಾಡಿ ನಮ್ಮ ಸೋಲಿಗೆ ಕಾರಣರಾದ ವಿಜಯೇಂದ್ರ ಅವರಿಗೆ ಪಕ್ಷಾಧ್ಯಕ್ಷ ನೀಡಿದ್ದೀರಿ. ಖಂಡಿತಾ ಅವರು ನನ್ನ ರಾಜಕೀಯ ಜೀವನಕ್ಕೆ ಅಡ್ಡಿ ಮಾಡುತ್ತಾರೆ.</li><li>ಅವರಿಬ್ಬರು ನನ್ನ ತಂಟೆಗೆ ಬಾರದಂತೆ ತಾಕೀತು ಮಾಡಬೇಕು. ನನ್ನ ಕ್ಷೇತ್ರಗಳಲ್ಲಿ ಹಸ್ತಕ್ಷೇಪ ಮಾಡದಂತೆ ನೋಡಿಕೊಳ್ಳಬೇಕು.</li><li>ಕರ್ನಾಟಕದಿಂದ ರಾಜ್ಯಸಭೆ ಸ್ಥಾನ ಖಾಲಿಯಾಗುತ್ತಿದ್ದು, ಅಲ್ಲಿ ನನಗೆ ಅವಕಾಶ ಮಾಡಿಕೊಡಬೇಕು. ಇಲ್ಲವೇ ವಿಧಾನಪರಿಷತ್‌ ಗಾದರೂ ನೇಮಕ ಮಾಡಿಕೊಡಬೇಕು.</li></ul><p>ಇದನ್ನೂ ಓದಿರಿ</p>

<ul><li>Somanna political Decision ಮಾಜಿ ಸಚಿವ ವಿ.ಸೋಮಣ್ಣ ವಿಧಾನಸಭೆ ಚುನಾವಣೆ ಸೋಲಿನ ಬಳಿಕ ಬಿಜೆಪಿಯಲ್ಲಿನ ಈಗಿನ ಬೆಳವಣಿಗೆಗಳನ್ನಾಧರಿಸಿ ಹೊಸ ರಾಜಕೀಯ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆಗಳು ದಟ್ಟವಾಗಿವೆ. ಇದಕ್ಕಾಗಿ ಹೊಸ ಆಯ್ಕೆಯನ್ನು ಮುಕ್ತವಾಗಿಟ್ಟುಕೊಂಡಿದ್ದಾರೆ.&nbsp;</li></ul>

Operation Bandipur Tiger: ಮೈಸೂರು ಜಿಲ್ಲೆಯಲ್ಲಿ ಹಸುವಿನ ಮೇಲೆ ಹುಲಿ ದಾಳಿ: ನರಭಕ್ಷಕ ವ್ಯಾಘ್ರ ಸೆರೆಗೆ ತಂಡ ಕಟ್ಟೆಚ್ಚರ

<ul><li>ಬಂಡೀಪುರ ಅರಣ್ಯದಂಚಿನ ಬಳ್ಳೂರು ಹುಂಡಿನಲ್ಲಿ ಮಹಿಳೆ ಕೊಂದಿದ್ದ ಹುಲಿ ಅದೇ ಸ್ಥಳದಲ್ಲಿ ಹಸು ಕೊಂದು ಹಾಕಿದೆ. ಒಂದು ಕಿ.ಮಿ ವ್ಯಾಪ್ತಿಯಲ್ಲೇ ಹುಲಿ ಸಂಚರಿಸುತ್ತಿರುವುದರಿಂದ ಕರ್ನಾಟಕ ಅರಣ್ಯ ಇಲಾಖೆ( Karnataka Forest Department) ಕಾರ್ಯಾಚರಣೆ ಚುರುಕುಗೊಳಿಸಿದೆ. ಹುಲಿ ಸೆರೆ ಹಿಡಿಯಲು ಸಿಬ್ಬಂದಿ ಹೆಚ್ಚಿಸಲಾಗಿದೆ. ಎರಡನೇ ದಿನದ ಕಾರ್ಯಾಚರಣೆ ಚಿತ್ರಣ ಹೀಗಿತ್ತು.</li></ul>

Umesha Bhatta P H