ಪಂಜಾಬ್ ಕಿಂಗ್ಸ್ vs ಆರ್​​ಸಿಬಿ ಪಂದ್ಯ ಮಳೆಯಿಂದ ರದ್ದುಗೊಂಡರೆ, ಯಾವ ತಂಡಕ್ಕೆ ಹೆಚ್ಚು ಲಾಭ; ಫಾಫ್ ಪಡೆಯ ಕಥೆ ಏನು?

ಪಂಜಾಬ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (PBKS vs RCB) ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿದೆ. ಧರ್ಮಶಾಲಾದ ಹಿಮಾಚಲ ಪ್ರದೇಶ ಕ್ರಿಕೆಟ್ ಅಸೋಸಿಯೇಷನ್ ಮೈದಾನದಲ್ಲಿ ಪಂದ್ಯ ನಡೆಯುತ್ತಿದೆ. ಆರ್​​ಸಿಬಿ 10 ಓವರ್​​ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 119 ರನ್ ಕಲೆ ಹಾಕಿದೆ. ರಜತ್ ಪಾಟೀದಾರ್ 55 ರನ್ ಗಳಿಸಿ ಔಟಾದರೆ, ವಿರಾಟ್ ಕೊಹ್ಲಿ ಅಜೇಯ 42 ರನ್ ಗಳಿಸಿ ಕ್ರೀಸ್​ನಲ್ಲಿದ್ದಾರೆ. (ಮಳೆಯಿಂದ ಸ್ಥಗಿತಗೊಂಡಿದ್ದ ವೇಳೆಗೆ)

ಪಂದ್ಯ ರದ್ದಾದರೆ ಯಾವ ತಂಡಕ್ಕೆ ಲಾಭ?

ಮಾಡು ಇಲ್ಲವೆ ಮಡಿ ಪಂದ್ಯದಲ್ಲಿ ಗೆದ್ದವರಿಗೆ ಪ್ಲೇಆಫ್ ಆಸೆ ಜೀವಂತವಾಗಿರಲಿದೆ. ಆದರೆ ಸೋತವರು ಅಧಿಕೃತವಾಗಿ ಮನೆಗೆ ಹೋಗಲಿದೆ. ಮಳೆ ಸುರಿಯುತ್ತಿರುವ ಕಾರಣ ಪಂದ್ಯ ರದ್ದುಗೊಂಡರೆ ಇದರ ಲಾಭ ಯಾರಿಗೆ ಸಿಗಲಿದೆ? ಆರ್​ಸಿಬಿ ಕಥೆ ಏನು? ಒಂದು ವೇಳೆ ಮಳೆಯಿಂದ ಆರ್​ಸಿಬಿ ಮತ್ತು ಪಿಬಿಕೆಎಸ್ ಪಂದ್ಯ ರದ್ದುಗೊಂಡರೆ, ಉಭಯ ತಂಡಗಳು ತಲಾ ಒಂದೊಂದು ಅಂಕ ಪಡೆಯಲಿದ್ದು, ಆಗ 9 ಅಂಕವಾಗಲಿದೆ.

ಇದನ್ನೂ ಓದಿ: ಲಕ್ನೋ ಸೂಪರ್ ಜೈಂಟ್ಸ್ ತೊರೆಯಲಿದ್ದಾರೆ ಕೆಎಲ್ ರಾಹುಲ್? ಆರ್​​ಸಿಬಿ ಸೇರುವಂತೆ ಫ್ಯಾನ್ಸ್ ಒತ್ತಾಯ

ಹೀಗಾದರೆ ಉಭಯ ತಂಡಗಳು ಟೂರ್ನಿಯಲ್ಲಿ 13 ಅಂಕ (ಉಳಿದ ಎರಡು ಪಂದ್ಯ ಗೆದ್ದರೆ) ಪಡೆಯಲಷ್ಟೇ ಸಾಧ್ಯವಾಗಲಿದೆ. ಒಂದು ವೇಳೆ ಆರ್​ಸಿಬಿ vs ಪಿಬಿಕೆಎಸ್​ ಪಂದ್ಯ ರದ್ದುಗೊಂಡರೆ ಸಿಎಸ್​ಕೆ, ಡೆಲ್ಲಿ ಜಿಟಿ ಮತ್ತು ಲಕ್ನೋ ತಂಡಗಳಿಗೆ ಹೆಚ್ಚು ಲಾಭ ಸಿಗಲಿದೆ. ಏಕೆಂದರೆ ಈ ತಂಡಗಳಿಗೆ 14 ಅಂಕ ಪಡೆಯುವ ಅವಕಾಶ ಇದೆ. ಆದರೆ ಆರ್​​ಸಿಬಿ-ಪಂಜಾಬ್ ಬಹುತೇಕ ಟೂರ್ನಿಯಿಂದ ಹೊರಬೀಳಲಿವೆ.

ಆರ್​ಸಿಬಿಗೆ ಇನ್ನೂ ಇರಲಿದೆ ಅವಕಾಶ?

ಮಳೆಯಿಂದ ಪಂದ್ಯ ರದ್ದುಗೊಂಡರೂ ಆರ್​ಸಿಬಿಗೆ ಇನ್ನೂ ಒಂದು ಕೊನೆಯ ಅವಕಾಶ ಇರಲಿದೆ. ಇದು ಸಾಧ್ಯವಾಗಬೇಕೆಂದರೆ, ತಲಾ 12 ಅಂಕ ಪಡೆದಿರುವ ಡೆಲ್ಲಿ, ಲಕ್ನೋ, ಸಿಎಸ್​ಕೆ ಎಲ್ಲಾ ಪಂದ್ಯಗಳನ್ನು ಸೋಲಬೇಕು. ಅಂಕಪಟ್ಟಿಯಲ್ಲಿ 12 ಅಂಕ ದಾಟಬಾರದು. ಆದರೆ, ಆರ್​ಸಿಬಿ ಎಲ್ಲಾ ಪಂದ್ಯಗಳಲ್ಲಿ ಗೆದ್ದರೆ 13 ಅಂಕಗಳೊಂದಿಗೆ ಪ್ಲೇಆಫ್​ಗೆ ಪ್ರವೇಶಿಸುವ ಸಾಧ್ಯತೆ ಇದೆ. ಆದರೆ ಇದಕ್ಕೆ ಪವಾಡವೇ ನಡೆಯಬೇಕು.

ಇದನ್ನೂ ಓದಿ: ಕೆಎಲ್ ರಾಹುಲ್ ಮೇಲೆ ಕೂಗಾಡಿದ ಸಂಜೀವ್ ಗೋಯೆಂಕಾ; ಹಣ ಶಿಷ್ಟಾಚಾರ ಕಲಿಸಲ್ಲ ಎಂಬುದಕ್ಕೆ ಈ ವಿಡಿಯೋ ಸಾಕ್ಷಿ

ಇದನ್ನೂ ಓದಿ: ಏಕದಿನ ವಿಶ್ವಕಪ್ ಸೋತಿದ್ದೇ ವಿರಾಟ್ ಕೊಹ್ಲಿ, ಕೆಎಲ್ ರಾಹುಲ್​ ಅವರಿಂದ; ವೀರೇಂದ್ರ ಸೆಹ್ವಾಗ್ ಗಂಭೀರ ಆರೋಪ