Kanguva Public Talk: ‘ಕಂಗುವಾ’ ಸಿನಿಮಾ ನೋಡಿದ ಪ್ರೇಕ್ಷಕರ ಮಾತಿದು; ಸಿನಿಮಾ ಬಗ್ಗೆ ಹೀಗಿದೆ ನೋಡಿ ಜನಾಭಿಪ್ರಾಯ
ಕಂಗುವಾ ಸಿನಿಮಾ ಇಂದು ಬಿಡುಗಡೆಯಾಗಿದೆ. ಮೊದಲ ದಿನದ ಮೊದಲ ಶೋ ನೋಡಿ ಬಂದ ಪ್ರೇಕ್ಷಕರ ರಿಯಾಕ್ಷನ್‌ ಹೇಗಿತ್ತು? ಸಿನಿಮಾ ಬಗ್ಗೆ ಜನರು ಯಾವ ರೀತಿ ಅಭಿಪ್ರಾಯ ಇಟ್ಟುಕೊಂಡಿದ್ದಾರೆ ನೀವೇ ನೋಡಿ.
ನಟ ಸೂರ್ಯ ಅಭಿನಯದ ಸಿನಿನಾ ‘ಕಂಗುವಾ’ ಬಿಡುಗಡೆಯಾಗಿದೆ. ಸಿನಿಮಾ ನೋಡಿದ ಪ್ರೇಕ್ಷಕರು ತಮ್ಮ ಅನಿಸಿಕೆಯನ್ನು ಹಂಚಿಕೊಂಡಿದ್ದಾರೆ. ಹೆಚ್ಚಿನ ಪ್ರೇಕ್ಷಕರು ಸಿನಿಮಾ ಅದ್ಭುತವಾಗಿದೆ ಎಂದು ಹೇಳಿದ್ದಾರೆ. ಫೈಟ್‌ ಸೀನ್ ತುಂಬಾ ಚೆನ್ನಾಗಿದೆ ಎಂದು ಎಲ್ಲರೂ ತಿಳಿಸಿದ್ದಾರೆ. ಒಂದೊಂದು ಫೈಟಿಂಗ್ ಕೂಡ ಅದ್ಭುತ ಎಂದು ಹೇಳಿದ್ದಾರೆ. ಈ ಸಿನಿಮಾದಲ್ಲಿ ಕಾಮಿಡಿಯೂ ಇದೆಯಂತೆ. ನಟ ಸೂರ್ಯ ಅಭಿನಯ ಇದರಲ್ಲಿ ಗೆದ್ದಿದೆ. ಒನ್ ಮ್ಯಾನ್ ಶೋ ರೀತಿ ಈ ಸಿನಿಮಾ ಇದೆ ಎಂದು ಎಲ್ಲರೂ ಹೇಳುತ್ತಿದ್ದಾರೆ.
ಇನ್ನು ನಟ ಸೂರ್ಯ ಅವರ ಎಂಟ್ರಿ ಸೀನ್ ಬಗ್ಗೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಈ ಸೀನ್ ತುಂಬಾ ಚೆನ್ನಾಗಿದೆ. ಅವರು ತೆರೆಮೇಲೆ ಬರುತ್ತಿದ್ದಂತೆ ಎಲ್ಲರಿಗೂ ರೋಮಾಂಚನವಾಗುತ್ತದೆ ಎಂದು ಹೇಳಿದ್ದಾರೆ. ಇನ್ನು ಕೆಲವರು ಈ ಸಿನಿಮಾ ಆರಂಭದಿಂದ ಕೊನೆವರೆಗೂ ತುಂಬಾ ಇಷ್ಟವಾಗಿದೆ. ಭಾಗ ಎರಡಕ್ಕಾಗಿ ಕಾಯುತ್ತಿದ್ದೇವೆ ಎಂದು ಹೇಳಿದ್ದಾರೆ. ಈ ಸಿನಿಮಾ ಹಿಟ್ ಆಗುವುದು ಪಕ್ಕಾ ಎಂದು ಹೇಳುತ್ತಿದ್ದಾರೆ.
ಸಿನಿಮಾ ನೋಡಿದ ಎಲ್ಲ ಪ್ರೇಕ್ಷಕರು ಸಂತೋಷದಿಂದ ಸಿನಿಮಾ ಸೂಪರ್ ಆಗಿದೆ ಎಂಬ ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಕೇರಳದಲ್ಲಿ ನಿರೀಕ್ಷೆಗೆ ತಕ್ಕಂತೆ ಸಿನಿಮಾ ಮೂಡಿ ಬಂದಿಲ್ಲ ಎಂದು ಆಡಿಯನ್ಸ್‌ ಹೇಳಿದ್ದಾರೆ. ಇನ್ನು ಕೆಲವರು ಸಿನಿಮಾ ಡಿಸಪಾಂಯ್ಟಿಂಗ್ ಆಗಿದೆ. ನಾವು ಅಂದುಕೊಂಡಷ್ಟು ಚೆನ್ನಾಗಿಲ್ಲ ಎಂದು ಹೇಳಿದ್ದಾರೆ. ಇನ್ನು ಕೆಲವರು ಕೆಲವು ಶಾಟ್‌ಗಳು ಚೆನ್ನಾಗಿಲ್ಲ ಮುಖದ ಹತ್ತಿರ ಕ್ಯಾಮರಾ ಕೊಂಡು ಹೋಗಿದ್ದಾರೆ ಎಂದು ಹೇಳಿದ್ದಾರೆ. ಆದರೆ ಬಹುತೇಕರ ಬಾಯಲ್ಲಿ ಹೀರೋ ಎಂಟ್ರಿ ಬಗ್ಗೆ ಉತ್ತಮ ಮಾತಿದೆ.
ಕಥೆಯ ಬಗ್ಗೆ ಹೇಳಿದ್ದಕ್ಕಿಂತ ಸಿನಿಮಾದಲ್ಲಿನ ಫೈಟಿಂಗ್ ಸೀನ್ ಇಷ್ಟಪಟ್ಟವರೇ ಹೆಚ್ಚು. ಕೆಲವು ಕಡೆ ಗೊಂದಲ ಸೃಷ್ಟಿಯಾಗಿದೆ ಎಂದೂ ಸಹ ಹೇಳಿದ್ದಾರೆ.
ಇನ್ನು ಟ್ವಿಟರ್‌ನಲ್ಲಿ ಸಾಕಷ್ಟು ರೀತಿಯ ಅಭಿಪ್ರಾಯಗಳು ಲಭ್ಯವಾಗಿದೆ. ಸಿನಿಮಾ ಬಹಳ ವೇಗವಾಗಿದೆ. 2 ನೇ ಭಾಗಕ್ಕಾಗಿ ಕಾಯುವ ಅಗತ್ಯವಿಲ್ಲ ಯಾಕೆಂದರೆ ಈ ಸಿನಿಮಾದ ಮೊದಲಾರ್ಧವೇ ತುಂಬಾ ಕಿರಿಕಿರಿ ಹುಟ್ಟಿಸುವಂತಿದೆ. ಸಾಕಷ್ಟು ಗೊಂದಲ ಇದೆ. ಕಥೆಯಲ್ಲಿ ಫ್ಲ್ಯಾಷ್‌ಬ್ಯಾಕ್ ಇದೆ ಆದರೆ ಯಾವುದೇ ಎಮೋಷನ್ಸ್ ಕ್ಯಾರಿಯಾಗಿಲ್ಲ ಎಂದು ಹೇಳಿದ್ದಾರೆ.
