ಮಾಲ್ಡೀವ್ಸ್‌ನಲ್ಲಿ ಹುಟ್ಟುಹಬ್ಬ ಆಚರಣೆ ಮಸ್ತ್‌ ಆಗಿತ್ತು ಎಂದ ಅನನ್ಯ ಪಾಂಡೆ; ಎಲ್ಲಾ ನೈಟ್‌ ಮ್ಯಾನೇಜರ್‌ ಪ್ರಭಾವ ಅಂದ್ರು ನೆಟ್ಟಿಗರು
Ananya Panday News: ಬಾಲಿವುಡ್ ನಟಿ ಅನನ್ಯ ಪಾಂಡೆ ಸೋಮವಾರ ಮಾಲ್ಡೀವ್ಸ್‌ನಲ್ಲಿ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಂಡರು. ರೊಮ್ಯಾಂಟಿಕ್‌ ಡಿನ್ನರ್‌, ಲೈವ್‌ ಮ್ಯೂಸಿಕ್‌ ಮತ್ತು ಒಂದು ಸಿನಿಮಾ ನೋಡುವ ಮೂಲಕ ಹುಟ್ಟುಹಬ್ಬ ಆಚರಿಸಿಕೊಂಡೆ ಎಂದು ನಟಿ ಹೇಳಿದ್ದಾರೆ.
ಬಾಲಿವುಡ್ ನಟಿ ಅನನ್ಯ ಪಾಂಡೆ ತನ್ನ 25ನೇ ವರ್ಷದ ಹುಟ್ಟುಹಬ್ಬವನ್ನು ಸೋಮವಾರ ಮಾಲ್ಡೀವ್ಸ್‌ ರೆಸಾರ್ಟ್‌ನಲ್ಲಿ ಆಚರಿಸಿಕೊಂಡರು. ನಿನ್ನೆ ರಾತ್ರಿ ಈ ಹುಟ್ಟುಹಬ್ಬದ ಫೋಟೋಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡರು. ಕಲರ್‌ಫುಲ್‌ ಮ್ಯಾಕ್ಸಿ ಡ್ರೆಸ್‌ ಧರಿಸಿದ ಇವರು ರೆಸಾರ್ಟ್‌ನಲ್ಲಿ ಕಡಲ ಕಿನಾರೆಯಲ್ಲಿ ಡಿನ್ನರ್‌ ಮಾಡುವ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಸಮುದ್ರ ತೀರದಲ್ಲಿರುವ ತೆರೆದ ಚಿತ್ರಮಂದಿರದಲ್ಲಿ ಸಿನಿಮಾವನ್ನೂ ನೋಡಿದ್ದಾರೆ. ಜತೆಗೆ, ಲೈವ್‌ ಮ್ಯೂಸಿಕ್‌ ಕೂಡ ಎಂಜಾಯ್‌ ಮಾಡಿದರು. ಇವರು ಆದಿತ್ಯ ರಾಯ್‌ ಕಪೂರ್ ಜತೆ ಮಾಲ್ಡೀವ್ಸ್‌ನಲ್ಲಿದ್ದಾರೆ ಎಂದು ವರದಿಗಳು ತಿಳಿಸಿವೆ.
"25 ವರ್ಷ. ಹುಟ್ಟುಹಬ್ಬವನ್ನು ಆಹಾರ ಮತ್ತು ಸೂರ್ಯನ ಬೆಳಕು ಸುಂದರಗೊಳಿಸಿತು. ನನ್ನ ಪ್ರೀತಿಯ ಎಲ್ಲರಿಗೂ ಧನ್ಯವಾದ. ನನ್ನ ಹುಟ್ಟುಹಬ್ಬದಂದು ಒಂದು ದಿನ ನಾನು ಮೂರು ಕಾಮನಬಿಲ್ಲುಗಳನ್ನು ನೋಡಿದೆ" ಎಂದು ಅವರು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡ ಚಿತ್ರದ ಜತೆಗೆ ಟಿಪ್ಪಣಿ ಬರೆದಿದ್ದಾರೆ.
ಅನನ್ಯ ಪಾಂಡೆ ಹಂಚಿಕೊಂಡಿರುವ ಚಿತ್ರಗಳು ರಾತ್ರಿಯ ರೊಮ್ಯಾಂಟಿಕ್‌ ಭೋಜನದ ಸುಳಿವು ನೀಡುತ್ತದೆ. ಮೇಜಿನ ಬಳಿ ಹಲವು ವಿಶೇಷ ಭಕ್ಷ್ಯಗಳು ಇವೆ. ಅದರ ಮುಂದೆ ಕುಳಿತ ಅನನ್ಯ ಪಾಂಡೆ ರಾತ್ರಿಯ ಆಕಾಶದಡಿ, ಸಮುದ್ರದ ಭೋಜನ ಸವಿಯುತ್ತಿದ್ದಾರೆ. ಇನ್ನೊಂದು ವಿಡಿಯೋದಲ್ಲಿ ಅನನ್ಯ ಪಾಂಡೆ ಸುತ್ತ ಕೆಲವು ಪುರುಷರು ಡೋಲು ಬಡಿಯುತ್ತಿರುವುದು ಕಾಣಿಸುತ್ತದೆ. ಸಮುದ್ರದ ಅಂಚಿನಲ್ಲಿ ದೊಡ್ಡ ಪರದೆಯಲ್ಲಿ ಸಿನಿಮಾವೂ ಪ್ಲೇ ಆಗುತ್ತ ಇರುತ್ತದೆ. ವಿಮಾನದಿಂದ ಕ್ಲಿಕ್‌ ಮಾಡಿದ ಕಾಮನಬಿಲ್ಲಿನ ಚಿತ್ರವನ್ನೂ ಹಂಚಿಕೊಂಡಿದ್ದಾರೆ.
ಇನ್‌ಸ್ಟಾಗ್ರಾಂನಲ್ಲಿ ಇವರು ಹಂಚಿಕೊಂಡಿರುವ ಫೋಟೋಗಳಿಗೆ ಅವರ ಸಹೋದ್ಯೋಗಿಗಳು, ಗೆಳೆಯ ಗೆಳತಿಯರು ಕಾಮೆಂಟ್‌ ಮಾಡಿ ಹುಟ್ಟುಹಬ್ಬದ ಶುಭ ಹಾರೈಸಿದ್ದಾರೆ. "ನನ್ನ ಡಾರ್ಲಿಂಗ್‌ ಹುಡುಗಿಗೆ ಹುಟ್ಟುಹಬ್ಬದ ಶುಭಾಶಯ. ನಿನ್ನ ಸುತ್ತಲೂ ಅದ್ಭುತ ವ್ಯಕ್ತಿಗಳು ಇರಲಿ, ಖುಷಿಯ ನಗು ಇರಲಿ" ಎಂದು ರಣವೀರ್‌ ಸಿಂಗ್‌ ಶುಭಾಶಯ ಕೋರಿದ್ದಾರೆ. " ಹುಟ್ಟುಹಬ್ಬದ ಶುಭಾಶಯ, ತುಂಬ ಮುದ್ದಾಗಿ ಕಾಣಿಸುವಿರಿ" ಎಂದು ಲಿಸಾ ಹೈಡಾನ್‌ ವಿಶ್‌ ಮಾಡಿದ್ದಾರೆ. "ಶುಭಾಶಯಗಳು" ಎಂದು ನವ್ಯಾ ನಂದಾ ವಿಶ್‌ ಮಾಡಿದ್ದಾರೆ.
ಅನನ್ಯ ಪಾಂಡೆಯ ಕೆಲವು ಅಭಿಮಾನಿಗಳೂ ಕಾಮೆಂಟ್‌ ಮಾಡಿದ್ದಾರೆ. ಕೆಲವರು "ನೀವು ಆದಿತ್ಯ ರಾಯ್‌ ಕಪೂರ್ ಜತೆ ಹೋಗಿದ್ದೀರಿ ಅಲ್ವಾ?" ಎಂದು ಕಾಮೆಂಟ್‌ ಮಾಡಿದ್ದಾರೆ. "ಈ ಖುಷಿಯ ಕ್ರೆಡಿಟ್‌ ನಿಮ್ಮ ನೈಟ್‌ ಮ್ಯಾನೇಜರ್‌ಗೆ" ಎಂದು ಇನ್ನೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. "ಆದಿತ್ಯ ರಾಯ್‌ ಕಪೂರ್ ನಿಮ್ಮ ಕ್ಯಾಮೆರಾ ಮ್ಯಾನ್‌" ಎಂದು ಮತ್ತೊಬ್ಬರು ಕಾಮೆಂಟ್‌ ಮಾಡಿದ್ದಾರೆ.
ಅನನ್ಯ ಪಾಂಡೆ ಈ ಹಿಂದೆ ಆಯುಷ್ಮನ್‌ ಖುರಾನ್‌ ಅವರ ಡ್ರೀಮ್‌ ಗರ್ಲ್‌ 2ನಲ್ಲಿ ಕಾಣಿಸಿಕೊಂಡಿದ್ದರು. ಖೋ ಗಯೆ ಹಮ್‌ ಕಹಾನ್‌ ಇವರ ಮುಂದಿನ ಚಿತ್ರ. ಕಾಲ್‌ ಮಿ ಬಾಯಿ ಎಂಬ ವೆಬ್‌ ಸರಣಿಯಲ್ಲೂ ನಟಿಸುತ್ತಿದ್ದಾರೆ. ಇನ್ನೂ ಹಲವು ಪ್ರಾಜೆಕ್ಟ್‌ಗಳು ಅವರ ಕೈಯಲ್ಲಿವೆ.
ಅನನ್ಯ ಪಾಂಡೆ ಮತ್ತು ಆದಿತ್ಯ ರಾಯ್‌ ಕಪೂರ್ ಹಲವು ದಿನಗಳಿಂದ ಡೇಟಿಂಗ್‌ನಲ್ಲಿದ್ದಾರೆ ಎಂಬ ಗುಸುಗುಸು ತುಂಬಾ ದಿನದಿಂದ ಕೇಳಿಬರುತ್ತಿದೆ. ಆದಿತ್ಯ ರಾಯ್‌ ಕಪೂರ್ ಅವರು ನೈಟ್‌ ಮ್ಯಾನೇಜರ್‌ ಎಂಬ ಚಿತ್ರದ ನಟ. ಇದೇ ಕಾರಣಕ್ಕೆ ಅಭಿಮಾನಿಗಳು ನೈಟ್‌ ಮ್ಯಾನೇಜರ್‌ ಜತೆಯಲ್ಲಿದ್ದೀರಾ ಎಂದು ಕಾಡುತ್ತಾ ಇರುತ್ತಾರೆ.
