Despatch OTT release: ಒಟಿಟಿಯಲ್ಲಿ ಡಿಸ್ಪೇಚ್ ಬಿಡುಗಡೆ ಯಾವಾಗ? ನಿರ್ಭೀತ ಪತ್ರಕರ್ತನಾಗಿ ಮನೋಜ್ ಬಾಜಪೇಯಿ ನಟಿಸಿರುವ ಸಿನಿಮಾವಿದು
Despatch OTT release date and platform: ಕಾನು ಬೆಹ್ಲ್ ನಿರ್ದೇಶನದ, ಮನೋಜ್ ಬಾಜಪೇಯಿ ಅವರು ಟ್ಯಾಬ್ಲಾಯ್ಡ್‌ ಪತ್ರಕರ್ತನಾಗಿ ನಟಿಸಿರುವ ಡಿಸ್ಪೇಚ್ ಸಿನಿಮಾ ಡಿಸೆಂಬರ್‌ ತಿಂಗಳಲ್ಲಿ ಒಟಿಟಿಯಲ್ಲಿ ಬಿಡುಗಡೆಯಾಗಲಿದೆ.
Despatch OTT release date and platform: ಮನೋಜ್ ಬಾಜಪೇಯಿ ಅವರು ತಮ್ಮ ಮುಂದಿನ ಚಿತ್ರ ಡಿಸ್ಪೇಚ್ ಒಟಿಟಿಯಲ್ಲಿ ಬಿಡುಗಡೆಗೆ ಸಜ್ಜಾಗಿದೆ. ಕನು ಬೆಹ್ಲ್ ನಿರ್ದೇಶನದ ಈ ರೋಮಾಂಚಕ ಚಿತ್ರದಲ್ಲಿ ಮನೋಜ್ ಬಾಜಪೇಯಿ ಅವರು ನಿರ್ಭೀತ ಪತ್ರಕರ್ತನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಇದೀಗ ಚಿತ್ರತಂಡ ಕೊನೆಗೂ ಡಿಸ್ಪೇಚ್ ಸಿನಿಮಾದ ಬಿಡುಗಡೆ ದಿನಾಂಕ ಮತ್ತು ಪ್ಲಾಟ್‌ಫಾರ್ಮ್‌ ವಿವರ ನೀಡಿದೆ.
ಸಿನಿಮಾದ ಹೆಸರು: ಡಿಸ್ಪೇಚ್
ನಿರ್ದೇಶನ: ಕಾನು ಬೆಹ್ಲ್
ಭಾಷೆ: ಹಿಂದಿ
ಒಟಿಟಿಯಲ್ಲಿ ಬಿಡುಗಡೆಯಾಗುವ ದಿನಾಂಕ: ಡಿಸೆಂಬರ್‌ 13, 2024
ಯಾವ ಒಟಿಟಿಯಲ್ಲಿ ಪ್ರಸಾರವಾಗಲಿದೆ?: ಜೀ5
ತಾರಾಗಣ: ಮನೋಜ್ ಬಾಜಪೇಯಿ, ಅರ್ಚಿತಾ ಅಗರ್ವಾಲ್, ಶಹಾನಾ ಗೋಸ್ವಾಮಿ
ಈಗಾಗಲೇ ಬಿಡುಗಡೆಗೊಂಡ ಡಿಸ್ಪೇಚ್ ಸಿನಿಮಾದ ಟೀಸರ್‌ನಲ್ಲಿ ಸಾಕಷ್ಟು ಮಾಹಿತಿ ಹೊರಬಿದ್ದಿದೆ. ಈ ಟೀಸರ್‌ನಲ್ಲಿ ಮನೋಜ್ ಬಾಜಪೇಯಿ ಯಾರದ್ದೋ ಜತೆ ಡ್ರಿಂಕ್ಸ್‌ ಮಾಡುತ್ತಿದ್ದಾರೆ. ಆಗ ಸ್ವಲ್ಪ ಹೊತ್ತಲ್ಲಿ ಕಿಟಕಿಗೆ ಯಾರೋ ದೊಡ್ಡ ಕಲ್ಲು ಎಸೆದಾಗ ಗಾಬರಿಗೊಳ್ಳುತ್ತಾರೆ. ಇದಾದ ಬಳಿಕ ಖಾಸಗಿ ಸಂಖ್ಯೆಯಿದ ಇವರಿಗೆ ಕರೆ ಬರುತ್ತದೆ. "ತಕ್ಷಣ, ಪ್ಯಾಕ್‌ ಮಾಡಿ ಮನೆಗೆ ಹೋಗು, ಈಗ ಕಲ್ಲು ಬಂದಿದೆ. ನಂತರ ಬಂದೂಕಿನಿಂದ ಗುಂಡು ಬರುತ್ತದೆ" ಎಂದು ಆ ನಿಗೂಢ ವ್ಯಕ್ತಿ ಹೇಳುತ್ತಾನೆ. "ನಾನು ಪತ್ರಕರ್ತ" ಎಂದು ಇವರು ಹೇಳುತ್ತಾರೆ. "ನಾನು ಆರು ಕತೆಗಳನ್ನು ಬರೆಯಬಲ್ಲೆ. ಆದರೆ, ಅದೆಲ್ಲದಕ್ಕಿಂತ ಹೆಚ್ಚು ಮೌಲ್ಯಯುತವಾದದ್ದು ಮಾಹಿತಿಯಾಗಿದೆ" ಎಂಬ ಪತ್ರಿಕೋದ್ಯಮದ ನೈತಿಕತೆಯ ಪಾಠವೂ ಇಲ್ಲಿದೆ.
ಈ ಟೀಸರ್‌ನಲ್ಲಿ ನಿರ್ಭೀತ ಪತ್ರಕರ್ತನಾಗಿ ಆತ ಎದುರಿಸುತ್ತಿರುವ ಅಪಾಯಗಳ ಕುರಿತೂ ಬೆಳಕು ಚೆಲ್ಲಿದೆ. ಇದೇ ಸಮಯದಲ್ಲಿ ವೈಯಕ್ತಿಕ ಸವಾಲುಗಳೂ ಆತನಿಗೆ ಇರುವುದನ್ನು ತೋರಿಸಿದೆ. ಇವರು 8 ಸಾವಿರ ಕೋಟಿ ರೂ ಮೊತ್ತದ ಹಗರಣದ ಹಿಂದೆ ಬಿದ್ದಿದ್ದಾರೆ. ಇವರ ವಿರುದ್ಧ ಹೋರಡಲು ನಿಮಗೆ ಏಳು ಜನ್ಮ, 150 ವರ್ಷ ಬೇಕು" ಎಂದು ಯಾರೋ ಹೇಳುವುದೂ ಇದೆ. ಒಟ್ಟಾರೆ, ಈ ಟೀಸರ್‌ ಕುತೂಹಲ ಕೆರಳಿಸಿದೆ.
ಇತ್ತೀಚೆಗೆ ವೆರೈಟಿ ನಿಯತಕಾಲಿಕೆಗೆ ನೀಡಿದ ಸಂದರ್ಶನದಲ್ಲಿ ಮನೋಜ್ ಬಾಜಪೇಯಿ ಅವರು ನಿರ್ದೇಶಕ ಕಾನು ಬೆಹ್ಲ್ ಅವರನ್ನು ಹೊಗಳಿದ್ದಾರೆ. ಇವರು ಸಮ್‌ ಕೈಂಡ್‌ ಆಫ್‌ ಡೈರೆಕ್ಟರ್‌ ಎಂದು ಹೊಗಳಿದ್ದಾರೆ. ಯುವ ನಟರು ತಮ್ಮ ವೃತ್ತಿಜೀವನದಲ್ಲಿ ಒಮ್ಮೆಯಾದರೂ ಅವರೊಂದಿಗೆ ಕೆಲಸ ಮಾಡಲು ಬಯಸಬೇಕು ಮತ್ತು ಅವರ ಕಚೇರಿ ಮುಂದೆ ನಟನೆಗಾಗಿ ಸಾಲುಗಟ್ಟಿ ನಿಲ್ಲಬೇಕು ಎಂದಿದ್ದಾರೆ. "ಅವರು ನಡೆಸುವ ಕಾರ್ಯಾಗಾರಗಳು, ನಿಮ್ಮ ನಟನೆ ಹೊರತೆಗೆಯಲು ಮಾಡುವ ಟೇಕ್‌ಗಳು ಅದ್ಭುತವಾಗಿದೆ. ಚಲನಚಿತ್ರ ನಿರ್ಮಾಣದ ಅಪಾರ ಅನುಭವ, ನಟನೆ ಅನುಭವ ಪಡೆಯಲು ನಿಜಕ್ಕೂ ಇದು ನಿಮಗೆ ಸಹಾಯ ಮಾಡಬಲ್ಲದು" ಎಂದು ಅವರು ಹೇಳಿದ್ದಾರೆ.
