ಅಂಬರೀಶ್‌ ಮನೆಗೆ ಜೂನಿಯರ್ ಅಂಬಿ ಆಗಮನ; ಅಭಿಷೇಕ್-ಅವಿವಾಗೆ ಪುತ್ರೋತ್ಸವ; ಮೊಮ್ಮಗುವನ್ನು ಮುದ್ದಾಡಿದ ಸುಮಲತಾ
ಅಭಿಷೇಕ್-ಅವಿವಾ ದಂಪತಿಗೆ ಗಂಡು ಮಗುವಾಗಿದೆ. ಸುಮಲತಾ ಅಂಬರೀಶ್‌ ತಮ್ಮ ಮೊಮ್ಮಗನನ್ನು ಎತ್ತಿಕೊಂಡ ಫೋಟೋ ಎಲ್ಲೆಡೆ ವೈರಲ್ ಆಗುತ್ತಿದೆ. 2023ರಲ್ಲಿ ಮದುವೆಯಾದ ಈ ಜೋಡಿ ಮದುವೆಯಾದ ಒಂದು ವರ್ಷಕ್ಕೆ ಸಿಹಿಸುದ್ದಿ ನೀಡಿದೆ.
ಅಭಿಷೇಕ್-ಅವಿವಾ ದಂಪತಿಗೆ ಗಂಡು ಮಗುವಾಗಿದೆ. ಅಂಬರೀಶ್‌ ಮನೆಯಲ್ಲಿ ಸಂತಸದ ವಾತಾವರಣ ಮೂಡಿದೆ. ಸುಮಲತಾ ತಮ್ಮ ಮೊಮ್ಮಗನನ್ನು ಎತ್ತಿಕೊಂಡಿದ್ದಾರೆ. ಇಂದು ಬೆಳಿಗ್ಗೆ ಆಸ್ಪತ್ರೆಯಲ್ಲಿ ಅವಿವಾ ತಮ್ಮ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಮಗುವಿನ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಅಭಿಷೇಕ್ ಹಾಗೂ ಅವಿವಾ ಅವರು 2023ರಲ್ಲಿ ವಿವಾಹ ಆದರು. ಇವರ ಮದುವೆ ಅದ್ದೂರಿಯಾಗಿ ನೆರವೇರಿತ್ತು ಅದೇ ರೀತಿ 2024ರಲ್ಲಿ ಅವರ ಸೀಮಂತ ಕೂಡ ಅದ್ದೂರಿಯಾಗಿ ಆಗಿತ್ತು.
ಅಂಭರೀಶ್ ಹಾಗೂ ಅಭಿಷೇಕ್ ಅಭಿಮಾನಿಗಳೂ ಈ ಸಂದರ್ಭದಲ್ಲಿ ತುಂಬಾ ಖುಷಿಯಲ್ಲಿದ್ದಾರೆ. ಗಂಡು ಮಗುವಿನ ಜನನವಾದ ಕಾರಣ ಮತ್ತೆ ಅಂಬರೀಶ್‌ ಮನೆಗೆ ಅಂಬರೀಶ್‌ ಮಗುವಾಗಿ ಆಗಮನಿಸಿದ್ದಾರೆ ಎಂದು ಹೇಳುತ್ತಿದ್ದಾರೆ. ಹಿರಿಯ ನಟಿ ಹಾಗೂ ಮಾಜಿ ಸಂಸದೆ ಸುಮಲತಾ ತಮ್ಮ ಮೊಮ್ಮಗುವನ್ನು ಎತ್ತಿ ಮುದ್ದಾಡಿದ್ದಾರೆ.
ರೆಬೆಲ್‌ಸ್ಟಾರ್‌ ಅಂಬರೀಶ್‌ ಪುತ್ರ ಅಭಿಷೇಕ್ ಅಂಬರೀಶ್‌ ಇದೀಗ ಅಪ್ಪನಾದ ಖುಷಿಯಲ್ಲಿದ್ದಾರೆ. ಪತ್ನಿ ಅವಿವಾ ಬಿದಪ್ಪ ಈಗ ತಾಯಿಯಾಗಿ ಮಡಿಲು ತುಂಬಿಕೊಂಡಿದ್ದಾರೆ. ಅಭಿಮಾನಿಗಳು ಈಗಾಗಲೇ ಯಾವ ಹೆಸರು ಇಡ್ತೀರಾ? ಎಂದು ಕಾಮೆಂಟ್ ಮಾಡಲು ಆರಂಭಿಸಿದ್ದು. ಎಲ್ಲರೂ ತುಂಬಾ ಸಂತಸದಲ್ಲಿದ್ದಾರೆ. ಬೆಂಗಳೂರಿನ ಖಾಸಗಿ ಆಸ್ಪತ್ರೆ ಸ್ವರ್ಷ್‌ನಲ್ಲಿ ತಮ್ಮ ಮಗುವಿಗೆ ಅವಿವಾ ಜನ್ಮ ನೀಡಿದ್ದಾರೆ.
ಜೂನ್‌ 5, 2023ರಂದು ಇವರ ವಿವಾಹವಾಗಿತ್ತು. ಮಂಡ್ಯದ ಸೊಸೆಯಾಗಿ ಅವಿವಾ ಆಗಮಿಸಿದ್ದರು. ಈಗ ಮಂಡ್ಯದ ಮಣ್ಣಿಗೆ ಮತ್ತೊಂದು ಮಗು ಕಾಲಿಡುತ್ತಿದೆ. ಸಪ್ಟೆಂಬರ್ 18, 2024ರಂದು ಅವಿವಾ ಸೀಮಂತ ಕಾರ್ಯಕ್ರಮ ಮಾಡಲಾಗಿತ್ತು. ನವೆಂಬರ್ 12, 2024ರಂದು ಅವರು ತಮ್ಮ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಸ್ಯಾಂಡಲ್ವುಡ್ ರೆಬೆಲ್‌ಸ್ಟಾರ್‌ ಅಂಬರೀಶ್‌ ಪುತ್ರ ಅಭಿಷೇಕ್ ಅಂಬರೀಶ್‌ ಇನ್ನು ಯಾವ ರೀತಿ ತಮ್ಮ ಮಗನನ್ನು ಮನೆಗೆ ಬರಮಾಡಿಕೊಳ್ಳುತ್ತಾರೆ ಎಂದು ಎಲ್ಲರೂ ಕಾತರದಿಂದ ಕಾಯುತ್ತಿದ್ದಾರೆ.
ಕಳೆದ ಜೂನ್‌ ಜುಲೈ ತಿಂಗಳಲ್ಲಿ ಅವಿವಾ ಗರ್ಭಿಣಿ ಅನ್ನೋ ವಿಚಾರ ಹೊರಬಿದ್ದಿತ್ತು. ಅಂದಿನಿಂದ ಅಂಬರೀಶ್‌ ಅಭಿಮಾನಿ ವಲಯದಲ್ಲಿ ಸಂಭ್ರಮ ಮನೆ ಮಾಡಿತ್ತು. ಇಂದು ಆ ಸಂಭ್ರಮ ಇನ್ನಷ್ಟು ಇಮ್ಮಡಿಯಾಗಿದೆ.
