Bigg Boss Kannada: ನೇರ ನಾಮಿನೇಷನ್‌ನಲ್ಲಿ ಅನುಷಾ ಹೆಸರು; ಜೋಡಿ ಹಕ್ಕಿ ನಡುವೆ ಮೂಡಿತು ಬಿರುಕು
ಬಿಗ್ ಬಾಸ್‌ ಮನೆಯಲ್ಲಿ ನೇರ ನಾಮಿನೇಷನ್ ಆರಂಭವಾಗಿದೆ. ಈ ನೇರ ನಾಮಿನೇಷನ್‌ನಲ್ಲಿ ಧರ್ಮ ಅವರು ಅನುಷಾ ಹೆಸರನ್ನು ತೆಗೆದುಕೊಂಡಿರುವುದು ಎಲ್ಲರಿಗೂ ಆಶ್ಚರ್ಯ ಎನಿಸಿದೆ. ಇಷ್ಟು ದಿನ ಒಬ್ಬರೊಟ್ಟಿಗೆ ಇನ್ನೊಬ್ಬರು ಅನ್ಯೂನ್ಯವಾಗಿದ್ದರು.
ಬಿಗ್ ಬಾಸ್‌ ಮನೆಯೆಂದರೇ ಹಾಗೇ, ನಾಮಿನೇಷನ್ ಆರಂಭವಾದಾಗ ಯಾರಿಗೆ ಯಾರು ಏನಾಗಬೇಕು ಎಂದು ನೋಡುವುದಿಲ್ಲ. ನೇರವಾಗಿ ನಾಮಿನೇಟ್ ಮಾಡಿ ಬಿಡುತ್ತಾರೆ. ಇನ್ನು ನಮಗೆ ಯಾರಾದರೂ ಈ ಮನೆಯಲ್ಲಿ ಇಲ್ಲದಿದ್ದರೆ ನಾವು ಗೆಲ್ಲಬಹುದು ಎಂಬ ಆಲೋಚನೆ ಇರುತ್ತದೆಯೋ ಅಂತವರೂ ಸಹ ನಾಮಿನೇಟ್ ಆಗುತ್ತಾರೆ. ಆದರೆ ಈ ಬಾರಿ ಮನೆಯವರೆಲ್ಲ ಒಕ್ಕೋರಲಿನಿಂದ ಅನುಷಾ ಅವರನ್ನು ನಾಮಿನೇಟ್ ಮಾಡಿದ್ದಾರೆ. ಈ ಹಿಂದೆ ಅವರೆಲ್ಲ ಯಾವ ನಿರ್ಧಾರ ಮಾಡಿಕೊಂಡಿದ್ದರು ಎಂದು ತಿಳಿದಿಲ್ಲ. ಆದರೆ ಈ ಬಾರಿಯ ಟಾರ್ಗೆಟ್ ಅನುಷಾ ಆಗಿದ್ದಾರೆ.
ಬಿಗ್ ಬಾಸ್‌ ಹೇಳಿದ ಪ್ರಕಾರ ಮೊದಲು ನೇರ ನಾಮಿನೇಷನ್ ಪ್ರಕ್ರಿಯೆ ಇರುತ್ತದೆ. ಅದಾದ ನಂತರದಲ್ಲಿ ಬೇರೆ ನಾಮಿನೇಷನ್‌ಗಳೂ ಇರುತ್ತದೆ. ಈ ರೀತಿ ನೇರ ನಾಮಿನೇಷನ್ ಮಾಡುವ ಸಂದರ್ಭದಲ್ಲಿ ಮೋಕ್ಷಿತಾ, ಗೌತಮಿ ಹಾಗೂ ಐಶ್ವರ್ಯ ಎಲ್ಲರೂ ಅನುಷಾ ಅವರ ಹೆಸರನ್ನು ಹೇಳಿದ್ದಾರೆ. ಮೊದಲು ಶಾಂತವಾಗಿ ಎಲ್ಲರ ಮಾತನ್ನೂ ಕೇಳಿಸಿಕೊಂಡ ಅನುಷಾ ನಂತರ ಉತ್ತರ ನೀಡಿದ್ದಾರೆ.
ಮೋಕ್ಷಿತಾ ಹೇಳುತ್ತಾರೆ. ಈ ಮನೆಯಲ್ಲಿ ನೀವು ಎಂಟರ್‌ಟೈನ್ ಮಾಡುತ್ತಿಲ್ಲ ಎಂದು. ಅದಾದ ನಂತರದಲ್ಲಿ ಗೌತಮಿ ಹೇಳುತ್ತಾರೆ ನೀವು ನನ್ನ ಫೇಕ್ ಎಂದು ಕರೆಯುತ್ತೀರಿ. ಆದರೆ ನಾನು ನಗುವಾಗ ನನ್ನ ಮುಂದೆ ನೀವು ನಿಮ್ಮ ನಗು ನೋಡಿದ್ರೆ ಖುಷಿ ಆಗುತ್ತೆ ಎಂದು ಸುಳ್ಳು ಹೇಳುತ್ತೀರಿ ಎಂದು. ಇನ್ನು ಅದಾದ ನಂತರದಲ್ಲಿ ಧರ್ಮ ಅವರು ಕೂಡ ಅನುಷಾ ಹೆಸರನ್ನೇ ತಗೋತಾರೆ.
ಧರ್ಮ ನೀಡಿರುವ ಕಾರಣ ಏನೆಂದರೆ ನೀವು ಈ ಮನೆಯಲ್ಲಿ ಇರೋದು ಗೊತ್ತೇ ಆಗ್ತಾ ಇಲ್ಲ. ಆಟದಲ್ಲಿ ಇನ್ನಷ್ಟು ಅಗ್ರೆಷನ್ ಬೇಕು ಎಂದು ಹೇಳುತ್ತಾರೆ. ಎಲ್ಲರ ಮಾತೂ ಮುಗಿಯುತ್ತದೆ. ಮಾತು ಮುಗಿದ ನಂತರ ಅನುಷಾ ಮಾತಾಡುತ್ತಾರೆ. ಮೋಕ್ಷಿತಾ ನೀವು ಈ ಮನೆಯಲ್ಲಿ ಎಷ್ಟು ಎಂಟರ್‌ಟೈನ್ ಮಾಡ್ತಾ ಇದೀರಾ? ಗೌತಮಿ ನಾನು ನಿಮ್ಮ ಹಿಂದಲ್ಲ ಆನ್ ಫೇಸ್ ಹೇಳ್ತಾ ಇದೀನಿ ನೀವು ಫೇಕ್, ಧರ್ಮ ನೀವು ಈ ಮನೆಯಲ್ಲಿ ಎಷ್ಟು ಅಗ್ರೆಸ್ಸಿವ್ ಆಗಿ ಆಡ್ತಾ ಇದೀರಾ? ಎಂದು ಪ್ರಶ್ನೆ ಮಾಡುತ್ತಾರೆ.
ಅದಾದ ನಂತರದಲ್ಲಿ ಧರ್ಮ ಹೇಳುತ್ತಾರೆ. ಈಗಾಗಲೆ ನನ್ನನ್ನು ಈ ಮನೆಯ ನಾಲಾಯಕ್ ಎಂದು ಎಲ್ಲರೂ ಹೇಳಿ ಆಗಿದೆ ಎಂದು ಸುಮ್ಮನಾಗುತ್ತಾರೆ.
ಅನುಷಾ ಈ ವಾರದ ನೇರ ನಾಮಿನೇಷನ್
ಕಳೆದ ವಾರ ತಾನು ಕ್ಯಾಪ್ಟನ್‌ ಆಗಲು ಉಗ್ರಂ ಮಂಜು ಜೊತೆ ತ್ರಿವಿಕ್ರಮ್‌ ಮಾಡಿಕೊಂಡಿದ್ದ ಒಪ್ಪಂದಕ್ಕೆ ಬಿಗ್‌ಬಾಸ್‌ ಬ್ರೇಕ್‌ ಹಾಕಿದ್ದಾರೆ. ಈ ವಾರ ನಾಮಿನೇಷನ್ ಪ್ರಕ್ರಿಯೆಯಿಂದ ಕ್ಯಾಪ್ಟನ್‌ ತ್ರಿವಿಕ್ರಮ್‌ ಹೊರಗೆ ಉಳಿದಿದ್ದಾರೆ. ಮನೆಯಿಂದ ಹೊರ ಹೋಗಲು ಯಾವ ಸ್ಪರ್ಧಿ ನೇರ ನಾಮಿನೇಟ್ ಆಗಲಿದ್ದಾರೆ ಎಂಬುದು ಇದುವರೆಗೆ ಗೌಪ್ಯವಾಗಿತ್ತು ಆದರೆ ಈಗ ಕಲರ್ಸ್‌ ಬಿಡುಗಡೆ ಮಾಡಿದ ಪ್ರೋಮೋದಲ್ಲಿ ಅದಕ್ಕೂ ಉತ್ತರ ಸಿಕ್ಕಂತಾಗಿದೆ. ಅನುಷಾ ಈ ವಾರದ ನೇರ ನಾಮಿನೇಷನ್‌ಗೆ ಗುರಿಯಾಗಿದ್ದಾರೆ.
ಹೀಗಿದೆ ಜನಾಭಿಪ್ರಾಯ
ಅನುಷಾ ನೀವು ಮೋಕ್ಷಿತ ಗೌತಮಿಗೆ ಸರಿಯಾಗಿ ಹೇಳಿದ್ರಿ ಖುಷಿಯಾತು ಎಂದು ರಾಧಾ ಎನ್ನುವವರು ಕಾಮೆಂಟ್ ಮಾಡಿದ್ದಾರೆ. ಹೆಚ್ಚಿನ ಜನ ಅನುಷಾ ಅವರ ಪರ ನಿಂತಿದ್ದಾರೆ.
