ಒಂದೇ ಲುಕ್‌ನಲ್ಲಿ ಅಲ್ಲು ಅರ್ಜುನ್‌- ಯಶ್‌, ಪುಷ್ಪನಿಗೆ ಕೆಜಿಎಫ್‌ ಸ್ಪೂರ್ತಿಯೇ? ಈ ಎರಡು ಚಿತ್ರಗಳ ನಡುವಿನ ವ್ಯತ್ಯಾಸ ಗುರುತಿಸಿ

ರಾಕಿಂಗ್‌ ಸ್ಟಾರ್‌ ಯಶ್‌ ನಟನೆಯ ಕೆಜಿಎಫ್‌ ಸಿನಿಮಾವು ಭಾರತದ ಚಿತ್ರಲೋಕದಲ್ಲಿ ಹೊಸ ನಿರೀಕ್ಷೆ ಹುಟ್ಟುಹಾಕಿದ್ದು ಸುಳ್ಳಲ್ಲ. ಕೆಜಿಎಫ್‌ ಬಳಿಕ ಅಂತಹ ಸಾಕಷ್ಟು ಸಿನಿಮಾಗಳು ಬಂದಿವೆ. ವಿಶೇಷವಾಗಿ, ಅದೇ ರೀತಿಯ ಕತ್ತಲೆಕತ್ತಲೆ, ಕಪ್ಪು ಕಂದು ಛಾಯೆಯ ಸಾಕಷ್ಟು ಸಿನಿಮಾಗಳು ಬಂದಿವೆ. ಕೆಜಿಎಫ್‌ನಿಂದ ಸ್ಪೂರ್ತಿ ಪಡೆದು ಸಿನಿಮಾಗಳು ಸಾಕಷ್ಟು ಬಂದರೂ ಯಶಸ್ವಿಯಾಗಿರುವುದು ಕೆಲವೇ ಕೆಲವು ಮಾತ್ರ. ಪುಷ್ಪ ಸಿನಿಮಾದಲ್ಲಿಯೂ ಇದೇ ರೀತಿಯ ಸ್ಪೂರ್ತಿ ಇರುವುದೇ? ಪುಷ್ಪ 2ನಲ್ಲಿ ಕೆಜಿಎಫ್‌ ಶೇಡ್‌ ಇರುವುದೇ? ಕೆಜಿಎಫ್‌ನಲ್ಲಿ ಚಿನ್ನ, ಪುಷ್ಪದಲ್ಲಿ ರಕ್ತ ಚಂದನದ ಕಥೆಯಿದೆ. ಕೆಜಿಎಫ್‌ ಮತ್ತು ಪುಷ್ಪ ಸಿನಿಮಾದ ಈ ಪ್ರೇರೇಪಣೆ ಕುರಿತು ಸೋಷಿಯಲ್‌ ಮೀಡಿಯಾದಲ್ಲಿ ಚರ್ಚೆಯಾಗುತ್ತಿದೆ.

ಪುಷ್ಪ ಸಿನಿಮಾಕ್ಕೆ ಕೆಜಿಎಫ್‌ ಸ್ಪೂರ್ತಿ?

ಫೇಸ್‌ಬುಕ್‌ನಲ್ಲಿ ರವೀಂದ್ರ ವಂಶಿ ಹೀಗೆ ಬರೆದಿದ್ದಾರೆ. "ಕೆಲವು ಪ್ರೆರೇಪಣೆಗಳನ್ನು ಅವಿತಿಡಲಾಗುವುದಿಲ್ಲ. ನಾನು ಪುಷ್ಪ ನೋಡಿದಾಗೆಲ್ಲಾ ಅಲ್ಲು ಅರ್ಜುನ್ ಸ್ಟೈಲ್ ಇತ್ಯಾದಿಗಳಲ್ಲಿ kgf shades ಕಂಡಿದ್ದು ಸತ್ಯ. ಶಂಕರ್ ಅವರ ಯಂದಿರನ್ ಕೂಡ ಬಾಹುಬಲಿ ಸಿನಿಮಾ ಬಿಡುಗಡೆಯಾದ ನಂತರ ಅದರ ಗ್ರಾಫಿಕ್ಸ್ ನಲ್ಲಿ ಗುರುತರ ಬದಲಾವಣೆ ಮಾಡಲಾಗಿತ್ತು. ಪುಷ್ಪ 2 ಪೋಸ್ಟರ್ ನಲ್ಲಿ kgf ಕಂಡದ್ದು ಖುಷಿಯ ಸಂಗತಿ . ಪುಷ್ಪ ಮೊದಲಭಾಗದಲ್ಲಿ ಆತ ರಕ್ತಚಂದನದ ಸಾಮ್ರಾಜ್ಯ ತನ್ನದಾಗಿಸಿಕೊಳ್ಳುವುದಕ್ಕೆ ಬಂದು ನಿಂತಿತ್ತು. ಎರಡರಲ್ಲಿ ಅಲ್ಲಿಂದ ಮುಂದುವರೆದು ಮತ್ಯಾವ ಮಜಲು ಹತ್ತಬಹುದು ಎನ್ನುವ ಕುತೂಹಲವಿದೆ" ಎಂದು ರವೀಂದ್ರ ವಂಶಿ ಬರೆದಿದ್ದಾರೆ. ಇದಕ್ಕೆ ನಾನಾ ಬಗೆಯ ಪ್ರತಿಕ್ರಿಯೆ ಬಂದಿವೆ.

"ರಾಕಿ ಬಂದೂಕು ಉಲ್ಟಾ ಇಟ್ಟಿದ್ದಾನೆ. ಪುಷ್ಪರಾಜು ನೇರ ಇಟ್ಟಿದ್ದಾನೆ. ರಾಕಿ ನೇರ ನಿಂತಿದ್ದಾನೆ. ಪುಷ್ಪ ಬಲಭುಜ ತಗ್ಗಿಸಿ ನಿಂತಿದ್ದಾನೆ. ರಾಕಿ ಬೆಲ್ಟ್ & ಟಕ್ ಇನ್ ಮಾಡಿದ್ದಾನೆ. ಪುಷ್ಪ ಶರ್ಟ್ ಹೊರಗೇ ಬಿಟ್ಟಿದ್ದಾನೆ! ಆದ್ರೂ ನೀವು ಹೋಲಿಸ್ತೀರಿ. ನೀವು ತೆಲುಗು ವಿರೋಧಿ ಸರ್" ಎಂದು ವೀರಕಪುತ್ರ ಶ್ರೀನಿವಾಸ್ ತಮಾಷೆ ಮಾಡಿದ್ದಾರೆ. "ಪುಷ್ಪ ಕೆಜಿಎಫ್ ನ ಒಂದು ಭಾಗವೆ ಆಗಿದೆ. ಅದರಲ್ಲಿ ಅನುಮಾನ ಪಡೋದು ಏನು ಇಲ್ಲ" ಎಂದು ಮಹೇಶ್‌ ರಾಜು ಕಾಮೆಂಟ್‌ ಮಾಡಿದ್ದಾರೆ. "ಕನ್ನಡದ ಅಟ್ಟಹಾಸ ಮೂವೀ ಪೋಸ್ಟರ್ ಕಾಪಿ ಕೆಜಿಎಫ್‌" ಎಂದು ಮೋಹನ್‌ ಕುಮಾರ್‌ ಪ್ರತಿಕ್ರಿಯೆ ನೀಡಿದ್ದಾರೆ. "ಪುಷ್ಪ ಕಥೆಯೇ kgf ನಿಂದ ಪ್ರೇರಣೆ ಪಡೆದದ್ದು.." ಎಂದು ವಿಕ್ರಾಂತ್‌ ನಾಯ್ಕ್‌ ಹೇಳಿದ್ದಾರೆ. "ನನಗೇ ಅನಿಸಿರುವ ಪ್ರಕಾರ ಕೆಜಿಎಫ್ 2 ಮತ್ತೆ ಕಾಂತಾರ 2ಮಿಕ್ಸ್ ಮಾಡಿದ್ರೆ ಪುಷ್ಪ 2 ಇದೆ ಪಕ್ಕ ಸ್ಟೋರಿ" ಎಂದು ಅಬ್ಬಾಸ್‌ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ: ಗೋವಾದ ಲೋಕಲ್‌ ವೈನ್‌ಶಾಪ್‌ನಲ್ಲಿ ಮದ್ಯ ಖರೀದಿಸಿದ ಅಲ್ಲು ಅರ್ಜುನ್‌; ವೈರಲ್‌ ವಿಡಿಯೋದಲ್ಲಿರುವುದು ನಾನೇ ಎಂದ ಒಪ್ಪಿಕೊಂಡ ಪುಷ್ಪ ನಟ

ಪುಷ್ಪ 2 ಸಿನಿಮಾಕ್ಕೆ ಸುಕುಮಾರ್ ಆಕ್ಷನ್ ಕಟ್ ಹೇಳಿದ್ದಾರೆ. ಈ ಟೈಟಲ್‌ ಟ್ರ್ಯಾಕ್‌ನಲ್ಲಿರುವ ಅಲ್ಲು ಹೊಸ ಸ್ಟೈಲ್ ತಗ್ಗೋದೇ ಇಲ್ಲ ಎಂಬ ಡೈಲಾಗ್ ಅಭಿಮಾನಿಗಳಿಗೆ ಕಿಕ್ ಕೊಡ್ತಿದೆ. ಮೈತ್ರಿ ಮೂವೀ‌ ಮೇಕರ್ಸ್ ದುಬಾರಿ ಬಜೆಟ್ ನಲ್ಲಿ ಚಿತ್ರ ನಿರ್ಮಾಣ ಮಾಡಿದೆ. ಈ ಸಿನಿಮಾದಲ್ಲಿ ಅಲ್ಲು ಅರ್ಜುನ್ ಗೆ ಜೊತೆಯಾಗಿ ಶ್ರೀವಲ್ಲಿಯಾಗಿ ರಶ್ಮಿಕಾ ಮಂದಣ್ಣ ನಟಿಸಿದ್ದಾರೆ. ಫಹದ್ ಫಾಸಿಲ್ , ಡಾಲಿ ಧನಂಜಯ್ ಸೇರಿದಂತೆ ಹಲವು ಕಲಾವಿದರು ನಟಿಸಿದ್ದಾರೆ.