Seetha Rama Serial: ಶ್ರಾವಣಿ ಪರ್ಸ್‌ ಎಗರಿಸಿದ ಪುಟಾಣಿ ಸಿಹಿಯ ಅವಳಿ ಸಹೋದರಿ; ಅಚ್ಚರಿಯ ಹುಡುಗಿಗಿದೆ ಸರ್ಕಸ್‌ ಕುಟುಂಬದ ಹಿನ್ನೆಲೆ

Seetha Rama Serial: ಸೀತಾ ರಾಮ ಸೀರಿಯಲ್‌ನಲ್ಲಿ ಒಂದಾದ ಮೇಲೊಂದು ಅಚ್ಚರಿಗಳು ತೆರೆದುಕೊಳ್ಳುತ್ತಿವೆ. ಇಲ್ಲಿಯವರೆಗೂ ಸಿಹಿಯನ್ನು ಪಡೆದೇ ತೀರಬೇಕು ಎಂಬಂತಿದ್ದ ಶ್ಯಾಮ್‌ ಮತ್ತು ಶಾಲಿನಿಗೆ, ಕೋರ್ಟ್‌ ಛೀಮಾರಿ ಹಾಕಿ, ಮಗುವನ್ನು ಸೀತಾ ರಾಮರಿಗೆ ಒಪ್ಪಿಸಿ ತೀರ್ಪು ನೀಡಿತ್ತು. ಇತ್ತ ಭಾರ್ಗವಿಯ ಪ್ಲಾನ್‌ ಉಲ್ಟಾ ಹೊಡೆದರೆ, ರುದ್ರಪ್ರತಾಪನ ಸಿಟ್ಟು ಹಾಗೇ ಉಳಿದುಕೊಂಡಿತ್ತು. ಇನ್ನೇನು ಎಲ್ಲವೂ ಸಲೀಸಾಯ್ತು ಎನ್ನುವಷ್ಟರಲ್ಲಿಯೇ ವೀಕ್ಷಕರಿಗೆ ಇನ್ನೊಂದು ಅಚ್ಚರಿಯನ್ನು ತಂದಿಟ್ಟಿದ್ದಾರೆ ನಿರ್ದೇಶಕ ಮಧುಸೂಧನ್‌.

ಶನಿವಾರವಷ್ಟೇ ಜೀ ಕನ್ನಡ ವಾಹಿನಿ ತನ್ನ ಇನ್‌ಸ್ಟಾಗ್ರಾಂನಲ್ಲಿ ಹೊಸದೊಂದು ಹುಡುಗಿಯ ಫೋಟೋ ಹಾಕಿ, ವೀಕ್ಷಕರ ತಲೆಗೆ ಹುಳ ಬಿಡುವ ಕೆಲಸ ಮಾಡಿದ್ದರು. ಈ ಮೊದಲು ಅನಿರೀಕ್ಷಿತ ತಿರುವಿನಲ್ಲಿ ಅಪಘಾತದಲ್ಲಿ ಸಿಹಿ ಸಾವನ್ನಪ್ಪುವ ದೃಶ್ಯದ ಪ್ರೋಮೋ ಹರಿಬಿಟ್ಟಿದ್ದ ವಾಹಿನಿ, ಈಗ ಸಿಹಿಯನ್ನೇ ಹೋಲುವ ಹುಡುಗಿಯನ್ನು ಎದುರಿಗೆ ತಂದು ನಿಲ್ಲಿಸಿತ್ತು. ಈ ಮೂಲಕ ಸೀತಾಳ ಹೊಟ್ಟೆಯಲ್ಲಿದ್ದ ಅವಳಿ ಜವಳಿ ಮಕ್ಕಳಲ್ಲಿ ಸಿಹಿ ಜತೆಗೆ ಆಕೆಯ ಇನ್ನೊಬ್ಬ ಸಹೋದರಿಯೂ ಬದುಕಿದ್ದಾಳೆ ಎಂದು ತೋರಿಸಿತ್ತು. ಈಗ ಆಕೆಯ ಪ್ರೋಮೋ ರಿವೀಲ್‌ ಆಗಿದೆ.

ಇದನ್ನೂ ಓದಿ: ತಂಗಿ ಸುಧಾಳಿಗೆ ಗೌತಮ್‌ ನೀಡಿದ್ರು ಅಕ್ಕರೆಯ ಕೈತುತ್ತು, ಅಣ್ಣ ತಂಗಿ ಬಂಧ ಬಹಿರಂಗ ಯಾವಾಗ? ಅಮೃತಧಾರೆ ಧಾರಾವಾಹಿ ಸೋಮವಾರದ ಸಂಚಿಕೆ

ಶ್ರಾವಣಿ ಸುಬ್ರಮಣ್ಯ ಮತ್ತು ಸೀತಾ ರಾಮ ಸೀರಿಯಲ್‌ ಮಹಾಸಂಚಿಕೆಯಲ್ಲಿ ಇದೀಗ ಸಿಹಿಯ ಇನ್ನೊಬ್ಬ ಸಹೋದರಿಯ ಅಚ್ಚರಿಯ ಆಗಮನವಾಗಿದೆ. ಅಷ್ಟಕ್ಕೂ ಪುಟಾಣಿ ಸಿಹಿ ಸಹೋದರಿ ಸೀತಾ ರಾಮ ಸೀರಿಯಲ್‌ನಲ್ಲಿ ಹೇಗಿರಬಹುದು ಎಂಬ ಕುತೂಹಲವಿತ್ತು. ಈಗ ಆ ಕುತೂಹಲ ತಣಿಸಿದ್ದಾರೆ ನಿರ್ದೇಶಕರು. ಊರೂರು ಸುತ್ತಿ ಸರ್ಕಸ್‌ ಮಾಡುವ ಕುಟುಂಬದ ಹುಡುಗಿಯಾಗಿ ಸಿಹಿಯ ಸಹೋದರಿ ಕಣ್ಣಿಗೆ ಬಿದ್ದಿದ್ದಾಳೆ. ಅಷ್ಟಕ್ಕೂ ಈ ಹುಡುಗಿಯ ದರ್ಶನವಾಗಿದ್ದು, ಸೀತಾ ರಾಮನಿಗಲ್ಲ, ಬದಲಿಗೆ ಶ್ರಾವಣಿ ಮತ್ತು ಸುಬ್ರಮಣ್ಯಗೆ.

ಪರ್ಸ್‌ ಕದ್ದ ಪುಟ್ಟ ಕಳ್ಳಿ

ಶ್ರಾವಣಿ ಮತ್ತು ಸುಬ್ರಮಣ್ಯ ರಾತ್ರಿ ವೇಳೆ ಸರ್ಕಸ್‌ ನೋಡಲು ಹೋಗಿದ್ದಾರೆ. ಹೆಂಗೆ ಸರ್ಕಸ್‌ ಮಾಡ್ತಿದ್ದಾರಲ್ಲ, ಎಂದು ಶ್ರಾವಣಿ ಹೇಳಿದ್ದಾಳೆ. ಅದಕ್ಕೆ ಊರೂರು ಸುತ್ತಿ ಸರ್ಕಸ್‌ ಮಾಡೋದೇ ಇವರ ಕೆಲಸ ಎಂದು ಸುಬ್ಬು ಹೇಳಿದ್ದಾನೆ. ಅಷ್ಟರಲ್ಲಿ ಶ್ರಾವಣಿ ಕೈಯಲ್ಲಿನ ಪರ್ಸ್‌ ಎಗರಿಸಿದ್ದಾಳೆ ಪುಟ್ಟ ಹುಡುಗಿ. ನನ್ನ ಪರ್ಸ್‌ ಕಾಣಿಸ್ತಿಲ್ಲ ಸುಬ್ಬು ಎಂದಿದ್ದಾಳೆ. ಅದರಲ್ಲಿ ಅಮ್ಮನ ಫೋಟೋ ಇತ್ತು. ಅಮ್ಮನ ನೆನಪಿಗಿರೋದು ಅದೊಂದೇ ಫೋಟೋ ಎಂದು ಕಣ್ಣೀರಿಟ್ಟಿದ್ದಾಳೆ. ಇತ್ತ ಶ್ರಾವಣಿಯ ಮಾತುಗಳನ್ನು ಕೇಳಿಸಿಕೊಂಡು, ಸಿಹಿಯನ್ನೇ ಹೋಲುವ ಪುಟ್ಟ ಹುಡುಗಿಯೂ ಕಣ್ಣೀರಾಗಿದ್ದಾಳೆ.

ಇದನ್ನೂ ಓದಿ: ಭಾಗ್ಯಾ ಯಾವತ್ತಿದ್ರೂ ದಡ್ಡಿ ಅವಳನ್ನು ನಂಬಿಸೋದು ಸುಲಭ, ಪೊಲೀಸರಿಗೆ ಸಿಕ್ಕಿಬಿದ್ರೂ ಕಡಿಮೆಯಾಗದ ತಾಂಡವ್‌ ದುರಹಂಕಾರ; ಭಾಗ್ಯಲಕ್ಷ್ಮೀ ಧಾರಾವಾಹಿ

ಹೊಸ ಹುಡುಗಿಯ ಕಥೆ ಇನ್ಮೇಲೆ ಶುರು

ಇತ್ತ ಪರ್ಸ್‌ ಹುಡುಕಾಟಕ್ಕೆ ಇಳಿದಾಗ, ಶ್ರಾವಣಿಯ ಹಿಂದಿನಿಂದ ಬಂದು ಪರ್ಸ್‌ಅನ್ನು ಆಕೆಯ ಬಳಿ ಎಸೆದು ಹೋಗಿದ್ದಾಳೆ. ಪರ್ಸ್‌ ಕೈಗೆತ್ತಿಕೊಂಡು, ಏನೂ ಕಳ್ಳತನ ಆಗಿಲ್ಲ. ಫೋನೂ ಹಾಗೇ ಇದೆ ಎಂದು ಆ ಹುಡುಗಿಯನ್ನ ಬೆನ್ನಟ್ಟಿದ್ದಾಳೆ. ಅಷ್ಟೇ ಅಲ್ಲ ಆ ಹುಡುಗಿಯನ್ನ ಹಿಡಿದಿದ್ದಾಳೆ. ಆ ಹುಡುಗಿಯನ್ನು ನೋಡಿ ಶ್ರಾವಣಿ ಥ್ರಿಲ್‌ ಆಗಿದ್ದಾಳೆ. ಹಾಗಾದರೆ ಸೀತಾರಾಮರ ಪ್ರಪಂಚಕ್ಕೆ ಅಚ್ಚರಿಯ ತಿರುವು ಹೊತ್ತು ಬಂದಿರೋ ಈ ಹೊಸ ಹುಡುಗಿ ಹೆಸರೇನು? ಈಕೆಯ ಹಿನ್ನೆಲೆ ಏನು? ಇನ್ಮೇಲೆ ಸಿಹಿಯ ಜತೆಗೆ ಇನ್ನೊಬ್ಬ ಹುಡುಗಿಯ ಕಥೆ ಸೀತಾ ರಾಮ ಧಾರಾವಾಹಿಯಲ್ಲಿ ತೆರೆದುಕೊಳ್ಳಲಿದೆ.

ಸೀತಾ ರಾಮ ಸೀರಿಯಲ್‌ ಪಾತ್ರವರ್ಗ

ನಿರ್ದೇಶಕ: ಮಧುಸೂಧನ್‌

ಗಗನ್‌ ಚಿನ್ನಪ್ಪ: ಶ್ರೀರಾಮ (ನಾಯಕ)

ವೈಷ್ಣವಿ ಗೌಡ: ಸೀತಾ (ನಾಯಕ)

ರೀತು ಸಿಂಗ್: ಸಿಹಿ (ಸೀತಾ ಮಗಳು)

ಅಶೋಕ ಶರ್ಮಾ: ಅಶೋಕ (ಶ್ರೀರಾಮನ ಪ್ರಾಣ ಸ್ನೇಹಿತ)

ಭಾರ್ಗವಿ: ಪೂಜಾ ಲೋಕೇಶ್‌ (ಶ್ರೀರಾಮನ ಚಿಕ್ಕಮ್ಮ)

ಮುಖ್ಯಮಂತ್ರಿ ಚಂದ್ರು: ಸೂರ್ಯ ಪ್ರಕಾಶ್‌ ದೇಸಾಯಿ (ಶ್ರೀರಾಮನ ತಾತ)

ಶ್ವೇತಾ ಶಂಕರಪ್ಪ: ಪ್ರಿಯಾ (ಸೀತಾಳ ಸ್ನೇಹಿತೆ)

ವಿಕಾಸ್‌ ಕಾರ್‌ಗೋಡ್:‌ ಲಾಯರ್‌ ರುದ್ರಪ್ರತಾಪ್

ಪೂರ್ಣಚಂದ್ರ ತೇಜಸ್ವಿ: ವಿಶ್ವಜೀತ್‌ (ಶ್ರೀರಾಮನ ಚಿಕ್ಕಪ್ಪ)

ಜಯದೇವ್‌ ಮೋಹನ್:‌ ಸತ್ಯಜೀತ್‌ (ಶ್ರೀರಾಮನ ಚಿಕ್ಕಪ್ಪ)