Abhinav Vishwanathan: ಯುವತಿಯರ ಚಿತ್ತ ಚೋರ ಈ ತ್ರಿಪುರ ಸುಂದರಿ ಧಾರಾವಾಹಿಯ ಗಂಧರ್ವ ಲೋಕದ ರಾಜಕುಮಾರ; ಅಭಿನವ್ ವಿಶ್ವನಾಥನ್ ಫೋಟೋಗಳು
ಕಲರ್ಸ್‌ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ತ್ರಿಪುರ ಸುಂದರಿ ಧಾರಾವಾಹಿಗೆ ಸಾಕಷ್ಟು ಅಭಿಮಾನಿಗಳಿದ್ದಾರೆ. ಅದರಲ್ಲಿ ಪ್ರದ್ಯಮ್ನ ಪಾತ್ರಧಾರಿಗೆ ಅಭಿನವ್ ವಿಶ್ವನಾಥನ್ ಎಂದರೆ ಹುಡುಗಿಯರಿಗೆ ಬಹಳ ಇಷ್ಟ.
(1 / 15)
ದೇವಲೋಕದಿಂದ ಭೂಲೋಕಕ್ಕೆ ಗಂಧರ್ವ ಕನ್ಯೆ ಆಮ್ರಪಾಲಿ ರಾಜಕುಮಾರನನ್ನು ಹುಡುಕಿ ಬರುವ ಕಥೆಯನ್ನು ಹೊಂದಿರುವ ಧಾರಾವಾಹಿ ಕಥೆ ಮೂಲಕ ವೀಕ್ಷಕರನ್ನು ಹಿಡಿದಿಟ್ಟುಕೊಂಡಿದೆ. (PC: Abhinav Vishwanathan Instagram)
(2 / 15)
ಅಭಿನವ್‌ಗಾಗಿಯೇ ಬಹಳಷ್ಟು ಮಹಿಳೆಯರು ಈ ಧಾರಾವಾಹಿ ನೋಡುತ್ತಾರೆ. ಎತ್ತರ ನಿಲುವು, ಆಕರ್ಷಕ ನೋಟದಿಂದಲೇ ಮಹಿಳಾಭಿಮಾನಿಗಳ ಮನ ಗೆದ್ದಿದ್ದಾರೆ ಅಭಿನವ್ ವಿಶ್ವನಾಥನ್.
(3 / 15)
ಈ ಸ್ಮಾರ್ಟ್‌ ಹುಡುಗ ಇದಕ್ಕೂ ಮುನ್ನ ನನ್ನರಸಿ ರಾಧೆ ಧಾರಾವಾಹಿಯಲ್ಲಿ ನಟಿಸಿ ಹೆಸರಾಗಿದ್ದಾರೆ.
(4 / 15)
ಇವರ ಪೂರ್ತಿ ಹೆಸರು ಅಭಿನವ್ ವಿಶ್ವನಾಥನ್ ಸಾಯಿ ಆದಿತ್ಯ ಕೃಷ್ಣ. ಹುಟ್ಟಿ ಬೆಳೆದದ್ದು ದೆಹಲಿಯಲ್ಲಿ. ಕೆಲವು ವರ್ಷಗಳ ನಂತರ ಅಭಿನವ್ ಕುಟುಂಬ ಬೆಂಗಳೂರಿಗೆ ಶಿಫ್ಟ್‌ ಆಯ್ತು.
(5 / 15)
ಅಭಿನವ್ ಹುಟ್ಟಿ ಬೆಳೆದದ್ದು ದೆಹಲಿಯಲ್ಲಾದ್ದರಿಂದ ಅವರಿಗೆ ಸರಿಯಾಗಿ ಕನ್ನಡ ಮಾತನಾಡಲು ಬರುತ್ತಿರಲಿಲ್ಲ. ಬೆಂಗಳೂರಿಗೆ ಬಂದ ನಂತರವಷ್ಟೇ ಅವರು ಕನ್ನಡ ಭಾಷೆ ಕಲಿತದ್ದು
(6 / 15)
ಅಭಿನವ್ ತಂದೆಗೆ ಮಗ ಡಾಕ್ಟರ್‌ ಆಗಬೇಕು ಎಂಬ ಆಸೆ ಇತ್ತು. ಮಗ ತನ್ನಂತೆ ಸಮಾಜಸೇವೆ ಮಾಡಬೇಕು, ಬಡವರಿಗೆ ಉಚಿತ ಟ್ರೀಟ್‌ಮೆಂಟ್‌ ಕೊಡಬೇಕು ಎಂಬ ಆಸೆ ಇತ್ತು. ಆದರೆ ಸಿಇಟಿಯಲ್ಲಿ ಒಳ್ಳೆ ಮಾರ್ಕ್ಸ್‌ ಬರದ ಕಾರಣ ಅಭಿನವ್‌ಗೆ ಮೆಡಿಕಲ್‌ ಸೀಟ್‌ ದೊರೆಯಲಿಲ್ಲ.
(7 / 15)
ಅಭಿನವ್ ಕಾಲೇಜಿನಲ್ಲಿ ಓದು, ಆಟ, ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಮುಂದಿದ್ದರಂತೆ. ಅಷ್ಟೇ ಅಲ್ಲ ಅವರು ನೋಡಲು ಬಹಳ ದಪ್ಪ ಇದ್ದೆ ಎಂದು ಇಂಟರ್‌ವ್ಯೂ ಒಂದರಲ್ಲಿ ಹೇಳಿದ್ದಾರೆ.
(8 / 15)
ಮಾಡೆಲಿಂಗ್‌ ಕ್ಷೇತ್ರದಲ್ಲಿ ಕೂಡಾ ಗುರುತಿಸಿಕೊಂಡಿದ್ದಾರೆ. ಅನೇಕ ರಾಂಪ್‌ಗಳಲ್ಲಿ ವಾಕ್‌ ಮಾಡಿದ್ದಾರೆ.
(9 / 15)
ಮೆಡಿಕಲ್‌ ಸೀಟು ದೊರೆಯದೆ ಇಂಜಿನಿಯರಿಂಗ್‌ ಸೀಟು ಪಡೆದ ಅಭಿನವ್ ಕಾಲೇಜಿನಲ್ಲಿದ್ದಾಗ ನಡೆದ ಘಟನೆಯೊಂದನ್ನು ಬಿಗ್‌ ಬಾಸ್‌ನಲ್ಲಿ ಹೇಳಿಕೊಂಡು ಭಾವುಕರಾಗಿದ್ದರು.
(10 / 15)
ಇಂಜಿನಿಯರಿಂಗ್‌ 2ನೇ ವರ್ಷ ಓದುವಾಗ ಒಮ್ಮೆ ಅಪ್ಪನೊಂದಿಗೆ ಸಣ್ಣ ವಿಚಾರಕ್ಕೆ ಜಗಳ ಮಾಡಿಕೊಂಡೆ. ಅದೇ ಸಮಯಕ್ಕೆ ಸಂಬಂಧಿಯೊಬ್ಬರ ಮದುವೆಯಲ್ಲಿ ಪಾಲ್ಗೊಳ್ಳಲು ಅಮ್ಮನೊಂದಿಗೆ ದೆಹಲಿಗೆ ಹೋದೆ. ಅಪ್ಪನಿಗೆ ಕ್ಷಮೆ ಕೇಳಬೇಕು ಎನ್ನಿಸಿತು. ಇತ್ತ ಅಪ್ಪನಿಗೆ ಸೀರಿಯಸ್‌ ಆಗಿದೆ ಎಂಬ ಸುದ್ದಿ ತಿಳಿದು ಅಲ್ಲಿಂದ ಓಡೋಡಿ ಬಂದೆವು. ಅದರೆ ಅಷ್ಟರಲ್ಲಿ ಅಪ್ಪ ನಿಧನರಾಗಿದ್ದರು. ಈ ಘಟನೆ ನನನ್ನು ಬಹಳ ಕಾಡಿತ್ತು ಎಂದು ಹೇಳಿಕೊಂಡು ಕಣ್ಣೀರಿಟ್ಟಿದ್ದರು.
(11 / 15)
ಇಂಜಿನಿಯರಿಂಗ್‌ ಓದುವಾಗಲೇ ರಂಗಭೂಮಿಗೆ ಬಂದ ಅಭಿನವ್ ಅನೇಕ ನಾಟಕಗಳಲ್ಲಿ ಅಭಿನಯಿಸಿದ್ದಾರೆ. ಕನ್ನಡ ಬರದ ನನಗೆ ಪ್ರಕಾಶ್‌ ಬೆಳವಾಡಿ ಸರ್‌ ಬಹಳ ಸಹಾಯ ಮಾಡಿದರು ಎಂದು ಅಭಿನವ್ ನೆನಪಿಸಿಕೊಳ್ಳುತ್ತಾರೆ.
(12 / 15)
ಕಲರ್ಸ್‌ ಕನ್ನಡ ಧಾರಾವಾಹಿಯಲ್ಲಿ ಪ್ರಸಾರವಾಗುತ್ತಿದ್ದ 'ನನ್ನರಸಿ ರಾಧೆ' ಧಾರಾವಾಹಿ ಮೂಲಕ ಅಭಿನವ್ ಕಿರುತೆರೆಗೆ ಬಂದರು. ಅಗಸ್ತ್ಯ ಪಾತ್ರದಲ್ಲಿ ನಟಿಸಿ ಮೊದಲ ಸೀರಿಯಲ್‌ನಲ್ಲೇ ಕಿರುತೆರೆ ಪ್ರಿಯರ ಅಭಿಮಾನ ಗಳಿಸಿದರು.
(13 / 15)
ಅಭಿನವ್ ಸದ್ಯಕ್ಕೆ ಕಲರ್ಸ್‌ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ತ್ರಿಪುರ ಸುಂದರಿ' ಧಾರಾವಾಹಿಯಲ್ಲಿ ದಿವ್ಯ ಸುರೇಶ್‌ ಜೋಡಿಯಾಗಿ ನಟಿಸುತ್ತಿದ್ದಾರೆ.
(14 / 15)
ಅಭಿನವ್ ಸೋಷಿಯಲ್‌ ಮೀಡಿಯಾ ಪೋಸ್ಟ್‌ಗಳಿಗೆ ಯುವತಿಯರೇ ಹೆಚ್ಚು ಲೈಕ್ಸ್‌ ಕಾಮೆಂಟ್‌ ಮಾಡುತ್ತಿದ್ದಾರೆ. ನಾವು ಧಾರಾವಾಹಿ ನೋಡುತ್ತಿರುವುದೇ ನಿಮಗಾಗಿ ಎನ್ನುತ್ತಿದ್ದಾರೆ.
(15 / 15)
ಸಿನಿಮಾಗಳಲ್ಲಿ ಕೂಡಾ ಅಭಿನವ್‌ಗೆ ಉತ್ತಮ ಅವಕಾಶಗಳು ಹುಡುಕಿ ಬರುತ್ತಿದ್ದು ಒಳ್ಳೆ ಕಥೆ ಸಿಕ್ಕರೆ ಖಂಡಿತ ಸಿನಿಮಾಗಳಲ್ಲಿ ನಟಿಸುತ್ತೇನೆ ಎನ್ನುತ್ತಾರೆ ಹ್ಯಾಂಡ್‌ಸಮ್‌ ಹಂಕ್‌ ಅಭಿನವ್ ವಿಶ್ವನಾಥನ್.
ಇತರ ಗ್ಯಾಲರಿಗಳು