ಬೆರಕೆ ಸೊಪ್ಪು, ಹಕ್ಕರಿಕಿ ಸೊಪ್ಪು, ಸಕತ್ ಸೊಪ್ಪು, ಮೈಸೂರಿನ ಸೊಪ್ಪು ಮೇಳದಲ್ಲಿ ಇನ್ನೂ ಏನೆಲ್ಲಾ ಇತ್ತು, ಫೋಟೊಗಳಲ್ಲಿ ಕಣ್ತುಂಬಿಕೊಳ್ಳಿ
- ಮೈಸೂರಿನಲ್ಲಿ ಎರಡು ದಿನಗಳ ಸೊಪ್ಪು ಮೇಳ ನಡೆಯುತ್ತಿದೆ. ಈ ಮೇಳದ ಮೂಲಕ ರಾಜ್ಯದ ವಿವಿಧ ಭಾಗದಲ್ಲಿ ಸಿಗುವ ಸೊಪ್ಪುಗಳೆಲ್ಲವೂ ಒಂದೇ ಸೂರಿನಡಿ ಸಿಗುತ್ತಿವೆ. ನೀವು ಹೆಸರು ಕೂಡ ಕೇಳಿರದ ಸೊಪ್ಪುಗಳನ್ನು ಈ ಮೇಳದಲ್ಲಿ ಮಾರಾಟ ಮಾಡಲಾಗುತ್ತಿದೆ. ಮೈಸೂರಿನ ನಂಜರಾಜ ಬಹದ್ದೂರ್‌ ಛತ್ರದಲ್ಲಿ ನಡೆಯುತ್ತಿರುವ ಸೊಪ್ಪು ಮೇಳದ ಫೋಟೊಗಳನ್ನು ನೀವು ಕಣ್ತುಂಬಿಕೊಳ್ಳಿ.
- ಮೈಸೂರಿನಲ್ಲಿ ಎರಡು ದಿನಗಳ ಸೊಪ್ಪು ಮೇಳ ನಡೆಯುತ್ತಿದೆ. ಈ ಮೇಳದ ಮೂಲಕ ರಾಜ್ಯದ ವಿವಿಧ ಭಾಗದಲ್ಲಿ ಸಿಗುವ ಸೊಪ್ಪುಗಳೆಲ್ಲವೂ ಒಂದೇ ಸೂರಿನಡಿ ಸಿಗುತ್ತಿವೆ. ನೀವು ಹೆಸರು ಕೂಡ ಕೇಳಿರದ ಸೊಪ್ಪುಗಳನ್ನು ಈ ಮೇಳದಲ್ಲಿ ಮಾರಾಟ ಮಾಡಲಾಗುತ್ತಿದೆ. ಮೈಸೂರಿನ ನಂಜರಾಜ ಬಹದ್ದೂರ್‌ ಛತ್ರದಲ್ಲಿ ನಡೆಯುತ್ತಿರುವ ಸೊಪ್ಪು ಮೇಳದ ಫೋಟೊಗಳನ್ನು ನೀವು ಕಣ್ತುಂಬಿಕೊಳ್ಳಿ.
(1 / 8)
ಮೈಸೂರಿನಲ್ಲಿ ನಡೆಯುವ ಎರಡು ದಿನಗಳ ಸೊಪ್ಪು ಮೇಳಕ್ಕೆ ನಿನ್ನೆ (ಸೆಪ್ಟೆಂಬರ್ 21) ಚಾಲನೆ ದೊರೆತಿದೆ. ಇಂದು (ಸೆಪ್ಟೆಂಬರ್ 22) ಕೂಡ ಸೊಪ್ಪು ಮೇಳ ಇರಲಿದೆ. ಪಾಲಕ್ ಸೊಪ್ಪು, ಮೆಂತ್ಯೆ ಸೊಪ್ಪು, ಕೊತ್ತಂಬರಿ ಸೊಪ್ಪು ಕೇಳಿದ್ದ ನಮಗೆ ಈ ಸೊಪ್ಪು ಮೇಳದಲ್ಲಿ ಸಿಗುವ ವಿವಿಧ ರೀತಿಯ ಸೊಪ್ಪುಗಳ ಹೆಸರು ಕೇಳಿದ್ರೆ ಅಚ್ಚರಿ ಆಗೋದು ಖಂಡಿತ. ಈ ಸೊಪ್ಪುಗಳು ರುಚಿಗಷ್ಟೇ ಅಲ್ಲ ಆರೋಗ್ಯದ ದೃಷ್ಟಿಯಿಂದಲೂ ಮಹತ್ವ ಪಡೆದಿವೆ. ಸೊಪ್ಪು ಮೇಳದಲ್ಲಿ ಏನೆಲ್ಲಾ ಇತ್ತು ಎಂಬುದನ್ನು ನೀವು ಈ ಚಿತ್ರಗಳಲ್ಲಿ ಕಣ್ತುಂಬಿಕೊಳ್ಳಿ. ((PC: Krishna Prasad Govindaiah/Facebook))
(2 / 8)
ರಾಜ್ಯ ವಿವಿಧ ಭಾಗಗಳಿಂದ ಬಂದ ಜನರು ಇಲ್ಲಿ ಸೊಪ್ಪು ಮಾರಾಟ ಮಾಡುತ್ತಿದ್ದಾರೆ. ಹೆಗ್ಗಡದೇವನ ಕೋಟೆ, ಧಾರವಾಡ, ಕನಕಪುರ, ಶಿರಸಿ ಮೊದಲಾದ ಕಡೆಗಳಿಂದ ಮಹಿಳೆಯರು ಸೊಪ್ಪು ಮಾರಲು ಇಲ್ಲಿಗೆ ಬಂದಿದ್ದರು.
(3 / 8)
ನೂರಕ್ಕೂ ಹೆಚ್ಚಿನ ಸೊಪ್ಪು ಪ್ರದರ್ಶನಕ್ಕೆ ಬಂದಿತ್ತು. ಮೇಳದ ವಿಷೇಷ ಎಂದರೆ ಅರಿಸಿನ ಎಲೆಯ ಐಸ್ ಕ್ರೀಂ ಮತ್ತು ಮಿಂಟ್ ಐಸ್ ಕ್ರೀಂ. ಇದರೊಂದಿಗೆ ಮಲೆನಾಡಿನ ಖಾದ್ಯಗಳು ಸೊಪ್ಪು ಮೇಳಕ್ಕೆ ಬಂದವರ ಹೊಟ್ಟೆ ತಣಿಸಿತ್ತು.
(4 / 8)
ಹೆಗ್ಗಡದೇವನಕೋಟೆ ರೈತ ಮಹಿಳೆಯರು ಮಾಡಿದ 'ಬೆರಕೆ ಸೊಪ್ಪು' ಸಾಂಬಾರ್ ರಾಗಿ ಮುದ್ದೆ ಮಾರಾಟ ಮಾಡಿದ್ದರೆ, ಧಾರವಾಡದ ಮಹಿಳಾ ಸಂಘದವರು ತಂದಿದ್ದ 'ಹಕ್ಕರಕಿ ಸೊಪ್ಪು' ತಂದಿದ್ದರು. ಈ ಮೇಳದಲ್ಲಿ ಸಕತ್ ಸೊಪ್ಪು ಹತ್ತಾರು ಸೊಪ್ಪಿನ ಅಡುಗೆ ಮಾಡಿತ್ತು.
(5 / 8)
ಮೇಳದಲ್ಲಿ ಸೊಪ್ಪಿನ ಕೃಷಿಯ ತರಬೇತಿ ಕಾರ್ಯಕ್ರಮ ಇತ್ತು. 40ಕ್ಕೂ ಹೆಚ್ಚಿನ ರೈತರು ಸಾವಯವ ಸೊಪ್ಪು ಬೆಳೆಸಲು ಆಸಕ್ತಿ ತೋರಿ ಮುಂದೆ ಬಂದರು.
(6 / 8)
ಸಹಜ ಸೀಡ್ಸ ಮಳಿಗೆಯಲ್ಲಿ ಸೊಪ್ಪಿನ ಗಿಡವೊಂದನ್ನು ಪ್ರದರ್ಶಕ್ಕೆ ಇಟ್ಟಿದ್ದರು. ಅದರ ಎಲೆ ಮುಟ್ಟಿದರೆ ಒಣ ಮೀನಿನ ಘಾಟು ವಾಸನೆ. ಇದನ್ನು ಕಂಡು ಗ್ರಾಹಕರು ಅಚ್ಚರಿಪಟ್ಟರು.
(7 / 8)
ಇಂದು (ಸೆಪ್ಟೆಂಬರ್ 22) ಕೂಡ ಸೊಪ್ಪು ಮೇಳ ನಡೆಯುತ್ತಿದ್ದು ಮಕ್ಕಳಿಗಾಗಿ ಚಿತ್ರಕಲಾ ಸ್ಪರ್ಧೆ, ಹಿರಿಯರಿಗಾಗಿ ಸೊಪ್ಪಿನ ಅಡುಗೆ ಸ್ಪರ್ಧೆ ಇದೆ
(8 / 8)
ಆಹಾರ, ಆರೋಗ್ಯ, ಫ್ಯಾಷನ್‌, ರಿಲೇಷನ್‌ಶಿಪ್‌ , ಪೇರೆಂಟಿಂಗ್‌ ಸಂಬಂಧಿಸಿದ ಲೇಖನಗಳಿಗಾಗಿ ಹಿಂದೂಸ್ತಾನ್‌ ಟೈಮ್ಸ್‌ ಕನ್ನಡ ಲೈಫ್‌ಸ್ಟೈಲ್‌ ಪುಟಕ್ಕೆ ಭೇಟಿ ನೀಡಿ
ಇತರ ಗ್ಯಾಲರಿಗಳು