ನೆಲಮಂಗಲ ಅಪಘಾತ; ವೋಲ್ವೋ ಕಾರಿನ ಮೇಲೆ ಬಿದ್ದ ಕಂಟೇನರ್, ಕಾರಿನಲ್ಲಿದ್ದ 6 ಜನ ದುರ್ಮರಣ, ಕೆಎಂಎಫ್‌ ನಂದಿನಿ ಟ್ರಕ್ ಕೂಡ ಪಲ್ಟಿ, ಫೋಟೋಸ್
Nelamangala Accident: ನೆಲಮಂಗಲ ಸಮೀಪ ತುಮಕೂರು ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಭಾರಿ ಗಾತ್ರದ ಕಂಟೇನರ್ ಡಿವೈಡರ್ ಹಾರಿ ಪಕ್ಕದ ರಸ್ತೆಯಲ್ಲಿ ಸಂಚರಿಸುತ್ತಿದ್ದ ನಂದಿನಿ ಟ್ರಕ್, ಬೈಕ್‌ಗೆ ಡಿಕ್ಕಿ ಹೊಡೆದು ಬಿದ್ದಾಗ ಅದರ ಅಡಿಗೆ ವೋಲ್ವೋ ಕಾರು ಸಿಲುಕಿದೆ. ಈ ಭೀಕರ ದುರಂತದಲ್ಲಿ ಒಂದೇ ಕುಟುಂಬದ 6 ಜನ ದುರ್ಮರಣಕ್ಕೀಡದರು. ಘಟನಾ ಸ್ಥಳದ ಕೆಲವು ಫೋಟೋಸ್.
(1 / 9)
ನೆಲಮಂಗಲ ಅಪಘಾತ; ನೆಲಮಂಗಲ ಸಮೀಪ ತುಮಕೂರು ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಭಾರಿ ಗಾತ್ರದ ವೋಲ್ವೋ ಕಾರಿನ ಮೇಲೆ ಕಂಟೇನರ್ ಬಿದ್ದ ಕಾರಣ ಕಾರಿನಲ್ಲಿದ್ದ 6 ಜನ ದುರ್ಮರಣಕ್ಕೀಡಾದ ಕಳವಳಕಾರಿ ಘಟನೆ ವರದಿಯಾಗಿದೆ. ಈ ದುರಂತದಲ್ಲಿ ಕೆಎಂಎಫ್‌ ನಂದಿನಿ ಟ್ರಕ್ ಕೂಡ ಪಲ್ಟಿಯಾಗಿದೆ(X)
(2 / 9)
ನೆಲಮಂಗಲ ಅಪಘಾತ; ಡಾಬಸ್‌ಪೇಟೆ ಕೈಗಾರಿಕಾ ಪ್ರದೇಶದಿಂದ ಅಲ್ಯುಮಿನಿಯಂ ಸಾಮಗ್ರಿ ತುಂಬಿಕೊಂಡು ಬೆಂಗಳೂರು ಕಡೆಗೆ ಹೊರಟಿದ್ದ ಕಂಟೇನರ್ ಭೀಕರ ಅಪಘಾತಕ್ಕೆ ಕಾರಣವಾಗಿದೆ. ಎದುರು ಬಂದ ಕಾರನ್ನು ತಪ್ಪಿಸಲು ಹೋದಾಗ ಕಂಟೇನರ್ ನಿಯಂತ್ರಣಕ್ಕೆ ಸಿಗದೆ ಅಪಘಾತ ಸಂಭವಿಸಿತು ಎಂದು ಕಂಟೇನರ್ ಚಾಲಕ ಹೇಳಿಕೆ ನೀಡಿದ್ಧಾನೆ.
(3 / 9)
ನೆಲಮಂಗಲ ಅಪಘಾತ; ನಿಯಂತ್ರಣ ತಪ್ಪಿದ ಕಂಟೇನರ್ ಡಿವೈಡರ್ ಮೇಲೇರಿ ಪಕ್ಕದ ರಸ್ತೆಗೆ ಹಾರಿದೆ, ಆಗ ಅಲ್ಲಿ ಹೋಗುತ್ತಿದ್ದ ನಂದಿನಿ ಟ್ರಕ್, ಬೈಕ್‌ಗೆ ಡಿಕ್ಕಿ ಹೊಡೆದಿದೆ. ಆ ರಭಸಕ್ಕೆ ನಂದಿನಿ ಟ್ರಕ್ ರಸ್ತೆಯಿಂದಾಚೆಗೆ ಉರುಳಿದೆ. ಅದರ ಪಕ್ಕದಲ್ಲೇ ಸಾಗುತ್ತಿದ್ದ ವೋಲ್ವೋ ಕಾರಿನ ಮೇಲೆ ಕಂಟೇನರ್ ಬಿದ್ದಿದೆ.
(4 / 9)
ನೆಲಮಂಗಲ ಅಪಘಾತ; ಅಪಘಾತ ಸ್ಥಳದಲ್ಲಿ ಕಾರಿನ ಮೇಲೆ ಇದ್ದ ಕಂಟೇನರ್ ಅನ್ನು ತೆರವುಗೊಳಿಸಲು ಮೂರು ಕ್ರೇನ್‌ಗಳನ್ನು ಬಳಸಬೇಕಾಯಿತು.
(5 / 9)
ನೆಲಮಂಗಲ ಅಪಘಾತ; ಕಂಟೇನರ್ ಅನ್ನು ಕಾರಿನ ಮೇಲಿಂದ ತೆರವುಗೊಳಿಸಿದ ಬಳಿಕ, ಕಾರಿನ ಒಳಗೆ ಇದ್ದವರನ್ನು ಹೊರ ತೆಗೆದಯಲು ಸ್ಥಳೀಯರು ಮತ್ತು ಪೊಲೀಸರು ಹರಸಾಹಸ ಪಟ್ಟರು.
(6 / 9)
ಸಂಪೂರ್ಣ ನಜ್ಜುಗುಜ್ಜಾಗಿದ್ದ ವೋಲ್ವೋ ಕಾರಿನೊಳಗಿದ್ದವರನ್ನು ಹೊರ ತೆಗೆಯುವ ಕಾರ್ಯಾಚರಣೆಯ ದೃಶ್ಯ.
(7 / 9)
ನೆಲಮಂಗಲ ಅಪಘಾತ; ಕಂಟೇನರ್ ಬಿದ್ದ ಕಾರಣ ಕಾರು ಸಂಪೂರ್ಣ ನಜ್ಜುಗುಜ್ಜಾಗಿತ್ತು.
(8 / 9)
ವೋಲ್ವೋ ಕಾರಿನ ಒಳಗಿದ್ದವರನ್ನು ಐಎಎಸ್‌ಟಿ ಸಾಫ್ಟ್‌ವೇರ್ ಸಲ್ಯೂಷನ್ಸ್ ಕಂಪನಿ ಮುಖ್ಯಸ್ಥ ಚಂದ್ರಮ್‌ ಯಾಗಪ್ಪಗೌಳ್‌( 48), ಗೌರಾಬಾಯಿ (42), ದೀಕ್ಷಾ (12), ಜಾನ್ (16), ವಿಜಯಲಕ್ಷ್ಮಿ (36), ಆರ್ಯಾ (6) ಎಂದು ಗುರುತಿಸಲಾಗಿದೆ.
(9 / 9)
ನೆಲಮಂಗಲ ಅಪಘಾತ; ಕಂಟೇನರ್ ಡಿವೈಡರ್ ಹಾರಿ ಡಿಕ್ಕಿ ಹೊಡೆದ ರಭಸಕ್ಕೆ ಟ್ರಕ್‌ನ ಹಿಂಬದಿ ಚಕ್ರಗಳು ಪ್ರತ್ಯೆಕವಾಗಿವೆ. ಇನ್ನೊಂದೆಡೆ ಅದು ಡಿಕ್ಕಿ ಹೊಡೆದ ನಂದಿನಿ ಟ್ರಕ್ ರಸ್ತೆ ಬದಿಗೆ ಮಗುಚಿ ಬಿದ್ದಿದೆ. ಕಂಟೇನರ್ ಅಡಿಯಲ್ಲಿ ವೋಲ್ವೋ ಕಾರು ಸಿಲುಕಿದೆ.
ಇತರ ಗ್ಯಾಲರಿಗಳು