ನಾಲ್ಕನೇ ಮದುವೆಯ ಮರ್ಮ ಬಟಾಬಯಲು! ನೆಟ್ಟಿಗರಿಂದ ತೀವ್ರ ಟೀಕೆಗೆ ಗುರಿಯಾದ ನಟಿ ವನಿತಾ ವಿಜಯ್‌ಕುಮಾರ್‌

Vanita Vijayakumar: ಕಾಲಿವುಡ್‌ ಅಂಗಳದಲ್ಲಿ ಸದಾ ಒಂದಿಲ್ಲೊಂದು ಕಾರಣಕ್ಕೆ ಸುದ್ದಿಯಲ್ಲಿರುತ್ತಾರೆ ನಟಿ ವನಿತಾ ವಿಜಯ್‌ ಕುಮಾರ್‌. ಸಿನಿಮಾಗಳಿಗಿಂತಲೂ ಹೆಚ್ಚಾಗಿ ವೈಯಕ್ತಿಕ ಕಾರಣಗಳಿಂದಲೇ ಈ ನಟಿ ಗುಲ್ಲೆಬ್ಬಿಸಿರುತ್ತಾರೆ. ಅದರಲ್ಲೂ ಮದುವೆ ವಿಚಾರದಲ್ಲಿ ವನಿತಾ ವಿಜಯ್‌ ಕುಮಾರ್‌ ಒಂದು ಹೆಜ್ಜೆ ಮುಂದೇ ಇರುತ್ತಾರೆ. ಈಗಾಗಲೇ ಮೂರು ಬಾರಿ ಮದುವೆಯಾಗಿದ್ದಾರೆ ವನಿತಾ ವಿಜಯ್‌ಕುಮಾರ್.‌ ಅಚ್ಚರಿಯ ವಿಚಾರ ಏನೆಂದರೆ, ಮೂರು ಮದುವೆಯಾದರೂ ಯಾರೊಂದಿಗೂ ಸಂಸಾರ ನಡೆಸುತ್ತಿಲ್ಲ. ಎಲ್ಲರಿಗೂ ಡಿವೋರ್ಸ್‌ ಕೊಟ್ಟಿದ್ದಾರೆ. ಈ ನಟಿಗೆ ಮೂವರು ಮಕ್ಕಳೂ ಇದ್ದಾರೆ,

ಈ ನಡುವೆಯೇ ಕಳೆದ ಕೆಲವು ದಿನಗಳಿಂದ ವನಿತಾ ವಿಜಯ್‌ಕುಮಾರ್‌ ನಾಲ್ಕನೇ ಮದುವೆಯಾಗಲಿದ್ದಾರೆ ಎಂಬ ವದಂತಿ ಕಾಲಿವುಡ್‌ ಅಂಗಳದಲ್ಲಿ ಸದ್ದು ಮಾಡುತ್ತಿದೆ. ಕಳೆದ ಕೆಲವು ವರ್ಷಗಳಿಂದ ಸಂಬಂಧದಲ್ಲಿರುವ ಕೊರಿಯೋಗ್ರಾಫರ್ ರಾಬರ್ಟ್ ಜೊತೆ ನಾಲ್ಕನೇ ಬಾರಿ ಸಪ್ತಪದಿ ತಿಳಿಯಲಿದ್ದಾರೆ ಎಂಬ ಗುಸುಗುಸು ಕೇಳಿಬರುತ್ತಿದೆ. ಅದರಂತೆ ಮೂರು ದಿನಗಳ ಹಿಂದಷ್ಟೇ ರಾಬರ್ಟ್‌ಗೆ ಪ್ರೇಮ ನಿವೇದನೆ ಮಾಡುತ್ತಿರುವ ಫೋಟೋವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದರು.

ಇದನ್ನೂ ಓದಿ: ಇದು ಸೂಕ್ಷ್ಮ ಮನಸ್ಸಿನವರಿಗೆ ಮಾತ್ರ! ಒಟಿಟಿಯಲ್ಲಿ ಟಾಪ್‌ ಟ್ರೆಂಡಿಂಗ್‌ನಲ್ಲಿದೆ ಈ ಕ್ರೈಂ ಥ್ರಿಲ್ಲರ್ ಸಿನಿಮಾ

ಆ ಫೋಟೋಕ್ಕೆ 'ಅಕ್ಟೋಬರ್ 5 ಅನ್ನು ನೆನಪಿಸಿಕೊಳ್ಳಿ' ಎಂಬ ಕ್ರೇಜಿ ಕ್ಯಾಪ್ಶನ್ ಕೂಡ ಕೊಟ್ಟಿದ್ದರು. ಇದನ್ನು ನೋಡಿದವರೆಲ್ಲಾ ವನಿತಾ ವಿಜಯ್‌ಕುಮಾರ್‌ ಇದೀಗ ನಾಲ್ಕನೇ ಮದುವೆಗೆ ರೆಡಿಯಾದ್ರು ಎಂಬ ಚರ್ಚೆ ಮತ್ತೆ ಹೆಚ್ಚಾಯಿತು. ಆದರೆ, ಇದೊಂದು ಜಸ್ಟ್‌ ಗಿಮಿಕ್‌ ಎಂಬುದು ಇದೀಗ ಗೊತ್ತಾಗಿದೆ. ಇದೆಲ್ಲ ಸಿನಿಮಾ ಸ್ಟಂಟ್ ಎಂಬುದು ಸ್ಪಷ್ಟವಾಗಿದೆ. ಅಂದರೆ, ಸೋಷಿಯಲ್‌ ಮೀಡಿಯಾ ಇನ್‌ಸ್ಟಾಗ್ರಾಂನಲ್ಲಿ 'ಮಿಸೆಸ್ & ಮಿಸ್ಟರ್' ಸಿನಿಮಾವೊಂದರ ಪೋಸ್ಟರ್‌ಅನ್ನು ಹಂಚಿಕೊಂಡಿದ್ದಾರೆ ವನಿತಾ. ಈ ಸಿನಿಮಾದಲ್ಲಿ ರಾಬರ್ಟ್‌ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.

ಸಿನಿಮಾ ಪ್ರಚಾರದ ಸ್ಟಂಟ್‌

ಈ ಚಿತ್ರವನ್ನು ಸ್ವತಃ ವನಿತಾ ಅವರೇ ನಿರ್ದೇಶಿಸುತ್ತಿದ್ದಾರೆ. ಪುತ್ರಿ ಜೋವಿಕಾ ಈ ಸಿನಿಮಾದ ನಿರ್ಮಾಪಕಿಯಾಗಿದ್ದಾರೆ. ಶನಿವಾರ (ಅಕ್ಟೋಬರ್ 05) ವನಿತಾ ವಿಜಯ ಕುಮಾರ್ ಅವರ ಜನ್ಮದಿನ. ಈ ಸಂದರ್ಭದಲ್ಲಿ ಮಿಸೆಸ್‌ ಅಂಡ್‌ ಮಿಸ್ಟರ್‌ ಸಿನಿಮಾದ ಫಸ್ಟ್‌ ಲುಕ್‌ ರಿಲೀಸ್‌ ಮಾಡಿ, ನೆಟ್ಟಿಗರ ಕಿವಿಗೆ ಹೂವಿಟ್ಟಿದ್ದಾರೆ. ಇನ್ನೇನು ಶೀಘ್ರದಲ್ಲಿಯೇ ತೆರೆಮೇಲೆ ನಮ್ಮ ಸಿನಿಮಾ ಬರಲಿದೆ ಎಂದೂ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಈ ವಾರಾಂತ್ಯಕ್ಕೆ ಒಟಿಟಿಯಲ್ಲಿ ಮನರಂಜನೆಯ ಮಹಾಪೂರ; ಯಾವ ಸಿನಿಮಾ ನೋಡಬೇಕು ಎಂಬ ಗೊಂದಲವೇ? ಇಲ್ಲಿದೆ ಲಿಸ್ಟ್‌

ಇದನ್ನು ನೋಡಿದ ನೆಟಿಜನ್‌ಗಳು ಅಚ್ಚರಿಗೊಂಡಿದ್ದಾರೆ. ಇದೆಲ್ಲಾ ತಮ್ಮ ಹೊಸ ಸಿನಿಮಾದ ಪ್ರಚಾರದ ಸ್ಟಂಟ್ ಎಂದು ತಿಳಿದು ಅಚ್ಚರಿಗೊಂಡಿದ್ದಾರೆ. ಇನ್ನು ಕೆಲ ನೆಟಿಜನ್‌ಗಳು ವನಿತಾ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಕೆಟ್ಟ ಕಾಮೆಂಟ್‌ ಮೂಲಕ ಟೀಕೆ ಮಾಡುತ್ತಿದ್ದರೆ, ಇನ್ನು ಕೆಲವರು ನಟಿಯ ಈ ಪ್ರಚಾರದ ಗಿಮಿಕ್‌ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಪವಿತ್ರಾ ಲೋಕೇಶ್‌- ನರೇಶ್‌ ಜೋಡಿಯಿಂದಲೂ ಗಿಮಿಕ್‌

ಕಳೆದ ವರ್ಷ ಟಾಲಿವುಡ್‌ ನಟ ನರೇಶ್‌ ಮತ್ತು ಪವಿತ್ರಾ ಲೋಕೇಶ್‌ ನಡುವಿನ ಸಂಬಂಧ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತ್ತು. ಅದಾದ ಕೆಲವೇ ದಿನಗಳಲ್ಲಿ, ಇಬ್ಬರೂ ಮದುವೆಯಾದ ವಿಡಿಯೋವನ್ನು ಬಿಡುಗಡೆ ಮಾಡಿ ಕಾಂಟ್ರವರ್ಸಿಗೆ ಮತ್ತಷ್ಟು ಒಗ್ಗರಣೆ ಹಾಕಿದ್ದರು. ಅದಾದ ಮೇಲೆ ಗೊತ್ತಾಯ್ತು, ಇದು ಮಲ್ಲಿ ಪೆಳ್ಳಿ ಅನ್ನೋ ಸಿನಿಮಾದ ಪ್ರಚಾರದ ಗಿಮಿಕ್‌ ಎಂದು. ಈಗ ಅದೇ ಕೆಲಸವನ್ನು ಮಿಸೆಸ್‌ ಅಂಡ್ ಮಿಸ್ಟರ್‌ ಸಿನಿಮಾ ಮೂಲಕ ವನಿತಾ ಮಾಡಿದ್ದಾರೆ.

ಇದನ್ನೂ ಓದಿ: ಟೈಗರ್ ಪ್ರಭಾಕರ್ ಮಹಾನ್ ರಸಿಕ, ಹೆಣ್ಣುಬಾಕ ಆಗಿದ್ರಾ? ಸತ್ಯ ಮಿಥ್ಯಗಳ ಸುತ್ತ ಇಣುಕಿದಾಗ ಕಂಡಿದ್ದಿಷ್ಟು