Lakshmi Baramma Serial: ಕಾರ್‌ನಲ್ಲಿ ಲಾಂಗ್‌ ಡ್ರೈವ್‌ ಹೋದ ಕೀರ್ತಿ, ವೈಷ್ಣವ್; ಇವಳಿಗೆ ನನಪೇ ಇಲ್ಲ ಅನ್ನೋ ಸತ್ಯ ಗೊತ್ತಾಗುತ್ತಾ?

ಲಕ್ಷ್ಮೀ ಬಾರಮ್ಮ ಧಾರಾವಾಹಿಯಲ್ಲಿ ವೈಷ್ಣವ್ ಮತ್ತು ಕೀರ್ತಿ ಸುತ್ತಾಡಲು ಹೋಗಿದ್ದಾರೆ. ಇದಕ್ಕೆ ಮುಖ್ಯ ಕಾರಣ ಏನೆಂದರೆ ಕೀರ್ತಿ ಒಂದು ಮುಖ್ಯ ವಿಚಾರವನ್ನು ಮಾತಾಡಬೇಕು ಎಂದು ವೈಷ್ಣವ್ ಹತ್ತಿರ ಹೇಳಿರುತ್ತಾಳೆ. ಆ ಕಾರಣಕ್ಕಾಗಿ ಅವನು ಅವಳನ್ನು ತನ್ನ ಕಾರ್‌ನಲ್ಲಿ ಕೂರಿಸಿಕೊಂಡು ಹೋಗಿರುತ್ತಾನೆ. ಆದರೆ ಮನೆಯಲ್ಲಿ ಅವಳ ಹುಡುಕಾಟ ನಡೆಯುತ್ತಿದೆ. ಅವಳಿಗೆ ಮೊದಲೇ ಹಳೆಯದೆಲ್ಲ ನೆನಪಿಲ್ಲ ಎಂಬ ಕಾರಣದಿಂದ ಎಲ್ಲರೂ ತಲೆ ಕೆಡಿಸಿಕೊಂಡಿರುತ್ತಾರೆ. ಸುಪ್ರಿತಾ ಹಾಗೂ ಕೀರ್ತಿಯ ಅಮ್ಮ ಇಬ್ಬರೂ ಅವಳನ್ನು ಸತತವಾಗಿ ಹುಡುಕುತ್ತಾರೆ. ಆದರೆ ಅವಳು ಎಲ್ಲಿಯೂ ಕಾಣುವುದಿಲ್ಲ.

ಕೀರ್ತಿ ಯಾಕೆ ಹೀಗೆ?

ಅವರೆಲ್ಲ ಗಾಬರಿಯಾಗಿದ್ದಾರೆ. ಹೀಗಿರುವಾ ವೈಷ್ಣವ್ ಕೂಡ ಮನೆಯಲ್ಲಿ ಕಾಣುತ್ತಿಲ್ಲ. ಇಬ್ಬರನ್ನೂ ಅವರು ಹುಡುಕುತ್ತಿದ್ದಾರೆ. ಹೀಗಿರುವಾ ಇತ್ತ ಕೀರ್ತಿ ಕಾರಿನಲ್ಲಿ ಸುಮ್ಮನೆ ಕುಳಿತುಕೊಂಡಿರುತ್ತಾಳೆ. ಅವಳಿಗೆ ವೈಷ್ಣವ್ ಜೊತೆ ಮಾತಾಡಬೇಕು ಎನ್ನುವುದಿದೆ. ಆದರೆ ಮಾತಾಡುತ್ತಿಲ್ಲ. ವೈಷ್ಣವ್ ಒತ್ತಾಯ ಮಾಡಿ ಕೇಳುತ್ತಾ ಇರುತ್ತಾನೆ. ನೀನು ಯಾಕೆ ನನ್ನನ್ನು ಬೇಗ ಬಾ ಎಂದು ಕರೆದುಕೊಂಡು ಬಂದೆ? ನಾನು ಮನೆಯಲ್ಲಿ ಹೇಳಿಯಾದರೂ ಬರುತ್ತಿದೆ. ಕಾರುಣ್ಯ ಆಂಟಿ ಈಗ ಗಾಬರಿಯಾಗಿರುತ್ತಾರೆ. ಏನು ಮಾತನಾಡಬೇಕು ಅಂದುಕೊಂಡಿದ್ಯೋ ಅದನ್ನು ಮಾತನಾಡು ಎಂದು ಹೇಳುತ್ತಾನೆ.

ಕೀರ್ತಿಗೆ ಏನೂ ನೆನಪಿಲ್ಲ
ವೈಷ್ಣವ್ ಕೂಡ ಕೀರ್ತಿ ಬಳಿ ಪ್ರಶ್ನೆ ಕೇಳಬೇಕು ಎಂದುಕೊಂಡಿರುತ್ತಾನೆ. ಅವನು ಅವಳ ಬಳಿ ಪ್ರಶ್ನೆ ಮಾಡಲು ರೆಡಿ ಆಗುತ್ತಾನೆ. ಆಗ ಅವಳು ಬೇರೆ ಏನೋ ಮಾತಾಡುತ್ತಾಳೆ. ಈ ಮರ ಈ ದಾರಿ ಎಲ್ಲ ಎಷ್ಟು ಸುಂದರವಾಗಿದೆ ಅಲ್ವಾ? ಎಂದು ಪ್ರಶ್ನೆ ಮಾಡುತ್ತಾಳೆ. ನನಗೂ ನಿನ್ನ ಬಳಿ ಪ್ರಶ್ನೆ ಕೇಳುವುದಿದೆ ಎನ್ನುತ್ತಾಳೆ. “ನೀನು ಯಾಕೆ ನನ್ನ ರಿಜೆಕ್ಟ ಮಾಡ್ದೆ” ಎಂದು ಪ್ರಶ್ನಿಸುತ್ತಾಳೆ. ಈ ಪ್ರಶ್ನೆ ಕೇಳಿ ಅವನಿಗೆ ಶಾಕ್ ಆಗಿದೆ.

ಅರೇ! ಬದುಕಿನಲ್ಲಿ ಇಷ್ಟೆಲ್ಲ ಆದರೂ ಇವಳು ಇನ್ನೂ ಆ ಹಳೆಯ ಪ್ರಶ್ನೆಗಳನ್ನೇ ಯಾಕೆ ಕೇಳುತ್ತಿದ್ದಾಳೆ ಎಂದು ಅವನು ಅಂದುಕೊಳ್ಳುತ್ತಿದ್ದಾನೆ. ಅವಳೇ ನೀನು ನನಗೆ ಬೇಡ ಎಂದು ಹಿಂದೆ ಹೇಳಿದ ಮಾತುಗಳೆಲ್ಲಾ ಅವನಿಗೆ ನೆನಪಾಗುತ್ತಿದೆ.

ಇದನ್ನೂ ಓದಿ: Zebra OTT: ಒಟಿಟಿಗೆ ಲಗ್ಗೆಯಿಟ್ಟ ಡಾಲಿ ಧನಂಜಯ್ ಅಭಿನಯದ ಜೀಬ್ರಾ ಸಿನಿಮಾ; ಸ್ಟ್ರೀಮಿಂಗ್ ಎಲ್ಲಿ?

ಲಕ್ಷ್ಮೀ ಬಾರಮ್ಮ ಧಾರಾವಾಹಿ

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಪ್ರೇಕ್ಷಕರಿಂದ ಭಾರೀ ಮೆಚ್ಚುಗೆ ಪಡೆದುಕೊಂಡಿತ್ತು. ಪ್ರತಿದಿನ ರಾತ್ರಿ 7:30ಕ್ಕೆ ಈ ಧಾರಾವಾಹಿ ಪ್ರಸಾರವಾಗುತ್ತದೆ. ಮೊದಲು ಒಂದಾಗಿದ್ದ ಭಾಗ್ಯಲಕ್ಷ್ಮೀ ಮತ್ತು ಲಕ್ಷ್ಮೀ ಬಾರಮ್ಮ ಈಗ ಎರಡು ಬೇರೆ ಬೇರೆ ಧಾರಾವಾಹಿಗಳಾಗಿ ಯಶಸ್ವಿಯಾಗಿದೆ. ಟಿಆರ್‌ಪಿ ರೇಟಿಂಗ್ಸ್‌ನಲ್ಲೂ ಈ ಧಾರಾವಾಹಿ ಮುಂದಿದೆ.

ಲಕ್ಷ್ಮೀ ಬಾರಮ್ಮ ಪಾತ್ರವರ್ಗ

ವೈಷ್ಣವ್ ಪಾತ್ರದಲ್ಲಿ ಶಮಂತ್‌ ಗೌಡ (ಬ್ರೋ ಗೌಡ)

ಕೀರ್ತಿ ಪಾತ್ರದಲ್ಲಿ ತನ್ವಿ ರಾವ್‌

ಲಕ್ಷ್ಮೀ ಪಾತ್ರದಲ್ಲಿ ಭೂಮಿಕಾ ರಮೇಶ್‌

ಕಾವೇರಿ ಪಾತ್ರದಲ್ಲಿ ಸುಷ್ಮಾ ನಾಣಯ್ಯ

ಸುಪ್ರಿತಾ ಪಾತ್ರದಲ್ಲಿ ರಜನಿ ಪ್ರವೀಣ್ ಅಭಿನಯಿಸುತ್ತಿದ್ದಾರೆ. ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಎಲ್ಲಾ ಎಪಿಸೋಡ್‌ಗಳ ಕಥೆಯನ್ನು ಇಲ್ಲಿ ಓದಬಹುದು.

ಇದನ್ನೂ ಓದಿ: Lakshmi Baramma Serial: ಗಂಗಕ್ಕ ಮಾಡಿದ ಅವಾಂತರದಿಂದ ಕೀರ್ತಿಗೆ ತೊಂದರೆ; ಸುಪ್ರಿತಾ ವಿರುದ್ಧ ಮಾತನಾಡಿದ ಲಕ್ಷ್ಮೀ