Laughing Buddha OTT: ಒಟಿಟಿಯತ್ತ ಮುಖಮಾಡಿದ ಪ್ರಮೋದ್‌ ಶೆಟ್ಟಿ ನಟನೆಯ ಲಾಫಿಂಗ್‌ ಬುದ್ಧ; ಡೊಳ್ಳುಹೊಟ್ಟೆ ಪೊಲೀಸಪ್ಪನ ಕಾಮಿಡಿ ಸಿನಿಮಾ

Laughing Buddha OTT release date: ರಾಷ್ಟ್ರೀಯ ಪ್ರಶಸ್ತಿ ವಿಜೇತ ನಟ ರಿಷಬ್‌ ಶೆಟ್ಟಿ ನಿರ್ಮಾಣ ಮತ್ತು ಇವರ ಗೆಳೆಯ ಪ್ರಮೋದ್‌ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಲಾಫಿಂಗ್‌ ಬುದ್ಧ ಸಿನಿಮಾವು ಚಿತ್ರಮಂದಿರಗಳಲ್ಲಿ ಆಗಸ್ಟ್‌ 30ರಂದು ಬಿಡುಗಡೆಯಾಗಿತ್ತು. ಭರತ್‌ ರಾಜ್‌ ಎಂ ನಿರ್ದೇಶನದ ಈ ಚಿತ್ರವು ಒಟಿಟಿಯತ್ತ ಮುಖ ಮಾಡುತ್ತಿದೆ. ಈ ಸಿನಿಮಾಕ್ಕಾಗಿ ಪ್ರಮೋದ್‌ ಶೆಟ್ಟಿ ಸಾಕಷ್ಟು ದಪ್ಪಗಾಗಿದ್ದರು. ದೊಡ್ಡ ಹೊಟ್ಟೆಯ ಪೊಲಿಸಪ್ಪನ ಕಥೆಯಾಗಿರುವುದರಿಂದ ವಿಶೇಷವಾಗಿ ತನ್ನ ಹೊಟ್ಟೆ ಬೆಳೆಸಿಕೊಂಡಿದ್ದರು. ಈ ಚಿತ್ರದ ಕುರಿತು ಕೊಂಚ ಸಕಾರಾತ್ಮಕ ವಿಮರ್ಶೆಗಳು ಬಂದಿದ್ದವು. ಈ ಚಿತ್ರದ ಕುರಿತು ನಿರೀಕ್ಷೆ ತುಂಬಾ ಇತ್ತು. ಆದರೆ, ಸಹಜ ಲಯದಲ್ಲಿ ಸಾಗಿ ಡೀಸೆಂಟ್‌ ಸಿನಿಮಾವಾಗಿ ಸಿನಿಮಾ ಪ್ರೇಕ್ಷಕರ ಮೆಚ್ಚುಗೆ ಪಡೆಯಿತು. ಚಿತ್ರಮಂದಿರಗಳಲ್ಲಿ ಕೆಲವು ವಾರ ಡೀಸೆಂಟ್‌ ಕಲೆಕ್ಷನ್‌ ಮಾಡಿತ್ತು.

ಲಾಫಿಂಗ್‌ ಬುದ್ಧ ಒಟಿಟಿ ಬಿಡುಗಡೆ ವಿವರ

ಯಾವ ಒಟಿಟಿಯಲ್ಲಿ ಬಿಡುಗಡೆ?: ಅಮೆಜಾನ್‌ ಪ್ರೈಮ್‌ ವಿಡಿಯೋ
ಒಟಿಟಿ ಸ್ಟ್ರೀಮಿಂಗ್‌ ದಿನಾಂಕ: ಅಕ್ಟೋಬರ್‌ 18, 2024

ಪ್ರಮೋದ್‌ ಶೆಟ್ಟಿ ನಟನೆಯ ಲಾಫಿಂಗ್‌ ಬುದ್ಧ ಸಿನಿಮಾವು ಅಮೆಜಾನ್‌ ಪ್ರೈಮ್‌ ವಿಡಿಯೋದಲ್ಲಿ ಬಿಡುಗಡೆಯಾಗಲಿದೆ. ಕಾಂತಾರದ ಬಳಿಕ ನನ್ನ ಇತರೆ ಚಿತ್ರಗಳಿಗೆ ಸರಿಯಾದ ಒಟಿಟಿ ವೇದಿಕೆ ದೊರಕಿಲಿಲ್ಲ. ವಿಶೇಷವಾಗಿ ಕನ್ನಡ ಸಿನಿಮಾಗಳಿಗೆ ಸರಿಯಾಗಿ ವೇದಿಕೆಗಳು ದೊರಕುತ್ತಿಲ್ಲ ಎಂದು ರಿಷಬ್‌ ಶೆಟ್ಟಿ ಹೇಳಿದ್ದರು. ಇದೀಗ ಅಮೆಜಾನ್‌ ಪ್ರೈಮ್‌ ವಿಡಿಯೋದಲ್ಲಿ ಲಾಫಿಂಗ್‌ ಬುದ್ಧ ಸ್ಟ್ರೀಮಿಂಗ್‌ ಆಗಲಿದೆ. ಸದ್ಯ ಬಂದಿರುವ ಮಾಹಿತಿ ಪ್ರಕಾರ ಅಕ್ಟೋಬರ್‌ 18ರಂದು ಪ್ರೈಮ್‌ ವಿಡಿಯೋದಲ್ಲಿ ಸ್ಟ್ರೀಮಿಂಗ್‌ ಆಗಲಿದೆ. ಆದರೆ, ಪೆಪೆ ಸಿನಿಮಾದಂತೆ "ವಿದೇಶಿಗರಿಗೆ ಮೊದಲು, ಭಾರತೀಯರಿಗೆ ನಂತರ" ಆಗದೆ ಇದ್ದರೆ ಸಾಕು. ಈ ರೀತಿ ಆಗದೆ ಇದ್ದರೆ ಅಕ್ಟೋಬರ್‌ 18ರಿಂದಲೇ ಭಾರತೀಯರು ಸೇರಿದಂತೆ ಎಲ್ಲರೂ ಈ ಚಿತ್ರ ವೀಕ್ಷಿಸಬಹುದು.

ಲಾಫಿಂಗ್‌ ಬುದ್ಧ ಸಿನಿಮಾ ಪೊಲೀಸರ ಕಥೆ ಹೊಂದಿದೆ. ಒಂದು ಪೊಲೀಸ್‌ ಸ್ಟೇಷನ್‌ನಲ್ಲಿ ನಡೆಯುವ ಕಥೆಗಳ ಸುತ್ತ ಚಿತ್ರ ಸಾಗುತ್ತದೆ. ಚಿತ್ರದ ಪ್ರಮುಖ ಪಾತ್ರದಾರಿ ಪ್ರಮೋದ್‌ ಶೆಟ್ಟಿಯ (ಗೋವರ್ಧನ್‌ ಪಾತ್ರ) ದೊಡ್ಡ ಹೊಟ್ಟೆ ಚಿತ್ರದ ಪ್ರಮುಖ ಹೈಲೈಟ್ಸ್‌. ಈತನಿಗೆ ಆಹಾರಗಳೆಂದರೆ ಇಷ್ಟ. ತನ್ನ ಚಾಣಾಕ್ಷ್ಯತನದಿಂದ ಎಂತಹ ಪ್ರಕರಣಗಳನ್ನೂ ಪತ್ತೆಹಚ್ಚುತ್ತಾನೆ. ಹೆಚ್ಚು ತಿನ್ನುವ ಕಾರಣ ಹೊಟ್ಟೆ ಬೆಳೆದಿದೆ. ಆದರೆ, ಸಂದರ್ಭವೊದು ಇವರ ಹೊಟ್ಟೆಯನ್ನೇ ಕರಗಿಸುವ ಅನಿವಾರ್ಯತೆಗೆ ಸಿಲುಕಿಸಿದೆ. ಆದರೆ, ಆ ಪ್ರಯತ್ನದಲ್ಲಿ ಯಶಸ್ವಿಯಾಗುವ ಮುನ್ನವೇ ಬೇರೊಂದು ಪ್ರಕರಣ ಇವರೆಲ್ಲರನ್ನೂ ಸುತ್ತು ಹಾಕಿದೆ. ಹೀಗೆ, ಒಂದು ಡಿಫರೆಂಟ್‌ ಸ್ಟೋರಿಯನ್ನು ಲಾಫಿಂಗ್‌ ಬುದ್ಧ ಹೊಂದಿದೆ. ಪ್ರಮೋದ್‌ ಶೆಟ್ಟಿ ಜತೆಗೆ ತೇಜು ಬೆಳವಾಡಿ, ದಿಗಂತ್‌, ಸುಂದರ ರಾಜ್‌ ಮುಂತಾದವರು ಈ ಚಿತ್ರದಲ್ಲಿ ನಟಿಸಿದ್ದಾರೆ.

ಇದನ್ನೂ ಓದಿ: ಲವ್ವಿಗೆ ಬಿದ್ರು ಪ್ರಮೋದ್‌ ಶೆಟ್ಟಿ, ಲಾಫಿಂಗ್‌ ಬುದ್ಧ ಸಿನಿಮಾದ ಹಾಡಿನ ಮೋಡಿ

ಲಾಫಿಂಗ್‌ ಬುದ್ಧ ಸಿನಿಮಾದ ವಿಮರ್ಶೆ

ಈಗಾಗಲೇ ಲಾಫಿಂಗ್‌ ಬುದ್ಧ ಸಿನಿಮಾ ವಿಮರ್ಶೆಯನ್ನು ಹಿಂದೂಸ್ತಾನ್‌ ಟೈಮ್ಸ್‌ ಕನ್ನಡ ಪ್ರಕಟಿಸಿದೆ. "ಲಾಫಿಂಗ್‌ ಬುದ್ಧ ಪೊಲೀಸರ ಬದುಕಿನ ಕಷ್ಟಗಳಿಗೆ ಕನ್ನಡಿ ಹಿಡಿದ ಸಿನಿಮಾ. ಗ್ರಾಮೀಣ ಅಥವಾ ಸಣ್ಣ ಪಟ್ಟಣದಲ್ಲಿ ನಮ್ಮ ಸುತ್ತಮುತ್ತ ಇರಬಹುದಾದ ಸಾಮಾನ್ಯ ಪೊಲೀಸ್‌ ಸ್ಟೇಷನ್‌. ಅಲ್ಲಿನವರ ದಿನನಿತ್ಯದ ಕೆಲಸ ಮತ್ತು ಕೆಲಸದ ಒತ್ತಡ. ಕುಟುಂಬಕ್ಕೆ ಸಮಯ ಕೊಡಲಾಗದ ಸಂಕಟ. ಆ ನೀರೂರು ಪೊಲೀಸ್‌ ಠಾಣೆಯಲ್ಲಿ ಗೋವರ್ಧನ ಎಂಬ ಪೊಲೀಸ್‌ ಪೇದೆಯ ಕಥೆ ಇದಾಗಿದೆ. ಆತನಿಗೆ ತಿನ್ನೋದು ಇಷ್ಟ. ಇದೇ ಸಮಯದಲ್ಲಿ ಎಂತಹ ಪ್ರಕರಣವನ್ನೂ ತನ್ನದೇ ಶೈಲಿಯಲ್ಲಿ ಬಗೆಹರಿಸುವ ಕೌಶಲ ಆತನಿಗಿದೆ. ಆದರೆ, ಆತನ ಹೊಟ್ಟೆಯೇ ದೊಡ್ಡ ಸಮಸ್ಯೆ. ಪೊಲೀಸರೆಂದರೆ ಹೊಟ್ಟೆ ಬೆಳೆಸಿಕೊಂಡಿರುವವರು ಎಂಬ ಕಲ್ಪನೆಯೇ ಎಲ್ಲರಲ್ಲಿ ಇರುತ್ತದೆ. ಆದರೆ, ಅವರ ಬದುಕಿನ ಕಷ್ಟ ಯಾರಿಗೂ ಅರಿವು ಇರುವುದಿಲ್ಲ. ಈ ಕಷ್ಟವನ್ನು ನವಿರಾದ ಹಾಸ್ಯದ ಮೂಲಕ ಕಟ್ಟಿಕೊಡುವ ಪ್ರಯತ್ನ ಇಷ್ಟವಾಗುತ್ತದೆ. ಚಿತ್ರ ಸಾಗುವ ರೀತಿ ನೋಡಿದರೆ ಇದು ಮುಂದೆ ಹೋಗುತ್ತಾ ಹೋಗುತ್ತಾ ರೋಚಕವಾಗುವ ನಿರೀಕ್ಷೆಯಲ್ಲಿ ಪ್ರೇಕ್ಷಕರು ಕಾಯುತ್ತಾರೆ. ಚಿತ್ರ ಮುಗಿದಾಗ "ಇಷ್ಟೇನಾ?" ಎಂಬ ಪ್ರಶ್ನೆ ಮೂಡದೆ ಇರದು. ಲಾಫಿಂಗ್‌ ಬುದ್ಧ ಸಿನಿಮಾದ ಸಂಪೂರ್ಣ ವಿಮರ್ಶೆ ಇಲ್ಲಿದೆ ಓದಿ.