PKL 11: ಡೆಲ್ಲಿಯ ವಿಜಯದ ನಂತರ ಪಾಯಿಂಟ್ಸ್ ಟೇಬಲ್​ನಲ್ಲಿ ಬದಲಾವಣೆ: ಬೆಂಗಳೂರು ಬುಲ್ಸ್​ ಪಾತಾಳಕ್ಕೆ

ಅಕ್ಟೋಬರ್ 26 ಶನಿವಾರ ಪ್ರೊ ಕಬಡ್ಡಿ ಲೀಗ್‌ನಲ್ಲಿ ಬಹಳ ವಿಶೇಷವಾದ ದಿನವಾಯಿತು. ಇದಕ್ಕೆ ಕಾರಣ ಈ ಋತುವಿನ ಮೊದಲ ಟೈ ಪಂದ್ಯವನ್ನು ನೋಡಲು ಸಿಕ್ಕಿದ್ದು. ಬೆಂಗಾಲ್ ವಾರಿಯರ್ಸ್ ಮತ್ತು ಯು-ಮುಂಬಾ ನಡುವಿನ ಪಂದ್ಯ ಟೈನಲ್ಲಿ ಕೊನೆಗೊಂಡಿತು. ಆದರೆ ಎರಡನೇ ಪಂದ್ಯದಲ್ಲಿ ಪವನ್ ಸೆಹ್ರಾವತ್ ನೇತೃತ್ವದ ತೆಲುಗು ಟೈಟಾನ್ಸ್, ನವೀನ್ ಕುಮಾರ್ ನೇತೃತ್ವದ ದಬಾಂಗ್ ಡೆಲ್ಲಿ ವಿರುದ್ಧ ಸೋಲನ್ನು ಎದುರಿಸಬೇಕಾಯಿತು.

ಮೊದಲ ಪಂದ್ಯದ ಬಗ್ಗೆ ಮಾತನಾಡುವುದಾದರೆ, ಒಂದು ಸಮಯದಲ್ಲಿ ಬೆಂಗಾಲ್ ವಾರಿಯರ್ಸ್ ತಂಡವು ತುಂಬಾ ಮುಂದಿತ್ತು. ಆದರೆ ಯು-ಮುಂಬಾ ಅದ್ಭುತ ಪುನರಾಗಮನವನ್ನು ಮಾಡಿ ಗೆಲುವಿನ ಹತ್ತಿರ ಬಂತು. ಕೊನೆಯ ರೇಡ್‌ನಲ್ಲಿ ಬೆಂಗಾಲ್ ವಾರಿಯರ್ಸ್ ಪಂದ್ಯವನ್ನು ಟೈ ಮಾಡಿಕೊಂಡಿತು. ಎರಡನೇ ಪಂದ್ಯ ಕೂಡ ಸಾಕಷ್ಟು ರೋಚಕತೆ ಸೃಷ್ಟಿಸಿತು. ಈ ಪಂದ್ಯದಲ್ಲಿ ನವೀನ್ ಕುಮಾರ್ ಈ ಋತುವಿನ ಮೊದಲ ಸೂಪರ್-10 ಅನ್ನು ಹೊಡೆದರು. ನವೀನ್ ಕುಮಾರ್ ಮತ್ತು ಅಶು ಮಲಿಕ್ ತಲಾ 15 ಅಂಕ ಪಡೆದರು. ತೆಲುಗು ಟೈಟಾನ್ಸ್ ಪರ ಪವನ್ ಸೆಹ್ರಾವತ್ ಮಾತ್ರ 18 ಅಂಕಗಳನ್ನು ಗಳಿಸಿದರು. ಆದರೆ ತಂಡವನ್ನು ಗೆಲುವಿನತ್ತ ಕೊಂಡೊಯ್ಯಲು ಸಾಧ್ಯವಾಗಲಿಲ್ಲ.

ಈ ಪಂದ್ಯಗಳ ನಂತರ, ಪಾಯಿಂಟ್ಸ್ ಟೇಬಲ್ ಹೇಗಿದೆ ಮತ್ತು ರೇಡಿಂಗ್ ಮತ್ತು ಡಿಫೆನ್ಸ್‌ನಲ್ಲಿ ಟಾಪ್-5 ನಲ್ಲಿ ಯಾವ ಆಟಗಾರರು ಇದ್ದಾರೆ ಎಂಬುದನ್ನು ನೋಡೋಣ.

ಪ್ರೊ ಕಬಡ್ಡಿ ಲೀಗ್ 2024 ಪಾಯಿಂಟ್ಸ್ ಟೇಬಲ್

1. ಪುಣೇರಿ ಪಲ್ಟನ್ - 4 ಪಂದ್ಯಗಳಲ್ಲಿ 16 ಅಂಕ

2. ಯುಪಿ ಯೋದಾ - 3 ಪಂದ್ಯಗಳಲ್ಲಿ 11 ಅಂಕ

3. ತಮಿಳ್ ತಲೈವಾಸ್ - 3 ಪಂದ್ಯಗಳಲ್ಲಿ 11 ಅಂಕ

4. ದಬಾಂಗ್ ಡೆಲ್ಲಿ - 3 ಪಂದ್ಯಗಳಲ್ಲಿ 11 ಅಂಕ

5. ಜೈಪುರ ಪಿಂಕ್ ಪ್ಯಾಂಥರ್ಸ್ - 3 ಪಂದ್ಯಗಳಲ್ಲಿ 10 ಅಂಕ

6. ಬೆಂಗಾಲ್ ವಾರಿಯರ್ಸ್ - 3 ಪಂದ್ಯಗಳಲ್ಲಿ 9 ಅಂಕ

7. ಯು-ಮುಂಬಾ – 3 ಪಂದ್ಯಗಳಲ್ಲಿ 8 ಅಂಕ

8. ಗುಜರಾತ್ ಜೈಂಟ್ಸ್ - 2 ಪಂದ್ಯಗಳಲ್ಲಿ 6 ಅಂಕ

9. ತೆಲುಗು ಟೈಟಾನ್ಸ್ - 4 ಪಂದ್ಯಗಳಲ್ಲಿ 6 ಅಂಕ

10. ಹರಿಯಾಣ ಸ್ಟೀಲರ್ಸ್ - 2 ಪಂದ್ಯಗಳಲ್ಲಿ 5 ಅಂಕ

11.ಪಟ್ನಾ ಪೈರೇಟ್ಸ್ - 2 ಪಂದ್ಯಗಳಲ್ಲಿ 5 ಅಂಕ

12. ಬೆಂಗಳೂರು ಬುಲ್ಸ್ - 4 ಪಂದ್ಯಗಳಲ್ಲಿ ಒಂದು ಅಂಕ

ಇದನ್ನೂ ಓದಿ: ಎರಡನೇ ಟೆಸ್ಟ್​ನಲ್ಲೂ ನ್ಯೂಜಿಲೆಂಡ್​ಗೆ ಗೆಲುವು; 2012ರ ನಂತರ ತವರಿನಲ್ಲಿ ಸರಣಿ ಸೋತ ಟೀಮ್ ಇಂಡಿಯಾ, ದಾಖಲೆ ಬರೆದ ಕಿವೀಸ್

ಪ್ರೊ ಕಬಡ್ಡಿ ಲೀಗ್ 2024 ರ ಟಾಪ್ 5 ರೈಡರ್‌ಗಳು

1. ಪವನ್ ಸೆಹ್ರಾವತ್ (47 ಅಂಕ)

2. ಅರ್ಜುನ್ ದೇಶ್ವಾಲ್ (37 ಅಂಕ)

3. ನರೇಂದ್ರ ಕಂಡೋಲ (34 ಅಂಕ)

4. ದೇವಾಂಕ್ (31 ಅಂಕ)

5. ಆಶು ಮಲಿಕ್ (29 ಅಂಕ)

ಪ್ರೊ ಕಬಡ್ಡಿ ಲೀಗ್ 2024 ರ ಟಾಪ್ 5 ಡಿಫೆಂಡರ್‌ಗಳು

1. ಗೌರವ್ ಖತ್ರಿ (18 ಅಂಕ)

2. ಸುಮಿತ್ ಸಾಂಗ್ವಾನ್ (14 ಅಂಕ)

3. ಅಮನ್ (14 ಅಂಕಗಳು)

4. ಫಜಲ್ ಅತ್ರಾಚಲಿ (11 ಅಂಕ)

5. ಸೋಂಬಿರ್ (11 ಅಂಕಗಳು)

ಇದನ್ನೂ ಓದಿ: PKL 11: ಮತ್ತೊಮ್ಮೆ ಹೀನಾಯವಾಗಿ ಸೋತ ಬೆಂಗಳೂರು ಬುಲ್ಸ್; ಪರ್ದೀಪ್‌ ನರ್ವಾಲ್‌ ಬಳಗದ ಕಳಪೆ ಪ್ರದರ್ಶನಕ್ಕೆ ಕಾರಣಗಳೇನು?