IPLನಲ್ಲಿ ಭರಪೂರ ಮನರಂಜನೆ ನೀಡಿದ RCBಯ ಟಾಪ್​​​​-5 ಬ್ಯಾಟರ್ಸ್​ ಇವರೇ ನೋಡಿ.!

ಇಂಡಿಯನ್​ ಪ್ರೀಮಿಯರ್​​ ಲೀಗ್​​​ನಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಒಂದು ಬಾರಿಯೂ ಟ್ರೋಫಿ ಗೆದ್ದಿಲ್ಲ. ಆದರೆ ಬ್ಯಾಟಿಂಗ್​​​ ಫೈರ್​​​​​​​​ಪವರ್​ಗೆ ಮಾತ್ರ ಯಾವುದೇ ಕೊರತೆಯೇ ಇರಲಿಲ್ಲ. ಎಂಟರ್​ಟೈನ್​ಮೆಂಟ್​​​ ಕಾ ಬಾಪ್​, ಎಂಟರ್​​ಟೈನ್​ಮೆಂಟ್​ ಅಡ್ಡ, ಮನರಂಜನೆಯ ತವರು ಎಂದೆಲ್ಲಾ ಕರೆಸಿಕೊಂಡಿದೆ ಬೆಂಗಳೂರು.! ರೆಡ್​ ಆರ್ಮಿ ನೀಡುತ್ತಿದ್ದ ಮನರಂಜನೆಯಷ್ಟು, ಯಾವ ತಂಡದಿಂದಲೂ ಬರಲಿಲ್ಲ ಎಂಬುದು ವಿಶೇಷ.

ಐಪಿಎಲ್​ ಇತಿಹಾಸದಲ್ಲಿ ತಂಡವೊಂದರ ಅತ್ಯಧಿಕ ಮೊತ್ತ, ಕಡಿಮೆ ಮೊತ್ತ, ಜೊತೆಯಾಟ, ಶತಕಗಳು, ರನ್​.. ಹೀಗೆ ಪ್ರತಿಯೊಂದರಲ್ಲೂ ಆರ್​​ಸಿಬಿಯೇ ಮುಂದಿದೆ. ಅದರಲ್ಲೂ ಸೂಪರ್​ ಸ್ಟಾರ್​ ಬ್ಯಾಟರ್​​​​ಗಳು ನೀಡುತ್ತಿದ್ದ ಪವರ್​​ ಪ್ಯಾಕ್​ ಇನ್ನಿಂಗ್ಸ್​​ಗಳು, ಕ್ರಿಕೆಟ್​​​ ಲೋಕವನ್ನೇ ಹುಚ್ಚೆದ್ದು ಕುಣಿಯುವಂತೆ ಮಾಡಿದ್ದವು. ಅಭಿಮಾನಿಗಳನ್ನು ಹುಚ್ಚೆದ್ದು ಕುಣಿಯುವಂತೆ ಎಂಟರ್​​ಟೈನ್​​​ ನೀಡಿದ RCBಯ ಸಾರ್ವಕಾಲಿಕ ಟಾಪ್-5 ಬ್ಯಾಟರ್ಸ್​ ಯಾರೆಂಬುದನ್ನು ಈ ಮುಂದೆ ನೋಡೋಣ..!

1. ಎಬಿ ಡಿವಿಲಿಯರ್ಸ್​​

AB ಡಿವಿಲಿಯರ್ಸ್.! IPL​ನಲ್ಲಿ ಅವರ ಅಸಾಮಾನ್ಯ ಬ್ಯಾಟಿಂಗ್, ಅತ್ಯದ್ಭುತ ಇನ್ನಿಂಗ್ಸ್​​ಗಳು ಕಣ್ಣ​​ ಮುಂದೆ ಹಾದು ಹೋಗುತ್ತವೆ. ಆರ್​ಸಿಬಿಯ ರಿಯಲ್ ಟ್ರಬಲ್ ಶೂಟರ್. ಸಂಕಷ್ಟದ ಸಮಯದಲ್ಲೂ ಸಿಂಗಲ್ ಶೇರ್​ನಂತೆ ಘರ್ಜಿಸುತ್ತಿದ್ದರು. ಆರ್​ಸಿಬಿ ಆಪತ್ಭಾಂಧವ.! IPLನಲ್ಲಿ ಆರ್​ಸಿಬಿ ಪರ 145 ಇನ್ನಿಂಗ್ಸ್‌ಗಳಲ್ಲಿ ಬ್ಯಾಟ್​ ಬೀಸಿದ್ದು 39.71 ಸರಾಸರಿ, 151.69 ಸ್ಟ್ರೈಕ್​​​ರೇಟ್​ನಲ್ಲಿ 4,491 ರನ್ ಕಲೆ ಹಾಕಿದ್ದಾರೆ. ಸ್ಫೋಟಕ ಬ್ಯಾಟಿಂಗ್​​​​ಗೆ ಹೆಸರುವಾಸಿಯಾಗಿದ್ದ ಎಬಿಡಿ, ಬ್ಯಾಟಿಂಗ್​ಗೆ ಕ್ರೀಸ್​ಗೆ ಬಂದರೆ ಅಭಿಮಾನಿಗಳಂತೂ ಹುಚ್ಚೆದ್ದು ಕುಣಿಯುತ್ತಿದ್ದಂತೂ ಸುಳ್ಳಲ್ಲ.

2. ಕ್ರಿಸ್ ​​ಗೇಲ್​​

ಕೆರಿಬಿಯನ್​ ದೈತ್ಯ ಕ್ರಿಸ್ ಗೇಲ್, ಟಿ20 ಕ್ರಿಕೆಟ್​​​ಗೆ ಸಮಾನಾರ್ಥಕ ಪದ ಇದ್ದ ಹಾಗೆ.! ಆರಂಭಿಕನಾಗಿ ವಿಧ್ವಂಸಕ ಬ್ಯಾಟಿಂಗ್​ ನಡೆಸಿ ಚುಟುಕು ಫಾರ್ಮೆಟ್​ನಲ್ಲಿ ಹೊಸ ಮನ್ವಂತರ ಸೃಷ್ಟಿಸಿದ ಟ್ರೆಂಡ್‌ಸೆಟರ್.! ಕ್ರೀಸ್​ಗೆ ಬಂದರೆ ದಂಡಿಸುವುದನ್ನೇ ಕೆಲಸ ಮಾಡಿಕೊಂಡಿದ್ದ ಗೇಲ್​​, ಬೌಲರ್​​​ಗಳು ಸುಸ್ತಾಗುವವರೆಗೂ ಬಿಡುತ್ತಿರಲಿಲ್ಲ. RCB ಪರ ಗೇಲ್ 84 ಇನ್ನಿಂಗ್ಸ್‌ಗಳ ಬ್ಯಾಟ್​ ಬೀಸಿದ್ದು, 39.72 ಸರಾಸರಿಯಲ್ಲಿ 3,163 ರನ್ ಗಳಿಸಿದ್ದಾರೆ. 152.73 ಸ್ಟ್ರೈಕ್ ರೇಟ್‌ ಹೊಂದಿದ್ದರು. ಅಜೇಯ 175 ರನ್​ ಗಳಿಸಿ IPL​​​ ಇತಿಹಾಸದಲ್ಲಿ ವೈಯಕ್ತಿಕ ಗರಿಷ್ಠ ಸ್ಕೋರರ್​ ಎನಿಸಿದ್ದಾರೆ. 2013 ರ ಆವೃತ್ತಿಯಲ್ಲಿ ಪುಣೆ ವಾರಿಯರ್ಸ್ ವಿರುದ್ಧ ಈ ದೊಡ್ಡ ಇನ್ನಿಂಗ್ಸ್​ ಬಂದಿತ್ತು.

3. ವಿರಾಟ್​ ಕೊಹ್ಲಿ

ವಿರಾಟ್ ಕೊಹ್ಲಿ ಆರ್​ಸಿಬಿಯ ಬ್ರಾಂಡ್​ ಅಂಬಾಸಿಡರ್​.. ಒಂದೇ ತಂಡದ ಪರ ಹೆಚ್ಚು ಸೀಸನ್​​ಗಳನ್ನಾಡಿದ ಏಕೈಕ ಆಟಗಾರ. IPL​​ನಲ್ಲಿ ಲೀಡಿಂಗ್​ ಸ್ಕೋರರ್​​​..! RCBಗೆ ದೇಶ-ವಿದೇಶಗಳಲ್ಲೂ ಫ್ಯಾನ್ ಫಾಲೋಯಿಂಗ್​ ಹೆಚ್ಚಾಗಲು ಕೊಹ್ಲಿಯೇ ಕಾರಣ ಎಂದರೆ ತಪ್ಪಾಗಲ್ಲ. ತನ್ನ ಕ್ಲಾಸ್​ ಬ್ಯಾಟಿಂಗ್​ನಿಂದಲೇ ಅಬ್ಬರಿಸುತ್ತಿದ್ದ ವಿರಾಟ್​​​, ಫೀಲ್ಡ್​​​ನಲ್ಲಿ ಸದಾ ಅಗ್ರೆಸ್ಸಿವ್​ ಆಗಿರುತ್ತಿದ್ದರು. ಕ್ಯಾಪ್ಟನ್​ ಆಗಿ ಎದುರಾಳಿ ವಿರುದ್ಧ ತಿರುಗಿ ಬೀಳುತ್ತಿದ್ದ ಮಾಜಿ ನಾಯಕ, 215 ಇನ್ನಿಂಗ್ಸ್‌ಗಳಲ್ಲಿ 36.20 ಸರಾಸರಿ ಮತ್ತು 129.15 ಸ್ಟ್ರೈಕ್ ರೇಟ್‌ನಲ್ಲಿ 6,624 ರನ್ ಗಳಿಸಿದ್ದಾರೆ.

ಕೊಹ್ಲಿ, ಗೇಲ್ ಮತ್ತು ಎಬಿ ಮೂವರು ಸೇರಿ IPLನಲ್ಲಿ ಹೊಸ ಭಾಷ್ಯ ಬರೆದ ಸೂಪರ್​ ಸ್ಟಾರ್​ಗಳು. ಮೂವರು ಕ್ರೀಸ್​​ನಲ್ಲಿ ಇದ್ದರೆ ಬೆಟ್ಟದಷ್ಟು ಸ್ಕೋರ್​ ಅನ್ನೂ ಸುಲಭವಾಗಿ ಚೇಸ್​ ಮಾಡುತ್ತಿದ್ದರು. ಸ್ಪೋಟಕ, ಆಕ್ರಮಣಕಾರಿ ಆಟದ ಮೂಲಕವೇ ಪಂದ್ಯದ ಚಿತ್ರಣ ಬದಲಿಸುತ್ತಿದ್ದರು.

4. ಗ್ಲೇನ್​ ಮ್ಯಾಕ್ಸ್​ವೆಲ್​

ಕಳೆದೆರಡು ಸೀಸನ್​​​ಗಳಲ್ಲಿ ಆಸ್ಟ್ರೇಲಿಯಾ ಸ್ಪೋಟಕ ಆಲ್​ರೌಂಡರ್​​​​​​​ ಗ್ಲೇನ್​ ಮ್ಯಾಕ್ಸ್​ವೆಲ್​​​​ ಆರ್​​ಸಿಬಿಯ ಪವರ್​​ ಹಿಟ್ಟರ್​​​ಗಳಲ್ಲಿ ಒಬ್ಬರು. ಘಟಾನುಘಟಿ ಬೌಲರ್​​ಗಳನ್ನೇ ಚಿಂದಿ ಉಡಾಯಿಸುತ್ತಿದ್ದ ಮ್ಯಾಕ್ಸಿ, ಧಮಾಕೇದರ್​​​ ಪರ್ಫಾಮೆನ್ಸ್​ ನೀಡುತ್ತಿದ್ದಾರೆ. ಮಿಡಲ್​ ಆರ್ಡರ್​​​ನಲ್ಲಿ ಆಕ್ರಮಣಕಾರಿ ಆಟದ ಮೂಲಕವೇ ಗಮನ ಸೆಳೆದಿದ್ದಾರೆ. ಕಳೆದೆರಡು ಆವೃತ್ತಿಗಳಿಂದ ಆರ್​ಸಿಬಿಯ ಭಾಗವಾಗಿರುವ ಮ್ಯಾಕ್ಸಿ, ಬ್ಯಾಟಿಂಗ್​​-ಬೌಲಿಂಗ್​ ಎರಡರಲ್ಲೂ ಅಬ್ಬರಿಸುತ್ತಿದ್ದಾರೆ. ಆ ಮೂಲಕ ಪಂದ್ಯದ ಗೆಲುವಿನ ರೂವಾರಿ ಎನಿಸಿದ್ದಾರೆ. ಆರ್​ಸಿಬಿ ಪರ 27 ಇನ್ನಿಂಗ್ಸ್​​ಗಳಲ್ಲಿ ಬ್ಯಾಟ್​ ಬೀಸಿರುವ ಗ್ಲೇನ್​, 35.39ರ ಸರಾಸರಿಯಲ್ಲಿ 152.43ರ ಸ್ಟ್ರೈಕ್​ರೇಟ್​​​​ 814 ರನ್​ ಗಳಿಸಿದ್ದಾರೆ.

5. ರಾಸ್​ ಟೇಲರ್​​

ರಾಸ್​​​ ಟೇಲರ್​ ಆಯ್ಕೆ, ಅಚ್ಚರಿ ಎನಿಸಬಹುದು. 2008ರಲ್ಲಿ ಟೂರ್ನಿ ಶುರುವಾದ ಸಂದರ್ಭದಲ್ಲಿ ಟಿ20 ಕ್ರಿಕೆಟ್​​ನಲ್ಲಿ ಬಿಗ್​ ಹಿಟ್​​​ ಮಾಡಲು ಹೆದರುತ್ತಿದ್ದರು. ಆದರೆ ನ್ಯೂಜಿಲೆಂಡ್​ ತಂಡದ ರಾಸ್​ ಟೇಲರ್​ ಮಾತ್ರ, ಮೈದಾನದ ಮೂಲೆ ಮೂಲೆಗೂ ಚೆಂಡಿನ ದರ್ಶನ ಮಾಡುತ್ತಿದ್ದರು. ಮಧ್ಯಮ ಕ್ರಮಾಂಕದಲ್ಲಿ ಗ್ರೇಟ್​ ಫಿನಿಷರ್​​ ಆಗಿದ್ದರು. ಬೌಲರ್​​​ಗಳಿಗೆ ನರಕ ದರ್ಶನ ತೋರಿಸುತ್ತಿದ್ದರು. ಎಬಿ ಡಿವಿಲಿಯರ್ಸ್​​​​ಗೂ ಮುಂಚೆಯೇ ಫ್ಯಾನ್ಸಿ​ ಶಾಟ್​ಗಳನ್ನು ಆಡಿದ್ದರು. ತಂಡದಲ್ಲಿದ್ದದ್ದು ಅಲ್ಪಾವಧಿಯೇ ಆದರೂ ಅವರ ಇನ್ನಿಂಗ್ಸ್​ಗಳು ಇಂದಿಗೂ ಕಣ್ಣಿಗೆ ರಾಚುತ್ತವೆ. ಆರ್​ಸಿಬಿ ಪರ 20 ಇನ್ನಿಂಗ್ಸ್‌ಗಳಲ್ಲಿ 30.41 ಸರಾಸರಿ ಮತ್ತು 142.03 ಸ್ಟ್ರೈಕ್ ರೇಟ್‌ನಲ್ಲಿ 517 ರನ್ ಗಳಿಸಿದ್ದಾರೆ.

ಆರ್​​ಸಿಬಿ ತಂಡದಲ್ಲಿ ಬ್ಯಾಟಿಂಗ್​​​ ಎಂಟರ್​​ಟೈನ್​ ನೀಡಿದ ಘಟಾನುಘಟಿ ಬ್ಯಾಟ್ಸ್​​ಮನ್​​​ಗಳ ಪಟ್ಟಿ ದೊಡ್ಡದೇ ಇದೆ. ಆದರೆ ಅವರಲ್ಲಿ ಈ ಟಾಪ್​​ - 5 ಬ್ಯಾಟರ್ಸ್​​​ ಪ್ರಮುಖರು.! ಐಪಿಎಲ್​​​​ ಇತಿಹಾಸದಲ್ಲಿ ಹೊಸ ಚರಿತ್ರೆ ಬರೆದವರು. ಅಭಿಮಾನಿಗಳ ಹೃದಯ ಗೆದ್ದವರು. ಚಿರಕಾಲ ತಮ್ಮ ಬ್ಯಾಟಿಂಗ್​ ಅನ್ನು ಸ್ಮರಿಸುವಂತೆ ಮಾಡಿದ ದಿಗ್ಗಜರು. ಆರ್​​ಸಿಬಿ ಪರ ಎಂದೆಂದಿಗೂ ಇವರ ಬ್ಯಾಟಿಂಗ್​ ವೈಭವ ಜೀವಂತ.!